Пытанні для самастойнай працы па тэме
1. Па якіх каналах адбываецца фінансаванне праэкт нага каштарысу ?
2. Якія існуюць дадатковыя шляхі фінансавання свята ?
3. Апішыце аб”ём работ штаба свята ў час яго падрыхтоўкі і правядзення.
4. Раскрыйце графік нарад аргкамітэта ?
5. Якім чынам здзяйсняецца работа штаба свята ў час яго правядзення ?
Літаратура
Гуд П.А. Тэхналогія стварэння свята. – Мн., 2004. – с.45 – 60.
ТЭМА VII. “ СТВАРЭННЕ ПЕРАДСВЯТОЧНАЙ
АТМАСФЕРЫ”.
Пытанні.
1. Агульныя патрабаванні да стварэння перадсвяточнай атмасферы.
2. Інфармацыйныя мерапрыемствы.
3. Агульнаарганізацыйныя мерапрыемствы.
4. Вытворча-конкурсныя мерапрыемствы
5. Мерапрыемствы мастацкай і мастацка-конкурснай накіраванасці.
Мэта: Выяўленне спосабаў падрыхтоўкі жыхароў да актыўнаа ўдзелу ў свяце.
Тэкст лекцыі.
1.1. Падрыхтоўка жыхароў горада i вёскi да актыўнага ўдзелу ў святочных дзеяннях — адзiн з адказнейшых этапаў работы аргкамiтэта.
У мэтах стварэння перадсвяточнай атмасферы, актывiзацыi шырокiх колаў насельнiцтва аргкамiтэт распрацоўвае шэраг мерапрыемстваў, у вынiку якiх людзям розных узроставых i сацыяльных катэгорый даецца магчымасць для дэманстрацыi свайго майстэрства ў разнастайных галiнах матэрыяльнага i духоўнага быту. Безумоўна, што арганiзацыя кожнага свята патрабуе распрацоўкi спецыфiчных мерапрыемстваў, якія ствараюць перадсвяточную атмасферу, але ва ўсiх выпадках гэты аспект свята мае агульныя асноўныя напрамкi. Умоўна ўсе падрыхтоўчыя дзеi можна падзялiць на мерапрыемствы iнфармацыйнага, агульнаарганiзацыйнага, вытворча-конкурснага, а таксама мастацкага i мастацка-конкурснага характару.
|
|
|
Мы прапануем прасачыць працэс стварэння перадсвяточнай атмасферы на прыкладзе свята 500-годдзя г.Жлобiна Гомельскай вобласці. Многiя з падрыхтоўчых мерапрыемстваў, запланаваных аргкамiтэтам гэтага горада, могуць увайсцi i ў iншыя святы, незалежна ад iх тэматычнай i жанравай накiраванасцi.
1.2. Інфармацыйныя мерапрыемствы
1. У газетах “Новы дзень”, “Металург”, “Футравiк” увесцi рубрыку “Насустрач 500-годдзю г.Жлобiна”. Сiстэматычна друкаваць матэрыялы аб гiсторыi горада, яго дасягненнях, перспектывах развіцця.
2. Выпусцiць святочныя нумары газет “Новы дзень”, “Металург”, “Футравiк”.
3. Выдаць буклет аб г.Жлобiне.
4. Падрыхтаваць:
— выпуск юбiлейных сувенiрных медалёў, прысвечаных 500-годдзю г.Жлобiна;
— выпуск юбiлейных узнагародных значкоў, прысвечаных 500-годдзю горада;
— цыкл лекцый “Жлобiну—500” i арганiзаваць iх правя- дзенне.
5. Вырабiць:
— вымпелы, канверты i блакноты з эмблемай г.Жлобiна;
|
|
|
— каляндар, прысвечаны 500-годдзю г.Жлобiна;
— сiмволiку свята на транспарт агульнагарадскога прызначэння (аўтобусы, таксi, дызельныя паязды, гандлёвыя пункты, кінатэатры, ДК і інш.
— полiэтыленавыя пакеты з юбiлейнай сiмволiкай;
— юбiлейныя этыкеткi для тавараў, якiя выпускаюць на прадпрыемствах г.Жлобiна.
6. Выдаць:
— серыю паштовак аб г.Жлобiне;
— буклеты аб прадпрыемствах горада.
7. Выпусцiць марку, прысвечаную 500-годдзю г.Жлобiна.
8. Надрукаваць:
— запрашэнне на свята 500-годдзя г.Жлобiна;
— праграму свята, запрашэнне-пропуск;
— афiшу свята;
— арганiзаваць пастаяннадзеючыя перасоўныя фотавыстаўкi, прысвечаныя г.Жлобiну.
1.3. Агульнаарганiзацыйныя мерапрыемствы
1. Правесцi:
— аднаўленне i рэстаўрацыю фасадаў будынкаў;
— агульнагарадскi суботнік, заробленыя сродкі ад якога пойдуць у фонд свята.
2. Адкрыць спецрахунак у банку для арганiзацыi i правя- дзення свята 500-годдзя г.Жлобiна.
3. Арганiзаваць i правесцi агульнагарадскую латарэю да 500-годдзя горада з папярэднiм продажам латарэйных бiлетаў.
4. Распрацаваць планы-заданні калектывам прадпрыем- стваў і ўстаноў горада па мастацка-дэкаратыўным афармленні.
5. Устанавiць памятны знак у гонар 500-годдзя горада.
|
|
|
6. Устанавiць мемарыяльную дошку на адным з будынкаў горада ў гонар 500-годдзя.
7. Закласцi парк.
8. Прысвоiць адной з вулiц горада, арганiзацыi, парку, плошчы iмя 500-годдзя горада.
9. Правесцi анкету з насельнiцтвам па назве мiкрараёна горада праз газету “Новы дзень”. Прысвоiць назвы мiкрараёнам.
10. Расправаць маршруты экскурсiй по гораду i раёну ў сувязi з 500-годдзем горада.
11. Напісаць гiсторыка-эканамiчны нарыс аб горадзе.
12. Стварыць летапiс горада.
13. Стварыць гарадскi краязнаўчы музей.
14. Адкрыць музей баявой i працоўнай славы ў лакаматыўным дэпо.
15. Вырабiць юбiлейныя граматы i вымпелы для ўзнагароджвання калектываў i жыхароў горада ў сувязi з 500-годдзем горада.
16. Распрацаваць тэхналогiю фiрменных страў.
1.4. Вытворча-конкурсныя мерапрыемствы
1. Правесцi выстаўку дасягненняў народнай гаспадаркi г.Жлобiна.
2. Арганiзаваць конкурсы на:
— лепшую вулiцу прыватнай забудовы;
— лепшае ўтрыманне дома (прыватнага i дзяржаўнага);
— лепшую школу горада;
— лепшы дзiцячы садок;
— лепшае добраўпарадкаванне тэрыторыi i прамысловых прадпрыемстваў, арганiзацый, устаноў i ўтрыманне замацаваных за iмi тэрыторый у горадзе;
— лепшага цырульнiка;
|
|
|
— лепшага кухара;
— лепшага мадэльера.
1.5. Мерапрыемствы мастацкай i мастацка-конкурснайнакіраванасці
Правесцi ва ўстановах культуры, на прадпрыемствах, у школах, ГПТВ, дзiцячых дашкольных установах святочныя вечары, арганізаваць выстаўкі па прапагандзе дасягненняў г.Жлобiна, працоўнага i баявога мiнулага.
Арганiзаваць конкурс самадзейных паэтаў i кампазiтараў па стварэннi песнi, вершаў аб горадзе.
Акрамя гэтага, план па падрыхтоўцы свята прадугледжваў наступнае.
1. Архiтэктурна-мастацкае афармленне горада.
2. Стварыць дакументальны i вiдэафiльмы аб Жлобiне, яго людзях i свяце.
3. Правесцi агляд-конкурс фотаработ, прысвечаных гораду.
4. Правесцi конкурс па стварэнні герба i эмблемы горада.
5. Арганiзаваць выстаўку дзiцячага малюнка “Горад Жлобiн — вачыма дзяцей”.
6. Арганiзаваць агляд-конкурс i выставу мастакоў.
7. Правесцi агляды-конкурсы i выставы розных парод сабак, кошак, галубоў i інш.
8. Арганiзаваць выставу кветак i кветкавых пано.
9. Арганiзаваць конкурсы:
— фальклорна-музычных ансамбляў;
— гарманiстаў;
— выканаўцаў прыпевак;
— выканаўцаў беларускага гумару.
10. Правесцi ў школах конкурс сачыненняў “Майму гораду — 500 гадоў”.
11. Арганiзаваць конкурс на лепшыя верш i апавяданне аб горадзе.
12. Правесці на прадпрыемствах, арганiзацыях, у школах, ГПТВ, установах горада конкурс на лепшы карнавальны касцюм i абарону яго.
Кароткія вывады.
Стварэнне перадсвяточнай атмасферы дае магчымасць прадстаўнікам розных тыпалагічных групп насельніцтва прадэмастраваць сваё майстэрства ў розных галінах матэрыяльнага і духоўнага жыцця. У гэтых мэтах аргкамітэт свята наладжвае шэраг мерапрыемстваў інфармацыйнай, агульнаарганізацыйнай, вытворча-конкурснай, мастацкай і мастацка-конкурснай накіраванасці з адпаведным спецыфічным комплексам работ.
Такiм чынам, дакладнае выкананне ўсiх распрацаваных мерапрыемстваў i пастаянны кантроль за тэрмінам iх здзяй- снення дапамогуць стварыць мэтанакiраванае рэчышча, у якiм будзе развiвацца iмправiзацыйная творчасць жыхароў мясцовасцi, дзе мае адбыцца свята. У вынiку i будзе створана перадсвяточная атмасфера, у якой людзi самых розных узрос-таў i прафесiй знойдуць прымяненне сваiм здольнасцям, адчуць радасць творчага ўзаемадзеяння з астатнiмi ўдзельнiкамi свята.
Ключавыя паняцці: перадвяточная атмасфера, інфармацыйныя мерапрыемствы, агульнаарганізацыйныя мерапрыемствы, вытворча-конкурсныя мерапрыемствы, мерапрыемствы мастацкай і мастацка-конкурснай накіраванасці.
Пытанні для самастойнай працы па тэме.
1. Дзеля чаго ствараецца перадсвяточная атмасфера ?
2. Назавіце накірункі, па якіх аркамітэт распрацоўвае працэс стварэння перадсвяточнай атмасферы.
3. Якія віды інфармацыйных мерапрыемстваў дапамагаюць стварыць перадсвяточную атмасферу ?
4. Пералічыце агульнаарганізацыйныя мерапрыемствы, якія падрыхтоўваюць жыхароў да свята ?
5. Якія вытворча-конкурсныя мерапрыемствы актывізуюць людзей на ўдзел у свяце і дэманструюць іх дасягненні ў розных галінах матэрыяльнага быту ?
6. Назавіце мастацкія і мастацка-конкурсныя мерапрыемсвы, у рэчышчы якіх будзе раскрывацца мастацка-імправізацыйная творчасць людзей у час падрыхтоўкі і правядзення свята.
Літаратура.
1. Гуд П.А. Тэхналогія стварэння свята. – Мн., 2004. – с. 61 – 65.
Дата добавления: 2018-04-04; просмотров: 234; Мы поможем в написании вашей работы! |
Мы поможем в написании ваших работ!