ПОСЛЕДОВАНИЕ С ЧТЕНИЕМ ПИСАНИЯ

ПРАВИЛО СВЯТОГО ПАХОМИЯ

Ведущий начинает и заканчивает чтение правила.

+Во и́мя Отца́ и Сы́на и Свята́го Ду́ха. Ами́нь.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.
Сла́ва Тебе́, Бо́же наш, сла́ва Тебе́!

Царю́ небе́сный, Уте́шителю, Ду́ше и́стины, и́же везде́ сый и вся исполня́яй, сокро́вище благи́х и жи́зни пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

+Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)
+Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)
+Сла́ва, и ны́не:

О́тче наш, и́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй. (12 раз)
+Сла́ва, и ны́не:

+Прииди́те, поклони́мся Царе́ви на́шему Бо́гу.
+Прииди́те, поклони́мся и припаде́м Христу́, Царе́ви на́шему Бо́гу.
+Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́: безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие: возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Символ веры

+Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым.

+И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна, и воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́.

+И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Дальше молимся по четкам, каждый участник читает по одному десятку.

Под Твою́ ми́лость прибега́ем, Богоро́дице Де́во, моле́ний на́ших не пре́зри в ско́рбех, но от бед изба́ви нас, еди́на чи́стая и благослове́нная.

Го́споди Иису́се Христе́, Сы́не Бо́жий, поми́луй нас. (10 раз)

+Сла́ва, и ны́не:

Иисусова молитва повторяется всего 100 раз.

Досто́йно е́сть я́ко вои́стинну / блажи́ти Тя, Богоро́дицу, / присноблаже́нную и пренепоро́чную / и Ма́терь Бо́га на́шего. / Честне́йшую херуви́м / и сла́внейшую без сравне́ния серафи́м, / без истле́ния Бо́га Сло́ва ро́ждшую, / су́щую Богоро́дицу Тя велича́ем.

Отпуст

+Сла́ва, и ны́не:
Го́споди, поми́луй. (Трижды)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших, и все́х святы́х поми́луй нас. Ами́нь.

В конце можно произнести прошения о всех людях или другие молитвы.

Прошения о всех людях

Ненави́дящих и оби́дящих нас прости́, Го́споди, Человеколю́бче. Благотворя́щим благосотвори́. Бра́тиям и сро́дником на́шим да́руй я́же ко спасе́нию проше́ния и жизнь ве́чную. В не́мощех су́щия посети́ и исцеле́ние да́руй. И́же в мо́ри упра́ви. С путеше́ствующими спутеше́ствуй. Христиа́ном спобо́рствуй. Служа́щим и ми́лующим нас, грехо́в оставле́ние да́руй. Запове́давших нам, недосто́йным, моли́тися о них, поми́луй по вели́цей Твое́й ми́лости. Помяни́, Го́споди, пре́жде усо́пшия отцы́ и бра́тию на́шу, и упоко́й я, иде́же присеща́ет свет лица́ Твоего́. Помяни́, Го́споди, бра́тий на́ших плене́нных и изба́ви я от вся́каго обстоя́ния. Помяни́, Го́споди, плодонося́щих и доброде́лающих во святы́х Твои́х це́рквах, и даждь им я́же ко спасе́нию проше́ния и жизнь ве́чную.

+Помяни́, Го́споди, и нас, смире́нных и гре́шных и недосто́йных раб Твои́х, и просвети́ наш ум све́том ра́зума Твоего́, и наста́ви нас на стезю́ за́поведей Твои́х. Моли́твами Пречи́стыя Влады́чицы на́шея Богоро́дицы и Присноде́вы Мари́и и всех Твои́х святы́х. Я́ко благослове́н еси́ во ве́ки веко́в. Ами́нь.

ПОСЛЕДОВАНИЕ С ЧТЕНИЕМ ПИСАНИЯ

Читается «Трисвятое» по «Отче наш».

Тропари покаянные

Поми́луй нас, Го́споди, поми́луй нас; вся́каго бо отве́та недоуме́юще, сию́ Ти моли́тву я́ко Влады́це гре́шнии прино́сим: поми́луй нас.

+Сла́ва: Го́споди, поми́луй нас, на Тя бо упова́хом; не прогне́вайся на ны зело́, ниже́ помяни́ беззако́ний на́ших, но при́зри и ны́не я́ко благоутро́бен, и изба́ви ны от враг на́ших; Ты бо еси́ Бог наш, и мы лю́дие Твои́, вси́ дела́ ру́ку Твое́ю, и и́мя Твое́ призыва́ем.

+И ны́не: Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.

Здесь читается отрывок из Священного Писания.
Дальше молимся по четкам размышляя о прочитанном.

Отпуст

+Сла́ва, и ны́не:
Го́споди, поми́луй. (Трижды)

Молитва св. Иоанна Кронштадтского

Благодарю́ Тя, Го́споди Бо́же мой, за дарова́ние мне бытия́, за рожде́ние меня́ в христиа́нской ве́ре, за Пречи́стую Де́ву Мари́ю, хода́таицу о спасе́нии ро́да на́шего, за святы́х уго́дников Твои́х, моля́щихся о нас, за а́нгела храни́теля, за церко́вное богослуже́ние, подде́рживающее в нас ве́ру и доброде́тель, за Свяще́нное Писа́ние, за все та́инства, в осо́бенности Те́ло и Кро́вь Твою́, за благода́тные утеше́ния, за наде́жду получи́ть Ца́рство Небе́сное и за все бла́га, Тобо́ю мне даро́ванные. Ами́нь.

Священное Писание читается следующим образом:

1. Надписание и тема данного отрывка.
2. Чтение. Молчание (полминуты).
3. Короткий комментарий или молитва.

Например:

Священник или ведущий: Евангелие от Луки. Явление воскресшего Иисуса Христа Своим ученикам на пути в Эммаус.

Чтение (читает любой из участников): В тот же день двое из учеников…
(Лк. 24. 13 - 35).

Небольшое время пребываем в молчании.

Священник или ведущий: Помолимся!

Комментарий к отрывку или молитву можно произноситься своими словами. В случае необходимости этот пункт можно опустить.

Господи Иисусе Христе, как Ты явился святым Своим ученикам, шедшим в Эммаус, явись и нам и укрепи в нас веру! Дай нам всегда познавать Тебя, когда мы читаем Твое Слово, особенно же тогда, когда мы приступаем к таинству причащения. И научи нас личной и глубокой молитве. Аминь.

Затем все вместе поем «Достойно есть», ведущим произносится отпуст и заключительная молитва св. Иоанна Кронштадтского.

AND 28.02.20.

Дата добавления: 2020-04-25; просмотров: 44; Мы поможем в написании вашей работы!

Поделиться с друзьями:

Мы поможем в написании ваших работ!