Сот сарапшысы біліктілігін беру. 6 страница
2. Ерікті түрде сот сараптамасына тартылған адам үшін көрсетілген мерзімді ұзартуды оның келісімімен, сот сараптамасын тағайындаған орган (адам) сот сараптамасы органы басшысының не сот сараптамасы органының қызметкерi болып табылмайтын сот сарапшысының (сот сарапшыларының) дәлелдi өтiнiшхаты бойынша жүзеге асырады.
3. Сот сараптамасын жүргiзу үшiн медициналық ұйымға мәжбүрлеп орналастырылған адамдардың онда болу мерзiмiн ұзарту Қазақстан Республикасының заңдарында белгiленген тәртiппен жүзеге асырылады.
4. Сот сараптамасын жүргiзу үшiн медициналық ұйымға мәжбүрлеп орналастырылған адамның онда болу мерзiмiнiң, сондай-ақ осы мерзiмдi ұзарту тәртiбiнiң бұзылуына аталған адам, оның қорғаушысы, заңды өкiлi немесе iске қатысуға жiберiлген өзге де өкiлдер Қазақстан Республикасының заңдарында көзделген тәртiппен шағым жасауы мүмкiн.
38-бап. Сот сараптамасы жүргізілетін адамдардың құқықтары мен заңды мүдделерінің кепілдігі
1. Тірі адамдарға сот сараптамасын жүргізу кезінде:
1) іс бойынша мәліметтер алу мақсатында олардың заңмен кепілдік берілген құқықтарынан айыруға немесе оларға қысым жасауға (оның ішінде алдау, күш қолдану, қорқыту және өзге де заңсыз шаралар арқылы);
|
|
|
2) аталған адамдарды медициналық технологияларды, фармакологиялық және дәрілік заттарды клиникалық зерттеулердің субъектілері ретінде пайдалануға;
3) хирургиялық араласуды көздейтін зерттеулердің әдістерін қолдануға тыйым салынады.
2. Сот сараптамасын тағайындаған орган (адам) сот сараптамасы жүргізілетін адамды, баламалы әдістерді қоса алғанда, қолданылатын сот-сараптамалық зерттеулердің әдістері туралы, болуы мүмкін ауырсыну сезімдері мен жанама әсерлер туралы оған түсінікті түрде хабардар етуге тиіс. Аталған хабарлама сот сараптамасы жүргізілетін адамның тиісті өтінішті мәлімдеген заңды өкіліне де беріледі.
3. Сот сараптамасы жүргізілетін адамға медициналық көмек заңда көзделген негіздер бойынша және тәртіппен ғана көрсетілуі мүмкін.
4. Медициналық ұйымға орналастырылған адамға шағымдар және өтініштер жасауға мүмкіндік беріледі. Заңда көзделген тәртіппен берілген шағымдар және өтініштер жиырма төрт сағаттың ішінде жолданым иесіне жіберіледі және цензураға жатпайды.
|
|
|
5. Адамға қатысты ерікті түрде жүргізілетін сот сараптамасы оның кез келген сатысында аталған адамның бастамасы бойынша тоқтатылуы мүмкін.
39-бап. Күзетпен ұсталмаған адамдарға қатысты сот сараптамасын психиатриялық стационарларда жүргізудің шарттары
1. Күзетпен ұсталмаған адамдарға қатысты сот-психиатриялық сараптама психиатриялық стационарларда жүргізіледі.
2. Күзетпен ұсталмаған адамдарға психиатриялық стационарларда сот-психиатриялық сараптама жүргiзу кезеңiнде оларға Қазақстан Республикасының Қылмыстық iс жүргiзу және Азаматтық iс жүргiзу кодекстері нормаларының күшi қолданылады.
3. Аталған адамдар Қазақстан Республикасының денсаулық сақтау туралы заңнамасында белгіленген психиатриялық стационарлар пациенттерінің құқықтарын пайдаланады.
40-бап. Күзетпен ұсталған адамдарға қатысты сот сараптамасын психиатриялық стационарларда жүргізудің шарттары
1. Күзетпен ұсталған адамдарға қатысты сот-психиатриялық сараптама аталған адамдарды орналастыру үшін арнайы бөлінген психиатриялық стационарларда жүргізіледі.
|
|
|
2. Күзетпен ұсталған адамдарға сот-психиатриялық сараптаманы психиатриялық стационарларда жүргізу кезеңінде оларға Қазақстан Республикасының Қылмыстық іс жүргізу кодексі нормаларының күші қолданылады.
3. Аталған адамдар Қазақстан Республикасының денсаулық сақтау туралы заңнамасында олар үшін көзделген психиатриялық стационарлар пациенттерінің ерекшеліктерін пайдаланады.
41-бап. Тiрi адамдарға сот сараптамасын жүргiзу кезінде процеске қатысушылардың қатысуы
1. Осы баптың 2-тармағында көзделген жағдайларды қоспағанда, процеске қатысушылардың тірі адамдарға сот сараптамасын жүргізу кезінде қатысуы Қазақстан Республикасының Қылмыстық іс жүргізу және Азаматтық іс жүргізу кодекстерінде, сондай-ақ осы Заңның 26-бабындаайқындалады.
2. Сот-психиатриялық және сот психологиялық-психиатриялық сараптама жүргізу құпия жағдайда жүзеге асырылады.
|
|
|
3. Адамды жалаңаштау арқылы сот-сараптамалық зерттеулерді жүргізу кезінде тек қана сол жыныстағы адамдар қатыса алады. Осы шектеу аталған зерттеулерді жүргізуге қатысатын дәрігерлерге және басқа да медицина қызметкерлеріне қолданылмайды.
Билет
1. Сот сараптама қызметін ғылыми-әдістемелік, ақпараттық қамтамасыз ету
42-бап. Сот-сараптама қызметiн ғылыми-әдiстемелiк және оқумен қамтамасыз ету. Сот сарапшыларын кәсіптікдаярлау және олардың біліктілігін арттыру
1. Сот-сараптама қызметiн ғылыми-әдiстемелiк қамтамасыз ету, сондай-ақ сот сарапшыларын кәсiптік даярлау мен олардың бiлiктiлiгiн арттыру Қазақстан Республикасы Әдiлет министрлiгiнiң сот сараптамасы органдарына жүктеледi.
2. Сот-сараптамалық зерттеулердің әдiстемелерін әзірлеу, сынамалау және енгізу Қазақстан Республикасының Әділет министрлігі белгілеген тәртіппен жүзеге асырылады.
44-бап. Сот сараптамасы органдарының қызметiн ақпараттық қамтамасыз ету
Сот сараптамасы органының басшысы іс бойынша іс жүргізу аяқталған соң заттай дәлелдемелер болып табылатын нәрселерді практикалық, ғылыми және оқу-әдістемелік қызметте пайдалану үшін алу туралы қылмыстық процесті жүргізуші орган, сот, әкімшілік құқық бұзушылық туралы іс жүргізуінде жатқан орган (лауазымды адам) алдында өтініш жасауға құқылы.
2. Сарапшы қорытындысының құрылымы мен мазмұны.
Сарапшы қорытындысындағы тұжырым нысандары туралы мәселе арнайы қарайтын тақырып, өйткені ол сарапшы қорытындысының дәлелдемелік маңызымен тікелей байланысты.
Тұжырым сарапшылық зерттеудің іс бойынша дәлелдемелік мәнін анықтайтын оның түпкілікті мақсаты болып табылады.
Жалпы түрде тұжырымдар - қойылған сұрақтардың жауабы. Мұнда істің мән-жайы бойынша сұраққа жауап немесе сұрақты шешудің мүмкін еместігі көрсетілуі керек.
Логикалық аспектіде тұжырым — зерттеу нәтижелері бойынша жасаған сарапшының ой қорытындысы, оны ол анықтаған немесе зерттелетін объекті туралы ұсынылған алғашқы мәліметтер және тиісті білім саласының жалпы ғылыми ережелері негізінде анықтайды.
Тұжырымға /сарапшы қорытындысына/ қойылатын негізгі талаптар принциптер түрінде қалыптастырылған:
Біліктілік принципі. Бұл өзінің шешімі үшін арнаулы ғылыми білімдерді қажет етпейтін сұрақтар сарапшының алдына қойылмауы және онымен шешілмеуі керек.
Анықтылық принципі. Әр түрлі түсінік беретін әр мағынадағы тұжырымдарға жол бермеу.
Түсініктілік принципі. Дәлелдеу процесінде арнайы түсіндіруді керек етпейтін және тиісті арнаулы білімдері жоқ процеске қатысушылар үшін түсінікті тек осындай тұжырымдар пайдаланылуы мүмкін.
Сарапшының тұжырымдары әр түрлі негіздер бойынша, соның ішінде сарапшы шешетін міндеттердің деңгейіне қарай (диагностикалық, жіктеушілік, тендестірушілік, ситуалогиялық) жіктеледі.
Диагностикалық зерттеу нәтижелері бойынша объектінің табиғаты мен жай-күйі туралы тұжырым жасалады. Жіктеушілік тұжырымдар объектінің белгілі бір класқа қатыстылығын анықтауда орны бар. Теңдестірушілік зерттеулерге тұжырымдардың екі түрі тән - жеке тепе-тендік туралы (бірыңғай шығу көзі) және тектік (топтық) қатыстылық туралы. Соңғы тұжырым жеке тепе-тендікті (бірыңғай шығу көзін) анықтау мүмкін болмаған жағдайда кездеседі. Ситуалогиялық зерттеулерде жеке немесе ортақ уақиғаның механизмі туралы тұжырым жасалады.
Тұжырымдарды мазмұны бойынша бөлумен бірге, олардың логикалық нысандарын ескеріп жүргізілетін өзгелері де болады:
шығарылатын ұйғарудың расталу дәрежесі бойынша - кесімді және ықтималды. Кесімді тұжырым - ол сарапшылық зерттеулердің нәтижелері толығымен расталуы. Ал ықтималды тұжырым ішінара негізделеді. Ол әдетте сарапшымен анықталатын фактінің жоғары дәрежедегі ықтималдық кезінде шығарылады;
анықталатын фактіге қатысты - оң (расталған) және расталмаған. Расталмаған тұжырым анықталатын фактінің болмауын, ал он тұжырым оның болуын атап көрсетеді;
зат пен белгі арасындағы байланысты пайымдаудағы көрінген сипаты бойынша — фактілердің мүмкіндігі туралы, шынайылығы, фактілердің қажеттілігі туралы және міндеттілігі туралы. Фактілердің мүмкіндігі туралы тұжырымда белгілі бір жағдайларда қандай да бір уақиғаның мүмкіндігі атап көрсетіледі; шынайылық туралы тұжырымда фактілердің (объектілердің) шынайы өмір сүруі туралы сөз болады; фактілердің қажеттілігі туралы тұжырымда сарапшыға тапсырылған жағдайларда уақиға міндетті түрде болуы керектігі айтылады; міндеттілік туралы тұжырымда белгілі бір ситуацияда қай мінез-құлық қолайлы болуы анықталады;
тергеу мен оның негіздері арасындағы қатынастардың сипаты бойынша - шартты және шартсыз. Шартты тұжырымда оның шынайылығы қандай да бір шарттарға байланысты болады, ал шартсызда - шарты болмайды.
логикалық одақтар және олардың типтерінің болуы (болмауы) бойынша - біржақты және баламалы. Баламалы тұжырым сарапшының жалғыз бір шешімге келе алмауы және зерттеудің қорытындысында бірнеше нұсқалар болғанда жасалады. Мұндай тұжырымдарда барлық мүмкін нұсқаларды санамалау талап етіледі және олар бірін-бірін жоққа шығаратын және бір деңгейлікте болуы керек.
Сарапшының қорытындысы — іс жургізу құжаты, онда жүргізілген зерттеудің нәтижелері баяндалады, қойылған сұрақтардың біреуіне болса да жауап өз мәнісі бойынша беріледі немесе тұжырымның біреуі болса да сарапшының бастамасы бойынша жасалады. Сарапшы (сарапшылар) өз атынан жазбаша қорытынды жасап, оны өз қолын қоюы және жеке мөрі арқылы растап, сараптама тағайындаған органға жібереді. Сараптаманы сот сараптамасы органы жүргізген жағдайда сарапшының (сарапшылардың) қолы аталған органның мөрімен расталады.
Заң (ҚІЖК-нің 251-бабы) кұрылымын анықтамай-ақ сарапшы қорытындысы мазмұнының негізгі элементтерін белгілейді. Алайда, сарапшылық практикада мұндай құрылым жасалған және ведомстволық нормативтік кұкыктық актілерде көрініс тапқан. Соңғыларға сәйкес, сарапшының қорытындысы үш бөлімнен тұрады, олар: кіріспе, зерттеу және тұжырым.
Сарапшы қорытындысының кіріспе бөлімінде мыналар көрсетілуі тиіс: сараптама атауы, оның нөмірі, материалдар келіп түскен және қорытынды жасалған күні; сараптама тағайындаған адам; сараптама жүргізудің негізі (қаулыны кім, қашан және кай іс бойынша шығарды); зертеу объектілерінің тізбесі; жеткізу тәсілі, зерттеуге түскен объектілер орамасының түрі; сараптама жүргізу кезінде қатысқан адамдар туралы мәліметтер (тегі, аты, әкесіні аты, іс жүргізу жағдайы); сарапшының алдына қойылған мәселелер; сарапшының бастамасы бойынша қойылған мәселелер; сарапшы (сарапшылар) туралы мәліметтер - тегі, аты, әкесінің аты, білімі, мамандығы, мамандық бойынша жұмыс өтілі, ғылыми дәрежесі мен ғылыми атағы, лауазымы; көрінеу жалған қорытынды бергені үшін қылмыстық жауаптылығы туралы өзіне ескертілгені туралы сарапшының қол қоюымен куәландырылған белгі.
Осында оған қосымша материалдар ұсыну туралы сарапшының берген өтініші туралы, қорытынды беру үшін елеулі мәні бар іс мән-жайлары туралы, жүргізілетін сараптама түрі туралы ақпараттар болуға тиіс.
Зерттеу бөлімінде сараптама объектілерінің жай-күйі; қабылданған зерттеу сұлбасы; пайдаланылған зерттеу әдістері мен оларды қолданудың техникалық шарттары туралы; сарапшы жүргізген эксперимент нәтижелері туралы; сарапшының қатысқан тергеу әрекеттері және егер зерттеу үшін маңызы болса, олардың нәтижелері туралы; зерттеу барысында пайдаланылған нормативтік кұқықтық актілер мен анықтамалық әдебиеттер туралы; жүргізілген зерттеудің нәтижелерін сарапшылық бағалау туралы мәліметтер көрсетіледі.
Зерттеу әдістемесі оны сарапшының толық қолдануы туралы айтуға және қажет болғанда, зерттеуді қайта жаңғырту арқылы тұжырымдардың дұрыстығын тексеруге болатындай сипатталады.
Әрбір сұраққа зерттеу бөлімінің белгілі бір тарауы сәйкес келуі керек.
Сараптама актісінің зерттеу бөлімінде бейнелеу материалдары — қосымшада болатын фототүсірілімдер, сұлбалар, сызбалар, регистрограммалар, контактограммалар қоса беріледі. Бұл материалдар көрнекілікті қамтамасыз етіп, сарапшылар тұжырымдарының сенімділігін арттыруға бағытталады.
Қорытындыға мына бейнелеулер қоса беріледі:
олардың кейінде өзгеруі кезінде ерекше мәні бар зерттеу объектілерінің жалпы (алғашкы) көрінісінің түсірілімі;
анықталған белгілері көрсетілген объектілердің жеке бөліктерінің түсірілімі;
олардың бақылау түсірілімдері, өйткені үстінен басып жазу және шартты белгілер анықталған бөлшектерді қабылдап түйсінуде қиындық тудырады.
Әрбір түсірілім мәтіндегі егжей-тегжейлі түсіндірме жазбалармен қамтылуы керек. Бейнелеулер сарапшының (сарапшылардың) қолымен және сот сараптамасы органының мөрімен куәландырылады.
Синтездеу бөлімінде алынған нәтижелердің жалпы жиынтық бағасы мен сарапшы тұжырымдарының ғылыми негіздемесі келтіріледі.
Тұжырымда қойылған сұрақтарға сарапшының жауаптары баяндалады. Әрбір сұраққа өз мәні бойынша тұжырым беріледі немесе себептерін көрсете отырып оны шешудің мүмкін еместігі көрсетіледі.
Сарапшының бастамашылық көрсетуі кезінде тиісті тқжырымдар қылмыстық процесті жүргізуші органның (адамның) сұрақтарының тұжырым-жауаптары соңынан беріледі.
Егер қорытынды берудің мүмкін еместігін растайтын мән- жайлар зерттеу барысында анықталса, онда сарапшының қорытындысы барлық сұрақтарға немесе қойылған сұрақтардың кейбіреуіне жауап берудің мүмкін еместігі негізінде болуы керек. Сонымен бірге жүргізілген зерттеулердің расталмаған нәтижелері бойынша жасалатын сұрақты өз мәні бойынша шешудің мүмкін еместігі туралы тұжырымды қорытынды берудің мүмкін еместігі туралы хабарламадан айыра білу керек.
Кешенді сараптама нәтижелері бойынша қорытындының кіріспе бөлімінде оның кешенді сипаты, өткізілу және әрбір сарапшының орындаған зерттеуінің орны көрсетіледі. Кешенді сараптаманы жүргізу нәтижелері бойынша қорытындыда әрбір сарапшының қандай зерттеу жүргізгендігі және оның қандай тұжырымға келгендігі көрсетіледі. Әрбір сарапшы қорытындының осы зерттеулер мазмұндалған бөлігіне қол қояды.
Дата добавления: 2018-05-12; просмотров: 252; Мы поможем в написании вашей работы! |
Мы поможем в написании ваших работ!