ВЕЛИКОМУЧЕНИКУ ДИМИТРIЮ СОЛУНСКОМУ
м`роточцу, гласъ III
Велика обрете въ бёдахъ/ тя поборника вселенная, страстотерпче,/ языки побёждающа,/ якоже убо Л\еву низложилъ еси гордыню,/ и на подвигъ дерзновенна сотворивъ Нестора,/ тако, святе Димитр\е,// Христу Богу молися даровати намъ вел\ю милость.
ПРЕПОДОБНОМУЧЕНИКУ ИЛIЁ МУРОМЦУ
гласъ IV:
Добродётельми иноческими блисталъ еси,/ якоже доспехами богатырскими, отче Ил\е,/ таже и любовь Христову въ полнотё въ себё носивый,/ и богомудр\емъ и кротост\ю украшенный, преподобне,/ идёже и смирен\емъ побёду сотворилъ еси на д\авола и слугъ враж\ихъ,/ и вёнцемъ мученическимъ увёнчавыйся,/ Царства Вёчнаго Живота достигнувый,/ молися о насъ Богу Спасу Христу,// спастися душамъ нашимъ.
СВЯТЫМЪ МУЧЕНИКАМЪ
ГУРIЮ, САМОНУ И АВИВУ
гласъ III
Чудеса святыхъ Твоихъ мученикъ,/ стёну необориму намъ даровавый Христе Боже,/ тёхъ молитвами совёты языковъ разори,/ царства скиптры укрёпи,// яко Единъ Благъ и Человёколюбецъ.
МУЧЕНИКАМЪ КИПРIАНУ И IУСТИНЁ
И нравомъ причастникъ/ и престоломъ намёстникъ апостоломъ бывъ,/ дёян\е обрелъ еси богодухновенне,/ въ видён\я возходъ:/ сего ради слово истины изправляя,/ и вёры ради, пострадалъ еси даже до крове./ Священномучениче Кипр\ане и мученице Iустино,/ молите Христа Бога// спастися душамъ нашимъ.
МУЧЕНИКУ IОАННУ ВОИНУ
Гласъ IV
Всеблагаго Бога и Царя/ благовёрный рабъ и воинъ явился еси, Iоанне чудодётелю,/ пострадавъ бо ради вёры мужески,/ блаженно же скончавъ течен\е,/ зриши Всетворца Господа въ Небесёхъ свётлёйше./ Отъ Негоже пр\емъ дарован\е чудесъ,/ страждущимъ человёкомъ во всякихъ напастёхъ помогаеши:/ укрёпляеши воины въ ратёхъ,/ отъ враговъ плёнен\я, ранъ же и внезапныхъ смертей/ и отъ бёдъ лютыхъ изымаеши./ Темже моли Владыку Христа, приснопамятне,/ да во всякомъ обстоян\и сотворитъ намъ милость,/ и не введетъ насъ во изкушен\я,/ но спасетъ души наша,// яко Человёколюбецъ.
|
|
|
Св. Муч. Воину ЕвгенIю
глaсъ IV:
Послёднихъ временъ мучениче,/ Воинства христолюбиваго украшен\е,/ святый мучениче Евген\е,/ Креста Христова любителю предивный,/ отъ Спаса и Бога нашего вёнецъ пр\явый,/ моли Подвигоположника Христа// да спасетъ души наша.
Св. Муч. Маринё Нижегородской
гласъ VIII:
Мученице Христова новоявленная,/заступнице изрядная Богомъ на времена послёдняя дарованная,/ стоян\я въ вёрё намъ образъ и вспоможен\е,/ антихриста и слугъ его крёпкое одолён\е и посрамлен\е,/ моли выну Христа Бога Марино,// спастися душамъ нашимъ во времена послёдняя.
Св. Оптинскимъ преподобномученикамъ
гласъ VI:
Земныя Церкви жертва Богу тричисленная,/ преподобные мученицы Оптинст\и,/ Богомудрый Васил\е, милосердный Трофиме и молитвенниче преславный Ферапонте,/ монахомъ похвало и Православ\я удобрен\е,/ съ лики Ангелъ предстоите вы, ликуя, Престолу Пресвятыя Троицы./ С\ю молите, да просвётитъ насъ радост\ю Пасхальною,// подастъ оставлен\е согрёшен\й нашихъ и вел\ю милость.
|
|
|
ПРЕПОДОБНОМУЧЕНИКУ IОСИФУ МОНРЕАЛЬСКОМУ
во иноцехъ Амврос\ю, день памяти 18.10/31.10
гласъ VIII:
Возбранный ковчеже Завёта Новаго,/ ручко и стамно благодати Духа Святаго,/ избравый единое на потребу:/ избери ны отъ м\ра прежде Суда,/ да изберемъ Небо, персть есмы зовуще:// радуйся, Амврос\е, новое вино Отца Небеснаго.
ПРП. АНТОНIЮ И ФЕОДОСIЮ ПЕЧЕРСКИМЪ
Гласъ III
Двоицу начальныхъ Росс\йскихъ свётилъ почтимъ:/ Антон\я, Богомъ посланнаго, и Феодос\я, Богомъ дарованнаго./ Т\и бо перв\и/ равноангельнымъ въ Росс\и жит\емъ прос\явше отъ горъ К\евскихъ,/ освётиша Отечеств\я нашаго вся концы,/ и путь къ Небеси правый многимъ показаша,/ и первоотцы инокомъ бывше,/ лики спасаемыхъ Богови приведоша,/ и нынё, предстояще въ вышнихъ немерцаемому Божества Свёту,// молятся о душахъ нашихъ.
Прп. Серафиму Саровскому
Гласъ IV
Отъ юности Христа возлюбилъ еси, блаженне,/ и Тому Единому работати пламенне вожделёвъ,/ непрестанною молитвою и трудомъ въ пустыни подвизался еси,/ умиленнымъ же сердцемъ любовь Христову стяжавъ,/ избранникъ возлюбленъ Бож\я Матери явился еси./ Сего ради воп\емъ ти:// спасай насъ молитвами твоими Серафиме преподобне отче нашъ.
|
|
|
ПРП.СЕРАФИМУ ВЫРИЦКОМУ
гласъ IV:
Яко велика молитвенника за землю нашу/ и утёшителя теплаго притекающихъ къ тебё,/ ублажаемъ тя, вторый русск\й отче Серафиме,/ вся бо, яже въ м\рё красная оставилъ еси,/ всемъ сердцемъ устремился еси къ чертогамъ Сладчайшаго Христа/ и въ годину лютыхъ гонен\й образъ кротости и смирен\я всёмъ былъ еси;/ не престай молитися за ны,/ да въ терпён\и обрящемъ путь покаян\я,// и съ тобою выну славимъ Пресвятую Троицу.
Прп. АфанасIю Афонскому,
гласъ III:
Еже во плоти жит\ю твоему/ удивишася Ангельст\и чини:/ како съ тёломъ къ невидимымъ сплетен\емъ/ изшёлъ еси, приснославне,/ и уязвилъ еси демонск\я полки./ Отонудуже, Афанас\е,/ Христосъ тебё воздаде богатыми дарованьми,/ сего ради, отче,// моли спастися душамъ нашимъ.
ПРП. АЛЕКСIЮ, ЧЕЛОВЁКУ БОЖIЮ
Гласъ IV
Возвысився на добродётель и умъ очистивъ,/ къ Желанному и Крайнему достиглъ еси:/ безстраст\емъ украсивъ жит\е твое,/ и пощен\е изрядное возпр\имъ совёст\ю чистою,/ въ молитвахъ яко безплотенъ пребывая,/ возс\ялъ еси яко солнце въ м\рё,// преблаженне Алекс\е.
|
|
|
Прп.ФеодосIю Кавказскому
Гласъ IV
Отъ юности Христа возлюбилъ еси, блаженне,/ Его же ради на Святый Афонъ и ко Гробу Господню удалился еси./ Тамо благодат\ю, даромъ чудесъ обогатился еси,/ и паки въ страну Росс\йскую къ людемъ своимъ возвратился еси./ Народы Кавказа въ годину гонен\й молитвами и чудесами многими во Православ\и укрёпилъ еси./ Преподобне отче Феодос\е,/ моли Христа Бога,/ да укрёпитъ Господь во Православ\и люди здё живущ\я,/ и оградитъ землю нашу миромъ,// и спасетъ всёхъ, яко Милосердъ.
Дата добавления: 2018-02-28; просмотров: 190; Мы поможем в написании вашей работы! |
Мы поможем в написании ваших работ!