И ныне и присно и во веки веков. Аминь.
Полиеле́й: Ангельски́й собо́р: Сла́ва : Покая́ния Катава́сия, глас 4:Мо́ря чермну́ю пучи́ну
Хвали́тны псалмы́, глас 1:
Стихи́ры воскре́сные, глас 1:
На 8. Стих: С отвори́ти в них суд напи́сан:/ сла́ва сия́ бу́дет всем преподо́бным Его́.
Стихира: Пое́м Твою́, Христе́, спаси́тельную страсть,// и сла́вим Твое́ Воскресе́ние.
На 6. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.
Стихира: Крест претерпе́вый, и смерть упраздни́вый,/ и воскресы́й из ме́ртвых,/ умири́ на́шу жизнь, Го́споди,// я́ко еди́н Всеси́лен.
Стихи́ры Трио́ди, глас 4, подо́бен: «Дал еси́ зна́мение…»:
На 4. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.
Стихира: В Тебе́ ны́не ра́дуется Це́рковь, Человеколю́бче,/ Женисе́ и Созда́теле свое́м,/ сию́ во́лею Боголе́пною/ от и́дольския ле́сти изба́вльшем,/ и Себе́ обручи́вшем честно́ю кро́вию,/ све́тло прие́млющи свяще́нное возставле́ние ико́н,// и ра́дующися Тя пое́т, и сла́вит ве́рно.
Глас 6, самогла́сен: Сла́ва Отцу́ и Сы́ну и Свято́му Ду́ху.
Моисе́й во вре́мя воздержа́ния/ зако́н прия́т, и лю́ди привлече́;/ Илия́ пости́вся небеса́ заключи́;/ трие́ же о́троцы Авраа́мстии,/ мучи́теля беззако́ннующа поще́нием победи́ша./ И́мже и нас, Спа́се, сподо́би/ Воскресе́ние улучи́ти, си́це вопию́щих:// Святы́й Бо́же, Святы́й Кре́пкий, Святы́й Безсме́ртный, поми́луй нас.
|
|
|
По Многоле́тии:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Стихи́ра ева́нгельская девя́тая, глас 5:
Я́ко в после́дняя ле́та,/ су́щу по́зде от суббо́т,/ предста́л еси́ друго́м Христе́,/ и чудесе́м чу́до известву́еши,/ заключе́ным вхо́дом две́рным,/ е́же из ме́ртвых Твое́ воскресе́ние./ Но испо́лнил еси́ ра́дости ученики́,/ и Ду́ха Свята́го препода́л еси́ им,/ и власть по́дал еси́ оставле́ния грехо́в/ и Фомы́ не оста́вил еси́ в неве́рствия погружа́тися бу́ри./ Те́мже пода́ждь и нам ра́зум и́стинный и оставле́ние прегреше́ний,// благоутро́бне Го́споди.
По ВХОДЕ:
Тропа́рь воскре́сный, глас 1:
Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.
|
|
|
Тропа́рь торжества́ Правосла́вия, глас 2:
Пречи́стому о́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси, от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,// прише́дый спасти́ мир.
Тропарь Благ.Князя, глас 4:
Княже́ния твоего́ сла́ву отложи́в,/ озаря́емый Боже́ственною благода́тию,/ Богому́дре кня́же Дании́ле,/ ве́сь ра́зум в се́рдце от су́етнаго ми́ра сего́/ к Зижди́телю неукло́нно возложи́л еси́/ и, я́ко звезда́ на восто́це Росси́йскаго госуда́рства просия́л еси́,/ целому́дрием же и равноа́нгельным твои́м житие́м/ тече́ние до́бре соверша́я,/ ве́ру соблю́л еси́ непоро́чну,/ тем и по сме́рти просла́ви тя Бог в чудесе́х,/ я́ко источа́еши исцеле́ния ве́рно притека́ющим к честне́й ра́це твое́й;/ сего́ ра́ди дне́сь пра́зднуем успе́ние твое́, лю́дие твои́./ Ты же, я́ко и́маши дерзнове́ние ко Христу́,/ моли́ спасти́ оте́чество твое́// и ми́рней бы́ти держа́ве на́шей.
|
|
|
Конда́к воскре́сный, глас 1, подо́бен: «Егда́ приидеши…»:
Конда́к воскре́сный, глас 1, подо́бен: «Егда́ приидеши…»:
Воскре́сл еси́, я́ко Бог, из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и смерть исчезе́;/ Ада́м же лику́ет, Влады́ко;/ Е́ва ны́не от уз избавля́ема ра́дуется, зову́щи:// Ты еси́, И́же всем подая́, Христе́, воскресе́ние.
Конда́к Благ.Князя, глас 4:
Сла́ва Отцу́ и Сы́ну и Свято́му Ду́ху
Избра́нный Бо́гом от чресл роди́тельских/ и воспита́нный от младе́нчества в зако́не Госпо́дни в му́жа соверше́нна/ и Про́мыслом Вы́шняго, имени́таго гра́да Москвы́ насле́дие кня́жества прие́м,/ ве́рен строи́тель благочести́вым лю́дем твои́м показа́лся еси́, Богоблаже́нне Дании́ле,/ и́хже о́бразом свои́м наставля́я/ и поуча́я за́поведей Госпо́дним вы́ну,/ путе́м, веду́щим в живо́т ве́чный, при́сно ше́ствуя,/ Небе́снаго Ца́рства дости́гл еси́,/ иде́же со а́нгельскими водворя́яся ли́ки,/ пое́ши Бо́гу:// Аллилу́ия.
|
|
|
И ныне и присно и во веки веков. Аминь.
Конда́к Трио́ди, глас 2, самогла́сен:
Неопи́санное Сло́во О́тчее,/ из Тебе́, Богоро́дице, описа́ся воплоща́емь,/ и оскве́рншийся о́браз в дре́внее вообрази́в,/ Боже́ственною добро́тою смеси́,/ но испове́дающе спасе́ние,// де́лом и сло́вом, сие́ вообража́ем.
Прок.Неде́ли Торжества́ Правосла́вия, глaс 4, песнь отце́в: Благослове́н еси́ Го́споди Бо́же
Вме́сто «Досто́йно»:О Тебе́ ра́дуется
Прича́стен воскре́сный:
Хвали́те Го́спода с небе́с, хвали́те Его в вы́шних.
Прича́стен неде́ли Торжества́ Правосла́вия:
Ра́дуйтеся, пра́веднии, о Го́споде, пра́вым подоба́ет похвала́.
Аллилу́ия, аллилу́ия, аллилу́ия.
Дата добавления: 2022-06-11; просмотров: 14; Мы поможем в написании вашей работы! |
Мы поможем в написании ваших работ!