Прости нас, Милосердный Господи
34. Господи, помилуй нас за искажения Тайнинского Чина Всенародного покаяния, некоторыми лжепастырями и противниками спасения русского народа.
Прости нас, Милосердный Господи!
Господи Милосердный, прими покаянную молитву нашу за весь народ русский, за прежде отшедших отцов, матерей, дедов и прадедов, братий и сестер и всех усопших сродников наших, ныне почивших, не осознавших при жизни и не успевших принести покаяние во гресех во дни жизни своей. Не остави, Господи, до конца землю Русскую! Воззри на слезы и сокрушение сердец наших! Внемли молению нашему, и молитвами Святых Царственных Великомучеников и всех Новомучеников и Исповедников в земли Российстей просиявших, яви нам великую Твою милость!
Господи, мы каемся в содеянных нами грехах – изведи из темницы греховныя Душу русского народа и спаси нас!
Господи Вышний, Долготерпеливый и Милосердный! Подай нам разум ко спасению и силу на покаяние и возстание из глубины падения нашего, на возрождение святой веры Православной и благочестия народа русского! Да обратимся и придем в себя, и возопим о прощении грехов наших и всего народа нашего! Изведи из темницы греховныя соборную Душу русского народа и спаси нас! Но, Ты, Господи, как море благости, изсуши пагубное море грехов наших и, как бездна милосердия, потопи бездну грехов наших. Не воздай нам по достоинству соделанного нами, и не осуди в геенский пламень, ибо невыносим гнев Твой, Господи, и кто стерпит угрозы твоей? Услыши Господи, молитву раб Твоих, по ходатайству всех святых! Аминь. (Текст молитвы составлен на основе молитвенных воздыханий прп. Ефрема Сирина.)
|
|
ТРИ МОЛИТВЫ
Езекиины слезы, Манассиино и Ниневитян покаяние и Давидово исповедание приемый и скоро тех помиловавый, услыши. Многомилостиве, моление рабов Твоих о своих согрешениях и о согрешениях народа Русского, слезы проливающих и (покаянные вопли их вменив яко покаяние) всего народа нашего, пощади, пощади, Господи, Отечество наше русскую землю и весь народ наш человеколюбно и скоро помилуй.
Якоже древле Евреи в Вавилоне, тако и мы, обесивше безмолвные органы, рыдаем о разорении Сионов наших, паче же о разорении храма Души народа нашего, о его развращении, озлоблении, падении. Но, о Милостивее, без Твоей помощи мы и помыслить что доброе не можем. Тем же Ты Сам подвиги всех Русских людей, и архипастырей и пастырей, и монахов и мирян, и во власти сущих и подвластных, и мужей и жен, и старцев и юных, припасть к Тебе с покаянными слезами и положить начало исправления, и тако пощади, пощади, Господи, Отечество наше Русскую землю и весь народ наш человеколюбно и скоро помилуй.
|
|
Не точию Петра, отвержение свое горько оплакавшаго, на степени верховнаго апостола, возставивый и разбойника, мал глас испустившаго, во едином часе рая сподобивый, но и о распинателях Твоих моливыйся, и Павла гонителя и хульника к Себе призвавый и сосудом избранным Твоим соделавый, помилуй, Человеколюбче, всех Русских людей, не точию кающихся о своих согрешениях, но и сих, иже о покаянии не помышляют, иже враждуют на Тя и в злобе своей утверждаются, призови и их всех к Себе, и тако пощади, пощади, Господи, Отечество наше Русскую землю и весь народ наш, и добрых и злых, сих в добре укрепив, оных от зла к добру обратив, человеколюбно и скоро помилуй. (Эти три молитвы взяты из текста «Последования молебнаго пения об Отечестве», составленного Епископом Афанасием (Сахаровым) в августе 1941 года.)
МОЛИТВА
Божественным и Преславным Святым Именем Господа и Бога и Спаса нашего Иисуса Христа да обратятся вся козни и вся злоба и лукавство богоборцев христоненавистников и изменников святыя веры Православныя и Отечества нашего Российскаго на главу их, и да падут в яму юже изрыли. И да пребудет клятва на них, якоже глаголет святой апостол Павел Духом Святым: «Аще кто не любит Господа Иисуса Христа, да будет проклят, маран-афа» (Кор. 16, 22). И паки глаголет нам апостол святой: «Темже изыдите от среды их, и отлучитеся, глаголет Господь, и нечистоте не прикасайтеся, и Аз приму вы. И буду вам во Отца, и вы будете Мне в сыны и дщери, глаголет Господь Вседержитель. Сицева убо имуще обетования, о возлюбленнии, очистим себе от всякия скверны плоти и духа, творяще святыню в страсе Божии» (2 Кор. 6, 17 – 18. 7, 1).
|
|
МОЛИТВА ПО СОГЛАШЕНИЮ
Господи Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще два от вас совещаета на земли о всякой вещи, ея же аще просита, будет има от Отца Моего, Иже на небесех: идеже бо два и трие собрании во Имя Мое, ту есмь посреде их». Непреложны словеса Твоя, Господи, милосердии Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имярек), согласившимся просить Тя о исполнении нашего прошения: «О еже даровати нам благодати твердой и несумненной веры, любви нелицемерной и мудрости духовной, и дерзновенно исповедати Тя, и постояти за Имя Твое Святое и святую веру Православную, и не приятии нам, и чадам нашим, и сродникам нашим печати антихриста, и даровати нам на последние времена милостию Твоею Царя Православного и самодержавное царство, яко щит и ограждение Церкви Твоей Святой и народа Твоего». Но обаче не якоже мы хотим, но якоже Ты. Да будет во веки воля Твоя. Аминь.
|
|
Сразу же после оглашения покаяния, архиерей или священник читает над коленопреклоненным народом, над всеми прихожанами, включая и детей следующие две разрешительные молитвы из Большого Требника (см.: Большой Требник, М., Синодальная типография, 1884 г., л. 160). (Миряне эти молитвы не читают, и если на Покаянном Чине не было священника, то можно ограничиться обычной разрешительной молитвой от священника на ближайшей исповеди в своем приходском храме.)
МОЛИТВА 1-я,
от иерея о сущих в запрещениих
и себе клятвою связующих
Владыко Господи Боже наш, Единородный Сыне и Слово Отчее, иже всяк соуз грех наших Твоею страстию растерзавый, иже дунувый на лица Твоим апостолом, и рек им: Примите Духа Святаго, и иже аще оставите грехи, оставятся им, и иже аще держите, удержатся. Ты сам, Владыко, святыми Твоими апостолы даровал еси по времени священнодействующим, во Святей Твоей Церкви на земли оставляти грехи, и вязати и решити всякий соуз неправды: молимся убо и ныне о братиях и сестрах наших (имярек), предстоящих пред Тобою, подаждь им Твою милость, растерзай их соузы греховныя, аще что в неведении, или небрежении глаголали, или от малодушия соделали, ведый человеческую немощь, яко Человеколюбец и Благ Владыка, вся вольныя и невольныя грехи прости им, яко Ты еси милуяй окованныя, возставляяй низверженныя, надеждо ненадеющихся, упокоение падших, и рабов Твоих сих свободи от соуз греховных. Яко прославися Твое Всесвятое Имя, со Безначальным Твоим Отцем, и Святым Духом, ныне и присно и во веки веков. Аминь.
МОЛИТВА 2-я,
от иерея над разрешаемым от запрещения
Благоутробне Господи, Блажен и Человеколюбче! Иже Твоих ради щедрот ниспославый Единороднаго Твоего Сына в мир, да расторгнет еже на ны рукописание согрешений, и разрешит узы, иже от греха связуемых, и проповесть пленным оставлении; Ты, Владыко, и рабов Твоих сих (имярек) Твоею благостию свободи належащих им уз и даруй всем нам безгрешно на всяко время и место приступати ко Твоему величеству со дерзновением, и чистою совестию просити, еже от Тебе богатыя милости. Яко милостив и человеколюбец Бог еси, и Тебе славу возсылаем Отцу и Сыну и Святому Духу, ныне и присно и во веки веков. Аминь.
Отпуст. Достойно есть.
Надеемся, что многие из священнослужителей и мирян нашей Святой Православной Церкви сочтут необходимым совершить подобный же чин Соборного покаяния. Приведенный выше текст мог бы стать основой для поистине Всенародного покаяния во всех храмах и монастырях России.
Дата добавления: 2018-02-28; просмотров: 468; Мы поможем в написании вашей работы! |
Мы поможем в написании ваших работ!