Бырем гуртэлы, Мырк – Ошмеслы
Майя Митрофанова
Алнаши
Г.
Хочу представить читателю Майю Митрофанову, которую член Союза журналистов России руководитель литературного объединения Русская секция при Союзе писателей Удмуртии Наталья Витальевна Сурнина назвала отличным организатором и обладателем оперного голоса.
Майя Анатольевна закончила Можгинское педучилище, потом Удмуртский госуниверситет, стала работать воспитателем, учителем начальных классов в Вавожском районе Удмуртии, потом вернулась в родной район, где её направляют учителем русского языка и литературы в восьмилетнюю школу, воспитателем детского сада, школы… в 1992 году она становится победителем районного конкурса «Воспитатель года». Её профессиональные навыки помогли ей, когда она стала директором Варзибашской начальной школы – детского сада.
Майя своё первое поэтическое произведение опубликовала 25 лет назад в алнашской газете. Вскоре её не только поэтические строки, но и рассказы, зарисовки о людях стали появляться и в республиканских газетах и журналах, она стала завоёвывать призовые места в республиканских конкурсах. Попробовала и удачно она себя в музыкальном творчестве. В Майе сошлось не только поэтическое и музыкальное мастерство, но ещё и её чрезвычайно мелодичный и богатый тембрами голос. На сегодня у неё в репертуаре более 50 песен.
Местные поэты избрали её своим руководителем и уже более десяти лет она возглавляет поэтический клуб «Вдохновение». Она за многое берётся и, что удивительно, ей удаётся воплощать задуманное. Успехи в общественной деятельности, спорте, в садоводстве, в строительстве школы и собственного дома, в рукоделии. Она подняла и воспитала четырёх детей, которые все уже имеют свои успехи, грамоты, признания. Даже младшая дочь Василинка, которой только шестой год, уже выступала на сценах Башкирии, Псковской области, Екатеринбурга, Ижевска и уже имеет несколько почётных грамот.
|
|
|
В эти дни Майя отмечает свой крупный юбилей. В Алнашах готовится её сольный концерт, ожидается выход сборника её стихов, песен и рассказов, немало тёплых слов будет высказано литераторами Прикамья на предстоящем слёте в Николо-Берёзовке. Пожелаем ей новых успехов и общественного признания.
Фёдор Бреднев,
Пресс-секретарь сообщества творческих объедимнений
Пермского края, Удмуртии и Башкирии
«Литературное Прикамье»
Шырпу – шырпи
Пичи Вика зар бӧрдэ,
Бамтӥз синкыли ваське:
«Агай, агай, учкали,
Чиньыям пырем шырпи».
Агаез бадӟым ини,
Исаны вала ини.
Сузэрзэ со «буйгатэ»:
«Коӵышез лэзё, иське».
|
|
|
Ерпечка
«Кытын ай тон, ерпечка?-
Анаез пизэ утча.
Тамаша та, тамаша,
Ма кытчы пыриз Миша?
Али гинэ Колиен
Шудо вал ук кӧльыен…»
Легор кышно паймемын,
Пичи Миши ышемын.
Чипыоссэ сюдоно,
Коркась выжез ӵужоно,
Сиён-юон дасяно,
Дӥсез – кутэз миськоно.
Легор кышно паймемын,
Пичи Миши ышемын.
Ма кытчы пыриз Миша?
Лексьыны шедьтоз ошак,
Калгись пуны но куртчоз,
Лек ӟазег но кокчалтоз…
Нокытын ӧвӧл Миша,
Ма кытчы-о со ышиз?
Лёгор кышно берытскиз,
Нош ик гидкуазяз пыриз.
-Миши-и, Миши-и, кытын тон?
Бускельмы лыктӥз-Онтон,
Машина тыныд ваем.
Городэ, пе, со ветлэм.
«Кытын?» -шуыса, Миши
Сарайысь йырзэ мычиз.
-Вай мыным машинадэ,
Кемалась шудэм потэ!
Ма кытын Онтон агай?
Тон монэ пӧяд, анай?
-Пие, пие, мусое,
Малы тубад сарае?
Котырски быдэс гурттӥ,
Мон тонэ, пие, ыштӥ.
-Мон кукей утчай, анай,
Отын кукей трос на ай.
-Со кема утчад ке шат?
Пӧяськод, дыр, тон, лешак!
-Тубыса отчы жади-
Кӧня ке отын изи.
Лёгор кышно куанэмын-
Пичи Миши сюремын.
Кин кинэ?
Капказе гинэ потӥ–
Шырчикез мон синйылтӥ.
Со шула ук, чиргетэ,
Вань улосэз шулдыртэ.
Мон пыри корка берен,
Шуланме поттӥ кыре.
Ну-ко, шырчик, кин кинэ
|
|
|
Шуласа вормоз туннэ?
Кема озьы выримы,
Нош кудмы-о вормимы?
Акыльтӥ мон шуланлэсь,
Нош шырчик шула на весь.
Питран
Петырлы лэсьтӥ питран-
Тау но ӧз шу, вот чатран!
Ураме потӥз-ширтӥз,
Бӧрсяз тузон пурӟытӥз.
Пумитаз Петыр эшсэ.
Куриз соиз питранзэ.
«Ӧй на жадь, - шуиз Петыр,-
Шудыса на кӧт ӧз тыр.
Акыльтӥ ке шудыса,
Соку утча курыса.
Нуны веттан гур
Изь, изь, нуные,
Муспортонэ, гыдыке.
Изь, изь, нуные,
Чебере, ӟечокае.
Синъёстэ ӵукна усьтод-
Шунды тыныд пальпотоз.
Анаед ӵыжыт бамад
Мусо, небыт чупалоз.
Юн куарадэ кылыса,
Коӵышпи дорад вуоз.
Буби вылад выдыса,
Кален гинэ нургетоз.
Ӝоген тани ӟабыльтод,
Ураме етӥз бызёд.
Атаед быдӟа будод,
Милемлы юрттӥсь луод.
Изь, изь, нуные,
Ческыт няне, зарние.
Изь, изь, нуные,
Шумпотонэ, осконэ.
Выль лымы
Укно сьӧрын лымы усе,
Вале котыр улосэз.
Вӧзам коӵышпи пуке,
Кышка кезьыт «мамыклэсь».
«Ойдо, Васька, потомы,
Выль лымыен шудомы»-
Вика нылы шумпотэ,
Ураме эшсэ ӧте.
«Дӥся солы но сапег,-
Вазе Владик агаез.
Дышемын со гурвылын
Пукыны шуныт азьын».
|
|
|
Катаос
Светӥлы но Ленӥлы
Выль катаос «басьтӥзы».
Ураме нылъёс ӝоген
Мактаськыны потӥзы.
Котыразы эшъёссы
Огазе люкаськизы,
Ӝужыт беро каталы
Вожъяськыса сылӥзы.
-Мынам катае как раз,
Мед луысал пичигес.
-Мынам но тани как раз,
Только ӧжыт бадӟымгес.
Тюрагай
Курисько мон тонэ, тюрагай,
Шулдыресь гуръёстэ кисьты ай.
Буйгаты мынэсьтым сюлэмме,
Бугырты улонлы осконме.
Ой, кылӥз ук, кылӥз тюрагай,
Ой, кисьтӥз ук, кисьтӥз, кылзэ ай!
Мылкыды инбамозь ӝутӥське,
Сюлэмы кырӟаны куриське.
Тау тыныд, тюрагай, тау тыныд!
Пыласько мон кузьмам шудэныд.
Оскисько, луозы на ай трос
Пӧсь мылкыд, кырӟанъёс, тулысъёс!
Мон – дыдык
Мон – дыдык, мон – дыдык.
Лобисько инбаметӥ.
Утчасько гажанме –
Яратоно туганме.
Тон кытын, тон кытын,
Яратоно туганэ.
«Мон татын, мон татын!»-
Пумитам дыдык вазе.
Ойдо ӵош лобомы,
Поръялом инбаметӥ.
Ойдо ӵош уломы,
Одӥг гур гурлаломы.
Инбамын – эрикын
Мылкыдъёсмес лэйкатом.
Люконтэм сюлэммес
Шумпотонэн буйгатом.
Мон – дыдык, мон – дыдык.
Мон – шудо тылобурдо.
Ӵуказе нуналмы
Туннэлэсь чебер медло.
Мед луоз осконмы,
Тылсиё яратонмы,
Даурлы люкиськонтэм
Шудо – буро улонмы.
Улонам тон ваид шумпотон
Улонам тон ваид шумпотон,
Ӵуказе нуналлы юн оскон.
Лулкужым пыӵатӥд сюлэмам,
Буйгатскон бинялтӥд мугорам.
Кузьымдэ гадь бордам ӝиптыса,
Тон сярысь малпаса выдӥсько.
«Уйвӧтам ке но мед адӟысал»,-
Кылчинме шыпытэн курисько.
Мон – шудо
Ӵукна яркыт пиштэ шунды-
Мон- шудо!
Турын вылын чиля лысву-
Мон-шудо!
Сяська вылын чечыя муш-
Мон-шудо!
Чылкыт шурын уя чорыг-
Мон-шудо!
Пужым нюлэс будэ матын-
Мон-шудо!
Бусыын ӝужа ю-нянь-
Мон-шудо!
Садам кисьма ӵыжыт улмо-
Мон-шудо!
Сӥзьыл воштэ ни гужемез-
Мон-шудо!
Вӧзам будо юрттӥсьёсы-
Мон-шудо!
Улонэлэн вуоз пумыз-
Мон шудо кошко!
Б ӧ рд, лулы
Бӧрд, лулы,
Кинлэн ке лек кылыз
Сюлэмме чидантэм вӧсь кариз ке.
Бӧрд, лулы,
Яке нош янгышен
Мон ачим кинэ ке
Ултӥяй ке.
Бӧрд, лулы,
Сьӧд кылъёс ньылонам комокен
Ёрмизы ке.
Бӧрд, лулы,
Мугорме- вылтырме
Жалясько ке.
Бӧрд, лулы,
Сюлэмам сьӧд пери
Каръяськиз ке.
Бӧрд, лулы,
Улонэ ишанлы
Сётӥськиз ке.
Бӧрд, лулы,
Бӧрд.
Ӧ в ӧ л шудтэм
«Нылы, малы меда шудтэм тон,»-
Жаля-бӧрдэ ӵужапае.
Уг валаськы, малы жаля со-
Асме уг кожаськы шудтэм.
Тросэз мыным вожъяськыло но,
Вожан сямзэс но возьмато.
Шудтэм шудэн ке улысал мон,
Ӧй луысал таӵе кужмо.
Маин ӵ ошатом улонме
Маин ӵошатом мон та улонме.
Шудо но, шудтэм но,
Шулдыр но, мӧзмыт но,
Кузь но, вакчи но улонме.
Сое ӵошато мон ӝужыт гурезен.
Вылэ но тубай ни.
Улэ но васькай ни.
Али но сылэ на гурезе.
Сое ӵошато мон инмысь пилемен.
Пилем но потэ но,
Зорзэ но кисьтэ но,
Улон но вырӟе зор бере.
Сое ӵошато мон сайкыт шундыен.
Ӟырдыт яратӥ но,
Мылкыд пуксьылӥз но,
Шунды йыр вадьсам али но пиштэ.
Сое ӵошато мон бадӟым зарезен.
Зарезь но кылдэ но,
Зарезь но будэ но,
Нош дыр ортчемъя зарезь но куасьме.
Учкид шорам
Учкид шорам небыт синъёсыныд,
Бордад матэктыса тусбуеныд.
Вырӟиз мынам пинал ненег сюлмы,
Уг дӥсьтӥськы пичи но вырӟыны.
Кема сылӥ озьы вырӟылытэк,
Пушкам пырем тылэз гомӟытыса.
Кошки, тыныд пал кыл но вератэк,
Сюлмам кайгу но, шуд но нуыса.
Тодам возё сайкыт, сэзь синъёстэ.
Уг вунэты чиль-валь йырсиостэ.
Мон возьмало мыным вазиськемдэ,
Мон возьмало выльысь синмаськемдэ.
Яратысал тонэ гинэ
Мон тодылӥ нырысь
яратонэз-
Ожо выллем пушйиз пинал
дыръям.
Мон тодылӥ мугор
яратонэз-
Лулы лобаз инмын
тылобурдо выллем.
Мон утчасько чылкыт
яратонэз –
Ӟырдыт яратонлы
на оскисько.
Яратонлэн ӧвӧл уг серметэз.
Кинэ мон яратско,
тон тодӥськод.
Котьку яратысал тонэ гинэ
Кошкытозям та улонысь Инэ.
Кожиз паллянэ
Инмын ворекъяло кизилиос,
Мусо кырмышъяло мыным соос.
Ӝож мылкыдме, оло нош, шӧдыса,
Буйгатыны выро, дыр, жаляса.
Картэ аслыз мукет кышно шедьтӥз.
Бускель Горись Верка доры мынӥз.
Оло нош бурмиллям гогыоссы?
Мыно ведь гонтурзэс пурӟытыны!
Ой, уг. Уг люкеты мон соослы-
Уг кышкаты «гурлась дыдыкъёсты»-
Мон но куке шедьто али шудме…
Тани кин ке ӧсам ни йыгаське.
Инмын ворекъяло кизилиос-
Монэ ӟыгыръяло небыт киос.
Нош бускельлэн укно жингыр-р вазе-
Отын ни мукетыз «тэркы пырдэ».
Кык юсьёс
Тыметэ пуксизы кык юсьёс.
Дун вуын пыласько шудоос.
Ярдурын пукисько кырӟаса,
Азьланьзэ улонме малпаса.
Тӧдьы юсь мон асме кожасько.
Вӧзысьтым гажанме шӧдӥсько.
Лулъёсмы ваче юн герӟасько,
Инметӥ поръяны курисько.
Оскисько юг - тӧдьы юсьёслы –
Улонмы герӟаськоз пыраклы.
Тон монэ гинэ юн яратод.
Монэным ик шудо тон луод.
Тыметэ пуксизы кык юсьёс.
Дун вуын пыласько шудоос.
Ярдурын пукиськом кырӟаса,
Азьланьзэ улонмес малпаса.
Сюда двух лебедей.
Толон вал мон тонэн шудо,
Толон вал мон тонэн бурдо,
Толон вал тон лулгажанэ,
Туннэ - лулпу вайыж гинэ.
Адямилэн шудэз
Адямилэн шудэз котьку бордаз:
Сюлмаз, визьмаз, лулаз но сильвираз…
Сьӧлыкъёсын герӟаз – а улонзэ?
Тыршиз – а улыны янгышъёстэк?
Ас котыраз кыӵе эшъёс люказ,
Ӟеч нылпиос –а будэтӥз вӧзаз?
Пӧяськыса, я зэмлыко улӥз,
Калык понна, аслыз – а со тыршиз?
Кайгуоссэ тыршиз – а вормыны,
Яке ассэ сётӥз – а лёганы?
Кызьы утиз лулзэ, тазалыксэ,
Кызьы матэктытӥз со ас шудзэ?
Котьку улӥз – а Инмарен?..
Лулы мынам
Киын мыжгам, пыдын чыжам лулы.
Кылын бышкам, изэн зӥбем лулы.
Мае чидад но чидаськод,
Ачид гинэ тон тодӥськод.
Уг вунэты ноку
(тодмотэм пиосмуртлы)
Ноку уг вунэты со учырез,
Шимес, кышкыт, пеймыт
уй сюресэз.
Ноку уг вунэты
со сьӧськабез-
Каргам убир пиосмуртэз.
Со улонам меӵак пыриз,
Со сюлэмме «пуртэн
шорӟиз».
Чигиз ненег ныл улонме,
Лёгаз пинал, шудо дырме.
Мон чик ӧйвал соин тодмо.
Мон чик ӧйвал соин мусо.
Кытын вал тон, яратонэ?
Малы ӧд утьы, Инмаре?
Эн вужера
Эн вужера
югыт яратонме.
Эн кары вӧсь
ненег льӧль сюлэмме.
Ӟеч мылкыды
кема мед возиськоз.
Мед бурдъялоз со,
мед шунтоз.
Эн вужера
пиштӥсь яратонме.
Эн сӧры
оскытӥсь лулкужымме.
Мылкыдыдъя
луи ке, дуное,
тон лу мыным
зэмос эше.
Мон понна тон
Мон понна тон – зарезь.
Мур, паськыт но югыт.
Юыса быдтонтэм.
Мон понна тон – тыпы.
Юн, кужмо но ӝужыт.
Даурлы сётскисьтэм.
Мон понна тон – шунды,
Югдытӥсь но шунтӥсь.
Кынмыны сётӥсьтэм.
***
Азвесь вужер – малпанъёсыд,
Кужмо тулкым – ёзвиосыд,
Мальдӥсь сиос – лулчеберед
Поръясь вуос – лулкужымед.
Дартлы ӧвӧл тон мон вӧзын,
Шӧдско кезьыт луэмдэ.
Жаля ненег сюлэмме,
Юнме эн тӥя улонме.
***
Со кин мон понна?
Улонэ, омыре но лулы.
Мон кин со понна?
Малпанэ пеймытэ ватскемын.
Луысал ке оскон,
Луысал ук ӟардон,
Югытэсь, шунытэсь нуналъёс.
Нош малы весь бӧрдон,
Нуналмысь куректон?
Ортчозы, ортчозы ук аръёс.
Вань ик-а меда яратон?..
Выльысь берт ӥ мы
ворд ӥ ськем гуртамы
Выльысь бертӥмы вордӥськем гуртамы-
Капчи мылкыдын пачылме сюлэммы.
Кӧня зеч эшъёс, турлы сяськаос,
Шудбур но оскон ваись малпанъёс.
Тодэ ваёнъёс лыкто йырамы:
Пинал дыръямы гольыкпыд шудэммы,
Ваче синмаськон, ӟырдыт яратон,
Котькуд нуналэ пиштӥсь шумпотон.
Чебер куаразэ котыре пазьгыса,
Котьку но татын асьмемыз возьмаса,
Уртчись кужымен ошмесмы жильыртэ.
Гуртмес данъяса, со каллен шипыртэ.
Алнаше
Льӧмпу сяська вакытэ но
Узы кисьман вакытэ,
Лымы усён вакытэ но
Яратӥсько Алнашме.
Алнаше, Алнаше,
Котьку мусо Алнаше.
Алнаше, Алнаше,
Ӟеч мылкыдо Алнаше.
Ӝужа – пушйы, Алнаше, тон
Гыась узыр ю-нянен.
Жин-жинэсь коркаосын но
Данъяськымон калыкен
Алнаше, Алнаше,
Котьку оскымон эше.
Алнаше, Алнаше,
Бурдъяськод бадӟым уже.
Алнашмес но данъяса,
Кисьтоме крезьгуръёсмес,
Азьланезлы оскыса,
Будэтом нылпиосмес.
Алнаше, Алнаше,
Муспотон черкогуртэ.
Алнаше, Алнаше,
Сюлэмме котьку шунтэ.
Бырем гуртэлы, Мырк – Ошмеслы
Каллен вамыштӥсько урам кузя,
Ялан малпаськисько: «Малы меда…
Малы быриз таӵе шулдыр гуртмы,
Уг чузъяськылы ни пастух гуммы?»
Гуртлэн урам шортӥз ик васькисько,
Солэн шулдырезлы мон паймисько.
Кӧня улмопуос но льӧмпуос,
Кӧня сутэрпуос но шупуос.
Сяська вылысь чечы окто мушъёс,
Лопыръяло ненег бубылиос.
Чузъяськыло тылобурдо гуръёс,
Ӝожмыт мылкыд мыным сёто соос.
Тани мон вуисько ни нюк улэ.
Татын жильыр гинэ ошмес бызе.
Кыӵе чылкыт, юзмыт солэн вуэз,
Жаль, гуртамы ӧвӧл ни улӥсез.
Эмъясь но тон,
Бурдъясь но тон,
Визьмась но тон,
Возьмась но тон.
Котьку но, котькыӵе дыре
Юрттэ
«Удмурт дунне» эше.
«Дарт», «Тангыра»,
«Наталь», «Тулкым»
Шунто мылкыдъёсме.
Газетысь эшъёсыным
Кенешисько сюлмысьтым.
Юристэн, психологен,
Кырӟасен, сексологен.
Данъяськыса «Бурдлэн» улаз
Шунтылӥсько нырме.
«Шӧкыч», Рашит Хайдар
Лӧпкытъяло монэ.
Шальтран кутске ке мугоры,
Эскерисько «Тазалыкме».
Пӧртэм визьмо дэмланъёсысь
Мон бырйисько аслым кадьзэ.
«Оскон» медло сюлэмын,
Осто, инмаре.
Мед нуоз та улонмы
Яратон ӧре.
Яратӥм ке, оскимы ке,
Эшъёсы ог-огмылы
Эш музэн ваньмыз понна
Пиштоз «Кизилимы».
Улондэс ке гер ӟ ады
«Ӟечбур» газет –
Пиналъёслы, егитъёслы газет.
Дась сётыны со тӥледлы юрттэт.
Уно дэмлан, уно малпан тӥ шедьтоды,
Та газетэн ке улондэс тӥ герӟады.
«Ӟечбур» газет пыр эшъёсын тодматскоды,
Оло, кунгож сьӧры вуылоды.
Уно тунсыкозэ тӥ шедьтоды,
Та газетэн ке улондэс тӥ герӟады.
Ӟечкыламды потӥз ке анайдэс,
Яратоно ӵыжы – выжыостэс.
Ӟеч кылъёстэс луоз ни верамды,
Та газетэн ке улондэс тӥ герӟады.
Котьма сярысь луоз кенешемды,
Юанъёслы валэктонъёс но шедьтоды.
Шонер сюрес вылэ тӥ кожоды,
Та газетэн ке улондэс тӥ герӟады.
Кучыран школалы гимн
(110 ар тырмонэзлы)
Кучыран школамы
Гурезь йылын сылэ.
Ӧсъёсыз усьтэмын –
Возьма нылпиоссэ.
Кучыран школамы, Кучыран школамы,
Туж шулдыр интыын сылӥськод.
Кучыран школамы, Кучыран школамы,
Тон котьку милемыз возьмаськод.
Даурлэсь ни уно
Тодон – валан сётэ.
Милемлы со дуно,
Йӧно, мусо потэ.
Кучыран школамы, Кучыран школамы,
Милемлы усьтӥськод ӧсъёстэ.
Кучыран школамы, Кучыран школамы,
Котырад люкаськод эшъёстэ.
Под крышею своей
Ты всех нас собрала.
И нет тебя добрей,
Милей в округе всей.
В Кучерянове, школа, стоишь ты давненько
И ждешь своих школьных друзей.
Мы пришли к тебе снова – встречай хорошенько.
Нам будет с тобой веселей.
Дата добавления: 2020-11-29; просмотров: 115; Мы поможем в написании вашей работы! |
Мы поможем в написании ваших работ!