Аванесов В.С. Теоретические основы разработки заданий в тестовой форме. М.:Мос.текст.акад. им.Косыгиан, 1996. -95 с. 1 страница
БАЙЗАК У., БАЙЗАКОВА Б.
МЕДБИОФИЗИКА
лекциялар жинағы
Оқу құралы 5В130100 –«Жалпы медицина» және 5В130200 –«Стоматология» мамандығы бойынша білім алатын жоғары медициналық оқу орны студенттеріне арналған.
ТҮРКІСТАН - 2015
ӘОЖ 557.3:61(075.8)
ББК 28.071я73
Б 17
Пікір жазғандар: Тұрмамбеков Т.А. Қ.А.Ясауи атындағы Халықаралық
Қазақ-Түрік университетінің физика кафедрасының
меңгерушісі, физ-мат.ғыл.докт, проф.
Құдабаев Қ.Ж. Оңтүстік Қазақстан мемлекеттік
фармацевтика академиясының медбиофизика,
информатика және математика кафедрасының
меңгерушісі, физ-мат.ғыл.канд, доцент.
Байзак У., Байзакова Б.
Б 17Медициналық биологиялық физика. Лекциялар жинағы. Оқу құралы. Түркістан, ХҚТУ, «Тұран баспаханасы». 2015.- 152 б.
ISBN 978- 601-243-633-4
Оқу құралы 5В130100 –«Жалпы медицина» және 5В130200 –«Стоматология» мамандығы бойынша бекітілген медбиофизика пәнінің типтік бағдарламасы негізінде жазылған. Барлық лекциялар медицинадағы соңғы ғылыми техникалық жаңалықтармен толықтырылылған. Тақырыптың соңында студенттің өз білімін тексеруіне мүмкіндік қарастырылған, яғни тақырып бойынша тест сұрақтары берілген. Тест сұрақтары жаңа технология бойынша құрастырылған, оны дайындаудың жолы оқулықтың соңында берілген.
|
|
|
Оқу құралы медициналық және биологиялық мамандықта білім алатын жоғары оқу орны студенттеріне арналған. Cонымен қатар медициналық колледж оқушылырына да қолдануына болады.
Ахмет Ясауи атындағы халықаралық қазақ-түрік университеті Сенатының 26 желтоқсан 2014 жылғы № 3 шешімімен басып шығаруға рұқсат берілді.
ISBN 978- 601-243-633-4 © У.Байзак, Б.Байзакова 2015
© Тұран баспаханасы 2015
ӘОЖ 557.3:61(075.8)
ББК 28.071 я 73
МАЗМҰНЫ
| 1. | 1 дәріс. Биологиялық мембранының құрылысы және оның қызметі. Жасанды биологиялық мембрана................................ | 5 |
| Биологиялық мембрана тақырыбы бойынша студенттің өзі өзі тексеруіне арналған тест сұрақтары......................................... | 20 | |
| 2. | 2 дәріс.Биомембрана арқылы зат тасымалдау......................... | 23 |
| Биомембрана арқылы зат тасымалдау тақырыбы бойынша студенттің өзі өзі тексеруіне арналған тест сұрақтары............. | 32 | |
| 3. | 3 дәріс. Биоэлектрлік потенциал............................................... | 35 |
| Биоэлектрлік потенциал тақырыбы бойынша студенттің өзі өзі тексеруіне арналған тест сұрақтары.......................................... | 42 | |
| 4. | 4 дәріс. Кардиомиоците әрекет потенциалының пайда болу механизмі..................................................................................... | 45 |
| Кардиомиоците әрекет потенциалының пайда болу механизмі тақырыбы бойынша студенттің өзі өзі тексеруіне арналған тест сұрақтары........................................................ | 53 | |
| 5. | 5 дәріс. Реология. Қанның тамыр бойымен ағу ерекшеліктері, қан қысымы, оны өлшеу............................................................. | 56 |
| Реология тақырыбы бойынша студенттің өзі өзі тексеруіне арналған тест сұрақтары................................................................ | 65 | |
| 6. | 6 дәріс. Жарықтың заттармен әрекеті. Люминесцения. Фотобиологиялық процестер…………………………………… | 68 |
| Жарықтың заттармен әрекеті тақырыбы бойынша студенттің өзі өзі тексеруіне арналған тест сұрақтары.......................................... | 75 | |
| 7. | 7 дәріс. Электрлік факторлардың ағзаға әсері және оларды медициналық құралдарда қолдану............................................ | 78 |
| Электрлік факторлардың ағзаға әсері тақырыбы бойынша студенттің өзі өзі тексеруіне арналған тест сұрақтары.................. | 88 | |
| 8. | 8 дәріс. Медициналық техниканы жіктеу (классификациялау)... | 91 |
| 9. | 9 дәріс. Радиоактивтілік. Доза негіздері. Радионуклидтерді медицинада қолдану..................................................................... | 97 |
| Радиоактивтілік. Доза негіздері тақырыбы бойынша студенттің өзі өзі тексеруіне арналған тест сұрақтары.............. | 103 | |
| 10. | 10 дәріс. Көру биофизикасы................................................... | 109 |
| Көру биофизикасы тақырыбы бойынша студенттің өзі өзі тексеруіне арналған тест сұрақтары.............................................. | 119 | |
| 11. | 11 дәріс. Тыныс алу биофизикасы............................................. | 121 |
| Тыныс алу биофизикасы тақырыбы бойынша студенттің өзі өзі тексеруіне арналған тест сұрақтары.......................................... | 123 | |
| 12. | 12дәріс. Ультрадыбысты медицинада қолдану. ультрадыбыстық зерттеу құралы «Алока-630»...................................................... | 124 |
| Ультрадыбысты медицинада қолдану тақырыбы бойынша студенттің өзі өзі тексеруіне арналған тест сұрақтары.............. | 133 | |
| 13. | 13 дәріс. Электрлік емес шамаларды өлшеу. Датчиктер…….. | 137 |
| Электрлік емес шамаларды өлшеу тақырыбы бойынша студенттің өзі өзі тексеруіне арналған тест сұрақтары…………. | 139 | |
| 14. | Тест жасаудың жаңа технологиясы............................................ | 142 |
| 15 | Қолданылған әдебиеттер тізімі.................................................... | 149 |
|
|
|
|
|
|
|
|
|
1 дәріс. БИОЛОГИЯЛЫҚ МЕМБРАНЫНЫҢ ҚҰРЫЛЫСЫ ЖӘНЕ ОНЫҢ ҚЫЗМЕТІ. ЖАСАНДЫ БИОЛОГИЯЛЫҚ МЕМБРАНА.
Лекция жоспары
1. Биологиялық физика пәні және оның басқа ғылымдармен байланысы.
2. Биологиялық мембрананың (БМ) қызметі.
3. Мембрананың құрылысы.
4. БМ липидтер мен ақуыздардың түрлері.
5. БМ фазалық ауысу.
6. Жасанды БМ.
Лекция мақсаты: биологиялық физика ғылымының зерттеу объектісін, оның басқа ғылымдармен өзара байланысын, мембрананың құрылысын, ондағы липидтердің, ақуыздардың түрлері мен қозғалу ерекшеліктерін және жасанды липосомды қарастыру.
§ 1 Биологиялық физика пәні туралы.
Бізді қоршаған материалдық дүниедегі барлық құбылыстар мен өзгерістер өзара тығыз байланыста екендігі белгілі. Соның бірі айғағы ретінде биология ғылымының биологиялық жүйелердегі құбылыстарды танып білуде дәл ғылымдардың заңдылықтары мен ондағы түсініктерді қолдану арқылы ғана одан ары дамитындығына көз жеткізді. Осындай себептерден биология және физика ғылымдарының түйісінде биофизика атты жаңа ғылыми бағыт пайда болды.
Биологиялық физика биологиялық жүйені субмолекулалық, молекулалық, жасушалық, ұлпалық, мүшелік және ағзалық деңгейлердегі дамуын физика- химиялық тұрғыдан зерттейтін ғылым. Биофизика термині алғаш рет 1892 жылы Карл Пирсонның «Ғылым грамматикасы» атты ғылыми еңбегінде «...биологиялық фактілер- морфология, эмбриология және физиология физикалық заңдылықтардың дербес бір көрінісі, сондықтан оның этиологиясы...» деп жазды. Кейін А.Фик және немістің басқа да ғалымдары бұл саланы «Медициналық физика» деп атаған.
1961 жылғы І-Дүниежүзілік биофизиктердің халықаралық конгресінде биофизика өз алдына жеке ғылым ретінде танылды. Осы конгрестің шешіміне сәйкес биофизика – молекулалық биофизика, жасуша биофизикасы, күрделі жүйелер биофизикасы деген бөлімдерден тұрады.
1.Молекулалық биофизика бөлімі- биологиялық макромолекулалар (ақуыздарды, нуклейн қышқылдарын т.б.) мен молекулалық деңгейдегі биологиялық жүйелердің құрлысы мен физикалық қасиеттерін зерттейді. Биофизиканың бұл бөлімінің пайда болуына Л.Полингтың ақуыздың кеңістіктік құрылымын мен Ф.Криктің «өмір спиралы»ДНК анықтауы үлкен себеп болды. Сонымен қатар молекулалық биофизика молекулалық деңгейде энергияның түрленуі мен миграциясын да қарастырады.
2. Жасуша биофизикасы- жасауша мен оның органелдерінің құрылымын, ондағы физика-химиялық үрдістерді, биопотенциалдың пайда болу механизмін, жасуша арқылы заттарды тасымалдауды, жасуша термодинамикасын зерттейді. Биофизиканың бұл бөлімінің дамуына Бернштейннің, А.Ходжкинның, Хакслидың және т.б. ғалымдардың қосқан үлестері орасан зор.
3. Күрделі жүйелердің биофизикасы. Биофизиканың бұл бөлімі молекулалық деңгейден бастап жасушаға дейінгі деңгейдегі биологиялық жүйедегі өз ара байланыстарды зерттеумен және оны моделдеумен айналысады.
4. Мүшелердің сезім биофизикасы. Бұл бөлім көру, есту, сезу секілді тірі биологиялық құрылымдағы құбылыстарды зерттеумен, сыртқы тітіркендіргіштердің әсерінен тірі объектінің сезу мүшелерінде, рецепторларда пайда болатын энергияның электр сигналына айналу механизмін қарстырады.
Биофизика бұл аталған бөлімдерімен қатар адам ағзасынатүрлі физиалық факторлардың –шудың, механикалық тербелістің, электр тогы мен электромагниттік өрістің, иондаушы сәулелердің және т.б. әсерлерін де зерттеумен айналысады.
Қазіпгі кезеңде биофизика жеке ғылым ретінде физиология, биология, химия, физика, математика, компьютерлік технология, нанотехнология және т.б. ғылыми бағыттардағы ғылыми жаңалықтарды қолдана отырып және солармен бірге даму үстінде, бұл өз аралық байланыс 1- суреттегі сызбада (схемада) бейнеленген.
  |
1- сурет
Әрине, бұл схемада қазіргі замаңғы ғылыми бағыттардың барлығы ескерілді деп айтуға болмас, бірақ биофизиканың негізгі жаратылыстану ғылымдарымен өз ара байланысы көрсетілді.
Медициналық биофизика медицина және фармация ғылымдарымен бірлесе отырып мынадай мәселелерді зерттеумен айналысады:
-Азға күйін диагностикалауда жаңа физикалық әдістерді қарастыру және негіздеу (электрография, хемилюминеенция, ЭПР, ЯМР, спектроскопия т.б.).
- Тірі ағзаға сыртқы ортадағы физикалық факторларының зиянды әсер ету механизімін зерттеу (механикалық діріл, салмақсыздық, радиосәулелер т.б.)
Биофизикалық зерттеулерде физикалық, физика-хиимиялық әдістер кеңінен қолданылады. Оларға:
-рентген сәулесінің дифракциялық кескіні арқылы зат құрылысын анықтауға арналған рентгендік құрылымдық талдау әдісі;
- электрон ағынын пайдаланып зат құрылысын көруді қамтамасыз ететін электрондық микроскопты қолдану;
- зертелінетін заттардың түрлі сәулелерді жұты мен шығаруына негізделген спектроскопия әдісі.
- зертелінетін заттардың радиодиапазондағы электромагниттік толқындарды таңдамалы түрде жұтуына негізделген ЭМР және ЯПР радиоспектроскопиялық әдістер
Қазіргі заманда іргелес ғылымдардың бір- бірін қолдап, сол арқылы одан ары дамуы кең түрде байқалуда, бұл ретте биофизиканы физиканың, химияның және биологияның яғни іргелес үш ғылымның жиынтығы деп қарастырған дұрыс.
§2 Биологиялық мембрана құрылысы және қызметі.
Биофизиканың міндеттерінің бірі ретінде биологиялық мембрананың құрысысын, ол арқылы зат тасымалдауды, нерв импульсының пайда болу мен оның таралуын, рецепция құбылысын және биомембрандағы энергия өзгеруін зерттеуді атауға болады.
Мембрана биофизикасы – медицина үшін ең маңызды жасуша биофизикасының негізгі бөлімі болып саналады. Адам ағзасындағы көптеген үрдістер биологиялық мембрана арқылы жүреді және іске асады. Мембранадағы үрдістердің бұзылуы-көптеген патологиялық өзгерістердің негізгі себебі болып табылады. Адам ағзасына тигізетін емдік әсерлер биологиялық мембранаға әсер ету арқылы іске асырылады. Тіршіліктің ең кіші бөлігі болып саналатын, өз бетінше өмір сүре алатын жасуша кез келеген жәндік пен өсімдік дүниесінің негігі бөлігі болып табылады.
Биологиялық мембрана мынандай қызметтер атқарады:
- Механикалық, бұл арқылы жасуша өзін қоршаған ортадан оқшауланады, оның дербес болуына және тиісті қызмет етуіне мүмкіндік береді;
- Тосқауылдық, бұл арқылы жасуша өзін қоршаған ортамен талғампаздық (селективті) түрде пассивті және активті зат тасымалдауға қол жеткізеді;
- Матрицалық, бұл арқылы биологиялық мембранада ақуыздар мен ферменттердің болуы қамтамасыз етіледі,
- Энергетикалық, бұл арқылы биолгиялық мембранада АТФ синтезделуі, биопотенциалдардың пайда болуына мүмкіндік алады.,
- Рецепторлық, мұндай қызмет арқылы мембрана басқа жасушаларды, сыртқы тітіркендіргіштердің әсерін сезуге, заттарды танып білуге мүмкіндік алады.
Мембрана жасушыларды бір- бірінен бөлумен қатар, оның ішкі бөлігі цитоплазманы өз беттерінше жеке қызмет атқара алатын бөліктерге-компартменттерге бөледі. Қазіргі кезеңде биологиялық жүйлердің қызметін сипаттауда осы компартментализация принципі үлкен қолдау табуда. Жасушаның компартментлизациялануы, ондағы биохимиялық процесстер мен түрлі реакциялардың бір бірінен оқшау жүруіне мүмкіндік береді, бұл реакциялардың бір ортада жүруі мүмкін емес. Осы принципке сәйкес, цитоплазмада - май қышқылдары синтезделсе, олардың тотығуы-митохондрияда жүреді, ал рибосомда- ақуыз синтезделсе, оның бұзылуы-лизосомда орын алады.
Дата добавления: 2019-02-13; просмотров: 245; Мы поможем в написании вашей работы! |
Мы поможем в написании ваших работ!