Молитва ко Пресвятей Владычице

Акафист Божией Матери «Державная».

Кондак 1

Взбранной Воеводе и Владычице нашей Богородице, Россию, по молитвам царя Николая, под Свой Державный Покров взявшую, с покаянием вопием Ти: Радуйся, Матерь Божия Державная, Русскую землю оберегающая.

Икос 1

Ангелов Царице и всея твари Честнейшая, благоволила возвестити старице благочестивей о явлении иконы Твоея честныя «Державныя», юже и обретше для покаяния нашего и спасения, благодарственно вопием Ти сице: Радуйся, воли Господней тайны нам открывающая. Радуйся, в Свои Пречистыя руце от царя Николая скипетр и державу принявшая. Радуйся, веры православныя утверждение. Радуйся, Россию чрез покаяние за цареотступничество на путь спасения выводящая. Радуйся, Матерь Божия Державная, Русскую землю оберегающая.

Кондак 2

Видящи, Всенепорочная, скорбь, боль и слезное покаяние верных рабов Твоих за весь народ русский, умилосердствовав, благоволила еси явити нам икону Твою «Державную», да вси православние людие усердно молятся пред нею, вопиюще Богу: Аллилуия.

Икос 2

Разум человеческий не может постигнути великаго милосердия Твоего, Пресвятая Дево, яко ради искреннего покаяния верных рабов Твоих, хотя на малое время, гнев Божий за цареотступничество на ны движимый, отвратила еси. Сего ради с трепетом сердечным вопием Ти: Радуйся, явлением честныя иконы Твоея надежду, чрез покаяние, на прощение от Господа нам дарующая. Радуйся, Пресвятая Мати, за Державу Российскую неизреченно скорбящая. Радуйся, Российскую землю, яко последний Удел Свой, сугубо оберегающая. Радуйся, для новаго Царя Державу Российскую верно сохраняющая. Радуйся, Матерь Божия Державная, Русскую землю оберегающая.

Кондак 3

Силою Божиею действующи для вразумления всех от Бога отступивших, царя Николая и Отечество предавших, забывших, что до третьего-четвертого рода Господом налагается наказание за грехи родителей. И в покаянии припадаем, вопия рождшемуся от Тебе Богу Слову: Аллилуия.

Икос 3

Имущи богатство милосердия неизреченное, всем скорбящим и погибающим руку помощи простираеши, да вси припадаем к честней иконе Твоей «Державней» и умильно вопием Ти: Радуйся, под Свой Державный Покров нас приводящая. Радуйся, к усердней и слезней молитве в покаянии нас призывающая. Радуйся, гнев Божий, за грехи тяжкие попущенный, от нас отводящая. Радуйся, Всемилостивая Владычице пред Богом за нас заступающаяся. Радуйся, Матерь Божия Державная, Русскую землю оберегающая.

Кондак 4

Буря несчастий земных налете на ны, за отступление Богом попущенное, но молим Тя, спаси нас погибающих, верно вопиющих Богу: Аллилуия.

Икос 4

Слышавше на Руси православние людие повеление Твое, Богородице, молитися пред иконою Твоею «Державною», с покаянием сердечным за весь народ русский припадающе к Тебе взывают: Радуйся, Премилостивая Заступница России, благодатию нас покрывающая. Радуйся, малое стадо в покаянной молитве за всю Русь укрепляющая. Радуйся, чрез молитвы к иконе Твоей «Державней» души очерствевшие воскрешающая. Радуйся, отвергнутися себя, взять Крест свой и следовати за Христом помогающая. Радуйся, Матерь Божия Державная, Русскую землю оберегающая.

Кондак 5

Яко лучезарная звезда явися на Руси икона Твоя, Богородице, «Державная», смуту жидовскую Своими лучами разгоняющая и малое Христово стадо укрепляющая уповати на Господа и вопити Ему: Аллилуия.

Икос 5

В рассеянии стада Христова явилася, Владычице, икона Твоя «Державная», и укрепившися образом Твоим честным, прославляем Твое милосердие неизреченное и усердно вопием Ти сице: Радуйся, жити по-Евангельскому гласу нам желающая. Радуйся, во едино рассеявшихся Христовых овец собирающая. Радуйся, православным молитвы за воскрешение святой Руси усиливающая. Радуйся, о скоротечности времени и безумства мира сего нас предупреждающая. Радуйся, Матерь Божия Державная, Русскую землю оберегающая.

Кондак 6

Проповедницы богоноснии быша видевшии образ Твой, Владычице, «Державныя», и возвещаше о принятии царской власти Тобой от Государя Николая Александровича, воспели Богу: Аллилуия.

Икос 6

Возсиял еси нам свет Твоего спасения чрез икону Твою «Державную» во мгле богоотступнической погибели и наставил еси пети Тебе: Радуйся, милостию Своею нас не оставляющая. Радуйся, от скорогибнущих красот мира сего нас, яко несмысленных детей, уводящая. Радуйся, блеск сатанинский и прельщение его светом иконы Твоея разсеевающая. Радуйся, яко ради тленнаго и земнаго безумно забывати вечная и Небесная воспрещающая. Радуйся, Матерь Божия Державная, Русскую землю оберегающая.

Кондак 7

Хотяй открыти всем людям истинный смысл слов «Нового завета»: «Несть бо власть аще не от Бога», приняла Державную власть Руси по усмотрению Божиему, не оставив православных людей без милости Божией, да бы пели они в благодарности Богу: Аллилуия.

Икос 7

Чудо новое яви нам Господь мольбами Твоими, Богородице, егда сохранил, отступивших от Него и поправших завет Его: «К помазанникам Моим не прикасайтесь». Мы же чудо сие ведяще, воспеваем Ти таковая: Радуйся, истины Божии познати всем нам пожелающая. Радуйся, осознати нам грех свой цареотступничества хотящая. Радуйся, чрез заповеди Божии бороться с нечестием властей наставляющая. Радуйся, борющихся за власть самодержавную защищающая. Радуйся, Матерь Божия Державная, Русскую землю оберегающая.

Кондак 8

Странно и сумнительно неверующим слышати о гневе Божием за цареотступничество. Не вмещают бо они в сердцах своих благодать от власти токмо Богом данную. Мы же, благоговейно предстояще пред иконою Твоею Державною, молим о Царе православнем и вопием Богу: Аллилуия.

Икос 8

Всем верным утешительно есть прибегати под покров Твой Державный, Богородице, обаче не возвратити время вспять, но крестным ходом супротив движения часов в покаянии с молитвою возможно возвернути благодать Божию, отшедшую за отступничество от царя Николая. И с надеждою вопием Ти: Радуйся, Пресвятая Богородице, малое стадо уберегающая. Радуйся, детям любити Бога, Царя и Отечество наставляющая. Радуйся, за жен, своих мужей в грозные минуты их жизни поддерживающих, сугубо молящаяся. Радуйся, за всех, почитающих царскую семью, радующаяся. Радуйся, Матерь Божия Державная, Русскую землю оберегающая.

Кондак 9

Всякое естество ангельское удивися делу Твоего милосердия, Господи, яко даровал время на покаяние и исправление стране Русской чрез твердую и теплую Заступницу и Помощницу рода христианского. Мы же воспоим радостно за вся сия Пресвятой Троице и Богородице Спасительнице нашей: Аллилуия.

Икос 9

Ветии многовещанныя, с мнимым успехом приведшие народ православний к богоотступничеству и клятвопреступлению, не доумеют бо силы и славы Божией, забыв, что Бог поругаем не бывает. Истинно православные люди молятся о прощение грехов за весь род свой пред иконою Державною, вопия Богородице: Радуйся, под покров Свой истинно верующих, коих Господь яко в горниле испытующе, в вере устоявших, приявшая. Радуйся, с фарисейской закваской малодушных и злобствующих против Бога и царя, отвергающая. Радуйся, не словесы точию, но паче делами благими свою веру подтверждати, научающая. Радуйся, власти господствующие по плодам их различати, вразумляющая. Радуйся, Матерь Божия Державная, Русскую землю оберегающая.

Кондак 10

Спасти хотя русский народ, кой попраша соборную клятву и чрез то под проклятие подпаде, предав праведнаго Государя Николая , даровала нам всесильное заступление Твое, Богородице и чтущим Тя полезное прошение исполняеши. Темже, прославляя Бога, давшего нам благодать таковую, вопием Ему: Аллилуия.

Икос 10

Стена еси необоримая, Пресвятая Дево, всем к Тебе прибегающим, и почитающим пречистый образ Твой, молим Тя: да избавиши ны от всяких клевет, бед и скорбей, вопиющих Тебе: Радуйся, мглу душевредных страстей отгоняющая. Радуйся, помыслы к Царствию Небесному направляющая. Радуйся, о кончине мира сего, чрез пришествие второе Спасителя Иисуса Христа, напоминающая. Радуйся, о противлении всякому злу для спасении души, силы дающая. Радуйся, Матерь Божия Державная, Русскую землю оберегающая.

Кондак 11

Пения и мольбы всеумиленныя наша, Тебе, Пресвятей Деве приносимыя, приими от нас грешных, и сподоби до конца жизни нашея Единому Богу воспевати: Аллилуия.

Икос 11

Светоподательными лучами во все стороны света чудеса Твоя нисходят, просвещая потемненныя грехами души наша, в нихже познаем Божия всемогущества силу и Твое милосердие неисчетное. Сего ради вопием Ти хвалебные песни таковыя: Радуйся, чистоту целомудрия утверждающая. Радуйся, Богоугодною жизнью живущих, любящая. Радуйся, благочестивых детей благодатию Своею касающаяся. Радуйся, над неверующими детьми кручинящаяся. Радуйся, Матерь Божия Державная, Русскую землю оберегающая.

Кондак 12

Благодать Твою не отыми от нас, о Премилосердная Богородице, и во дни лихолетия покрой Своим омофором землю Русскую и православную веру в ней от истребления спаси, да избавлении Тобою Богу воспоем: Аллилуия.

Икос 12

Поюще Твой державный покров, Пресвятая Дево, хвалим Тя, яко неусыпную Хранительницу нашу, и со умилением поклоняемся Тебе и вопием Ти: Радуйся, Русь Православную возлюбившая. Радуйся, веру истинную и царскую державу в ней утвердившая. Радуйся, наше неможение не отринувшая. Радуйся, Заступнице Руси нашей усердная. Радуйся, Матерь Божия Державная, Русскую землю оберегающая.

Кондак 13

О, Пресвятая Владычице наша Богородице, научающая нас жизни Богоугодней. Не отрини моления нашего, управь, помоги распознать истину Божию, дабы не впасти нам под обольщение антихриста и не убоятися невзгод и лишений мирскаго благополучия, но лишь с упованием на Единаго Господа нашего, о надежде спасения, вопити Ему: Аллилуия. Аллилуия. Аллилуия.

Икос 1

Кондак 1

Молитва ко Пресвятей Владычице

Богородице «Державная»

О, наша Царственная Госпожа, солнечные ризы вечныя Российскаго Отечества. Преподнеси нам горнее Твое благословение, омой греховные скверны, очисти внутреннее наше и приобщи к неизреченной Славе Церкви Торжествующей. И утверди вечное Царство во Христе Боге нашем в Духе Святем и славе праведных. Предстательнице воинств Саваофских, Слава Бога Вышняго в солнце облеченная, Владычице Российская Державная Всепобедительная, помогай нам со всеми чинами ангельскими победити сатану в себе и окружающих, и насади Царство Твоего Божественнаго Сына, Непобедимую Державу на Святой Руси. Ей, вечная Заступница и Светлая Божественная Госпоже, Тебе присягаем как Владычице, имя Твое да не сходит с уст наших. От Тебя не отводим взора нашего, за Тобою следуем и силою Твоей неизреченной Славы побеждаем диавола везде, где бы он ни был и какую форму бы не принял — именем Безначальнаго Отца, Единороднаго Сына и Животворящего Духа Святаго в лоне Соцарствующей трем лицам Троицы, Пресвятей нашей Госпожи и Владычице, облеченней в Солнце Вечнодевы. Да утвердится Слава Господа здесь, на земли Святой Руси. Да приидет Дух Святый и наполнит нас блаженством жизни во Христе. Да начертаются скрижали во всю ширь неба как знамение грядущей Славы Господа нашего. Да утвердит Господь Хоругвь Свой победы и Престол Свой над сатаной и люцефером, над всеми полчищами его и слугами его. Силы Небесные и чини державы, и начальства воинств Серафими и Херувими многоочитие, ангели, колесницы и рати Владычние, воинства Бога Саваофа, Архистратизи небеснии, воини Илии и Еноха. Грядите на Святую Русь и предстательством Пресвятей нашей Солнечней Державней Госпожи благословите на ратнии подвиги во Славу Истиннаго Бога, во имя Отца и Сына и Святаго Духа. Аминь.

Дата добавления: 2020-04-25; просмотров: 62; Мы поможем в написании вашей работы!

Поделиться с друзьями:

Мы поможем в написании ваших работ!