Глава 2. О сибирских царех и князех.
Есиповская летопись
(Основная редакция)
О Сибири и о сибирском взятии.
О Сибиръстей стране, како изволением Божиим взята бысть от рускаго полка, собраннаго и водимаго атаманом Ермаком Тимофеевым и своею храброю и предоброю дружиною и со единомысленною.
Начася царство бесерменъское в Сибири, и чего ради Сибирь наречеся, и како Божиим изволением взята бысть от православных християн, [сииречь] от рускаго воинства, в наследие росийского скипетродержательств[а], и како победиша царя Кучюма Мартазеева сына, и о мужестве и о храбрости [рускаго полка, собраннаго] и водимаго атаманом Ермаком Тимофеевым, и о поставлении градов в Сибиръстей земли и о создании церквей православных, еще же и о чюдесех Пресвятыя владычеца нашея Богородица и Приснодевы Мария, идеже содеяшася во дни и р[о]да наша, и прочих вещех, кииждо изложих по главом, да не с трудом вся обрящутся.
О царстве же Сибирьском и о княжении написахом ино с летописца т[ата]рского, ино же достоверными мужы испытовах, еже добре и некоснено поведаша ми яве.
Главы книзе сей.
Глава 1. О Сибирстей стране.
Глава 2. О сибирьских царех и князех.
Глава 3. О Сибири, чего ради Сибирь наречеся.
Глава 4. Княжение прочих сибирских князе[й].
Глава 5. О Кучюме царе.
Глава 6. О вере царя Кучюма.
Глава 7. О пришествии Ермакове и прочих в Сибирь.
Глава 8. О пришествии же Ермакове и прочих казаков в Сибирь.
Глава 9. О Карачине улусе.
|
|
|
Глава 10. О розмышлении казаков и о думе.
Глава 11. О бою под Чювашевым у засеки.
Глава 12. О побе[г]е царя Кучюма.
Глава 13. О пришествии во град атамана Ермака и прочих с ним.
Глава 14. О пришестви[и] тотар и остяков в город Сибирь к Ермаку с товарыщи.
Глава 15. О убиении казаков от тотар.
Глава 16. О послании ко государю к Москве соунчом.
Глава 17. О пришестви[и] тотарина Сенбахты и о взяти[и] царевича Маметкула.
Глава 18. О пришестви[и] князя Сейдяка из Бухар и отшествии от царя Кучюма думнаго его Карачи.
Глава 19. О взяти[и] городков и улусов.
Глава 20. О пришествии воевод и воинъских людей с Москвы в Сибирь.
Глава 21. О послании царевича Маметкула к Москве.
Глава 22. О послех от Карачи и о убиении казаков от нечестиваго Карачи.
Глава 23. О пришествии под город Сибирь тотарина Карачи и прочих тотар.
Глава 24. О убиении Ермакове и прочих с ним казаков от царя Кучюма.
Глава 25. О побеге оставших казаков после Ермакова убиения и прочих.
Глава 26. О царевиче Алее Кучюмове сыне.
Глава 27. О пришествии с Москвы воеводы Ивана Мансурова и воинских людей в Сибирь.
Глава 28. О пришествии остяков под городок.
Глава 29. О кумире остяцъком.
Глава 30. О пришествии воевод Василья Сукина да Ивана Мясново, с ними же руския многия люди.
|
|
|
Глава 31. О граде Тобольске, о создании его и о поставлении церкве, и о начальстве его, яко начальний град наречеся.
Глава 32. О взяти[и] князя Сейдяка и Салтана, царевича Казачьи орды, и царя Кучюма думнаго его Карачи, и о убиении прочих.
Глава ЗЗ. О послании князя Сейдяка, и Салътана, и Карач[и] к Москве.
Глава 34. О смерти царя Кучюма, идеже скончася.
Глава 35. Благодарение Богу.
Глава 36. О исправе летопис[и сия], имея таковыя приклады.
Глава 37. Синодик казаком, Ермаку з братиею, сииречь з [д]ружиною, и как им кликати памяти, большая и средняя памяти и меньшая.
Приложение 1. Имена казаков из синодика
Приложение 2. Статья, предшествующая Есиповской летописи
Приложение 3. Продолжение Есиповской летописи
Глава 1. О Сибирской стране.
Сия убо Сибирьская страна полунощ[ная], отстоит же от Росии царствующаго града Москвы многое разстояние, яко до двою тысяч поприщ суть. Сих же царств, Росийскаго и Сибирьские земли, облежит Камень превысочайш[ий] зело, яко дося[за]ти инем холмом до облак небесных, тако бо Божиими судьбами устроись, яко стена граду утвержена. На сем же Камени ростяху дереве различное: кедри и проччая. В них же жительство имеют зверие различнии, ови подобии на снедение человеком, ови же на украшение и на одеяние риз. Да кии же на снедение, сия суть чиста, еже есть елень, лось, заяц, а иже на одеяние и на украшение ризное, еже есть лисица, соболь, бобрь, росомака, белка и подобная сим. Много же и сладкопесневыя птицы, паче же и многоразличныя травныя цветы. Из сего же Камени реки многия изстекоша, ови поидоша к Росийскому царству, ови же в Сибирьскую землю. Дивно убо есть, како Божиими судбами реки тамо бысть: вода камень тверд разскопа, [и бысть] реки пространыя и прекрасныя зело, в них же воды сладчайш[ии] [и] рыбы различьныя множество; на исходищех же сих рек дебрь плодовитая на жатву и скотопитателная места пространна зело.
|
|
|
2. Первая река в Сибирскую землю изыде, глаголемая Тура. [По сей же реце] жителство имеют людие, рекомии вогуличи, глаголют же своим языком, покланяютъся же идолом. В сию же реку Туру паки река вниде Тагил, еще же вниде река Ница; [и совокупищася] три реки во един сонм, да еще и совокупишася, но имянуетъца Тура старейшества ради. Оттоле же иде река Тура внутрь Сибирския земли; по ней же живут тотаровя. Река же Тура вниде в реку, глаголемую Тобол; Тобол же река вниде в реку, глаголемую Иртиш. Сия же река Иртиш вниде своим устием в великую реку, глаголемую Обь. По сих же реках жителства имеют мнози языцы: тотаровя, колмыки, му[г]алы, Пегая орда и остяки, самоядь и прочая языцы. Тотар[ов]я закон Моаметов держат; колмыки же которой закон или отец своих предан[и]е [держат], не вем, понеже бо писмени о сем не обретох и ни испытати возмогох. Пегая ж орда и остяки, и самояды закона не имеют, но идолом покланяются и жертвы приносят, яко богу, волшебною же хитростию правяше домы своя всуе, понеже егда приносят дары кумиром своим , тогда же молят, яко сего ради приносит, яко подаст ему кумир он [вся многая в дому] его. Во истинну и скотом [не] уподоби[ли]ся сии людие: скот бо аще и без[с]ловесно есть, Богом не веленно ясти ему, и не яст зверя, или птицы, или траву сенну. Сии же человецы не уподобишася сим, понеже Бога, [иже] суть на небесех, не ведающе ни закона, [е]же от поведающих им слышаще, не приемълюще. Сыроядцы, зверина же и гад[ска]я мяса снедающе, скверна и кровь пияху, яко воду, от животных, и траву и корение едяху. Остяки же одежду имеют от рыб, самоядь же от еленей. Ездят остяки на псах, самоядь же на еленех. Сия же великая река Обь вниде своим устием в губу Мангазейскую. Сия же губа двема устьи вниде во акиян море прямо к северу. В сих же устьях леди искони состарешася и николи же таяще от солнца, и непроходимо место, и не знаемо чадию.
|
|
|
Глава 2. О сибирских царех и князех.
Река, глаголемая Ишим, вниде устием своим в реку Иртиш, иже прежде именовах. На сей же реце Ишиме бе царь Моаметова закону именем Он. И воста на него его же державы от простых людей имянем Чингис, и шед на него, яко разбойник, с прочими, и уби царя Она, и царство сам приемлет Чингис. Некто же от слуг царя Она соблюде от Чингисова убийства сына Она царя, ему же имя Тайбуга. По неколицех же летех уведано бысть царю Чингису про Тайбугу, яко сын есть царя Она, и приемлет ceгo, и великою честию почте его, дарует же сему княжение и власть в людex. По сем же князь Тайбуга прося у царя Чингиса отпущения: идеже хощет царь, он же да идет тамо с воин[с]твом. Царь же Чингис собрав вои[н]ство много и вооружено и отпусти его по реце Иртишу, идеже живяху чюдь. Князь же Тайбуга, шед с воинством, многия царю покори по реце Иртишу и по великой Оби живущих тамо и оттоле возвратися восвояси с радостию. Царь же Чингис, слыша от Тайбуги, яко покори [ему] многия и подруч[ны] сотвори, наипаче честь ему дарует. Паки же Тайбуга [прося] от царя Чингиса, яко да отпустит его, [и]деже хощет, тамо да пребывает. Царь же отпусти его: «Идеже,— рече,— хощеши, тамо да пребывавши». Изыде же князь Тайбуга со всем домом своим на реку Туру, и тамо созда град, и нарече его Чингиден; ныне же на сем [месте] град Тюмень. Жит же Тайбуга во граде [сем] много лет; ту и умре.
[По нем же] княжил сын его Ходжа, по сем Ходжин сын Map. [Маровы дети Адер и] Ябалак. Князь же Map женат был на сестре ка[за]нского царя Упака. [Сей же казанский царь] Упак зятя своего Мара уби и градом облада, и владе много лет. Маровы же дети Ядер и Ябалак умре своею смертью. По сем Ядеров сын Мамет казанского царя уби Упака и град свой Чингиден разруши, и отиде оттуду внутрь Сибирския земли, и постави себе град на реке Иртише, и назва его град Сибирь, сий рече началний. И живяше в нем царь лета многа и умре. И оттоле [пресечеся] царство на реце [Ишиме].
Дата добавления: 2018-05-02; просмотров: 182; Мы поможем в написании вашей работы! |
Мы поможем в написании ваших работ!