МОЛИТВЫ СВЯЩЕННОМУЧЕНИКУ НИКОЛАЮ (БЕЛЬТЮКОВУ),
МОСКОВСКИЙ ПАТРИАРХАТ РПЦ
ПЕРМСКАЯ МИТРОПОЛИЯ
ПЕРМСКАЯ ЕПАРХИЯ
ПЕРМСКАЯ ДУХОВНАЯ СЕМИНАРИЯ
КРАТКИЙ МОЛИТВОСЛОВ
ПЕРМСКОЙ ДУХОВНОЙ СЕМИНАРИИ
ПО БЛАГОСЛОВЕНИЮ
МИТРОПОЛИТА ПЕРМСКОГО И КУНГУРСКОГО
МЕФОДИЯ (НЕМЦОВА)
Г. ПЕРМЬ, 2021 ГОД.
СОБОР СВЯТЫХ РЕКТОРОВ ПЕРМСКОЙ ДУХОВНОЙ СЕМИНАРИИ
24 НОЯБРЯ / 11 НОЯБРЯ (+ 1800)
ТРОПАРЬ, ГЛАС № 5:
СВЕТОЗАРНИИ НАСТАВНИЦЫ БЛАГОЧЕСТИЯ, // ДИВНИИ ПРЕДСТАТЕЛИ О НАС ПРЕД ВСЕДЕРЖИТЕЛЕМ ХРИСТОМ БОГОМ НАШИМ, // НЕРУКОТВОРИМЫИ ХРАМЫ ДУХА СВЯТАГО БОЖЬЕГО, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ, // МОЛИТЕ МИЛОСТИВАГО БОГА СПАСТИСЯ ДУШАМ НАШИМ.
КОНДАК, ГЛАС № 8:
НАСЛЕДНИЦЫ СВЕТА ФАВОРСКАГО, // СОЛОМОНОВУ ПРЕМУДРОСТЬ В НАСТАВЛЕНИЕ МЛАДЫХ ЛЕТАМИ ВОСПРИЯЛИ ЕСИ, // СОСУДЫ ИЗБРАННИИ БЛАГОДАТИ ВСЕВЫШНЯГО, // ЗВЕЗДЫ НЕГАСИМЫЯ СЛАВЫ НЕБЕСНЫЯ, // СВЯТИИ СВЯЩЕННОМУЧЕНИЦЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ,// МОЛИТЕ МИЛОСЕРДНАГО ГОСПОДА ДАРОВАТИ НАМ ОСТАВЛЕНИЕ ПРЕГРЕШЕНИЙ
И ВЕЛИЮ МИЛОСТЬ.
ИКОС, ГЛАС № 3:
ВОИНЫ ХРИСТОВЫ НЕПОБЕДИМИИ, // НАСТАВНИЦЫ ОТРОКОВ И ОТРОКОВИЦ ДОСТОХВАЛЬНИИ, // БЛИСТАНИЕ ВЕЛИЕ ПРЕДИВНОЕ ГРАДА ПЕРМСКАГО, // ДУХОВНЫЯ СЕМИНАРИИ ПЕРМСКИЯ ПРЕСЛАВНОЕ УКРАШЕНИЕ, // СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ,// МОЛИТЕ МИЛОСТИВАГО БОГА СОКРУШИТИ ОКОВЫ СИЛЫ АДОВЫ, // ВОСПРИЯТИ ПАЖИТЬ ЗАПОВЕДЕЙ БОЖИИХ, // ДАРОВАТИ НАМ СЛЕЗЫ ПОКАЯНИЯ И ВЕЛИЮ МИЛОСТЬ.
|
|
СТИХИРА, ГЛАС 1 (КОЛЕНОПРЕКЛОНЕННАЯ):
СОКРУШИТЕЛИ ВРАТ БЕСОВСКАГО ОБДЕРЖАНИЯ, // ХРАНИТЕЛИЕ БЛАГОЧЕСТИЯ ЗАКОНА БОЖИЯ, // ХЕРУВИМОВ ЛИКОВАНИЕ И ВЕРНИМ ЧАДОМ ЦАРЯ НЕБЕСНАГО ОТРАДО, // ЗАСТУПНИЦЫ И УЧИТЕЛИЕ ДЕВИЦ И ОТРОЦЕВ, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ,// МОЛИТЕ ВСЕДЕРЖИТЕЛЯ ХРИСТА БОГА НАШЕГО, // В ЗАКОНЕ ЕГО НЕУСЫПНО ХОДИТИ. НАВЫКНУВ БО СТЯЖАТИ БЛАГОДАТЬ СВЯТАГО ДУХА И ВСЕМ ЛЮДЯМ, // ЖАЖДУЩИМ СПАСЕНИЯ, ВЕЛИЮ МИЛОСТЬ.
ВЕЛИЧАНИЕ
ВЕЛИЧАЕМ ВАС, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ, // И ЧТИМ ЧЕСТНАЯ СТРАДАНИЯ ВАША, ЯЖЕ ЗА ХРИСТА ПРЕТЕРПЕЛИ ЕСТЕ.
ИНОЕ ВЕЛИЧАНИЕ
ВЕЛИЧАЕМ ВАС, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ, // И ЧТИМ СВЯТУЮ ПАМЯТЬ ВАШУ, // ОТРОКОВИЦЕМ И ОТРОЦЕМ ОТЦЫ И НАСТАВНИЦЫ ДОБРИИ, И СОБЕСЕДНИЦЫ ШЕСТОКРЫЛАТЫХ ХЕРУВИМОВ ДЕРЗНОВЕНИИ.
МОЛИТВЫ СВЯЩЕННОМУЧЕНИКАМ
АЛЕКСАНДРУ, ЛЬВУ И АЛЕКСИЮ, ПРЕСВИТЕРАМ
КРАСНОУФИМСКИМ
Тропарь, глас 4
Столпи непоборимии Божественныя церкве, / иереи прехвальнии, / службы приносяще и жертву непорочну, / Владыце Христу Богу нашему, / святии священномученики Алексие, Льве и Александре, / светильницы Красноуфимския земли, / молите от тли и бед избавити ны, / Ангелом собеседницы // и Троице поборницы.
|
|
Кондак, глас 3
Яко светильницы разумнаго солнца, / возсияли бо есте сущим во тьме, /
мужеством и мудростию пожив Господеви, / святии священномученицы Уральския земли, / правдою, молитвою и целомудрием, / созывающе всех
к высоте благочестия; / темже вопием вам: // Радуйтеся, всем
верным спасение.
Величание
Величаем вас, / святии священномученицы Алексие,
Льве и Александре, / и чтим честная страдания ваша, // яже за Христа претерпели есте.
МОЛИТВЫ СВЯЩЕННОМУЧЕНИКУ ПАВЛУ (АНОШКИНУ),
ПРЕСВИТЕРУ ПЕРМСКОМУ
И МОКИНСКОМУ
Тропарь, глас 3:
Це́ркве Ру́сския сто́лпе непоколеби́мый, / благоче́стия пра́вило, / жития́ ева́нгельского о́бразе, / священному́чениче Павле, / Христа́ ра́ди пострада́вый да́же до кро́ве, / Его́же моли́ усе́рдно, /
я́ко Нача́льника и Соверши́теля спасе́ния, / Русь Святу́ю утверди́ти
в Правосла́вии // до сконча́ния ве́ка.
|
|
Кондак, глас 2:
Восхва́лим ве́рнии, / изря́днаго во святи́телех (или свяще́нницех) / и сла́внаго
в му́ченицех Павла, / Правосла́вия побо́рника и благоче́стия ревни́теля, /
земли́ Ру́сския кра́сное прозябе́ние, / и́же страда́нием Небе́с дости́же / и та́мо те́пле мо́лит Христа́ Бо́га // спасти́ся душа́м на́шым.
Молитва
О избра́нниче и уго́дниче Христо́в, священному́чениче Павле, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго
от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит
|
|
от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шым - пра́вило ве́ры, во́ином - вождь духо́вный, боля́щим - врач изря́дный, печа́льным - уте́шитель, гони́мым - засту́пник, ю́ным - наста́вник, всем же благосе́рдый оте́ц и те́плый моли́твенник. Я́ко да моли́твами твои́ми соблюде́ся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.
Величание
Велича́ем тя, / священному́чениче Павле, / и чтим честна́я страда́ния твоя́, /
я́же за Христа́ / во утвержде́ние на Руси́ Правосла́вия // претерпе́л еси́.
МОЛИТВЫ СВЯЩЕННОМУЧЕНИКУ НИКОЛАЮ (БЕЛЬТЮКОВУ),
ПРЕСВИТЕРУ КУЛТАЕВСКОМУ
Молитва
О, священномучениче Николае, веси Култаевския иерею трудолюбнейший, земли Пермския молитвенниче усердный, чад Церкве Русския скорое услышание
и всех притекающих к мощем твоим целителю отраднейший! Приими моление наше и пение благодарственное,
храм бо тобою созданный и от бури безбожия пречудно сохраненный, имамы яко свидетельство огненныя ревности твоея о славе Божией и о спасении душ христианских. Темже молим тя, помози пастырем земли нашея Пермския воздвизати храмы новы и совершати
во имя Господа труды подвижническия, людем же в вере возрастати
и о очищении сердца попечение прилагати; и всем нам, с любовию мощем твоим покланяющимся, подаждь избавление от недугов душевных и телесных, и исполни всякое на пользу духовную прошение, да непреткновенно шествуя путем спасения, достигнем вси Небеснаго Царствия, и тамо с тобою прославим в Троице покланяемаго Бога нашего, Отца и Сына, и Святаго Духа,
ныне и присно и во веки веков. Аминь.
ТРОПАРЬ, ГЛАС 2:
Добраго жития деяния светлая / в кротости и премудрости совершив, /
венец победный мученический приял еси, иерею Николае, / веси култаевския священная похвало / и пермския земли честное украшение, /
в храме бо Предтечи, тобою созданнем, мнози обретают спасение, /
мощи же твоя, чудесно явленныя, цельбу источают // всем благодарно чтущим святую память твою.
КОНДАК, ГЛАС 5:
Святых Таин кроткий совершителю, / веры ревностный проповедниче, /
паствы добрый учителю и защитниче небоязненный, / пастырю Култаевский, священномучениче Николае, / в годину гонений многия муки и смерть
за Христа претерпевый / со иереем Александром, сподвижником твоим, / и храм дивный наследие нам оставивый / во свидетельство огненныя любве твоея
ко Господу, // Того моли даровати нам велию милость.
МОЛИТВЫ СВЯЩЕННОМУЧЕНИКУ
Дата добавления: 2022-06-11; просмотров: 26; Мы поможем в написании вашей работы! |
Мы поможем в написании ваших работ!