Хор:       И ныне и присно и во веки веков. Аминь.

                      

Псало́м 103, предначина́тельный:

Хор:       Благослови́, душе́ моя́, Го́спода./ Благослове́н еси́, Го́споди./ Го́споди, Бо́же мой, возвели́чился еси́ зело́./ Благослове́н еси́, Го́споди./ Вся прему́дростию сотвори́л еси́./ Сла́ва Ти, Го́споди, сотвори́вшему вся.

                Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

Вели́кая ектения́:

Диа́кон: Ми́ром Го́споду помо́лимся.

Хор: Го́споди, поми́луй.

Блаже́н муж:

Хор: Блаже́н муж, и́же не и́де на сове́т нечести́вых.

            Аллилу́иа, аллилу́иа, аллилу́иа.

            Я́ко весть Госпо́дь путь пра́ведных, и путь нечести́вых поги́бнет.

            Аллилу́иа, аллилу́иа, аллилу́иа.

            Рабо́тайте Го́сподеви со стра́хом и ра́дуйтеся Ему́ с тре́петом.

            Аллилу́иа, аллилу́иа, аллилу́иа.

            Блаже́ни вси наде́ющиися Нань.

            Аллилу́иа, аллилу́иа, аллилу́иа.

            Воскресни́, Го́споди, спаси́ мя, Бо́же мой.

            Аллилу́иа, аллилу́иа, аллилу́иа.

            Госпо́дне есть спасе́ние, и на лю́дех Твои́х благослове́ние Твое́.

            Аллилу́иа, аллилу́иа, аллилу́иа.

            Сла́ва Отцу́ и Сы́ну и Свято́му Духу.

            Аллилу́иа, аллилу́иа, аллилу́иа.

            И ны́не и при́сно и во ве́ки веко́в. Ами́нь.

            Аллилу́иа, аллилу́иа, аллилу́иа.

            Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

 

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

Го́споди, воззва́х, глас 1:

Хор:  Го́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.

            Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.

Чтец: Стихи́ры воскре́сные, глас 1:

На 10. Стих: Изведи́ из темни́цы ду́шу мою́,// испове́датися и́мени Твоему́.

Стихи́ра: Вече́рния на́ша моли́твы/ приими́, Святы́й Го́споди,/ и пода́ждь нам оставле́ние грехо́в,/ я́ко Еди́н еси́// явле́й в ми́ре Воскресе́ние.

Перевод

Вечерние наши молитвы / прими, Святой Господи, / и даруй нам прощение грехов, / ибо Ты Один, / явивший миру воскресение.

 

Стих:            Мене́ ждут пра́ведницы,// до́ндеже возда́си мне .

Стихи́ра:   Обыди́те лю́дие Сио́н,/ и обыми́те Его́,/ и дади́те сла́ву в нем Воскре́сшему из ме́ртвых:/ я́ко Той есть Бог наш,// Избавле́й нас от беззако́ний на́ших.

Окружите, люди, Сион / и охватите его / и в нем воздайте славу Воскресшему из мертвых, / ибо Он – Бог наш, / искупивший нас от беззаконий наших.

 

На 8. Стих: Из глубины́ воззва́х к Тебе́, Го́споди,// Го́споди, услы́ши глас мой.

Стихи́ра: Прииди́те лю́дие,/ воспои́м, и поклони́мся Христу́,/ сла́вяще Его́ из ме́ртвых Воскресе́ние:/ я́ко Той есть Бог наш,// от пре́лести вра́жия мир Избавле́й.

Придите, люди, воспоем и поклонимся Христу, / прославляя воскресение Его из мертвых, / ибо Он – Бог наш, / от обольщения врага искупивший мир

 

Стих:   Да бу́дут у́ши Твои́// вне́млюще гла́су моле́ния моего́.

Стихи́ра: Весели́теся Небеса́,/ воструби́те основа́ния земли́,/ возопи́йте го́ры весе́лие:/ се бо Емману́ил грехи́ на́ша на Кресте́ пригвозди́,/ и живо́т дая́й, смерть умертви́,// Ада́ма Воскреси́вый, я́ко Человеколю́бец.

Возвеселитесь, небеса! / Вострубите, основания земли! / Провозгласите радость, горы! / Ибо вот, Эммануил грехи наши ко Кресту пригвоздил, / и, даруя жизнь, смерть умертвил, / Адама воскресив, как Человеколюбец.

 

На 6. Стих: А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние е́сть.

Стихи́ра: Пло́тию во́лею Распе́ншагося нас ра́ди,/ Пострада́вша и Погребе́нна,/ и Воскре́сша из ме́ртвых,/ воспои́м глаго́люще:/ утверди́ правосла́вием Це́рковь Твою́, Христе́,/ и умири́ жизнь на́шу,// я́ко Благ и Человеколю́бец.

Плотию добровольно Распятого за нас, / пострадавшего, и погребенного, / и воскресшего из мертвых воспоем и возгласим: / "Утверди в православии Церковь Твою, Христе, / и жизнь нашу умиротвори, / как Благой и Человеколюбец!"

Стих:   И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода.

Стихи́ра: Живоприе́мному Твоему́ гро́бу/ предстоя́ще, недосто́йнии,/ славосло́вие прино́сим/ неизрече́нному Твоему́ благоутро́бию, Христе́ Бо́же наш:/ я́ко Крест и смерть прия́л еси́, Безгре́шне,/ да ми́рови да́руеши Воскресе́ние,// я́ко Человеколю́бец.

Стоя перед живоносным Твоим гробом, / мы, недостойные, славословие приносим / Твоему неизреченному милосердию, Христе Боже наш; / ибо Крест и смерть принял Ты, Безгрешный, / чтобы даровать миру воскресение, как Человеколюбец!

                Стихи́ры Трио́ди (прп. Мари́и), глас 6, подо́бен: «Всю отложи́вше…»:

На 4. Стих: От стра́жи у́тренния до но́щи, от стра́жи у́тренния,// да уповае́т Изра́иль на Го́спода.

Стихи́ра: Тебе́ у́бо возбраня́ше честны́х взира́ния,/ скверн пре́жде привлече́нное скверне́ние,/ твое́ же чу́вство, и твоя́ богому́драя соде́янных со́весть,/ к лу́чшим тебе́ обраще́ние соде́яша./ На ико́ну бо воззре́вши благослове́нныя Богоотрокови́цы,/ всех пока́явшися прегреше́ний свои́х всехва́льная пре́жних,// в дерзнове́нии честно́му Дре́ву поклони́лася еси́.

Тебе препятствовало на святыни взирать / от прежних мерзостей идущее осквернение; / но твое чувство и твое, богомудрая, сознание содеянного / обращение к лучшему в тебе произвели. / Ибо, воззрев на икону благословенной Богоотроковицы / и осознав все свои прежние согрешения, всехвальная, / ты с дерзновением священному Древу поклонилась.

 

На 2. Стих: Хвали́те Го́спода вси язы́цы,// похвали́те Его́ вси лю́дие.

Стихи́ра: Ме́стом поклони́вшися ра́достно святы́м,/ доброде́тели напу́тное спаси́тельнейшее,/ отту́ду прия́ла еси́, и зело́ потекла́ еси́ до́брое ше́ствие,/ и струю́ преше́дши Иорда́нскую,/ в жили́ще Предте́чево усе́рдно всели́лася еси́,/ и страсте́й свире́пство жи́тельством омрачи́ла еси́,/ истончава́ющи в дерзнове́нии, приснопа́мятная ма́ти,// плотска́я сво́йства.

Святым местам поклонившись радостно, / добродетели напутствие спасительнейшее ты оттуда приняла, / и весело поспешила прекрасным путем, / и струю перейдя иорданскую, / в обиталище Предтечи с усердием вселилась, / и образом жизни своей укротила необузданность страстей, / истончая с дерзновением, вечно памятная матерь, / плоти излишество.

 

Стих:   Я́ко утверди́ся ми́лость Его́ на нас,// и и́стина Госпо́дня пребыва́ет во век.

Стихи́ра: В пусты́ню всели́вшися твои́х страсте́й/ о́бразы от души́ отъя́ла еси́,/ богови́днейшее изображе́ние в души́ написа́вши,/ доброде́телей ви́ды,/ и толи́ко просия́ла еси́,/ я́ко и вода́ми легко́ преходи́ти блаже́нная,/ и от земли́ взима́тися в твои́х к Бо́гу моле́ниих,/ и ны́не в дерзнове́нии всесла́вная Мари́е,/ Христу́ предстоя́щи,// моли́ся о душа́х на́ших.

В пустыню вселившись, / ты страстей твоих образы из души изгладила, / боговиднейшее изображение в душе начертав / всяким видом добродетели, / и настолько просияла, / что и по водам переходила легко, блаженная, / и от земли поднималась при твоих к Богу молениях; / и ныне с дерзновением, всеславная Мария, Христу предстоя, / молись о душах наших.

 

 

                Стихи́ра Трио́ди (прп. Мари́и), глас 4:

                       Сла́ва Отцу́ и Сы́ну и Свято́му Ду́ху.

                Очудотвори́, Христе́, Креста́ Твоего́ си́ла,/ я́ко и я́же пре́жде блудни́ца,/ по́стническим по́двигом подвиза́ся,/ отню́дуже и немощно́е отве́ргши,/ до́блественно сопротивоста́ на диа́вола./ Те́мже и по́честь побе́ды нося́щи,// мо́лится о душа́х на́ших.

Сотворила чудо, Христе, Креста Твоего сила, / так что и прежде бывшая блудницей, / подвигом аскезы подвизалась; / оттого и немощь отринув, / она доблестно противостала диаволу. / Потому и награду за победу получив, / ходатайствует о душах наших.

 

                       Глас 1:

                И ны́не и при́сно и во ве́ки веко́в. Ами́нь.

Догма́тик: Всеми́рную сла́ву,/ от челове́к Прозя́бшую,/ и Влады́ку Ро́ждшую,/ Небе́сную Дверь, воспои́м Мари́ю Де́ву,/ Безпло́тных песнь, и ве́рных удобре́ние:/ Сия́ бо яви́ся Не́бо, и Храм Божества́:/ Сия́ прегражде́ние вражды́ разруши́вши,/ мир введе́, и Ца́рствие отве́рзе./ Сию́ у́бо иму́ще ве́ры Утвержде́ние,/ Побо́рника и́мамы из Нея́ Ро́ждшагося Го́спода./ Дерза́йте у́бо, дерза́йте лю́дие Бо́жии:/ и́бо Той победи́т враги́,// я́ко Всеси́лен.

 

Всемирно славную, / от людей происшедшую и Владыку родившую / воспоем, – Марию Деву, / небесную дверь, Бесплотных песнь и верных украшение. / Ибо явилась Она небом и храмом Божества. / Она, разрушив враждебную преграду, / мир водворила и отверзла Царство. / Потому держась Её, опоры нашей веры, / имеем мы Защитником от Нее рожденного Господа. / Дерзайте же, дерзайте, люди Божии, / ибо Он победит врагов, как Всемогущий.

 

Вход с кади́лом:

Диа́кон: Прему́дрость, про́сти.

 

Све́те Тихи́й:

Хор: Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.

 

Диа́кон: Во́нмем.

Иере́й:       Мир всем.

Хор:  И ду́хови твоему́.

 

Проки́мен воскре́сный:

Диа́кон:    Прему́дрость во́нмем. Проки́мен, глас 6-й:

                       Госпо́дь воцари́ся, в ле́поту облече́ся.

Хор:       Госпо́дь воцари́ся, в ле́поту облече́ся. (На каждый стих)

                     

 

Ектения́ сугу́бая:

Диа́кон: Рце́м вси от всея́ души́, и от всего́ помышле́ния на́шего рцем.

 

Сподо́би, Го́споди:

Хор: Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

                Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

                Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Ектения́ проси́тельная:

Диа́кон: Испо́лним вече́рнюю моли́тву на́шу Го́сподеви.

Хор: Го́споди, поми́луй.

 

 

Стихи́ры на стихо́вне:

Чтец:       Стихи́ры воскре́сные, глас 1:

Стихира: Стра́стию Твое́ю, Христе́,/ от страсте́й свободи́хомся,/ и воскресе́нием Твои́м из истле́ния изба́вихомся,// Го́споди, сла́ва Тебе́.

               Страданием Твоим, Христе, / от страстей мы освободились / и воскресением Твоим / от тления избавились. / Господи, слава Тебе!

 

Стих:        Госпо́дь воцари́ся,/ в ле́поту облече́ся.

            Да ра́дуется тварь, небеса́ да веселя́тся,/ рука́ми да воспле́щут язы́цы с весе́лием:/ Христо́с бо Спас наш, на Кресте́ пригвозди́ грехи́ на́ша:/ и смерть умертви́в, живо́т нам дарова́,/ па́дшаго Ада́ма всеро́днаго Воскреси́вый,// я́ко Человеколю́бец.

Да возрадуется все творение, / небеса да возвеселятся, / с радостию да рукоплещут народы; / ибо Спаситель наш Христос / пригвоздил ко Кресту грехи наши / и, смерть умертвив, жизнь нам даровал, / падшего Адама со всем родом воскресив, как Человеколюбец.

 

Стих:        И́бо утверди́ вселе́нную,/ я́же не подви́жется.

                Царь сый небесе́ и земли́ непостижи́ме,/ во́лею распя́лся еси́ за человеколю́бие./ Его́же ад срет до́ле, огорчи́ся,/ и пра́ведных ду́ши прие́мша, возра́довашася:/ Ада́м же, ви́дев Тя, Зижди́теля в преиспо́дних, воскре́се./ О чудесе́! Ка́ко сме́рти вкуси́ всех жизнь;/ но я́коже восхоте́ мир просвети́ти зову́щий и глаго́лющий:// Воскресы́й из ме́ртвых, Го́споди, сла́ва Тебе́.
Будучи Царем неба и земли, Ты, Непостижимый, / добровольно был распят по человеколюбию. / Ад, встретив Тебя в преисподней, ожесточился, / а души праведников, принявшие Тебя, возрадовались; / Адам же, увидев Тебя, Творца, в местах подземных, воскрес. / О чудо! Как вкусила смерти Жизнь всех? / Лишь только потому, что восхотел Он мир просветить, / восклицающий и взывающий: / "Воскресший из мертвых Господи, слава Тебе!"

 

Стих:        До́му Твоему́ подоба́ет святы́ня,/ Го́споди, в долготу́ дний.

            Жены́ мироно́сицы, ми́ра нося́ща,/ со тща́нием и рыда́нием гро́ба Твоего́ достиго́ша,/ и не обре́тша Пречи́стаго Те́ла Твоего́,/ от А́нгела же уве́девша но́вое и пресла́вное чу́до,/ Апо́столом глаго́лаху:/ воскре́се Госпо́дь,// подая́ ми́рови ве́лию ми́лость.

Жены мироносицы, несшие миро, / с поспешностью и рыданием гроба Твоего достигли; / и не найдя пречистого Тела Твоего, / но от Ангела узнав о новом и необычайном чуде, / апостолам возглашали: "Воскрес Господь, / дарующий миру великую милость!"

 

                       Стихи́ра Трио́ди (прп.Мари́и), глас 2:

                Сла́ва Отцу́ и Сы́ну и Свято́му Ду́ху.

            Душе́вная ловле́ния,/ и стра́сти плотски́я мече́м воздержа́ния посе́кла еси́:/ по́мысла прегреше́ния/ молча́нием обуче́ния подави́ла еси́,/ и струя́ми слез твои́х пусты́ню всю напои́ла еси́,/ и прозябла́ еси́ нам покая́ния плоды́./ Те́мже твою́ па́мять// преподо́бная пра́зднуем.

Душевные западни и страсти плоти / мечем воздержания ты посекла, / мысли преступные, в молчании упражняясь, подавила / и струями слез твоих всю пустыню оросила, / и произрастила нам покаяния плоды. / Потому мы твою память, преподобная, празднуем

 

                       Богоро́дичен воскре́сный, (по гла́су "Сла́вы"), глас 2:

            И ны́не и при́сно и во ве́ки веко́в. Ами́нь.

            О чудесе́ но́ваго всех дре́вних чуде́с!/ Кто бо позна́ ма́терь без му́жа ро́ждшую,/ и на руку́ нося́щую,/ всю тварь Содержа́щаго?/ Бо́жие есть изволе́ние, Ро́ждшееся./ Его́же я́ко Младе́нца, Пречи́стая,/ Твои́ма рука́ма носи́вшая,/ и Ма́терне дерзнове́ние к Нему́ иму́щая,/ не преста́й моля́щи о чту́щих Тя,// уще́дрити и спасти́ ду́ши на́ша.

О, чудо новое, высшее всех древних чудес! / Ибо кто знал матерь, без мужа родившую, / и во объятиях носившую все творение Объемлющего? / Божий замысел – это зачатие. / Ты же, Пречистая, Его как младенца руками Своими державшая, / и материнское дерзновение к Нему стяжавшая, / не переставай молиться о почитающих Тебя, / дабы Он умилостивился и спас души наши.

 

Моли́тва свята́го Симео́на Богоприи́мца:

Хор:  Ны́не отпуща́еши раба́ Твоего́, Влады́ко,/ по глаго́лу Твоему́, с ми́ром;/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,// и сла́ву люде́й Твои́х Изра́иля.

 

Трисвято́е по О́тче наш:

Чтец:    Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)     

Тропа́рь, глас 4:

Хор:       Богоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ благослове́на Ты в жена́х/ и благослове́н Плод чре́ва Твоего́,// яко Спа́са родила́ еси душ на́ших. (Три́жды)

Благослове́ние хле́бов:

Псало́м 33:

Хор:  Благословлю́ Го́спода на вся́кое вре́мя,/ вы́ну хвала́ Его́ во усте́х мои́х./ О Го́споде похва́лится душа́ моя́,/ да услы́шат кро́тцыи, и возвеселя́тся./ Возвели́чите Го́спода со мно́ю,/ и вознесе́м И́мя Его́ вку́пе./ Взыска́х Го́спода, и услы́ша мя,/ и от все́х скорбе́й мои́х изба́ви мя./ Приступи́те к Нему́, и просвети́теся,/ и ли́ца ва́ша не постыдя́тся./ Сей ни́щий воззва́, и Госпо́дь услы́ша и́,/ и от все́х скорбе́й его́ спасе́ и́./ Ополчи́тся а́нгел Госпо́день о́крест боя́щихся Его́,/ и изба́вит их./ Вкуси́те и ви́дите, я́ко благ Госпо́дь:/ блаже́н муж, и́же упова́ет Нань./ Бо́йтеся Го́спода, вси́ святи́и Его́,/ я́ко несть лише́ния боя́щимся Его́./ Бога́тии обнища́ша и взалка́ша:/ взыска́ющии же Го́спода// не лиша́тся вся́каго бла́га.

 

Иере́й: Благослове́ние Госпо́дне на вас, Того́ благода́тию и человеколю́бием, всегда́, ны́не и при́сно и во ве́ки веко́в.

Хор: Ами́нь.

У́ТРЕНЯ.

Шестопса́лмие:

Хор:       Сла́ва в вы́шних Бо́гу, и на земли́ мир, в челове́цех благоволе́ние. (Три́жды)

                Го́споди, устне́ мои́ отве́рзеши, и уста́ моя́ возвестя́т хвалу́ Твою́. (Два́жды)

 

 

Вели́кая ектения́:

Диа́кон: Ми́ром Го́споду помо́лимся.

Хор: Го́споди, поми́луй. (На каждое прошение)

Бог Госпо́дь, глас 1:

Диа́кон: Бог Госпо́дь, и яви́ся нам, благослове́н Гряды́й во И́мя Госпо́дне.

Стих 1: Испове́дайтеся Го́сподеви, я́ко благ, я́ко в век ми́лость Его́.

Хор: Бог Госпо́дь, и яви́ся нам, благослове́н Гряды́й во И́мя Госпо́дне.

(И далее на каждый стих)

Тропа́рь воскре́сный, глас 1:

Хор:       Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче. (Два́жды)

Хотя камень был опечатан иудеями, / и воины стерегли пречистое тело Твое, / воскрес Ты в третий день, Спаситель, / даруя миру жизнь. / Потому Силы небесные взывали к Тебе, Податель жизни: / "Слава воскресению Твоему, Христе; / слава Царству Твоему; / слава промыслу Твоему, Единый Человеколюбец!

                Сла́ва Отцу́ и Сы́ну и Свято́му Ду́ху.

Тропа́рь Трио́ди (прп. Мари́и), глас 8:

            В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.
Втебе, матерь, точно сохранилось / то, что в нас по Божию образу: / ибо взяв свой крест ты последовала за Христом, / и делом учила пренебрегать плотью, как преходящей, / заботиться же о душе, творении бессмертном. / Потому и радуется с Ангелами, преподобная Мария, дух твой

 

                И ны́не и при́сно и во ве́ки веко́в. Ами́нь.

Богоро́дичен воскре́сный (по гла́су "Сла́вы"), глас 8:

            И́же нас ра́ди рожде́йся от Де́вы,/ и, распя́тие претерпе́в, Благи́й,/ испрове́ргий сме́ртию смерть и воскресе́ние явле́й я́ко Бог,/ не пре́зри, я́же созда́л еси́ руко́ю Твое́ю./ Яви́ человеколю́бие Твое́, Ми́лостиве,/ приими́ ро́ждшую Тя Богоро́дицу, моля́щуюся за ны,// и спаси́, Спа́се наш, лю́ди отча́янныя.

Ради нас рожденный от Девы / и распятие претерпевший, / ниспровергший смертию смерть / и явивший воскресение как Бог, / не презри, Благой, созданных рукою Твоею; / яви человеколюбие Твое, Милостивый, / прими родившую Тебя Богородицу, ходатайствующую за нас, / и спаси, Спаситель наш, людей отчаявшихся.

 

Кафи́змы:

Кафи́зма втора́я:

Псало́м 9 -16

               

 

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

 

Седа́льны воскре́сные, глас 1:

                Гроб Твой, Спа́се, во́ини стрегу́щии,/ ме́ртвии от облиста́ния я́вльшагося а́нгела бы́ша,/ пропове́дающа жена́м воскресе́ние./ Тебе́ сла́вим тли потреби́теля,/ Тебе́ припа́даем, Воскре́сшему из гро́ба,// и Еди́ному Бо́гу на́шему.

Воины, охранявшие гроб Твой, Спаситель, / стали как мертвые от блистания явившегося Ангела, / возвещавшего женам о воскресении. / Тебя мы славим, тления истребителя, / к Тебе припадаем, воскресшему из гроба, /и единому Богу нашему.

 

Стих:        Воскресни́ Го́споди Бо́же мой, да вознесе́тся рука́ Твоя́,/ не забу́ди убо́гих Твои́х до конца́.

                Ко Кресту́ пригво́ждься во́лею, Ще́дре,/ во гро́бе положе́н быв я́ко мертв, Животода́вче,/ держа́ву стерл еси́, Си́льне, сме́ртию Твое́ю:/ Тебе́ бо вострепета́ша вра́тницы а́довы,/ Ты совоздви́гл еси́ от ве́ка уме́ршия,// я́ко Еди́н Человеколю́бец.

 

Добровольно пригвожденный ко Кресту, Ты, милосердный, / положенный в гробнице как смертный – Податель жизни, / могущество врага сокрушил смертию Своею, / ибо пред Тобою привратники ада затрепетали: / Ты воскресил с Собою умерших от века, / как единый Человеколюбец.

 

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Богородичен: Гаврии́лу, веща́вшу Тебе́, Де́во, ра́дуйся,/ со гла́сом воплоща́шеся всех Влады́ка,/ в Тебе́, Святе́м Киво́те,/ я́коже рече́ пра́ведный Дави́д;/ яви́лася еси́ ши́ршая небе́с,/ поноси́вши Зижди́теля Твоего́./ Сла́ва Все́льшемуся в Тя,/ сла́ва Проше́дшему из Тебе́,// слава Свободи́вшему нас рождество́м Твои́м.

 

Гавриил возгласил Тебе, Дева, "Радуйся", / и с тем возгласом воплощался всех Владыка / в Тебе, святом Ковчеге, / как сказал праведный Давид. / Явилась Ты пространнее небес, / носив Создателя Твоего. / Слава Вселившемуся в Тебя; / слава Происшедшему из Тебя; / слава Освободившему нас рождением от Тебя.

 

Хор:       Го́споди, пом́илуй. (Три́жды)

                Сла́ва Отцу́ и Сы́ну и Свято́му Ду́ху.

 

Чтец:    И ны́не и при́сно и во ве́ки веко́в. Ами́нь.

Кафи́зма тре́тья:

Псало́м 17 -22

Ектения́ ма́лая:

 

Седа́льны воскре́сные, глас 1:

            Жены́ ко гро́бу приидо́ша ура́нша,/ и а́нгельское явле́ние ви́девша, трепета́ху:/ гроб облиста́ жизнь, чу́до удивля́ше я́:/ сего́ ра́ди ше́дша, ученико́м пропове́даху воста́ние:/ ад плени́ Христо́с, я́ко Еди́н кре́пок и си́лен,/ и истле́вшыя вся совоздви́же,// осужде́ния страх разруши́в Кресто́м.

Жены пришли к гробнице ранним утром / и, явление Ангелов увидев, устрашились. / Из гроба заблистала жизнь, / и их поразило это чудо; / потому они, отправившись к ученикам, / провозгласили им о воскресении. / Победил ад Христос, как единый могущественный и сильный, / и воскресил с Собою всех погибших, / страх осуждения уничтожив силою Креста.

 

Стих:        Испове́мся Тебе́ Го́споди всем се́рдцем мои́м,/ пове́м вся чудеса́ Твоя́.

            На Кресте́ пригвозди́лся еси́, Животе́ всех,/ и в ме́ртвых вмени́лся еси́, Безсме́ртный Го́споди,/ воскре́сл еси́ тридне́вен, Спа́се,/ совоздви́г Ада́ма от тле́ния./ Сего́ ра́ди си́лы небе́сныя вопия́ху Тебе́, Жизнода́вче Христе́:/ сла́ва Воскресе́нию Твоему́,/ сла́ва снизхожде́нию Твоему́,// Еди́не Человеколю́бче.

На Кресте пригвожденный, Жизнь всех, / и к мертвым причисленный, бессмертный Господи, / Ты в третий день воскрес, Спаситель, и Адама воздвиг из тления. / Потому Силы небесные взывали к Тебе, Податель жизни: / "Слава страданиям Твоим, Христе; / слава воскресению Твоему; / слава снисхождению Твоему, единый Человеколюбец!"

 

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Богоро́дичен: Мари́е, честно́е Влады́ки Прия́телище,/ воскреси́ ны па́дшыя в про́пасть лю́таго отча́яния, и прегреше́ний и скорбе́й,/ Ты бо еси́ гре́шным Спасе́ние и по́мощь, и кре́пкое Предста́тельство,// и спаса́еши рабы́ Твоя́.

Мария, священное вместилище Владыки! / Воскреси нас, упавших в бездну страшного отчаяния, / и согрешений, и скорбей; / ибо Ты сделалась грешникам спасением, / и помощью, и крепкою защитой, / и спасаешь рабов Твоих.

 

Полиеле́й[1]:

Хор:            Хвали́те И́мя Госпо́дне, хвали́те, раби́ Го́спода.

                          Аллилу́иа, аллилу́иа, аллилу́иа.

              Благослове́н Госпо́дь от Сио́на, живы́й во Иерусали́ме.

                          Аллилу́иа, аллилу́иа, аллилу́иа.

              Испове́дайтеся Го́сподеви, я́ко Благ, я́ко в век ми́лость Его́.

                          Аллилу́иа, аллилу́иа, аллилу́иа.

              Испове́дайтеся Бо́гу Небе́сному, я́ко в век ми́лость Его́.

                          Аллилу́иа, аллилу́иа, аллилу́иа.

 

Тропари́ воскре́сные, глас 5:

Хор: Благослове́н еси́, Го́споди,/ научи́ мя оправда́нием Твои́м./

                Ангельски́й собо́р удиви́ся,/ зря́ Тебе́ в ме́ртвых вмени́вшася,/ сме́ртную же, Спа́се, кре́пость разори́ша,/ и с Собо́ю Ада́ма воздви́гша,// и от ада вся свобождша.

                Благослове́н еси́, Го́споди,/ научи́ мя оправда́нием Твои́м./

                Почто́ ми́ра с ми́лостивными слеза́ми,/ о учени́цы растворя́ете?/ Блиста́яйся во гро́бе а́нгел/ мироно́сицам веща́ше:/ ви́дите вы гро́б и уразуме́йте,// Спас бо воскре́се от гро́ба.

                Благослове́н еси́, Го́споди,/ научи́ мя оправда́нием Твои́м./

                Зело́ ра́но мироно́сицы теча́ху/ ко гро́бу Твоему́ рыда́ющия,/ но предста́ к ним а́нгел, и рече́:/ рыда́ния вре́мя преста́, не пла́чите,// воскресе́ние же апо́столом рцы́те.

                Благослове́н еси́, Го́споди,/ научи́ мя оправда́нием Твои́м./

                Мироно́сицы жены́, с ми́ры прише́дша/ ко гро́бу Твоему́, Спа́се, рыда́ху,/ а́нгел же к ним рече́, глаго́ля:/ что с ме́ртвыми Жива́го помышля́ете?// Я́ко Бог бо воскре́се от гро́ба.

            Сла́ва Отцу́ и Сы́ну и Свято́му Ду́ху./

                Поклони́мся Отцу́,/ и Его́ Сы́нови, и Свято́му Ду́ху,/ Святе́й Тро́ице во еди́ном существе́, с Серафи́мы зову́ще:/ Свят, Свят, Свят еси́, Го́споди.

                И ны́не и при́сно и во ве́ки веко́в. Ами́нь./

                Жизнода́вца ро́ждши,/ греха́, Де́во, Ада́ма изба́вила еси́,/ ра́дость же Е́ве в печа́ли ме́сто подала́ еси́;/ па́дшия же от жи́зни/ к сей напра́ви,// из Тебе́ воплоти́выйся Бог и Челове́к.

                Аллилу́иа, аллилу́иа, аллилу́иа,// сла́ва Тебе́, Бо́же. (Три́жды)

Ектения́ ма́лая:

Диа́кон: Па́ки и па́ки ми́ром Го́споду помо́лимся

 

Ипакои́, глас 1:

                Разбо́йничо покая́ние рай окра́де,/ плачь же мироно́сиц ра́дость возвести́,/ я́ко воскре́сл еси́, Христе́ Бо́же,// подая́й ми́рови ве́лию ми́лость.

Покаяние разбойника овладело раем, / плач же мироносиц радость возвестил, / что воскрес Ты, Христе Боже, / подающий миру великую милость.

 

Степе́нна, глас 1

1 Антифо́н:

Хор:       Внегда́ скорбе́ти ми, услы́ши моя́ боле́зни,// Го́споди, Тебе́ зову́.

В скорби моей / услышь мои муки, Господи, / к Тебе взываю.

                Пусты́нным непреста́нное Боже́ственное жела́ние быва́ет,// ми́ра су́щим су́етнаго кроме́.
Живущим в уединении / непрестанно божественное стремление присуще, / как находящимся вне суетного мира.

 

 

                Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Ами́нь.

            Свято́му Ду́ху честь и сла́ва,/ я́коже Отцу́ подоба́ет, ку́пно же и Сы́ну,// сего́ ра́ди да пое́м Тро́ице Единодержа́вие.

                          Святому Духу подобает честь и слава, / как Отцу, и вместе – Сыну: / поэтому воспоем / Троице единовластной.

 

 

Проки́мен и чте́ние Ева́нгелия:

Диа́кон:    Во́нмем. Прему́дрость во́нмем, проки́мен, глас пе́рвый:

                       Ны́не воскресну́, глаго́лет Госпо́дь,/ положу́ся во Спасе́ние, не обиню́ся о нем.

Хор:       Ны́не воскресну́, глаго́лет Госпо́дь,/ положу́ся во Спасе́ние, не обиню́ся о нем.

. Ныне восстану, говорит Господь, / явлю в Себе спасение, ясно возвещу о нём!

 

Диа́кон:    Вся́кое дыха́ние да хва́лит Го́спода.

Хор:       Вся́кое дыха́ние да хва́лит Го́спода.

 

Диа́кон:    И о сподо́битися нам слы́шанию Свята́го Ева́нгелия, Го́спода Бо́га мо́лим.

Хор:       Го́споди, поми́луй. (Три́жды)

 

Диа́кон:    Прему́дрость, про́сти, услы́шим Свята́го Ева́нгелия.

Иере́й        Мир всем.

Хор:       И ду́хови твоему́.

 

Иере́й:       От Иоа́нна Свята́го Ева́нгелия чте́ние.

Хор:       Сла́ва, Тебе́, Го́споди, сла́ва Тебе́.

 

Диа́кон:    Во́нмем.

                       (Евангелие воскресное 9-е, Ин., зач. 65:)                              

Иере́й:    Су́щу по́зде в день той, во еди́ну от суббо́т, и две́рем затворе́нным, иде́же бя́ху ученицы́ Его́ со́брани стра́ха ра́ди иуде́йска, прии́де Иису́с, и ста посреде́, и глаго́ла им: мир вам. И сие́ рек, показа́ им ру́це, и но́зе, и ре́бра своя́: возра́довашася же ученицы́ ви́девше Го́спода. Рече́ же им Иису́с па́ки: мир вам. Я́коже посла́ Мя Оте́ц, и Аз посыла́ю вы. И сие́ рек, ду́ну, и глаго́ла им: приими́те Дух Свят. И́мже отпу́стите грехи́, отпу́стятся им: и и́мже держите́, держа́тся. Фома́ же еди́н от обоюна́десяте, глаго́лемый близне́ц, не бе ту с ни́ми, егда́ прии́де Иису́с. Глаго́лаху же ему́ друзи́и ученицы́: ви́дехом Го́спода. Он же рече́ им: а́ще не ви́жду на руку́ Его́ я́звы гвозди́нныя, и вложу́ пе́рста моего́ в я́звы гвозди́нныя, и вложу́ ру́ку мою́ в ре́бра Его́, не иму́ ве́ры. И по днех осми́х па́ки бя́ху вну́трь ученицы́ Его́, и Фома́ с ни́ми. Прии́де Иису́с две́рем затворе́нным, и ста посреде́ их, и реч́е: мир вам. Пото́м глаго́ла Фоме́: принеси́ перст твой се́мо, и ви́ждь ру́це Мои́, и принеси́ ру́ку твою́, и вложи́ в ре́бра Моя́, и не бу́ди неве́рен, но ве́рен. И отвеща́ Фома́, и рече́ Ему́: Госпо́дь мой, и Бог мой. Глаго́ла ему́ Иису́с: я́ко ви́дев Мя, ве́рова: Блаже́ни не ви́девшии, и ве́ровавше. Мно́га же и и́на зна́мения сотвори́ Иису́с пред ученики́ Свои́ми, я́же не суть пи́сана в кни́гах сих. Сия́ же пи́сана бы́ша, да ве́руете, я́ко Иису́с есть Христо́с Сын Бо́жий: и да ве́рующе, живота́ и́мате во и́мя Его́.

Хор:       Сла́ва, Тебе́, Го́споди, сла́ва Тебе́.

 

Воскре́сная песнь по Ева́нгелии, глас 6:

                Воскресе́ние Христо́во ви́девше,/ поклони́мся Свято́му Го́споду Иису́су,/ еди́ному безгре́шному,/ Кресту́ Твоему́ покланя́емся, Христе́,/ и свято́е Воскресе́ние Твое́ пое́м и сла́вим:/ Ты бо еси́ Бог наш,/ ра́зве Тебе́ ино́го не зна́ем,/ и́мя Твое́ имену́ем./ Прииди́те вси ве́рнии,/ поклони́мся Свято́му Христо́ву Воскресе́нию:/ се бо прии́де Кресто́м ра́дость всему́ ми́ру./ Всегда́ благословя́ще Го́спода,/ пое́м Воскресе́ние Его́:/ распя́тие бо претерпе́в,// сме́ртию смерть разруши́.

 

 

                       Глас 8:

Хор:       Сла́ва Отцу́ и Сы́ну и Свято́му Ду́ху.

                Покая́ния отве́рзи ми две́ри Жизнода́вче,/ у́тренюет бо дух мой ко хра́му свято́му Твоему́,/ храм нося́й теле́сный весь оскверне́н:/ но я́ко щедр, очи́сти// благоутро́бною Твое́ю ми́лостию.

                И ны́не и при́сно и во ве́ки веко́в. Ами́нь.

                На спасе́ния стези́ наста́ви мя Богоро́дице,/ сту́дными бо окаля́х ду́шу грехми́,/ и в ле́ности все житие́ мое́ ижди́х:/ но Твои́ми моли́твами/ изба́ви мя от вся́кия нечистоты́.                

                       Глас 6:

                Поми́луй мя, Бо́же,/ по вели́цей ми́лости Твое́й,/ и по мно́жеству щедро́т Твои́х// очи́сти беззако́ние мое́.

                Мно́жества соде́янных мно́ю лю́тых, помышля́я окая́нный,/ трепе́щу стра́шнаго дне су́днаго:/ но наде́яся на ми́лость благоутро́бия Твоего́,/ я́ко Дави́д вопию́ Ти:/ поми́луй мя Бо́же// по вели́цей Твое́й ми́лости.

 

Хор:       Го́споди, поми́луй. (12 раз)

Иере́й:       Ми́лостию и щедро́тами и человеколю́бием единоро́днаго Твоего́ Сы́на, с Ни́мже благослове́н еси́, со Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в.

Хор:       Ами́нь.

 

Кано́н:

Песнь 1:

Кано́н Воскре́сный, глас 1:

Хор:

Ирмо́с:         Твоя́ победи́тельная десни́ца/ Боголе́пно в кре́пости просла́вися:/ та бо, Безсме́ртне,/ я́ко всемогу́щая, проти́вныя сотре́,// Изра́ильтяном путь глубины́ новосоде́лавшая.

Твоя, Бессмертный, победоносная десница / божественно силою прославилась: / ибо она, как всемогущая, противников сломила, / а израильтянам проложила / новый путь по глубине.

Припе́в:      Сла́ва, Го́споди, свято́му Воскресе́нию Твоему́.

Тропа́рь:    И́же рука́ма пречи́стыма от пе́рсти/ богоде́тельне испе́рва созда́в мя,/ ру́це распросте́рл еси́ на кресте́,/ от земли́ взыва́я тле́нное мое́ те́ло,// е́же от Де́вы прия́л еси́.

Ты, руками пречистыми из праха / Божественным действием создавший меня в начале, / распростер Свои руки на Кресте, / от земли призывая к Себе тленное мое тело, / которое принял от Девы.

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Умерщвле́ние подъя́л еси́ мене́ ра́ди,/ и ду́шу сме́рти пре́дал еси́,/ И́же вдохнове́нием боже́ственным ду́шу ми вложи́вый,/ и отреши́в ве́чных уз, и совоскреси́в// нетле́нием просла́вил еси́.
Умерщвление перенес ради меня / и душу Свою смерти предает / Божественным дуновением душу в меня Вдохнувший; / и, освободив от вечных уз и воскресив с Собою, / Он бессмертием меня прославил.

 

Припе́в:      Пресвята́я Богоро́дице, спаси́ нас.

Богоро́дичен : Ра́дуйся, благода́ти исто́чниче,/ ра́дуйся ле́ствице, и две́ре небе́сная,/ ра́дуйся све́щнице, и ру́чко злата́я, и горо́ несеко́мая,// Я́же Жизнода́вца Христа́ ми́рови ро́ждшая.

Радуйся, источник благодати; / радуйся, лестница и дверь небесная; / радуйся, светильник и золотой сосуд / и гора нерассекаемая, / жизни Подателя Христа миру родившая.

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Ку́ю Ти досто́йную песнь на́ше принесе́т неможе́ние?/ то́чию обра́довательную,/ е́йже нас Гаврии́л та́йно научи́л есть:// ра́дуйся, Богоро́дице Де́во, Ма́ти Неневе́стная.

Какую Тебе песнь достойную / мы принесем при нашей немощи, / кроме радостной, которой тайно научил нас Гавриил: / "Радуйся, Богородица Дева, / Матерь, брака не познавшая!"

 

Припе́в:      Пресвята́я Богоро́дице, спаси́ нас.

Тропа́рь: Присноде́ве и Ма́тери Царя́ вы́шних сил,/ от чисте́йша се́рдца, ве́рнии, духо́вне возопии́м:// ра́дуйся, Богоро́дице Де́во, Ма́ти Неневе́стная.

Приснодеве и Матери Царя вышних Сил / от чистейшего сердца, верные, / духовно возгласим: / "Радуйся, Богородица Дева, / Матерь брака не познавшая!"

 

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    Оста́вил мя еси́ бога́тству сласте́й,/ веселя́щемуся на всяк день в сла́дости бога́тому./ Те́мже Тя молю́, Спа́се,// огня́ мя я́коже Ла́заря изба́ви.

Припе́в:      Поми́луй мя, Бо́же, поми́луй мя.

Тропа Ты мне / предаться богатству наслаждений, / подобно веселившемуся на всякий день в роскоши богатому. / Потому молю Тебя, Спаситель, / от огня меня как Лазаря избавь.

 Спа́се, сластьми́,/ я́коже обложи́вый себе́ ви́ссон и зла́то, и злату́ю оде́жду,// но мя во огнь я́коже о́наго, да не по́слеши.

Одет я, Спаситель, услаждениями / как облачавшийся в виссон, и золото, / и златотканную одежду; / но не пошли меня в огонь, как его.

Припе́в:      Поми́луй мя, Бо́же, поми́луй мя.

Тропа́рь:    Веселя́шеся бога́тством и сла́достию бога́тый,/ дре́вле в житии́ тле́ннем,/ те́мже на му́ки осуди́ся,// ни́щий ороша́шеся Ла́зарь.

Веселился богатством и роскошью богатый / некогда в жизни тленной, / потому и был на муки осужден, / нищего же Лазаря роса освежала.

 

Припе́в:      Пресвята́я Богоро́дице, спаси́ нас.

Богоро́дичен : Чи́ни Тя а́нгел и челове́к, безневе́стная Ма́ти,/ хва́лят непреста́нно,/ Творца́ бо сих, я́коже Младе́нца,// во объя́тиих Твои́х носи́ла еси́.

Полки Ангелов и смертных / Тебя, Матерь, брака не познавшая, восхваляют непрестанно, / ибо Ты их Творца как младенца / во объятиях Твоих носила.

 

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Любо́вию светоно́сную и боже́ственную твою́ па́мять пра́зднующему,/ свет низпосли́ ми,/ предстоя́щая преподо́бная све́ту непристу́пному Христу́,// искуше́ний вся́ческих мя жития́ избавля́ющи.

С любовью светоносную и божественную твою память празднующему, / свет ниспошли мне, преподобная, / предстоящая Свету неприступному – Христу, / от всяческих искушений житейских меня избавляя.

Припе́в:      Преподо́бная ма́ти Мари́е, моли́ Бо́га о нас.

Тропа́рь:    К еги́птяном пло́тию отше́дый, Неопи́санный и Преве́чный,/ из Еги́пта показу́ет всесве́тлую тя звезду́,// ве́дый Госпо́дь вся пре́жде бытия́.

С египтянами по плоти поселившийся Господь, / Беспредельный и Предвечный, / из Египта являет тебя, всесветлую звезду, / всех Знающий прежде рождения.

                       Сла́ва Отцу́ и Сы́ну и Свято́му Ду́ху.

Тропа́рь:    Боже́ственных за́поведей честна́я не ве́дущи,/ боже́ственный о́браз Бо́жий окаля́ла еси́,/ Боже́ственным же про́мыслом па́ки очи́стила еси́, всехва́льная,// обожи́вшися дея́ньми боже́ственными, преподо́бная, твои́ми.

 

Божественных заповедей не зная, досточтимая, / прекрасный образ Божий ты запятнала, / но Божественным промыслом снова очистила его, всехвальная, / обожение стяжав деяниями божественными твоими, преподобная.

 

                И ны́не и при́сно и во ве́ки веко́в, ами́нь.

Богоро́дичен : О Твоего́, Бо́же мой, мно́гаго благоутро́бия,/ и неизрече́ннаго Твоего́ снизхожде́ния!/ Ка́ко пе́рвее блудни́цу, Ма́тере Твоея́ мольба́ми,// я́ко чи́стую и непоро́чную, а́нгелом уподо́бил еси́.

 

О великое Твое, Боже мой, милосердие / и неизреченное Твое снисхождение! / Как бывшую блудницу, Матери Твоей мольбами, / чистотою и непорочностью Ты Ангелам уподобил!

 

Песнь 3:

Кано́н Воскре́сный, глас 1:

Хор:

Ирмо́с:         Е ди́не ве́дый челове́ческаго существа́ не́мощь/ и ми́лостивно в не вообра́жся,/ препоя́ши мя с высоты́ си́лою,/ е́же вопи́ти Тебе́, Святы́й,// одушевле́нный хра́ме неизрече́нныя сла́вы Твоея́ , Человеколю́бче.

Единый, Знающий немощь естества смертных, / и из сострадания принявший его образ! / Препояшь меня свыше силою, чтобы взывать Тебе: / "Свят одушевленный храм / пречистой славы Твоей, Человеколюбец!"

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Бог Сый мне, Бла́же, па́дшаго уще́дрил еси́,/ и сни́ти ко мне благоволи́в, возне́сл мя еси́ распя́тием,/ е́же вопи́ти Тебе́, Святы́й:// Хра́ме одушевле́нный неизрече́нныя Твоея́ сла́вы, Человеколю́бче.

Будучи моим Богом, Ты, Благой, / сжалился надо мною, падшим, / и снизойти ко мне благоволил, / превознеся меня Своим распятием, / чтобы мне взывать Тебе: / "Свят славы Господь, / непостижимый во благости!"

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Живо́т ипоста́сный Христе́ сый,/ в истле́вша мя, я́ко Милосе́рдый Бог, обо́лкся,/ в персть сме́ртную соше́д, Влады́ко,/ сме́ртную держа́ву разруши́л еси́,/ и мертв тридне́вен воскре́с,// в нетле́ние мя обле́кл еси́.

Будучи ипостасною жизнью, Ты, Христе, / но в меня, погибшего, как милосердный Бог, облекшись, / и в прах смерти сойдя, Владыка, / Ты узы смертные расторг / и, воскреснув в третий день, / мертвых облек в бессмертие.

 

Припе́в:      Пресвята́я Богоро́дице, спаси́ нас.

Богоро́дичен : Бо́га заче́нши во чре́ве, Де́во, Ду́хом Пресвяты́м,/ пребыла́ еси́ неопали́ма,/ поне́же Тя купина́ законополо́жнику Моисе́ю,/ пали́мую нежего́мо, я́ве предвозвести́,// огнь нестерпи́мый прие́мшую.

Бога зачав во чреве Духом Всесвятым, / Ты, Дева, осталась не опаленной: / ибо терновый куст, горевший не сгорая, / законодателю Моисею ясно предвозвестил Тебя, / огонь принявшую нестерпимый.

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: О́блак Тя ле́гкий нело́жно, Де́во, имену́ем,/ проро́ческим возсле́дующе рече́нием:/ прии́де бо на Тебе́ Госпо́дь/ низложи́ти еги́петския пре́лести рукотворе́ния,// и просвети́ти сим служа́щия.

Облаком легким Тебя, Дева, / мы не ложно именуем, / следуя пророческим изречениям: / ибо чрез Тебя пришел Господь, / чтобы ниспровергнуть ложных идолов Египетских / и просветить служивших им.

 

Припе́в:      Пресвята́я Богоро́дице, спаси́ нас.

Тропа́рь: Тя запеча́танный вои́стинну лик проро́ческий исто́чник,/ и заключе́нную дверь именова́, де́вства Твоего́, Всепе́тая,/ я́вственне зна́мения нам пи́шуще:// е́же сохрани́ла еси́ и по рождестве́.

 

Тебя поистине запечатанным источником / и заключенной дверью хор пророческий назвал, / – это ясно нам начертанные символы / девства Твоего, Всепрославленная, / которое Ты сохранила и после родов.

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    Ла́заря я́коже спасл еси́ от пла́мене, Христе́,/ та́ко мене́ от огня́ изба́ви гее́нскаго,// недосто́йнаго раба́ Твоего́.

Как Ты спас Лазаря от пламени, Христе, / так меня избавь от огня геенны, / недостойного раба Твоего.

Припе́в:      Поми́луй мя, Бо́же, поми́луй мя.

Тропа́рь:    Бога́тый страстьми́, и сластьми́ есмь, Го́споди,/ Ла́зарь же убо́гий лише́нием доброде́телей,// но спаси́ мя.

Богат я страстями и наслаждениями, Господи, / но как Лазарь беден, ибо добродетелей лишен; / но спаси меня!

Припе́в:      Поми́луй мя, Бо́же, поми́луй мя.

Тропа́рь:    В червлени́цу и ви́ссон облача́шеся бога́тый, сластьми́ и греха́ми,// сего́ ра́ди пла́менствуется.

В багряницу и виссон богатый облачался, / наслаждениями и грехами, / и потому горит в пламени.

 

Припе́в:      Пресвята́я Богоро́дице, спаси́ нас.

Богоро́дичен : Даждь нам по́мощь моли́твами Твои́ми, Всечи́стая,// прило́ги отража́ющи лю́тых обстоя́ний.

Дай нам помощь / мольбами Твоими, Всечистая, / отражая нападения страшных бедствий.

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Ко врато́м поги́бели прибли́жшуюся дея́ньми безме́стными,/ врата́ пре́жде а́дова сокруши́вый си́лою Божества́,/ врата́ покая́ния тебе́ отверза́ет всечестна́я,// дверь сый Сам живота́.

Тебе, к вратам погибели / приблизившейся делами непристойными, / Тот, Кто прежде врата ада сокрушил силою Божества, / покаяния врата отверзает, досточтимая, / Сам являясь дверью жизни.

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Ору́жие греха́ Долготерпели́ве пре́жде бы́вшую,/ ору́жию Креста́ Боже́ственнаго поклоне́нием показа́л еси́,// ору́жия бесо́в вся, и ко́зни вся́ко побежда́ющую, Благоутро́бне.
Орудием греха прежде бывшую, Долготерпеливый, / после поклонения оружию божественного Креста / Ты явил всецело побеждающей / все орудия и козни бесов, Милосердный.

                       Сла́ва Отцу́ и Сы́ну и Свято́му Ду́ху.

Тропа́рь:    Це́ну за всех, Свою́ пре́жде излия́вый кровь,/ ба́нею слез чи́стую тя соде́ловает,/ прока́зою лю́тою боле́вшую зле́йшаго дея́ния,// вся́ко е́же бы́ти всем да́вый.

Прежде в выкуп за всех / кровь Свою изливший, / чистой слез купелью делает тебя, / болевшую проказой тяжкою порочнейшего деяния, / всем бытие всецело Даровавший.

 

                И ны́не и при́сно и во ве́ки веко́в, ами́нь.

Богоро́дичен : Сло́ва вся́каго есть вы́шшее, е́же на Тебе́, Де́во,/ Сло́во бо О́тчее в Тебе́ боголе́пно всели́ся,/ разреше́ние согреше́ний всем согреша́ющим,// сло́вом еди́нем подава́яй.

Слова всякого выше / на Тебе, Дева, совершившееся: / ибо в Тебя вселилось, как подобает Богу, Слово Отчее, / разрешение согрешений всем согрешающим / одним словом подающее.

 

Катава́сия Трио́ди, глас 4:

Хор:       Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би .

 

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

Хор:       Го́споди, поми́луй.

 

Конда́к Трио́ди (прп. Мари́и), глaс 3, подо́бен: «Де́ва дне́сь…»:

                Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,/ Мари́е пресла́вная.

 

Прежде различными блудодеяниями исполненная, / ныне через покаяние ты наречена невестою Христовой, / ангельского образа жизни возжелавшая, / демонов оружием Креста поправшая. / Потому явилась ты Царства невестой, / Мария досточтимая!

 

И́кос:

                А́гницу Христо́ву и дщерь пе́сньми восхва́лим ны́не,/ Мари́ю приснопа́мятную, я́вльшуюся Еги́петское овча́:/ и пре́лести сих всея́ избеже́,/ и еди́на принесе́ся Це́ркви соверше́нное возраще́ние,/ воздержа́нием и моли́твою подвиза́ющися па́че ме́ры челове́ческаго естества́./ Те́мже и возвы́си ея́ и житие́ и дея́ние, еди́н Вседержи́тель,// Мари́и пресла́вныя.

Агницу Христову и дочь / ныне песнями восхвалим, Марию достославную, / по происхождению – отпрыск египтян, / но всего их заблуждения избежавшую, / и прекрасно принесенную Церкви, как отрасль драгоценная, / в воздержании и молитве подвизавшаяся / выше меры человеческого естества. / Потому и возвысилась ты во Христе жизнью и деянием, / явившись Царства Небесного невестой, / Мария досточтимая!

 

 

Седа́лен Трио́ди (прп. Мари́и), глaс 8, подо́бен: «Прему́дрость и сло́во…»:

                Взыгра́ния вся плотска́я обузда́вши труды́ по́стническими,/ му́жественное яви́ла еси́ души́ твоея́ мудрова́ние./ Крест бо Госпо́день ви́дети возжела́вши,/ саму́ю себе́ всечестна́я ми́рови распя́ла еси́:/ отню́дуже и к жела́нию а́нгельскаго жи́тельства/ любе́зно упра́вила еси́ себе́ всеблаже́нная./ Моли́ Христа́ Бо́га, оставле́ние согреше́ний дарова́ти,// чту́щим любо́вию святу́ю па́мять твою́.

Все восстания плоти обуздав подвижническими трудами, / ты явила мужественное расположение твоей души. / Ибо, Крест Господень увидеть благочестиво возжелав, / саму себя, славная, для мира ты распяла; / оттого и к ревности о жизни ангельской / усердно побудила себя, всеблаженная. / Потому мы с верою память твою, Мария, празднуем, / прося о щедром даровании нам / прощения согрешений ходатайствами твоими

 

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Богоро́дичен : Небе́сная врата́ и ковче́г, всесвяту́ю го́ру,/ светоза́рный о́блак воспои́м, неопали́мую купину́,/ слове́сный рай, Е́вино воззва́ние,/ вселе́нныя всея́ вели́кое сокро́вище:/ я́ко спасе́ние в Ней соде́яся ми́рови,/ и оставле́ние дре́вних согреше́ний./ Тем и вопие́м Ей:/ моли́ся Сы́ну Твоему́ и Бо́гу,/ согреше́ний оставле́ние дарова́ти,// благоче́стно покланя́ющимся всесвято́му Рождеству́ Твоему́.

 

Небесные врата и ковчег, всесвятую гору, / светозарное облако воспоем, / несгорающий терновый куст, духовный рай, / Евы ко спасению призвание, / всей вселенной великое сокровище, / ибо в Ней совершилось спасение мира и прощение древних согрешений. / Потому мы и взываем Ей: "Молись Сыну Твоему и Богу, о даровании отпущения согрешений / благоговейно поклоняющимся всесвятому рождению от Тебя Христа!"

 

Песнь 4:

Кано́н Воскре́сный, глас 1:

Хор:

Ирмо́с:         Г о́ру Тя благода́тию Бо́жиею приосене́нную,/ прозорли́выма Авваку́м// усмотри́в очи́ ма,/ из Тебе́ изы́ти Изра́илеву провозглаша́ше Свято́му,// во Спасе́ ние на́ше и обновле́ние.

Тебя, как гору, благодатию Божественною осененную, / Аввакум, усмотрев прозорливыми очами, / предрекал, что из Тебя произойдет Святой Израиля / для спасения нашего и обновления.

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Кто сей Спас и́же из Едо́ма и́сходя, вене́ц нося́ терно́вен,/ очервле́нну ри́зу имы́й, на дре́ве ви́ся;/ Изра́илев есть Сей Святы́й,// во Спасе́ние на́ше и обновле́ние.

Кто Этот, Спаситель, пришедший от Эдома, / с венком из терний, в багряном одеянии, на Древе висящий? / Это – Святой Израиля, пришедший / для спасения нашего и обновления

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Ви́дите лю́дие непокори́вии, и устыди́теся:/ Его́же бо я́ко злоде́я вы вознести́ на крест у Пила́та испроси́сте умовре́дне,// сме́рти разруши́в си́лу, боголе́пно воскре́с из гро́ба.

Посмотрите, люди непокорные, и устыдитесь: / ибо Тот, Кого вы как злодея / пригвоздить к Кресту Пилата безумно упросили, / уничтожив силу смерти, / божественно воскрес из гроба.

 

Припе́в:      Пресвята́я Богоро́дице, спаси́ нас.

Богоро́дичен : Дре́во Тя, Де́во, жи́зни ве́мы:/ не бо сне́ди плод смертоно́сный челове́ком из Тебе́ прозябе́,/ но живота́ присносу́щнаго наслажде́ние,// во Спасе́ние нас пою́щих Тя.

Древом жизни, Дева, мы признаем Тебя; / ибо произрос из Тебя Плод, / не смерть при вкушении людям приносящий, / а вечной жизни наслаждение / для спасения нас, воспевающих Тебя.

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Слы́ши чуде́с не́бо, и внуша́й земле́,/ я́ко Дщи пе́рстнаго у́бо па́дшаго Ада́ма, Бо́гу нарече́на бысть,/ и Своему́ Соде́телю Роди́тельница,// на Спасе́ние на́ше и обновле́ние.

Слушай о чудесах, небо, / и ты, земля, внимай: / Дочь из праха сотворенного и падшего Адама / наименована Родительницей Бога и Своего Творца / для спасения нашего и обновления.

 

Припе́в:      Пресвята́я Богоро́дице, спаси́ нас.

Тропа́рь: Пое́м вели́кое и стра́шное Твое́ та́инство,/ преми́рных бо утаи́вся чинонача́лий,/ на Тя И́же сый сни́де я́ко дождь на руно́, Всепе́тая,// на Спасе́ние нас пою́щих Тя.

Воспеваем Твое великое / и повергающее в трепет таинство; / ибо втайне от высших мира чиноначалий, / Сущий на Тебя сошел, / как дождь на руно, Всепрославленная, / для спасения нашего и обновления.

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    Наслажда́шеся бога́тый бра́шном, и одея́ньми веселя́ся:// Ла́зарь же насы́титися жела́ше сего́ трапе́зы крупи́ц.

Роскошествовал богатый, / пищей и одеждами услаждаясь, / Лазарь же желал насытиться / крохами с его стола.

 

Припе́в:      Поми́луй мя, Бо́же, поми́луй мя.

Тропа́рь:    Пси у́бо облизова́ху язы́ком ни́щаго Ла́заря стру́пы,/ сострада́тельнейшее быва́юще,// бога́таго ра́зума ко убо́гому.

Псы лизали языком / нищего Лазаря язвы, / оказываясь нравом сострадательнее к бедному, / чем богатый.

Припе́в:      Поми́луй мя, Бо́же, поми́луй мя.

Тропа́рь:    Пред враты́ валя́шеся дре́вле бога́таго, Спа́се,/ Ла́зарь му́чимь я́звами убо́жества,// отону́дуже ны́не прославля́ется.

Пред вратами богатого некогда / был повержен Лазарь, / мучимый язвами нищеты, / потому, Спаситель, он ныне прославляется.

 

Припе́в:      Пресвята́я Богоро́дице, спаси́ нас.

Богоро́дичен : Его́же родила́ еси́, Пречи́стая,/ моли́ спасти́ся воспева́ющим Тя, от рабо́ты льсти́ваго,// я́ко еди́на еси́ нам Предста́тельница.

 

Кого во чреве носила Ты, Пречистая, / моли о спасении воспевающих Тебя / от рабства губителю, / ибо Ты одна наша Покровительница.

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Я́ко Соде́тель челове́ческаго естества́,/ я́ко ми́лости исто́чник, и благоутро́бия бога́тство,/ уще́дрил еси́, Человеколю́бче, прибе́гницу Твою́,// и исхи́тил еси́ сию́ губи́тельнаго зве́ря.

Как Создатель человеческого естества, / как милости источник и благосердия богатство, / пожалел Ты, Человеколюбец, прибегшую к Тебе / и исторг ее от пагубного зверя.

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Крест ви́дети потща́вшися,/ кре́стным просвеще́нием, Мари́е, озари́лася еси́,/ Кресто́м бесе́довавшаго,// ма́нием Боже́ственным распе́ншися ми́рови досточу́дная.

Крест увидеть поспешив, / крестным просвещением озарилась ты, Мария, / мановением божественным Предавшего Себя на Крест / распявшись для мира, досточудная

                       Сла́ва Отцу́ и Сы́ну и Свято́му Ду́ху.

Тропа́рь:    Злых вина́ пе́рвее, сласть лука́вая, мно́гим бы́вши,/ а́ки со́лнце просия́вши,// всем наста́вница преподо́бная яви́ся согреша́ющим.

Прежде бывшая для многих виновницей зол / посредством порочного услаждения, / словно солнце просияв, ты явилась, преподобная, / наставницей всем согрешающим.

 

                И ны́не и при́сно и во ве́ки веко́в, ами́нь.

Богоро́дичен : Ум превозшла́ еси́ и небе́сный,/ мы́сленное не́бо всех Царя́,/ зако́нов бо естества́ вне, Чи́стая,// Законода́теля и Созда́теля всех родила́ еси́.

Ум превзошла Ты и небесный, / мысленное Небо всех Царя: / ибо помимо естественных законов, Чистая, / Законодателя и Творца всего Ты зачала.

Песнь 5:

Кано́н Воскре́сный, глас 1:

Хор:

Ирмо́с:         П росвети́вый сия́нием прише́ствия Твоего́ , Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ Богоразу́мия,// правосла́вно пою́щих Тя.

Осветивший блеском пришествия Твоего Христе, / и очистивший Крестом Твоим мира концы! / Светом Твоего Богопознания просвети сердца / православно воспевающих Тебя

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Па́стыря овца́м вели́каго и Го́спода,/ иуде́и дре́вом кре́стным умертви́ша:/ но Той я́ко о́вцы, ме́ртвыя, во а́де погребе́нныя,// держа́вы сме́ртныя изба́ви.

Пастыря овец великого и Господа / Иудеи умертвили древом Креста; / но Он, как овец, погребенных во аде мертвых, / от владычества смерти избавил.

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Кресто́м Твои́м мир благовести́в,/ и пропове́дав пле́нным, Спа́се мой, оставле́ние,/ держа́ву иму́щаго посрами́л еси́, Христе́:// на́га, обнища́вша показа́вый Боже́ственным воста́нием Твои́м.

Крестом Своим мир благовестив / и провозгласив, Спаситель мой, пленным отпущение, / Ты властелина посрамил, Христе, / явив его безоружным и бессильным / Своим Божественным воскресением.

 

Припе́в:      Пресвята́я Богоро́дице, спаси́ нас.

Богоро́дичен : Проше́ния ве́рно прося́щих, Всепе́тая, не пре́зри:/ но приими́, и сия́ доноша́й Сы́ну Твоему́, Пречи́стая,/ Бо́гу Еди́ному Благоде́телю,// Тебе́ бо Предста́тельницу стяжа́хом.

Прошений, с верою приносимых, / не презри, Всепрославленная, / но прими и принеси их Сыну Твоему, Пречистая, / единому Благодетелю Богу, / ибо Тебя мы имеем Защитницей.

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Веселя́тся небе́сныя си́лы зря́ще Тя:/ ра́дуются с ни́ми челове́ков собра́ния:/ Рождество́м бо Твои́м совокупи́шася, Де́во Богоро́дице,// е́же досто́йно сла́вим.

Веселятся небесные Силы, взирая на Тебя, / радуются с ними вместе смертных собрания: / ибо они соединились, Дева Богородица, / рождением от Тебя Христа, / которое мы достойно славим.

 

Припе́в:      Пресвята́я Богоро́дице, спаси́ нас.

Тропа́рь: Да дви́жатся вси язы́цы челове́честии и мы́сли,/ к похвале́ челове́ческаго вои́стинну удобре́ния,/ Де́ва предстои́т я́ве сла́вящи,// ве́рою Тоя́ пою́щих чудеса́.

Да подвигнутся все языки и мысли человеческие / к похвале истинного украшения людей; / явно присутствует с нами Дева, прославляя / с верою воспевающих Ее чудеса

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    На Авраа́млих не́дрех, Ла́заря бога́тый егда́ узре́,/ во све́те и сла́ве веселя́щася,/ о́тче, взыва́ше, Авраа́ме, поми́луй мя// во огни́ осужде́ннаго, и язы́ком лю́те пла́менуема.

Когда Лазаря на лоне Авраамовом / богатый увидел, во свете и славе веселящимся, / он взывал: "Отче Авраам, помилуй меня! / Во огонь я осужден, и язык мой горит ужасно!"

Припе́в:      Поми́луй мя, Бо́же, поми́луй мя.

Тропа́рь:    Наслади́лся еси́ бога́тством жития́ веселя́ся,/ Авраа́м глаго́лаше бога́тому,/ отню́дуже му́чишися зде ве́чно во огни сый,// ни́щий же в весе́лии несконча́емом ра́дуется, Ла́зарь.

"Жил ты в роскоши, о богатстве житейском радуясь", / Авраам богатому говорил, / "оттого здесь вечно терпишь наказание, находясь в огне, / нищий же Лазарь в радости / нескончаемой веселится".

Припе́в:      Поми́луй мя, Бо́же, поми́луй мя.

Тропа́рь:    Жития́ пре́лестию бога́тый бых,/ я́коже бога́тый житие́ все сластьми́ ижди́вый, Человеколю́бче,/ но молю́ Твои́х щедро́т,// е́же свободи́ти ми ся огня́, я́коже спасе́ся Ла́зарь.

Обольщением житейским я стал богат, / как тот богач, всю жизнь растратив в наслаждениях, Человеколюбец! / Но молю о милосердии Твоем, / да избавлен буду от огня, / как спасен был Лазарь.

 

Припе́в:      Пресвята́я Богоро́дице, спаси́ нас.

Богоро́дичен : Ма́тернее дерзнове́ние к Сы́ну стяжа́вши, Всечи́стая,/ сро́днаго промышле́ния о нас не пре́зри, мо́лимся,/ я́ко Тя и еди́ну, христиа́не ко Влады́це,// умилостивле́ние благоприя́тное предлага́ем.

Материнское дерзновение имея к Сыну, Всечистая, / родственным попечением о нас не пренебреги, молим, / ибо мы, христиане, Тебя и одну Тебя / умилостивлением благоприятным к Владыке направляем.

 

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Моисе́й просла́вися иногда́ на Сина́и,/ Бо́жия за́дняя та́инственно ви́дев пресла́вный,/ подпису́я стра́нное та́инство:/ манноприе́млющия же ста́мны ны́не,/ о́бразу пречи́стому те́пле припа́дши,// Мари́я а́нгельское житие́ но́сит.

Моисей на Синае некогда прославился, / Бога сзади таинственно увидев, славный, / и начертав необычайное это таинство; / ныне же Мария, как к сосуду с манной / к пречистой иконе горячо припав, / ангельскую жизнь проводит.

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Храм благоле́пия Твоего́ вожделе́вши псало́мски ви́дети,/ у́мное же селе́ние сла́вы Твоея́, Твой храм оскверни́вшая,/ у́мными моли́твами, Христе́, Твоего́ хра́ма неискусому́жныя бы́вшия,// храм мя вседе́тельнаго сотвори́ Ду́ха.

Благолепие храма Твоего / и невещественную славы Твоей скинию / возжелала, по псалму, увидеть / храм Твой осквернившая / и невидимыми ходатайствами мужа не познавшей / стала храмом Твоим, Христе. / Соделай же и меня / храмом вседейственного Духа.

                       Сла́ва Отцу́ и Сы́ну и Свято́му Ду́ху.

Тропа́рь:    У́дою пло́ти, очесы́ мно́гих улови́вшая, сла́стию кра́ткою,/ снедь же диа́волу сих сотво́ршая,/ уловлена́ бысть всеи́стинно/ Боже́ственною благода́тию Креста́ честна́го// сладча́йшая Христо́ви снедь бы́вши.

Удою плоти глазами многих уловившая / и кратким услаждением / пищей диавола соделавшая их / уловлена была всеистинно / Креста священного божественною благодатию, / став сладчайшею снедью для Христа.

 

                И ны́не и при́сно и во ве́ки веко́в, ами́нь.

Богоро́дичен : Науче́н лик проро́ческий та́инству е́же в Тебе́,/ та́инственными богоглаго́ланьми, Пречи́стая,/ Тебе́ многообра́зно предглаго́ла:/ манноприе́млющия же ста́мны ны́не,/ о́бразу пречи́стому сия́ припа́дши,// Мари́я спору́чница гре́шных к Бо́гу.

 

Хор пророков, посвященный в таинство, / совершившееся в Тебе, / таинственными божественными словами, Пречистая, / о Тебе разнообразно предвозвестил. / Сосуд же вместивший манну / есть то, к чему припала Мария ныне / пречистый образ Поручительницы / за грешных пред Богом.

Песнь 6:

Кано́н Воскре́сный, глас 1:

Хор:

Ирмо́с:         О бы́де нас после́дняя бе́здна,/ несть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́ , Бо́же наш,// Ты бо кре́пость немощству́ющих и исправле́ние.

Объяла нас глубочайшая бездна, нет избавляющего: / сочли нас за овец закалаемых. / Спаси народ Твой, Боже наш; / ибо Ты – сила немощных и исправление.

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Согреше́нием первозда́ннаго, Го́споди, лю́те уязви́хомся,/ ра́ною же исцели́хомся Твое́ю,/ е́юже за ны уязви́лся еси́, Христе́:// Ты бо кре́пость немощству́ющих и исправле́ние.

Согрешением первозданного, Господи, / мы жестоко были поражены; / но исцелились язвами Твоими, / которыми Ты за нас был поражен, Христе; / ибо Ты – сила немощных и исправление.

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Возве́л ны еси́ из а́да, Го́споди,/ ки́та уби́в всея́дца, Всеси́льне,/ Твое́ю держа́вою низложи́в того́ си́лу:// Ты бо Живо́т, и Свет еси́, и Воскресе́ние.
Ты возвел нас из ада, Господи, / победив всепожирающего кита, Всесильный, / Своим могуществом уничтожив его силу; / ибо Ты – жизнь, и свет, и воскресение.

 

Припе́в:      Пресвята́я Богоро́дице, спаси́ нас.

Богоро́дичен : Веселя́тся о Тебе́, Де́во Пречи́стая,/ ро́да на́шего пра́отцы, Еде́м восприе́мше Тобо́ю,/ его́же преступле́нием погуби́ша:// Ты бо, Чи́стая, и пре́жде Рождества́, и по Рождестве́ еси́.

Веселятся о Тебе, Дева Пречистая, / прародители рода нашего, / Тобою снова получив Эдем, / которого лишились из-за преступления; / ибо Ты непорочна и прежде родов, и по рождении.

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Предстоя́т раболе́пне Рождеству́ Твоему́ чи́ни небе́снии,/ дивя́щеся досто́йно Твоему́ безсе́менному Рождеству́, Присноде́во:// Ты бо, Чи́стая, и пре́жде Рождества́, и по Рождестве́ еси́.

 

Как рабы присутствуют / при родах Твоих полки небесные, / достойно удивляясь Твоему зачатию без семени; / ибо Ты, Приснодева, непорочна / и прежде родов, и по рождении.

 

Припе́в:      Пресвята́я Богоро́дице, спаси́ нас.

Тропа́рь: Воплоти́ся пре́жде сый Безпло́тен, Сло́во из Тебе́, Пречи́стая,/ вся́ческая во́лею творя́й,// безтеле́сных во́инства приведы́й от небытия́, я́ко Всеси́лен.

Воплотилось от Тебя, Пречистая, / прежде бывшее бесплотным Слово, / все Своею волею творящее, / приведшее воинства бесплотных из небытия, / как всемогущее.

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    Бога́тый себе́ пла́меню о́гненному осуди́ сла́стным житие́м,/ убо́гий же Ла́зарь нищету́ избра́в в сем житии́,// сподо́бися несконча́емыя ра́дости.

Богатый самого себя в пламя огненное осудил / своею жизнью в наслаждениях. / Бедный же Лазарь, избрав в этой жизни нищету, / удостоился нескончаемой радости.

Припе́в:      Поми́луй мя, Бо́же, поми́луй мя.

Тропа́рь:    В не́дрех Авраа́млих Ла́зарь сподо́бися,/ ве́чнаго живота́ наслажда́яся,// огню́ же бога́тый душе́ю и те́лом осуди́ся му́чася.

Лазарь на лоне Авраама удостоен пребывать, / вечной жизнью исполняясь, Христе. / Богатый же был осужден в огонь / терпеть и душой и телом наказание.

Припе́в:      Поми́луй мя, Бо́же, поми́луй мя.

Тропа́рь:    Осужде́н есть во огнь бога́тый Ла́заря ра́ди:/ не осуди́ мене́ окая́ннаго молю́ся, человеколю́бче Го́споди,// но я́ко Ла́заря, све́та мя Твоего́ сподо́би.

Осужден в огонь богатый из-за Лазаря. / Не осуди же меня, несчастного, / Человеколюбивый Господи, молю, / но удостой меня как Лазаря Твоего света.

 

Припе́в:      Пресвята́я Богоро́дице, спаси́ нас.

Богоро́дичен : Да изба́вимся лю́тых прегреше́ний/ моли́твами Твои́ми Богома́ти Чи́стая,/ и да получи́м Боже́ственное просвеще́ние,// из Тебе́ несказа́нно вопло́щшагося Сы́на Бо́жия.

Да избавимся от тяжких согрешений / мольбами Твоими, Божия Родительница чистая, / и да получим, Всенепорочная, божественное озарение / от Тебя несказанно воплотившегося Сына Божия.

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Ра́дуются, Мари́е, а́нгельская во́инства,/ ра́вное преподо́бная житие́ сим в тебе́ зря́ще,// и сла́ву Го́сподеви зову́т.

Радуются, Мария, ангельские воинства, / равное им житие в тебе видя, преподобная, / и славу Господу возглашают.

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Ужаса́ются бесо́в мра́чных состоя́ния,/ терпели́ваго твоея́ кре́пости,/ я́ко жена́ пресла́вно, и нага́я,// и еди́ная сим возмогла́ еси́.

Трепещут бесов мрачных сонмища / от силы твоего терпения, / ибо ты, жена одинокая и нагая, / посрамила их предивно.

                       Сла́ва Отцу́ и Сы́ну и Свято́му Ду́ху.

Тропа́рь:    Просия́ла еси́ а́ки со́лнце Мари́е всехва́льная,/ и пусты́ню чудесы́ всю просвети́ла еси́.// Те́мже и мене́ све́том уясни́.

Просияла ты словно солнце, Мария всехвальная, / и светочами всю пустыню озарила. / Потому и меня твоим светом просвети.

 

                И ны́не и при́сно и во ве́ки веко́в, ами́нь.

Богоро́дичен : А́нгели, просвети́вшеся сла́вою Рождества́ Твоего́,/ на земли́ мир всем нам,// и благоволе́ние челове́ком, Де́во, возопи́ша.

 

Ангелы, озаренные славою / рождения от Тебя Христа, / на земле мир всем нам / и благоволение людям, Дева, громко возвестили.

 

Катава́сия Трио́ди, глас 4:

Хор:       Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,// от Нея́ ро́ждшагося Бо́га сла́вим .

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

 

Конда́к воскре́сный, глас 1, подо́бен: «Егда́ прии́деши…»:

                Воскре́сл еси́, я́ко Бог, из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и смерть исчезе́;/ Ада́м же лику́ет, Влады́ко;/ Е́ва ны́не от уз избавля́ема ра́дуется, зову́щи:// Ты еси́, И́же всем подая́, Христе́, воскресе́ние.

 

Воскрес Ты, как Бог, из гроба во славе / и мир с Собою воскресил. / И естество человеческое как Бога воспело Тебя, / и исчезла смерть. / Адам торжествует, Владыка, / и Ева ныне, от уз избавляемая, радуется, взывая: / "Ты, Христе, всем даруешь воскресение!"

И́кос:

            Воскре́сшаго тридне́вно воспои́м я́ко Бо́га Всеси́льна,/ и врата́ а́дова сте́ршаго,/ и я́же от ве́ка из гро́ба воздви́гшаго,/ мироно́сицам я́вльшагося, я́коже благоизво́лил есть,/ пре́жде сим е́же ра́дуйтеся, реки́й:/ и апо́столом ра́дость возвеща́я, я́ко Еди́н Жизнода́вец./ Те́мже ве́рою жены́ ученико́м зна́мения побе́ды благовеству́ют,/ и ад стене́т, и смерть рыда́ет:/ мир же весели́тся, и вси с ним ра́дуются.// Ты бо по́дал еси́, Христе́, всем Воскресе́ние.

 

Икос: Воскресшего в третий день / воспоем, как Бога всемогущего, / и врата ада сокрушившего, / и всех от века из гроба воздвигшего, / мироносицам явившегося, как Сам благоволил, / им первым "радуйтесь" сказав, / и апостолам радость объявив, / как единый Податель жизни. / Потому жены с верою ученикам / знамения победы возвещают; / и стонет ад; и смерть рыдает; / мир же веселится, и все вместе радуются: / ибо Ты, Христе, всем даровал воскресение.

Песнь 7:

Кано́н Воскре́сный, глас 1:

Хор:

Ирмо́с:         Т ебе́ у́мную, Богоро́дице, пещь/ разсмотря́ем, ве́рнии,/ я́коже бо о́троки спасе́ три Превозноси́мый,/ мир обнови́, во чре́ве Твое́м всеце́л,// хва́льный отце́в Бог и препросла́влен.

Тебя, Богородица, духовной печью / признаем мы, верные; / ибо как трех отроков спас Превозносимый, / так всего меня, человека, в Твоем чреве обновил / восхваляемый Бог отцов и препрославленный.

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Убоя́ся земля́, сокры́ся со́лнце, и поме́рче свет,/ раздра́ся церко́вная боже́ственная заве́са,/ ка́мение же разсе́деся:/ на кресте́ бо ви́сит Пра́ведный,// Хва́льный отце́в Бог, и препросла́влен.

Затрепетала земля, сокрылось солнце / и помрачился свет, / разодралась божественная завеса Храма, / камни же распались, ибо на Кресте повешен Праведник, / восхваляемый Бог отцов и препрославленный

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Ты быв а́ки безпомо́щен,/ и уя́звен в ме́ртвых во́лею нас ра́ди/ превозноси́мый, вся свободи́л еси́,/ и держа́вною руко́ю совоскреси́л еси́,// хва́льный отце́в Бог, и препросла́влен.

Ты, Превозносимый, добровольно / став как бы беспомощным / и уязвленным среди мертвых ради нас, / всех освободил и Своей могущественной рукою / воскресил с Собою, / – восхваляемый Бог отцов и препрославленный.

 

Припе́в:      Пресвята́я Богоро́дице, спаси́ нас.

Богоро́дичен : Ра́дуйся, исто́чниче присноживы́я воды́./ Ра́дуйся, раю́ пи́щный./ Ра́дуйся, стено́ ве́рных./ Ра́дуйся, Неискусобра́чная./ Ра́дуйся, всеми́рная Ра́досте,/ Е́юже нам возсия́// Хва́льный отце́в Бог, и препросла́влен.

Радуйся, источник потока вечной жизни! / Радуйся, рай полный наслаждения! / Радуйся, верных стена! / Радуйся, брака не познавшая! / Радуйся, всемирная радость, чрез Которую явился нам / восхваляемый Бог отцов и препрославленный!

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Тя, Богоро́дице, ле́ствицу Иа́ков проро́чески разумева́ет:/ Тобо́ю бо Превозноси́мый на земли́ яви́ся,/ и с челове́ки поживе́, я́ко благоволи́,// Хва́льный отце́в Бог и Препросла́влен.

Тебя, Богородица, Иаков в лестнице пророчески уразумел; / ибо чрез Тебя явился на земле Превозносимый, / и пребывал между людьми, как Сам благоволил, / восхваляемый Бог отцов и препрославленный

 

Припе́в:      Пресвята́я Богоро́дице, спаси́ нас.

Тропа́рь: Ра́дуйся, Чи́стая, из Тебе́ про́йде Па́стырь,/ И́же во Ада́мову ко́жу обо́лкся вои́стинну Превозноси́мый,/ во всего́ мя челове́ка, за благоутро́бие непости́жное:// Хва́льный отце́в Бог и Препросла́влен.

Радуйся, Священная! Из Тебя произошел Превозносимый, / Пастырь, в кожу Адама облекшийся поистине, / – во всего меня, человека, – по милосердию непостижимому, / восхваляемый Бог отцов и препрославленный.

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    И́ов я́коже дре́вле во гно́ищи черве́й и ка́ле лежа́ше,/ та́коже и пред враты́ бога́таго Ла́зарь седя́ше, вопия́:// оте́ц Бо́же благослове́н еси́.

Как в древности Иов в гнили, червями полной / и на куче навоза пребывал, / так же и Лазарь пред вратами богатого сидел, взывая: / "Боже отцов, благословен Ты!

Припе́в:      Поми́луй мя, Бо́же, поми́луй мя.

Тропа́рь:    Валя́яся пред враты́ немилосе́рдаго бога́таго дре́вле Ла́зарь,/ крупи́ц жела́ше его́ трапе́зы, но никто́же дая́ше ему́,// и вме́сто сих обре́те Авраа́мля не́дра.

Брошенный пред вратами богача немилосердного, / Лазарь некогда желал крошек с его стола, / и никто не давал ему; но вот, / вместо них обрел он недра Авраама.

Припе́в:      Поми́луй мя, Бо́же, поми́луй мя.

Тропа́рь:    Немилосе́рдаго бога́таго ча́сти, Христе́ мой изба́ви мя, молю́ся,/ и убо́гому Ла́зарю счини́в мя, вопи́ти Тебе́ благода́рно сподо́би:// оте́ц на́ших Бо́же благослове́н еси́.

От участи немилосердного богатого / избавь меня, Христе мой, молю, / и к нищему Лазарю присоединив меня, / удостой благодарно взывать Тебе: / "Отцов наших Боже, благословен Ты!"

 

Припе́в:      Пресвята́я Богоро́дице, спаси́ нас.

Богоро́дичен : Из утро́бы де́вственныя Воплоти́выйся, яви́лся еси́ на спасе́ние на́ше./ Те́мже Твою́ Ма́терь ве́дуще Богоро́дицу, благода́рно зове́м:// оте́ц на́ших Бо́же благослове́н еси́.

Из чрева девственного воплотившись, / Ты явился для спасения нашего. / Потому, зная Матерь Твою, как Богородицу, / мы благодарно восклицаем: / "Отцов наших Боже, благословен Ты!"

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Превели́кий во отце́х, обхожда́ пусты́ню, Зоси́ма му́дрый,/ преподо́бную ви́дети сподо́бися:// благослове́н еси́, зове́т же, Бо́же оте́ц на́ших.

Величайший среди отцов, Зосима мудрый, / по пустыне странствуя, удостоился / преподобную увидеть и взывает: / "Благословен Ты, Боже отцов наших!"

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Что о́тче, стра́нное вся́кия доброде́тели де́тельныя,/ ви́дети прише́л еси́ жени́ще?/ Преподо́бная вопия́ше ста́рцу:// благослове́н еси́, зове́т же, Бо́же оте́ц на́ших.

"Что ты, отче, пришел увидеть немощную жену, / чуждую всякой действенной добродетели?" / преподобная возглашала старцу; но он взывал: / "Благословен Ты, Боже отцов наших!"

                       Сла́ва Отцу́ и Сы́ну и Свято́му Ду́ху.

Тропа́рь:    Умертви́вши, блаже́нная, страсте́й твои́х взыгра́ния,/ к безстра́стия ны́не устреми́лася еси́ приста́нищу, зову́щи:// благослове́н еси́ Го́споди Бо́же оте́ц на́ших.

Умертвив, блаженная, восстания твоих страстей, / к пристани бесстрастия ты ныне причалила, взывая: / "Благословен Ты, Господи, Боже отцов наших!

                И ны́не и при́сно и во ве́ки веко́в, ами́нь.

Богоро́дичен : Зачала́ еси́ неизрече́нно, Де́ва пребы́вши Пречи́стая,/ и родила́ еси́ ми́рови спасе́ние, Христа́ Бо́га на́шего,// те́мже Тя вси пе́сньми ве́рнии велича́ем.

 

Зачала Ты неизреченно, / оставшись Девою, Пречистая, / и во чреве носила миру спасение Христа Бога нашего; / потому все мы, верные, / Тебя песнопениями величаем.

 

Катава́сия Трио́ди, глас 4:

Хор:       Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:// препе́тый отце́в Госпо́дь и Бог, благослове́н еси́.

 

Песнь 8:

Кано́н Воскре́сный, глас 1:

Хор:

Ирмо́с:         В пещи́ о́троцы Изра́илевы,/ я́коже в горни́ле, добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,// по́йте и превозноси́те во вся ве́ки.

В печи отроки Израильские как в горниле / красотою благочестия ярче золота сияли, возглашая: / "Благословляйте, все творения, Господа, / воспевайте и превозносите во все века!"

Припе́в:      Сла́ва, Го́споди, свято́му Воскресе́нию Твоему́.

Тропа́рь:    И́же во́лею вся творя́й, и претворя́яй,/ обраща́яй сень сме́ртную в ве́чную жизнь,/ стра́стию Твое́ю, Сло́ве Бо́жий,/ Тебе́ непреста́нно вся дела́ Госпо́дня,// Го́спода пои́м, и превозно́сим во вся ве́ки.

Ты – по воле Своей все творящий и изменяющий, / превращающий тень смертную в вечную жизнь / Своим страданием, Слово Божие; / Тебя непрестанно мы и все творения как Господа / воспеваем и превозносим во все века.

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Ты разори́л еси́ сокруше́ние, Христе́, и окая́нство,/ во врате́х и тверды́нях а́довых,/ воскре́с из гро́ба тридне́вен./ Тебе́ непреста́нно вся дела́, я́ко Го́спода, пою́т,// и превозно́сят во вся ве́ки.

Ты уничтожил угнетение, Христе, / и мучение во вратах и твердынях ада, / воскреснув из гроба в третий день. / Тебя непрестанно все творения как Господа / воспевают и превозносят во все века.

 

Припе́в:      Пресвята́я Богоро́дице, спаси́ нас.

Богоро́дичен : Я́же без се́мене и преесте́ственне от облиста́ния Боже́ственнаго/ Ро́ждшую би́сера многоце́ннаго Христа́, воспои́м глаго́люще:/ благослови́те вся дела́ Госпо́дня, Го́спода,// по́йте и превозноси́те Его́ во вся ве́ки.

Тебя, без семени и сверхъестественно / от молнии Божественной родившую / драгоценную жемчужину – Христа, / воспоем, возглашая: "Благословляйте, все творения, Господа, / воспевайте и превозносите во все века!"

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Прииди́те, лю́дие, поклони́мся ме́сту,/ на не́мже стоя́сте пречи́стеи но́зе,/ и на дре́ве боже́ственнеи Христо́ве дла́ни животворя́щии простро́стеся,/ на Спасе́ние всех челове́ков,/ и гроб живо́тный обстоя́ще, пои́м:/ да благослови́т тварь вся́кая Го́спода,// и превозно́сит во вся ве́ки.

Придите, люди, поклонимся месту, / на котором стояли ноги пречистые, / и где на Древе для спасения всех смертных / распростерты были Божественные и животворные длани Христа, / и, гроб жизни окружая, воспоем: / "Да благословляет все творение Господа / и превозносит во все века!"

 

Припе́в:      Пресвята́я Богоро́дице, спаси́ нас.

Тропа́рь: Обличи́ся богоуби́йц иуде́ов пребеззако́нное оклевета́ние:/ Его́же бо лестца́ нареко́ша, воста́, я́ко Си́лен,/ наруга́вся безу́мным печа́тем./ Те́мже ра́дующеся, воспои́м:/ да благослови́т тварь вся́кая Го́спода,// и превозно́сит во вся ве́ки.

Опровергнута богоубийц Иудеев / преступная клевета: / ибо Тот, Кого назвали они обманщиком, / воскрес как всемогущий, / посмеявшись над печатями беззаконников. / Потому с радостью воспоем: / "Все творение да благословляет Господа / и превозносит во все века!"

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    Во оде́жду багря́ную и ви́ссон, и порфи́ру/ бога́тый дре́вле облача́шеся све́тло окая́нный;/ убо́гий же Ла́зарь во врате́х сего́ лю́те лежа́ше,/ крупи́ц па́дающих трапе́зы хотя́ насы́титися,/ и никто́же подая́ше ему́,// те́мже в сла́ве Христу́ сца́рствует.

В одежду багряную и виссон с порфирой / богач жалкий некогда пышно облачался; / нищий же Лазарь во вратах его / тяжко бедствуя лежал, / крупицами, падающими со стола насытиться желая, / и никто ему не подавал. / Потому он во славе со Христом царствует.

Припе́в:      Поми́луй мя, Бо́же, поми́луй мя.

Тропа́рь:    Во врате́х лежа́ше бога́таго Ла́зарь, согни́в те́лом ра́нами,/ и хотя́ше насыща́тися сне́ди, и никто́же дая́ше ему́,/ но и пси сострада́тельно язы́ком облизова́ху гной и стру́пы его́.// Те́мже в раи́ сла́дости сподо́бися.

Во вратах богатого лежал Лазарь, / телом от ран согнивший, / и пищею желал насытиться, / и никто не давал ему; / и только псы сострадательно облизывали языком / язвы его и струпья. / Потому наслаждения в раю он удостоился.

Припе́в:      Поми́луй мя, Бо́же, поми́луй мя.

Тропа́рь:    В сласте́х обогате́х, я́коже дре́вле бога́тый,/ облача́яся на всяк день в багряни́цу, и аз, Многоми́лостиве,/ в сла́дости жития́ сего́ себе́ осужда́ю, сластьми́ и пре́лестьми./ Те́мже молю́ся Тебе́,// от огня́ изба́витися, Христе́, ве́чнаго, во вся ве́ки.

Наслаждениями я обогатился, / как в древности богач, / облачавшийся ежедневно в багряницу. / И я, Многомилостивый, в роскоши жизни сей / самого себя осуждаю / удовольствиями и развлечениями. / Потому молю Тебя, Христе, об избавлении / от огня вечного на все века.

 

Припе́в:      Пресвята́я Тро́ице, Бо́же наш, сла́ва Тебе́.

Тро́ичен :  Трисве́тлое Божество́, еди́нственную сия́ющую зарю́,/ от еди́наго триипоста́снаго Естества́,/ Роди́теля безнача́льна,/ единоесте́ственна же Сло́ва Отцу́,/ и сца́рствующа единосу́щна Ду́ха,/ де́ти благослови́те, свяще́нницы воспо́йте,// лю́дие превозноси́те во вся ве́ки.

Трисветлое Божество, единое Сияние, / блистающее от одного Естества в трех Ипостасях: / Родителя безначального, / и единое с Ним естеством Слово Отчее, / и вместе с Ними царствующего единосущного Духа, / отроки, благословляйте, священники, воспевайте, / люди, превозносите во все века.

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Глубины́ се́рдца испыту́яй,/ пре́жде бытия́ предве́дый вся на́ша,/ ну́жнаго жития́ исхити́л еси́ прибе́гшую к Тебе́, Спа́се,/ ну́ждно Твоему́ человеколю́бию вопию́щую немо́лчно:/ свяще́нницы благослови́те,// лю́дие превозноси́те во вся ве́ки.

Испытывающий глубины сердца, / прежде бытия Знающий все наши дела / от бурной жизни Ты похитил прибегшую к Тебе, Спаситель, / твердо Твоему человеколюбию взывавшую не умолкая: / "Священники, благословляйте, / люди превозносите во все века!"

 

Припе́в:      Преподо́бная ма́ти Мари́е, моли́ Бо́га о нас.

Тропа́рь:    О измене́ния честна́го, к лу́чшему преложе́ния твоего́ честна́я!/ О любве́ Боже́ственныя, возненави́девшия плотски́я сла́сти!/ О ве́ры горя́щия и Боже́ственныя, всехва́льная Мари́е!// Ю́же ве́рно хва́лим, и превозно́сим во ве́ки.

О изменение священное, / переход твой к лучшему, досточтимая! / О любовь божественная, возненавидевшая плотские наслаждения! / О вера, горящая и божественная Марии всехвальной, / которую мы с верою восхваляем / и превозноси во все века.

                       Б лагослови́м Отца́, и Сы́на, и Свята́го Ду́ха, Го́спода.

Тропа́рь:    Обрела́ еси́ боле́зней возме́здие,/ и трудо́в твои́х воздая́ние честна́я Мари́е,/ и́миже низложи́ла еси́ уби́йцу врага́,/ и ны́не со а́нгелы зове́ши, песнь немо́лчно вопию́щи,// и превознося́щи Христа́ во ве́ки.

Обрела ты за труды награду, / и за муки твои воздаяние, досточтимая Мария: / ими низложила ты убийцу-врага / и ныне с Ангелами возглашаешь песнь, взывая не умолкая / и превознося Христа вовеки.

 

                И ны́не и при́сно и во ве́ки веко́в, ами́нь.

Богоро́дичен : Всего́ обнови́ мя бла́гости ра́ди, во утро́бе Твое́й, Чи́стая,/ не растли́в обоего́ естества́ свойств,/ я́ко всех веко́в Влады́ка,/ отню́дуже Тя, я́ко вину́ на́шего спасе́ния,// пе́сньми пое́м во вся ве́ки.

 

Всего меня обновил во чреве Твоем, Чистая, / по Своей благости Владыка всех веков, / не нарушив свойств каждого из естеств. / Потому Тебя, как виновницу нашего спасения, / мы славим песнопениями во все века.

 

 

Катава́сия Трио́ди, глас 4:

Хор:  Хва́лим, благослови́м, покланя́емся Го́сподеви, пою́ще и превознося́ще во вся ве́ки.

                О́троки благочести́выя в пе́щи/ Рождество́ Богоро́дичо спасло́ есть;/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,// и превозноси́те Его́ во вся ве́ки.

 

Диа́кон:    Богоро́дицу и Ма́терь Све́та в пе́снех возвели́чим.

 

Песнь Пресвято́й Богоро́дицы:

Хор:       Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.

                Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.

                Я́ко призре́ на смире́ние рабы́ Своея́,/ се бо от ны́не ублажа́т Мя вси ро́ди.

            Честне́йшую...

                Я́ко сотвори́ Мне вели́чие Си́льный,/ и свя́то И́мя Его́, и ми́лость Его́ в ро́ды родо́в боя́щимся Его́.

                Честне́йшую...

                Сотвори́ держа́ву мы́шцею Свое́ю,/ расточи́ го́рдыя мы́слию се́рдца их.

            Честне́йшую...

                Низложи́ си́льныя со престо́л, и вознесе́ смире́нныя;/ а́лчущия испо́лни благ, и богатя́щияся отпусти́ тщи.

            Честне́йшую...

                Восприя́т Изра́иля о́трока Своего́, помяну́ти ми́лости,/ я́коже глаго́ла ко отце́м на́шим, Авраа́му и се́мени его́, да́же до ве́ка.

            Честне́йшую...

Песнь 9:

Кано́н Воскре́сный, глас 1:

Хор:

Ирмо́с:         О́ браз чи́стаго рождества́ Твоего́ ,/ огнепали́мая купина́ показа́ неопа́льная;/ и ны́не на нас напа́стей свире́пеющую угаси́ти, мо́лимся, пещь,// да Тя, Богоро́дице, непреста́нно велича́ем.

Образ чистого рождения Тобою Христа / представил терновый куст, горевший не сгорая; / и ныне Тебя молим угасить / свирепствующую против нас искушений печь, / чтобы мы Тебя, Богородица / непрестанно величали.

Припе́в:      Сла́ва, Го́споди, свято́му Воскресе́нию Твоему́.

Тропа́рь:    О ка́ко, лю́дие беззако́ннии и непокори́вии,/ лука́вая совеща́вше,/ го́рдаго и нечести́ваго оправди́ша:/ Пра́веднаго же на дре́ве осуди́ша Го́спода сла́вы,// Его́же досто́йно велича́ем!

О, как люди беззаконные, / непокорные и злое замыслившие, / преступника и нечестивца оправдали, / а Праведника на Древо осудили, – Господа славы, / Которого мы достойно величаем.

 

Припе́в:      Сла́ва, Го́споди, свято́му Воскресе́нию Твоему́.

Тропа́рь:    Спа́се А́гнче Непоро́чне,/ И́же ми́ра грехи́ взе́мый,/ Тебе́ сла́вим воскре́сшаго тридне́вно,/ со Отце́м и Боже́ственным Твои́м Ду́хом,/ и Го́спода сла́вы:// Его́же богосло́вяще, велича́ем.

Спаситель, Агнец непорочный, / на Себя грех мира взявший! / Тебя мы славим, в третий день воскресшего, / вместе со Отцом и Божественным Твоим Духом / и, Господом славы исповедуя, величаем.

 

Припе́в:      Пресвята́я Богоро́дице, спаси́ нас.

Богоро́дичен : Спаси́ лю́ди Твоя́, Го́споди,/ и́хже стяжа́л еси́ честно́ю Твое́ю кро́вию,/ це́рквам Твои́м подая́ мир, Человеколю́бче,// Богоро́дицы моли́твами.

Спаси народ Твой, Господи, / который приобрел Ты драгоценною Своею кровию, / крепость против врагов царю даруя, / и церквам Твоим, Человеколюбец, подавая мир, / по молитвам Богородицы.

 

Кано́н Богоро́дицы, глас 1:

Припе́в:      Пресвята́я Богоро́дице, спаси́ нас.

Тропа́рь: Из ко́рене Дави́дова прозябла́ еси́ проро́ческаго, Де́во, и богооте́ческаго:/ но и Дави́да я́ко вои́стинну Ты просла́вила еси́,/ я́ко ро́ждши проро́чествованнаго Го́спода сла́вы:// Его́же досто́йно велича́ем.

Из корня Давида Богоотца, / произросла Ты, Дева, по пророчеству; / но и Давида Ты воистину прославила, / как родившая предреченного пророками Господа славы, / Которого мы достойно величаем

 

Припе́в:      Пресвята́я Богоро́дице, спаси́ нас.

Тропа́рь: Всяк похва́льный, Пречи́стая, зако́н/ побежда́ется вели́чеством сла́вы Твоея́./ Но о, Влады́чице, от раб Твои́х недосто́йных,/ от любве́ Тебе́ приноси́мое приими́, Богоро́дице,// со усе́рдием пе́ние похва́льное.

 

Все похвальные напевы уступают / величию славы Твоей, Пречистая. / Но прими, Владычица, от недостойных Твоих рабов, / от любви с усердием приносимую Тебе, Богородица, / песнь хвалебную.

 

Кано́н Трио́ди пе́рвый (о бога́том и Ла́заре), глас 8:

Припе́в:      Поми́луй мя, Бо́же, поми́луй мя.

Тропа́рь:    Убо́гаго мя Ла́заря, Христе́, молю́ся, соде́лай,/ сласте́й возжеле́ния моя́ потребля́я, я́ко естество́м Бог:/ доброде́тельми же мя бога́та сотвори́,// да ве́рою в песнопе́ниих велича́ю Тя.

Бедного Лазаря сотвори из меня, Христе, прошу, / стремления к наслаждениям во мне истребляя, / как Бог естеством: / добродетелями же богатым меня соделай, / чтобы я с верою в песнопениях величал Тебя.

Припе́в:      Поми́луй мя, Бо́же, поми́луй мя.

Тропа́рь:    Бога́тый и немилосе́рдый, ум мой презре́х,/ ве́рою Твои́х за́поведей, Человеколю́бче,/ пред враты́ пове́ржен лю́те,/ но я́ко сострада́телен и любоще́др возста́ви,// я́коже дре́вле четверодне́внаго дру́га Ла́заря.

Богатый и немилосердный, я ум свой презрел, / не веруя заповедям Твоим, Человеколюбец, / и пред вратами повержен бедственно; / но как сострадательный и любящий милосердие, меня воздвигни / как некогда воскресил из сострадания на четвертый день / друга Своего Лазаря

Припе́в:      Поми́луй мя, Бо́же, поми́луй мя.

Тропа́рь:    Вси извыко́хом при́тче Влады́чней,/ вси у́бо ве́рнии возненави́дим бога́таго немилосе́рдное, да му́ки избе́гнем,// и в не́дрех Авраа́млих при́сно лику́им.

Все мы поняли Владыки притчу. / Итак, возненавидим, все верные, немилосердие богатого, / чтобы вечного наказания избегнуть / и на лоне Авраама непрестанно ликовать.

 

Припе́в:      Пресвята́я Богоро́дице, спаси́ нас.

Богоро́дичен : Тя неви́димаго Бо́га носи́вшую объя́тии,/ на небесе́х пева́емаго от вся́кия тва́ри,/ и Тобо́ю нам да́рующаго всегда́ спасе́ние,// в ве́ре велича́ем.

Тебя, носившую во объятиях невидимого Бога, / на небесах воспеваемого всем творением, / и через Тебя нам дарующего спасение всегда, / мы с верою величаем.

 

Кано́н Трио́ди второ́й (прп. Мари́и), глас 6:

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Удо́бь претерпе́ла еси́, ма́ти, пусты́нный труд,/ укрепля́ема держа́вною си́лою Христо́вою,/ скве́рная бо помышле́ния находя́щая,/ струя́ми боже́ственных слез угаси́ла еси́, чи́стая,// по́стников высото́, преподо́бных похвало́.

Легко перенесла ты, матерь, труд в пустыне, / наставляемая могущественною силою Христа: / ибо находящие скверные помышления / струями божественных слез угасила ты, священная, / подвижников совершенство, преподобных похвала.

Припе́в:      Преподо́бная ма́ти Мари́е, моли́ Бо́га о нас.

Тропа́рь:    Пресветле́йшими луча́ми,/ просвеща́ет тя еди́на свет ро́ждшая Христа́, Де́ва и Чи́стая,/ стра́шную враго́м тя поставля́ет, честна́я,/ я́вственную же всем, Мари́е, явля́ет тя,// страда́лец красото́, преподо́бных утвержде́ние.

Светлейшими лучами просвещает тебя Дева и чистая, / одна родившая Свет Христа /. делая тебя страшной для врагов, священная, / и известной всем, Мария, тебя являет, / подвижников красота, преподобных утверждение.

                       Сла́ва Отцу́ и Сы́ну и Свято́му Ду́ху.

Тропа́рь:    Оста́вивши му́дренно земна́я вся,/ жили́ще честно́е Ду́ха яви́лася еси́,/ мирски́х у́бо лю́тых свободи́тися,/ моли́ еди́наго Христа́ свободи́теля,// ве́рно соверша́ющим Боже́ственную па́мять твою́.

Оставив благоразумно все земное, / священным жилищем Духа явилась ты; / итак, моли Христа, единого Освободителя, / от страшных бед мирских освободить / с верою совершающих божественную память твою.

 

 

                И ны́не и при́сно и во ве́ки веко́в, ами́нь.

Богоро́дичен : Зако́нов естества́, Де́во, па́че естества́ утаи́вшися,/ но́вое Отроча́ на земли́ родила́ еси́, Чи́стая,/ Законода́вца су́ща и Ве́тха де́ньми,/ мы́сленное не́бо всех Творца́,// тем ве́рою и любо́вию Тя ублажа́ем.

От законов естества, Отроковица, / утаившись сверхъестственно, / Дитя юное Ты, Чистая, носила во чреве на земле, / Законодателя истинного и Древнего Днями. / Потому Тебя, Мысленное Небо всех Творца, / мы с верою и любовию восхваляем.

Катава́сия Трио́ди, глас 4:

Хор:       Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная,// Богоро́дице, Чи́стая Присноде́во.

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

 

Ексапостила́рий воскре́сный девя́тый:

            Заключе́нным Влады́ко две́рем, я́ко вшел еси́,/ Апо́столы испо́лнил еси́ Ду́ха Пресвята́го, ми́рно ду́нув,/ и́мже вяза́ти же и реша́ти грехи́ рекл еси́:/ и по осми́ днех Твоя́ ре́бра Фоме́ показа́л еси́, и ру́це./ С ни́мже вопие́м:// Госпо́дь и Бог Ты еси́.

                Сла́ва Отцу́ и Сы́ну и Свято́му Ду́ху.

Свети́лен Трио́ди (прп. Мари́и), подо́бен: «Не́бо звезда́ми…»:

                О́браз покая́ния тебе́ иму́ще, всепреподо́бная Мари́е, Христа́ моли́,/ во вре́мени поста́, сему́ нам дарова́тися,// я́ко да в ве́ре и любви́, тя пе́сньми восхва́лим.

Примером покаяния имеем мы тебя, / преподобнейшая Мария! / Моли Христа во время поста и нам его даровать, / чтобы мы с верою и любвью / тебя в песнях восхваляли.

 

                И ны́не и при́сно и во ве́ки веко́в. Ами́нь.

Богоро́дичен из Трио́ди:

                Сла́досте а́нгелов, скорбя́щих ра́досте, христиа́н предста́тельнице,/ Де́во Ма́ти Госпо́дня,// заступи́ нас и изба́ви ве́чных мук.

Услада Ангелов, скорбящих радость, / христиан Заступница, Дева Матерь Господня, / защити нас и избавь от вечных мук.

Хвали́тны псалмы́, глас 1:

Хор:  Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

                 Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

Чтец: Стихи́ры воскре́сные, глас 1:

На 8. Стих: С отвори́ти в них суд напи́сан:/ сла́ва сия́ бу́дет всем преподо́бным Его́.

Стихира: Пое́м Твою́, Христе́, спаси́тельную страсть,// и сла́вим Твое́ Воскресе́ние.

Воспеваем Твои / спасительные страдания, Христе, / и славим Твое воскресение.

 

Стих:      Хвали́те Бо́га во святы́х Его́,/ хвали́те Его́ в утверже́нии си́лы Его́.

Стихира: Крест претерпе́вый, и смерть упраздни́вый,/ и воскресы́й из ме́ртвых,/ умири́ на́шу жизнь, Го́споди,// я́ко еди́н Всеси́лен.

Крест претерпевший, и смерть упразднивший, / и воскресший из мертвых, умиротвори нашу жизнь, Господи, / как Единый всесильный.

 

На 6. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира: А́да плени́вый, и челове́ка воскреси́вый,/ Воскресе́нием Твои́м, Христе́,/ сподо́би нас чи́стым се́рдцем// Тебе́ пе́ти и сла́вити.

Ад пленивший и человека воскресивший / воскресением Твоим, Христе, / удостой нас чистым сердцем / воспевать Тебя и славить.

 

Стих:      Хвали́те Его́ во гла́се тру́бнем,/ хвали́те Его́ во псалти́ри и гу́слех.

Стихира: Боголе́пное Твое́ снисхожде́ние сла́вяще,/ пое́м Тя, Христе́./ Роди́лся еси́ от Де́вы,/ и не разлуче́н был еси́ от Отца́,/ пострада́л еси́, я́ко челове́к,/ и во́лею претерпе́л еси́ Крест,/ воскре́сл еси́ от гро́ба, я́ко от черто́га произше́д,/ да спасе́ши мир,// Го́споди сла́ва Тебе́.

Славя подобающее Богу снисхождение Твое, / воспеваем Тебя Христе: / родился Ты от Девы и неразлучен был от Отца; / пострадал как человек / и добровольно претерпел Крест; / воскрес из гроба, выйдя из него, как из чертога, чтобы спасти мир. / Господи, слава Тебе!

 

На 4. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Стихира: Егда́ пригвозди́лся еси́ на дре́ве кре́стнем,/ тогда́ умертви́ся держа́ва вра́жия:/ тварь поколеба́ся стра́хом Твои́м:/ и ад плене́н бысть держа́вою Твое́ю:/ ме́ртвыя от гроб воскреси́л еси́,/ и разбо́йнику рай отве́рзл еси́:// Христе́ Бо́же наш, сла́ва Тебе́.

Когда пригвожден Ты был к древу Креста, / тогда умерщвлено было могущество врага; / творение поколебалось от страха пред Тобою, / и ад был побежден Твоею силою; / мертвых из гробниц Ты воскресил / и рай разбойнику отворил. / Христе, Боже наш, слава Тебе!

 

Стих:        Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Стихира: Рыда́юща со тща́нием/ гро́ба Твоего́ доше́дша честны́я жены́,/ обре́тша же гроб отве́рст,/ и уве́девша от А́нгела но́вое и пресла́вное чу́до,/ возвести́ша апо́столом: я́ко воскре́се Госпо́дь,// да́руяй ми́рови ве́лию ми́лость.

С рыданиями спеша, достигли Твоей гробницы / почтенные женщины, / но, найдя гроб открытым и от Ангела узнав / о небывалом и необычайном чуде, / возвестили апостолам, что воскрес Господь, / даруя миру великую милость.

На 2. Стих: Воскресни́ Го́споди Бо́же мой, да вознесе́тся рука́ Твоя́,/ не забу́ди убо́гих Твои́х до конца́ .

Стихира:  Страсте́й Твои́х Боже́ственным я́звам/ покланя́емся, Христе́ Бо́же,/ и е́же в Сио́не Влады́чнему священноде́йствию,/ на коне́ц веко́в богоявле́нне бы́вшему:/ и́бо во тьме спя́щия, Со́лнце просвети́ пра́вды,/ к невече́рнему наставля́я сия́нию:// Го́споди, сла́ва Тебе́.

Божественным ранам страданий Твоих / поклоняемся, Христе Боже, / и Владычнему священнодействию на Сионе / в богоявлении в конце веков совершившемуся; / ибо во тьме спящих просветил Ты, Солнце правды, / направляя их к немеркнущему сиянию. / Господи, слава Тебе!

 

Стих:        Испове́мся Тебе́ Го́споди всем се́рдцем мои́м,/ пове́м вся чудеса́ Твоя́ .

Стихира:  Любомяте́жный ро́де евре́йский, внуши́те,/ где суть, и́же к Пила́ту прише́дшии:/ да реку́т стрегу́щии во́ини:/ где суть печа́ти гро́бныя;/ где преложе́н бысть Погребе́нный;/ где про́дан бысть Непрода́нный;/ ка́ко укра́дено бысть Сокро́вище;/ что оклевету́ете Спа́сово воста́ние/ пребеззако́нии иуде́и?/ Воскре́се, И́же в ме́ртвых свобо́дь,// и подае́т ми́рови ве́лию ми́лость.

Мятежный род Иудейский, послушайте: / где приходившие к Пилату? / Пусть скажут охранявшие гроб воины, / где его печати? / Куда переложен Погребенный? / Как был продан Непродаваемый? / Как похищено сокровище? / Зачем клевещете на воскресение Распятого, / беззаконные Иудеи? / Восстал Он, – свободный среди мертвых, / и подает миру великую милость.

                       Стихи́ра Трио́ди, глас 1, самогла́сна:

Стих:        Воскресни́, Го́споди Бо́же мой, да вознесе́тся рука́ Твоя́,/ не забу́ди убо́гих Твои́х до конца́

Стихира:  Несть Ца́рство Бо́жие пи́ща и питие́,/ но пра́вда и воздержа́ние со свя́тостию./ Те́мже не бога́тии вни́дут в не,/ но ели́цы сокро́вища своя́ в ру́ки ни́щих влага́ют./ Сия́ и Дави́д проро́к учи́т глаго́ля:/ пра́веден муж ми́луяй весь день,/ наслажда́яйся Го́сподеви,/ и во све́те ходя́й не по́ткнется./ Сия́ же вся к наказа́нию на́шему писа́шася,/ я́ко да постя́щеся благосты́ню твори́м,// и даст нам Госпо́дь вме́сто земны́х небе́сная.

Царство Божие не пища и питие / но праведность и воздержание с освящением. / Потому не богатые войдут в него, / но те, кто в руки бедных отдают свои сокровища. / Этому и Давид пророк учит, говоря: / "Праведен муж, милующий весь день, / наслаждающийся Господом / и во свете ходящий, который не преткнется". / Все же это к вразумлению нашему написано, / чтобы мы, постясь, творили добрые дела, / и даст нам Господь вместо благ земных небесные.

 

 

                Сла́ва Отцу́ и Сы́ну и Свято́му Ду́ху.

            Несть Ца́рство Бо́жие пи́ща и питие́,/ но пра́вда и воздержа́ние со свя́тостию./ Те́мже не бога́тии вни́дут в не,/ но ели́цы сокро́вища своя́ в ру́ки ни́щих влага́ют./ Сия́ и Дави́д проро́к учи́т глаго́ля:/ пра́веден муж ми́луяй весь день,/ наслажда́яйся Го́сподеви,/ и во све́те ходя́й не по́ткнется./ Сия́ же вся к наказа́нию на́шему писа́шася,/ я́ко да постя́щеся благосты́ню твори́м,// и даст нам Госпо́дь вме́сто земны́х небе́сная.

                 Глас 2:

Хор:       И ныне и присно и во веки веков. Аминь.

                Преблагослове́нна еси́, Богоро́дице Де́во,/ Вопло́щшим бо ся из Тебе́ ад плени́ся,/ Ада́м воззва́ся,/ кля́тва потреби́ся,/ Е́ва свободи́ся,/ сме́рть умертви́ся, и мы ожи́хом./ Тем воспева́юще вопие́м:/ благослове́н Христо́с Бог,// благоволи́вый та́ко, сла́ва Тебе́.

Преблагословенна Ты, Богородица Дева, / ибо Воплотившимся от Тебя ад пленен, / Адам из него возвращен, / проклятие лишилось силы, / Ева освобождена, смерть умерщвлена / и мы исполнились жизни. / Потому, воспевая, взываем: / "Благословен Христос Бог, так благоволивший, слава Тебе!"

 

 

Иере́й: Слава Тебе, показавшему нам свет.

 

Славосло́вие вели́кое:

Хор: Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди Царю́ Небе́сный, Бо́же О́тче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу; седя́й одесну́ю Отца́, поми́луй нас. Я́ко Ты еси́ еди́н Свят, Ты еси́ еди́н Госпо́дь, Иису́с Христо́с, в сла́ву Бо́га Отца́. Ами́нь.

            На всяк день благословлю́ Тя, и восхвалю́ И́мя Твое́ во ве́ки, и в век ве́ка.

            Сподо́би, Го́споди, в день сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено И́мя Твое́ во ве́ки. Ами́нь.

                Бу́ди, Го́споди, ми́лость Твоя́ на нас, я́коже упова́хом на Тя.

            Благослове́н еси́, Го́споди, научи́ мя оправда́нием Твои́м. (Три́жды)

            Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой: я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

            Святы́й Бо́же, Святы́й Кре́пкий, Святы́й Безсме́ртный, поми́луй нас. (Три́жды)

            Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

            Святы́й Безсме́ртный, поми́луй нас.

            Святы́й Бо́же, Святы́й Кре́пкий, Святы́й Безсме́ртный, поми́луй нас.

 

Тропа́рь воскре́сный, глас 1:

Хор:       Днесь Спасе́ние ми́ру бысть,/ пое́м Воскре́сшему из гро́ба,/ и Нача́льнику жи́зни на́шея:/ разруши́в бо сме́ртию смерть,// побе́ду даде́ нам и ве́лию ми́лость.

 

 

Всей день совершилось спасение мира! / Воспоем Воскресшего из гроба / и Начальника жизни нашей, / ибо уничтожив смертию смерть, / Он дал нам победу и великую милость.

 

 

Ектения́ сугу́бая:

Диа́кон:    Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор:       Го́споди, поми́луй. (Три́жды, на каждое прошение)

                     

Ектения́ проси́тельная:

Диа́кон:    Испо́лним у́тренюю моли́тву на́шу Го́сподеви.

Хор:       Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.                  

Диа́кон:    Дне́ всего́ соверше́нна, свя́та, ми́рна и безгре́шна у Го́спода про́сим.

Хор:       Пода́й, Го́споди. (На каждое прошение)

Диа́кон:    А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                       Проще́ния и оставле́ния грехо́в и прегреше́ний на́ших у Го́спода про́сим.

                       До́брых и поле́зных душа́м на́шим и ми́ра ми́рови у Го́спода про́сим.

                       Про́чее вре́мя живота́ на́шего в ми́ре и покая́нии сконча́ти у Го́спода про́сим.

                       Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                       Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко Бог ми́лости и щедро́т и человеколю́бия еси, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:       Ами́нь.

 

Иере́й:       Мир всем.

Хор:       И ду́хови твоему́.

 

Диа́кон:    Главы́ на́ша Го́сподеви прикло́ним.

Хор:       Тебе́, Господи.

 

Иере́й:       Твое́ бо е́сть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:       Ами́нь.

 

Диа́кон:    Прему́дрость.

Хор:       Благослови́.

 

Иере́й:       Сый благослове́н Христо́с Бог наш, всегда́, ны́не и при́сно и во ве́ки веко́в.

Хор:       Ами́нь. Утверди́, Бо́же, святу́ю правосла́вную ве́ру, правосла́вных христиа́н во век ве́ка.

 

Иере́й:       Пресвята́я Богоро́дице, спаси́ нас.

Хор:       Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

 

Иере́й:       Сла́ва Тебе́, Христе́ Бо́же, Упова́ние на́ше, сла́ва Тебе́.

Хор:       Сла́ва, и ны́не. Го́споди, поми́луй. (Три́жды) Благослови́.

 

Отпу́ст:

Иере́й: Воскресы́й из ме́ртвых Христо́с, И́стинный Бог наш, моли́твами Пречи́стыя Своея́ Ма́тере…

 

Многоле́тие:

Хор:       Вели́каго Господи́на и Отца́ на́шего Кири́лла,/ Святе́йшаго Патри́арха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ настоя́теля, бра́тию и прихо́жан свята́го хра́ма сего́/ и вся правосла́вныя христи́аны,// Го́споди, сохрани́ их на мно́гая ле́та.

Стихи́ра ева́нгельская девя́тая, глас 5:

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

            Я́ко в после́дняя ле́та,/ су́щу по́зде от суббо́т,/ предста́л еси́ друго́м Христе́,/ и чудесе́м чу́до известву́еши,/ заключе́ным вхо́дом две́рным,/ е́же из ме́ртвых Твое́ воскресе́ние./ Но испо́лнил еси́ ра́дости ученики́,/ и Ду́ха Свята́го препода́л еси́ им,/ и власть по́дал еси́ оставле́ния грехо́в/ и Фомы́ не оста́вил еси́ в неве́рствия погружа́тися бу́ри./ Те́мже пода́ждь и нам ра́зум и́стинный и оставле́ние прегреше́ний,// благоутро́бне Го́споди.

 

ЧИТА́ЕТСЯ ПЕ́РВЫЙ ЧАС:

Чтец:    Прииди́те, поклони́мся Царе́ви на́шему Бо́гу.

                Прииди́те, поклони́мся и припаде́м Христу́, Царе́ви на́шему Бо́гу.

                Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 5:

                Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой, зау́тра предста́ну Ти, и у́зриши мя. Я́ко Бог не хотя́й беззако́ния, Ты еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся де́лающыя беззако́ние. Погуби́ши вся глаго́лющыя лжу: му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой, поклоню́ся ко хра́му свято́му Твоему́, в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Я́ко несть во усте́х их и́стины, се́рдце их су́етно, гроб отве́рст горта́нь их: язы́ки свои́ми льща́ху. Суди́ им, Бо́же, да отпаду́т от мы́слей свои́х, по мно́жеству нече́стия их изри́ни я́, я́ко преогорчи́ша Тя, Го́споди. И да возвеселя́тся вси упова́ющии на Тя, во век возра́дуются, и всели́шися в них, и похва́лятся о Тебе́ лю́бящии и́мя Твое́. Я́ко Ты благослови́ши пра́ведника, Го́споди: я́ко ору́жием благоволе́ния венча́л еси́ нас.

Псало́м 89:

                Го́споди, прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Я́ко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут. Утро я́ко трава́ мимои́дет, у́тро процвете́т и пре́йдет: на ве́чер отпаде́т ожесте́ет и и́зсхнет. Я́ко исче́зохом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Тобо́ю: век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом, ле́та на́ша я́ко паучи́на поуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь: я́ко прии́де кро́тость на ны, и нака́жемся. Кто весть держа́ву гне́ва Твоего́, и от стра́ха Твоего́, я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Псало́м 100:

                Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную: творя́щыя преступле́ние возненави́дех. Не прильпе́ мне се́рдце стропти́во, уклоня́ющагося от мене́ лука́ваго не позна́х. Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. О́чи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающыя беззако́ние.

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

                Го́споди, поми́луй. (Три́жды)

Тропа́рь воскре́сный, глас 1:

                Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.

                Сла́ва Отцу́ и Сы́ну и Свято́му Ду́ху.

Тропа́рь Трио́ди (прп. Мари́и), глас 8:

            В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

            И ны́не и при́сно и во ве́ки веко́в. Ами́нь.

                Что Тя нарече́м, о Благода́тная? Не́бо, я́ко возсия́ла еси́ Со́лнце Пра́вды. Рай, я́ко прозябла́ еси́ цвет нетле́ния Де́ву, я́ко пребыла́ еси́ нетле́нна. Чи́стую Ма́терь, я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.

                Стопы́ моя́ напра́ви по словеси́ Твоему́ и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́ и нау́чи мя оправда́нием Твои́м.

                Да испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день великоле́пие Твое́.

 

Трисвято́е по О́тче наш:

Чтец:    Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

                Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

                Го́споди, поми́луй. (Трижды)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Ами́нь.

Конда́к Трио́ди (прп. Мари́и), глaс 3, подо́бен: «Де́ва дне́сь…»:

                Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,/ Мари́е пресла́вная.

                Го́споди, поми́луй. (40 раз)

                И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

                Го́споди поми́луй. (Три́жды.)

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

                И́менем Госпо́дним благослови́, о́тче.

Иере́й: Б о́же, уще́дри ны и благослови́ ны, просвети́ лице́ Твое́ на ны и поми́луй ны .

Чтец:    Ами́нь.

Иере́й: Христе́, Све́те И́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет Непристу́пный: и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере, и всех Твои́х святы́х, ами́нь.

 

Конда́к, глас 8:

                Взбра́нной Воево́де победи́тельная,/ я́ко изба́вльшеся от злы́х,/ благода́рственная воспису́ем Ти́ раби́ Твои́, Богоро́дице;/ но я́ко иму́щая держа́ву непобеди́мую,/ от вся́ких на́с бе́д свободи́, да зове́м Ти́:// ра́дуйся, Неве́сто Неневе́стная.

 

Иере́й:       Сла́ва Тебе́, Христе́ Бо́же, упова́ние на́ше, сла́ва Тебе́.

Хор:       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Го́споди, поми́луй. (Три́жды.) Благослови́.           

 

Отпу́ст.

Иере́й: Воскресы́й из ме́ртвых, Христо́с, и́стинный Бог наш, моли́твами пречи́стыя Своея́ Ма́тере, преподо́бных и Богоно́сных оте́ц на́ших и всех святы́х, поми́лует и спасе́т нас, я́ко Благ и Человеколю́бец.

Хор:       Го́споди, поми́луй. (Три́жды)            

 

Тре́тий час:

Иере́й:       Благослове́н Бог наш всегда́, ны́не и при́сно, и во ве́ки веко́в.

Чтец:    Ами́нь. Сла́ва Тебе́, Бо́же наш, сла́ва Тебе́.

                Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

                             

Трисвято́е по О́тче наш:

Чтец:    Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)  

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

                Го́споди, поми́луй. (Трижды)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Ами́нь. Го́споди, поми́луй. (12 раз)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                Прииди́те, поклони́мся Царе́ви на́шему Бо́гу.

                Прииди́те, поклони́мся и припаде́м Христу́, Царе́ви на́шему Бо́гу.

                Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 16:

                Услы́ши, Го́споди, пра́вду мою́, вонми́ моле́нию моему́, внуши́ моли́тву мою́ не во устна́х льсти́вых. От лица́ Твоего́ судьба́ моя́ изы́дет, óчи мои́ да ви́дита правоты́. Искуси́л eси́ се́рдце мое́, посети́л eси́ но́щию, искуси́л мя eси́, и не обре́теся во мне непра́вда. Я́ко да не возглаго́лют уста́ моя́ дел челове́ческих, за словеса́ усте́н Твои́х аз сохрани́х пути́ же́стоки. Соверши́ стопы́ моя́ во стезя́х Твои́х, да не подви́жутся стопы́ моя́. Аз воззва́х, я́ко услы́шал мя eси́, Бо́же, приклони́ у́хо Твое́ мне и услы́ши глаго́лы моя́. Удиви́ ми́лости Твоя́, спаса́яй упова́ющыя на Тя от проти́вящихся десни́це Твое́й. Сохрани́ мя, Го́споди, я́ко зе́ницу óка, в кро́ве крилу́ Твоéю покры́еши мя. От лица́ нечести́вых остра́стших мя, врази́ мои́ ду́шу мою́ одержа́ша. Тук свой затвори́ша, уста́ их глаго́лаша горды́ню. Изгоня́щии мя ны́не обыдо́ша мя, óчи свои́ возложи́ша уклони́ти на зе́млю. Объя́ша мя я́ко лев гото́в на лов и я́ко ски́мен обита́яй в та́йных. Воскресни́, Го́споди, предвари́ я́ и запни́ им, изба́ви ду́шу мою́ от нечести́ваго, oру́жие Твое́ от враг руки́ Твоея́. Го́споди, от ма́лых от земли́, раздели́ я́ в животе́ их, и сокрове́нных Твои́х испо́лнися чре́во их, насы́тишася сыно́в, и оста́виша оста́нки младе́нцeм свои́м. Аз же пра́вдою явлю́ся лицу́ Твоему́, насы́щуся, внегда́ яви́ти ми ся сла́ве Твое́й.

Псало́м 24:

                К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющым заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Псало́м 50:

                Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

                Го́споди, поми́луй. (Три́жды)

Тропа́рь воскре́сный, глас 1:

                Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.

 

                Сла́ва Отцу́ и Сы́ну и Свято́му Ду́ху.

Тропа́рь Трио́ди (прп. Мари́и), глас 8:

            В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

                И ны́не и при́сно и во ве́ки веко́в. Ами́нь.

                Богоро́дице, Ты еси́ лоза́ и́стинная, возрасти́вшая нам Плод живота́, Тебе́ мо́лимся: моли́ся, Влады́чице, со святы́ми апо́столы поми́ловати ду́ши на́ша.

                Госпо́дь Бог благослове́н, благослове́н Госпо́дь день дне,/ поспеши́т нам Бог спасе́ний на́ших, Бог наш, Бог спаса́ти.

 

Трисвято́е по О́тче наш:

Чтец:    Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

                Го́споди, поми́луй. (Трижды)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Ами́нь.

Конда́к воскре́сный, глас 1, подо́бен: «Егда́ прии́деши…»:

                Воскре́сл еси́, я́ко Бог, из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и смерть исчезе́;/ Ада́м же лику́ет, Влады́ко;/ Е́ва ны́не от уз избавля́ема ра́дуется, зову́щи:// Ты еси́, И́же всем подая́, Христе́, воскресе́ние.

                Го́споди, поми́луй. (40 раз)

                И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

                Го́споди поми́луй. (Три́жды.)

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

                И́менем Госпо́дним благослови́, о́тче.

Иере́й:       М оли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец:    Ами́нь. Влады́ко Бо́же О́тче Вседержи́телю, Го́споди Сы́не Единоро́дный Иису́се Христе́, и Святы́й Ду́ше, Еди́но Боже́ство, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в, ами́нь.

Шесто́й час:

Чтец:    Прииди́те, поклони́мся Царе́ви на́шему Бо́гу.

                Прииди́те, поклони́мся и припаде́м Христу́, Царе́ви на́шему Бо́гу.

                Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 53:

                Бо́же, во и́мя Твое́ спаси́ мя, и в си́ле Твое́й суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя и кре́пцыи взыска́ша ду́шу мою́, и не предложи́ша Бо́га пред собо́ю. Се бо Бог помога́ет ми, и Госпо́дь Засту́пник души́ мое́й. Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го, я́ко от вся́кия печа́ли изба́вил мя еси́, и на враги́ моя́ воззре́ о́ко мое́.

Псало́м 54:

                Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся. От гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голубине́, и полещу́, и почи́ю? Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м eго́. Беззако́ние и труд посреде́ eго́ и непра́вда. И не оскуде́ от стогн eго́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши их во студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Псало́м 90:

                Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши, и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́ и изба́влю и́, покры́ю и́, я́ко позна́ и́мя Мое́. Воззове́т ко Мне и услы́шу eго́, с ним есмь в ско́рби, изму́ eго́ и просла́влю eго́, долгото́ю дний испо́лню eго́ и явлю́ eму́ спасе́ние Мое́.

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

                Го́споди, поми́луй. (Три́жды)

Тропа́рь воскре́сный, глас 1:

                Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.

                Сла́ва Отцу́ и Сы́ну и Свято́му Ду́ху.

Тропа́рь Трио́ди (прп. Мари́и), глас 8:

            В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

                И ны́не и при́сно и во ве́ки веко́в. Ами́нь.

                Я́ко не и́мамы дерзнове́ния за премно́гия грехи́ на́ша, Ты и́же от Тебе́ Ро́ждшагося моли́, Богоро́дице Де́во, мно́го бо мо́жет моле́ние Ма́тернее ко благосе́рдию Влады́ки. Не пре́зри гре́шных мольбы́, Всечи́стая, я́ко ми́лостив есть и спасти́ моги́й, И́же и страда́ти о нас изво́ливый.

                Ско́ро да предваря́т ны щедро́ты Твоя́, Го́споди, я́ко обнища́хом зело́; помози́ нам, Бо́же, Спа́се наш, сла́вы ра́ди И́мене Твоего́, Го́споди, изба́ви нас и очи́сти грехи́ на́ша, И́мене ра́ди Твоего́.

Трисвято́е по О́тче наш:

Чтец:    Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

                Го́споди, поми́луй. (Трижды)

                       Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Ами́нь.

Конда́к Трио́ди (прп. Мари́и), глaс 3, подо́бен: «Де́ва дне́сь…»:

                Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,/ Мари́е пресла́вная.

                Го́споди, поми́луй. (40 раз)

                И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

                Го́споди поми́луй. (Три́жды.)

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

                И́менем Госпо́дним благослови́, о́тче.

Иере́й:       М оли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец:    Ами́нь. Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.

 

Боже́ственная литурги́я Васи́лия Вели́кого:

Диа́кон:    Благослови́, влады́ко.

Иере́й:       Благослове́но Ца́рство Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Аминь.

Вели́кая ектения́:

Диа́кон:    Ми́ром Го́споду помо́лимся.

Хор:       Го́споди, поми́луй.

Диа́кон:    О Свы́шнем ми́ре и спасе́нии душ на́ших, Го́споду помо́лимся.

                                 О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

                                      О святе́м хра́ме сем и с ве́рою, благогове́нием и стра́хом Бо́жиим входя́щих во_нь, Го́споду помо́лимся.

                                      О вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), честне́м пресви́терстве, вo Христе́ диа́констве, о всем при́чте и лю́дех, Го́споду помо́лимся.

                       О Богохрани́мей стране́ на́шей, власте́х и во́инстве ея, Го́споду помо́лимся.

                                      О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.

                                      О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

                                      О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

                                      Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:       Ами́нь.

Пе́рвый антифо́н, псало́м 102[2]:

Хор:       Благослови́, душе́ моя́, Го́спода,/ благослове́н еси́ Го́споди./

                Благослови́, душе́ моя́, Го́спода,/ и вся вну́тренняя моя́/ и́мя свя́тое Его́./ Благослови́, душе́ моя́, Го́спода,/ и не забыва́й всех воздая́ний Его́,/ очища́ющаго вся беззако́ния твоя́,/ исцеля́ющаго вся неду́ги твоя́,/ избавля́ющаго от истле́ния живо́т твой,/ венча́ющаго тя ми́лостию и щедро́тами,/ исполня́ющаго во благи́х жела́ние твое́:/ обнови́тся я́ко о́рля ю́ность твоя́./ Творя́й ми́лостыни Госпо́дь,/ и судьбу́ всем оби́димым./ Сказа́ пути́ Своя́ Моисе́ови,/ сыново́м Изра́илевым хоте́ния Своя́:/ Щедр и Ми́лостив Госпо́дь,/ Долготерпели́в и Многоми́лостив./ Не до конца́ прогне́вается,/ ниже́ во век вражду́ет,/ не по беззако́нием на́шим сотвори́л есть нам,/ ниже́ по грехо́м на́шим возда́л есть нам./ Я́ко по высоте́ небе́сней от земли́,/ утверди́л есть Госпо́дь ми́лость Свою́ на боя́щихся Его́./ Ели́ко отстоя́т восто́цы от за́пад,/ уда́лил есть от нас беззако́ния на́ша./ Я́коже ще́дрит оте́ц сы́ны,/ уще́дри Госпо́дь боя́щихся Его́./ Я́ко Той позна́ созда́ние на́ше,/ помяну́, я́ко персть есмы́./ Челове́к, я́ко трава́ дни́е eго́,/ я́ко цвет се́льный, та́ко оцвете́т,/ я́ко дух про́йде в нем,/ и не бу́дет, и не позна́ет ктому́ ме́ста своего́./ Ми́лость же Госпо́дня от ве́ка и до ве́ка на боя́щихся Его́,/ и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́./ Госпо́дь на Небеси́ угото́ва Престо́л Свой,/ и Ца́рство Его́ все́ми облада́ет./ Благослови́те Го́спода вси А́нгели Его́,/ си́льнии кре́постию, творя́щии сло́во Его́, услы́шати глас слове́с Его́./ Благослови́те Го́спода вся Си́лы Его́,/ слуги́ Его́, творя́щии во́лю Его́./ Благослови́те Го́спода вся дела́ Его́, на вся́ком ме́сте влады́чества Его́./
Благослови́, душе́ моя́, Го́спода,/ и вся вну́тренняя моя́/ и́мя свя́тое Его́.// Благослове́н еси́, Го́споди.

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

Хор:       Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Ами́нь.

 

Второ́й антифо́н, псало́м 145:

Хор: Хвали́, душе́ моя́, Го́спода./ Восхвалю́ Го́спода в животе́ мое́м,/ пою́ Бо́гу моему́, до́ндеже есмь./ Не наде́йтеся на кня́зи, на сы́ны челове́ческия,/ в ни́хже несть спасе́ния./ Изы́дет дух eго́/ и возврати́тся в зе́млю свою́./ В той день поги́бнут вся помышле́ния eго́./ Блаже́н, eму́же Бог Иа́ковль Помо́щник его́,/ упова́ние eго́ на Го́спода Бо́га своего́,/ сотво́ршаго не́бо и зе́млю,/ мо́ре и вся, я́же в них,/ храня́щаго и́стину в век,/ творя́щаго суд оби́димым,/ даю́щаго пи́щу а́лчущим./ Госпо́дь реши́т окова́нныя./ Госпо́дь умудря́ет слепцы́./ Госпо́дь возво́дит низве́рженныя./ Госпо́дь лю́бит пра́ведники./ Госпо́дь храни́т прише́льцы,/ си́ра и вдову́ прии́мет/ и путь гре́шных погуби́т./ Воцари́тся Госпо́дь во век,// Бог твой, Сио́не, в род и род.

            Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь[3].

Единоро́дный Сы́не:

                Единоро́дный Сы́не и Сло́ве Бо́жий, Безсме́ртен Сый/ и изво́ливый спасе́ния на́шего ра́ди/ воплоти́тися от Святы́я Богоро́дицы и Присноде́вы Мари́и,/ непрело́жно вочелове́чивыйся,/ распны́йся же, Христе́ Бо́же, сме́ртию смерть попра́вый,/ Еди́н Сый Святы́я Тро́ицы,// спрославля́емый Отцу́ и Свято́му Ду́ху, спаси́ нас.

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

Хор:       Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

Тре́тий антифо́н, Блаже́нны:

Хор:  Во Ца́рствии Твое́м помяни́ нас, Го́споди, егда́ прии́деши, во Ца́рствии Твое́м.

На 12:       Блаже́ни ни́щии ду́хом, я́ко тех есть Ца́рство Небе́сное.

                Блаже́ни пла́чущии, я́ко ти́и уте́шатся.

На 10:    Блаже́ни кро́тции, я́ко ти́и насле́дят зе́млю.

                Блаже́ни а́лчущии и жа́ждущии пра́вды, я́ко ти́и насы́тятся.

На 8:         Блаже́ни ми́лостивии, я́ко ти́и поми́ловани бу́дут.                

                       Глас 1:

Тропа́рь:    Сне́дию изведе́ из рая́ враг Ада́ма:/ Кресто́м же разбо́йника введе́ Христо́с вонь,/ помяни́ мя, зову́ща,// егда́ прии́деши во Ца́рствии Твое́м.

 

            Блаже́ни чи́стии се́рдцем, я́ко ти́и Бо́га у́зрят.

Тропа́рь:    Покланя́юся страсте́м Твои́м,/ славосло́влю и Воскресе́ние со Ада́мом и разбо́йником,/ со гла́сом све́тлым вопию́ Ти:/ помяни́ мя Го́споди,// егда́ прии́деши во Ца́рствии Твое́м.

 

На 6          Блаже́ни миротво́рцы, я́ко ти́и сы́нове Бо́жии нареку́тся.

Тропа́рь:    Распя́лся еси́, безгре́шне,/ и во гро́бе положи́лся еси́ во́лею,/ но воскре́сл еси́, я́ко Бог,/ совоздви́гнувый Себе́ Ада́ма,/ помяни́ мя, зову́ща,// егда́ прии́деши во Ца́рствии Твое́м.

 

                Блаже́ни изгна́ни пра́вды ра́ди, я́ко тех есть Ца́рство Небе́сное.

Тропа́рь:    Храм Твой теле́сный тридне́вным Воскреси́вый погребе́нием,/ со Ада́мом, и и́же от Ада́ма, воскреси́л еси́, Христе́ Бо́же:/ помяни́ нас, зову́щих,// егда́ прии́деши во Ца́рствии Твое́м.

На 4:       Блаже́ни есте́, егда́ поно́сят вам, и изжену́т, и реку́т всяк зол глаго́л на вы, лжу́ще Мене́ ра́ди.

Тропа́рь:    Мироно́сицы приидо́ша, пла́чуща,/ на гроб Твой Христе́ Бо́же, зело́ ра́но:/ и в бе́лых ри́зах обрето́ша А́нгела седя́ща,/ что и́щете; зову́ща.// Воскре́се Христо́с, не рыда́йте про́чее.

 

                Ра́дуйтеся и весели́теся, я́ко мзда ва́ша мно́га на Небесе́х.

Тропа́рь:    Апосто́ли Твои́, Го́споди/ на го́ру, а́може повеле́л еси́ им, прише́дше Спа́се,/ и Тя ви́девше, поклони́шася.// И́хже и посла́л еси́ во язы́ки учи́ти и крести́ти я́.

 

                Сла́ва Отцу́ и Сы́ну и Свято́му Ду́ху.

Тро́ичен:  Отцу́ поклони́мся,/ и Сы́на славосло́вим,/ и Пресвята́го Ду́ха вку́пе воспои́м, зову́ще и глаго́люще:// Всесвята́я Тро́ице, спаси́ всех нас.

 

                И ны́не и при́сно и во ве́ки веко́в. Ами́нь.

Богоро́дичен: Ма́терь Твою́ приво́дят Ти в моли́тву, лю́дие Твои́, Христе́:/ мольба́ми Ея́ щедро́ты Твоя́ даждь нам, Благи́й,// да Тя прославля́ем, из гро́ба нам возсия́вшаго.

 

Ма́лый вход (с Ева́нгелием):

Диа́кон:    Прему́дрость, про́сти.

 

Хор:       Прииди́те, поклони́мся и припаде́м ко Христу́. Спаси́ ны, Сы́не Бо́жий, Воскресый из ме́ртвых, пою́щия Ти: аллилу́иа.

 

ТРОПАРИ́ И КОНДАКИ́ ПО ВХО́ДЕ:

Если хра́м Госпо́дский:

Тропа́рь воскре́сный, глас 1:

                Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.  

Тропа́рь Трио́ди (прп. Мари́и), глас 8:

              В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

 

                Сла́ва Отцу́ и Сы́ну и Свято́му Ду́ху.

Конда́к Трио́ди (прп. Мари́и), глaс 3, подо́бен: «Де́ва дне́сь…»:

                Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,/ Мари́е пресла́вная.

                И ны́не и при́сно и во ве́ки веко́в. Ами́нь.

Конда́к воскре́сный, глас 1, подо́бен: «Егда́ прии́деши…»:

                Воскре́сл еси́, я́ко Бог, из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и смерть исчезе́;/ Ада́м же лику́ет, Влады́ко;/ Е́ва ны́не от уз избавля́ема ра́дуется, зову́щи:// Ты еси́, И́же всем подая́, Христе́, воскресе́ние.

 

Е́сли хра́м Богоро́дицы:

Тропа́рь воскре́сный, глас 1:

                Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.  

Тропа́рь хра́ма.

Тропа́рь Трио́ди (прп. Мари́и), глас 8:

              В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

 

Конда́к воскре́сный, глас 1, подо́бен: «Егда́ прии́деши…»:

                Воскре́сл еси́, я́ко Бог, из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и смерть исчезе́;/ Ада́м же лику́ет, Влады́ко;/ Е́ва ны́не от уз избавля́ема ра́дуется, зову́щи:// Ты еси́, И́же всем подая́, Христе́, воскресе́ние.

 

                Сла́ва Отцу́ и Сы́ну и Свято́му Ду́ху.

Конда́к Трио́ди (прп. Мари́и), глaс 3, подо́бен: «Де́ва дне́сь…»:

                Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,/ Мари́е пресла́вная.

                И ны́не и при́сно и во ве́ки веко́в. Ами́нь.

Конда́к хра́ма.

Е́сли хра́м свято́го:

Тропа́рь воскре́сный, глас 1:

                Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жизнь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.  

Тропа́рь хра́ма.

Тропа́рь Трио́ди (прп. Мари́и), глас 8:

              В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

 

Конда́к воскре́сный, глас 1, подо́бен: «Егда́ прии́деши…»:

                Воскре́сл еси́, я́ко Бог, из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и смерть исчезе́;/ Ада́м же лику́ет, Влады́ко;/ Е́ва ны́не от уз избавля́ема ра́дуется, зову́щи:// Ты еси́, И́же всем подая́, Христе́, воскресе́ние.

 

Конда́к хра́ма.

 

                Сла́ва Отцу́ и Сы́ну и Свято́му Ду́ху.

Конда́к Трио́ди (прп. Мари́и), глaс 3, подо́бен: «Де́ва дне́сь…»:

                Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,/ Мари́е пресла́вная.

                И ны́не и при́сно и во ве́ки веко́в. Ами́нь.

Кондáк Богоро́дицы, глaс 6:

                Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я,/ на по́мощь нас, ве́рно зову́щих Ти;/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

Диа́кон:    Го́споду помо́лимся.

Хор:       Го́споди, поми́луй.

Иере́й:       Я́ко Свят́ еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно.

 

Диа́кон:    Го́споди, спаси́ благочести́выя.

Хор:       Го́споди, спаси́ благочести́выя.

 

Диа́кон:    И услы́ши ны.

Хор:       И услы́ши ны.

Диа́кон:    И во ве́ки веко́в.

Хор:       Ами́нь.

 

Трисвято́е:

Хор:            Святы́й Бо́же, Святы́й Кре́пкий, Святы́й Безсме́ртный, поми́луй нас. (Три́жды)

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

            Святы́й Безсме́ртный, поми́луй нас.

                Святы́й Бо́же, Святы́й Кре́пкий, Святы́й Безсме́ртный, поми́луй нас.         

 

Диа́кон:    Во́нмем.

Иере́й:       Мир всем.

Чтец:    И ду́хови твоему́.

 

Диа́кон:    Прему́дрость.

 

Проки́мен воскре́сный, глас 1:

Чтец:    Проки́мен, глас пе́рвый:

            Бу́ди, Го́споди, ми́лость Твоя́ на нас,/ я́коже упова́хом на Тя.

Хор:       Бу́ди, Го́споди, ми́лость Твоя́ на нас,/ я́коже упова́хом на Тя.

 

Чтец:    Ра́дуйтеся, пра́веднии, о Го́споде, пра́вым подоба́ет похвала́.

Хор:  Бу́ди, Го́споди, ми́лость Твоя́ на нас,/ я́коже упова́хом на Тя.

Проки́мен прп. Мари́и, глас 4:

Чтец:    Глас четве́ртый: Ди́вен Бог во святы́х Свои́х, Бог Изра́илев.

Хор:  Ди́вен Бог во святы́х Свои́х, Бог Изра́илев.

Чте́ние Апо́стола:

Диа́кон:    Прему́дрость.

Чтец:    Ко Евре́ом посла́ния свята́го апо́стола Па́вла чте́ние.

 

Диа́кон:    Во́нмем.

                       (Пя́той неде́ли Вели́кого поста́: Евр., зач.321 (от середи́ны): гл.9, стт.11-14):

Чтец:     Бра́тие, Христо́с прише́д Архиере́й гряду́щих благ, бо́льшею и соверше́ннейшею ски́ниею, нерукотворе́нною, си́речь, не сея́ тва́ри, ни кро́вию ко́злею, ни те́льчею, но Свое́ю Кро́вию, вни́де eди́ною во свята́я, ве́чное искупле́ние обреты́й. А́ще бо кровь ко́злия и те́льчая, и пе́пел ю́нчий кропя́щий осквернéныя, освяща́ет к пло́тней чистоте́, кольми́ па́че Кровь Христо́ва, И́же Ду́хом Святы́м Себе́ принесе́ непоро́чна Бо́гу, очи́стит со́весть на́шу от ме́ртвых дел, во éже служи́ти нам Бо́гу жи́ву и и́стинну.

                       (Прп. Мари́и Еги́петской: Гал., зач.208: гл.3, стт.23-29):

Чтец:     Бра́тие, пре́жде прише́ствия ве́ры, под зако́ном стрего́ми бе́хом, затворе́ни в хотя́щую ве́ру откры́тися. Те́мже зако́н пе́стун нам бысть во Христа́, да от ве́ры оправди́мся. Прише́дши же ве́ре, уже́ не под пе́стуном eсмы́. Вси бо вы сы́нове Бо́жии eсте́ ве́рою о Христе́ Иису́се: eли́цы бо во Христа́ крести́стеся, во Христа́ облеко́стеся. Несть Иуде́й, ни éллин; несть раб, ни свобо́дь; несть му́жеский пол, ни же́нский; вси бо вы eди́но eсте́ о Христе́ Иису́се. А́ще ли вы Христо́вы, у́бо Авраа́мле се́мя eсте́, и по обетова́нию насле́дницы.

 

Иере́й:       Мир ти.

Чтец:    И ду́хови твоему́.

 

Диа́кон:    Прему́дрость.

Аллилуа́рий воскре́сный, глас 1:

Чтец:    Глас  пе́рвый: Аллилу́ия, аллилу́ия, аллилу́ия.

Хор:       Аллилу́ия, аллилу́ия, аллилу́ия.

Чтец:    Бог дая́й отмще́ние мне, и покори́вый лю́ди под мя.

Хор:       Аллилу́ия, аллилу́ия, аллилу́ия.

Аллилуа́рий прп. Мари́и Еги́петской, глас 1:

Чтец:    Глас  то́йже: Терпя́, потерпе́х Го́спода, и внят ми, и услы́ша моли́тву мою.

Хор:       Аллилу́ия, аллилу́ия, аллилу́ия.

Диа́кон: Благослови́, влады́ко, благовести́теля свята́го Апо́стола и Евангели́ста Ма́рка. [4]

Иере́й:       Бог, моли́твами свята́го, сла́внаго, всехва́льнаго Апо́стола и Евангели́ста Ма́рка, да да́ст тебе́ глаго́л благовеству́ющему си́лою мно́гою, во исполне́ние Ева́нгелия возлю́бленнаго Сы́на Своего́, Го́спода на́шего Иису́са Христа́.

Диа́кон:    Аминь.

 

Второ́й диа́кон: Прему́дрость, про́сти, услы́шим свята́го Ева́нгелия.

Иере́й:       Мир всем.

Хор:       И ду́хови твоему́.

Диа́кон:    От Ма́рка свята́го Ева́нгелия чте́ние.

Хор:       Сла́ва Тебе́, Го́споди, сла́ва Тебе́.

 

Второ́й диа́кон: Во́нмем.

Чте́ние Ева́нгелия:

                       (Пя́той неде́ли Вели́кого поста́: Мк., зач.47: гл.10, стт.32-45):

Диа́кон:    Во вре́мя о́но, поя́т Иису́с oбана́десять, нача́т им глаго́лати, я́же хотя́ху Eму́ бы́ти, я́ко, се, восхо́дим во Иерусали́м, и Сын Челове́ческий пре́дан бу́дет архиере́ом и кни́жником, и осу́дят Eго́ на смерть, и предадя́т Eго́ язы́ком. И поруга́ются Eму́, и уя́звят Eго́, и оплю́ют Eго́, и убию́т Eго́, и в тре́тий день воскре́снет. И пред Ним приидо́ста Иа́ков и Иоа́нн, сы́на Зеведе́eва, глаго́люща: Учи́телю, хо́щева, да éже а́ще про́сива, сотвори́ши на́ма. Oн же рече́ и́ма: что хо́щета, да сотворю́ ва́ма? О́на же ре́ста Eму́: даждь нам, да eди́н одесну́ю Тебé, и eди́н ошу́юю Тебé ся́дева во сла́ве Твое́й. Иису́с же рече́ и́ма: не ве́стася, чесо́ про́сита. Мо́жета ли пи́ти ча́шу, ю́же Аз пию́, и креще́нием, и́мже Аз креща́юся, крести́тися? О́на же ре́ста Eму́: мо́жева. Иису́с же рече́ и́ма: ча́шу у́бо, ю́же Аз пию́, испие́та, и креще́нием, и́мже Аз креща́юся, крести́тася. А éже се́сти одесну́ю Менé и ошу́юю, несть Мне да́ти, но и́мже угото́вано eсть. И слы́шавше де́сять, нача́ша негодова́ти о Иа́кове и Иоа́нне. Иису́с же призва́в их, глаго́ла им: ве́сте, я́ко мня́щиися владе́ти язы́ки, соодолева́ют им, и вели́цыи их облада́ют и́ми. Не та́ко же бу́дет в вас, но и́же а́ще хо́щет в вас вя́щший бы́ти, да бу́дет вам слуга́. И и́же а́ще хо́щет в вас бы́ти ста́рей, да бу́дет всем раб. И́бо Сын Челове́чь не прии́де, да послу́жат Eму́, но да послу́жит, и да́ти ду́шу Свою́ избавле́ние за мно́ги.

                       (Прп. Мари́и Еги́петской: Лк., зач.33: гл.7, стт.36-50):

Диа́кон: Во вре́мя о́но, моля́ше Иису́са не́кий от фарисéй, да бы ял с ним: и вшед в дом фарисе́ов, возлеже́. И се жена́ во гра́де, я́же бе гре́шница, и уве́девши, я́ко возлежи́т во хра́мине фарисе́ове, прине́сши алава́стр ми́ра. И ста́вши при ногу́ Eго́ созади́, пла́чущися, нача́т умыва́ти но́зе Eго́ слеза́ми, и власы́ главы́ своея́ отира́ше, и облобыза́ше но́зе Eго́, и ма́заше ми́ром. Ви́дев же фарисе́й возва́вый Eго́, рече́ в себе́, глаго́ля: Сей а́ще бы был проро́к, ве́дел бы кто и какова́ жена́ прикаса́ется Eму́, я́ко гре́шница eсть. И отвеща́в Иису́с рече́ к нему́: Си́моне, и́мам ти не́что рещи́. Oн же рече́: Учи́телю, рцы. Иису́с же рече́: два должника́ бе́ста заимода́вцу не́коему, eди́н бе до́лжен пятию́сот дина́рий, други́й же пятию́десят. Не иму́щема же и́ма возда́ти, oбе́ма отда́. Кото́рый у́бо eю́, рцы, па́че возлю́бит eго́? Отвеща́в же Си́мон рече́: мню, я́ко eму́же вя́щше отда́. Oн же рече́ eму́: пра́во суди́л eси́. И обра́щься к жене́, Си́монови рече́: ви́диши ли сию́ жену́? Внидо́х в дом твой, воды́ на но́зе Мои́ не даде́, сия́ же слеза́ми облия́ Ми но́зе, и власы́ главы́ своея́ отре́. Лобза́ния Ми не даде́, сия́ же, отне́лиже внидо́х, не преста́ облобыза́ющи Ми но́зе. Ма́слом главы́ Моея́ не пома́за: сия́ же ми́ром пома́за Ми но́зе. Его́же ра́ди, глаго́лю ти: отпуща́ются греси́ eя́ мно́зи, я́ко возлюби́ мно́го, а eму́же ма́ло оставля́ется, ме́ньше лю́бит. Рече́ же eй: отпуща́ются тебе́ греси́. И нача́ша возлежа́щии с Ним глаго́лати в себе́: кто Сей eсть, и́же и грехи́ отпуща́ет? Рече́ же к жене́: ве́ра твоя́ спасе́ тя, иди́ в ми́ре.

Хор:       Сла́ва Тебе́, Го́споди, сла́ва Тебе́.

 

Ектения́ сугу́бая:

Диа́кон:    Рце́м вси от всея́ души́, и от всего́ помышле́ния на́шего рцем.

Хор: Го́споди, поми́луй.

Диа́кон:    Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Хор: Го́споди, поми́луй.

Диа́кон:    Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор:       Го́споди, поми́луй. (Три́жды, на каждое прошение)

Диа́кон:    Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.

                       Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

                       Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.

                       Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

                       Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.

                       Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Иере́й:       Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:       Ами́нь.

Ектения́ об оглаше́нных:

Диа́кон:    Помоли́теся, оглаше́ннии, Го́сподеви.

Хор: Го́споди, поми́луй. (На каждое прошение)

Диа́кон:    Ве́рнии, о оглаше́нных помо́лимся, да Госпо́дь поми́лует их.

                       Огласи́т их сло́вом и́стины.

                       Откры́ет им Ева́нгелие пра́вды.

                       Соедини́т их святе́й Свое́й собо́рней и апо́стольстей Це́ркви.

                       Спаси́, поми́луй, заступи́ и сохрани́ их, Бо́же, Твое́ю благода́тию.

                       Оглаше́ннии, главы ва́ша Го́сподеви приклони́те.

Хор: Тебе́, Го́споди.

Иере́й:       Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:       Ами́нь.

Ектения́ ве́рных, пе́рвая:

Диа́кон:    Ели́цы оглаше́ннии, изыди́те, оглаше́ннии, изыди́те, ели́цы оглаше́ннии, изыди́те, да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.

Хор: Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диа́кон:    Прему́дрость.

Иере́й:       Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

Ектения́ ве́рных, втора́я:

Диа́кон:    Па́ки и па́ки, ми́ром Го́споду помо́лимся.

Хор: Го́споди, поми́луй. (На ка́ждое проше́ние)

Диа́кон:    О свы́шнем ми́ре и спасе́нии душ на́ших, Го́споду помо́лимся.

                 О ми́ре всего́ мира, благостоя́нии святы́х Бо́жиих церкве́й и соедине́нии всех, Го́споду помо́лимся.

                                      О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диа́кон:    Прему́дрость.

Иере́й:       Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

Херуви́мская песнь:

Хор:       И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

Вели́кий вход:

Диа́кон:    Вели́каго господи́на и отца́ на́шего Кири́лла, Святе́йшаго Патриа́рха Моско́вскаго и всея́ Ру́си, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Иере́й:       Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, и при́чет церко́вный, бра́тию свята́го хра́ма сего́, всех вас, правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Хор:       Ами́нь. Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

 

Ектения́ проси́тельная:

Диа́кон:    Испо́лним моли́тву на́шу Го́сподеви.

Хор:       Го́споди, поми́луй. (На каждое прошение)

Диа́кон:    О предложе́нных Честны́х Даре́х, Го́споду помо́лимся.

                                      О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Дне всего́ соверше́нна, свя́та, ми́рна и безгре́шна у Го́спода про́сим.

Хор:       Пода́й, Го́споди. (На каждое прошение)

Диа́кон:    А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                       Проще́ния и оставле́ния грехо́в и прегреше́ний на́ших у Го́спода про́сим.

                       До́брых и поле́зных душа́м на́шим и ми́ра ми́рови у Го́спода про́сим.

                       Про́чее вре́мя живота́ на́шего в ми́ре и покая́нии сконча́ти у Го́спода про́сим.

                       Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                       Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и дру́г дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Хор:       Ами́нь.

Иере́й:       Мир всем.

Хор:       И ду́хови твоему́.

Диа́кон:    Возлю́бим друг дру́га, да единомы́слием испове́мы.

Хор: Отца́, и Сы́на, и Свята́го Ду́ха, Тро́ицу единосу́щную и неразде́льную.

Диа́кон:    Две́ри, две́ри, прему́дростию во́нмем.

 

Си́мвол ве́ры:

Лю́ди: Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

 

Евхаристи́ческий Кано́н:

Диа́кон: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Хор:       Ми́лость ми́ра, же́ртву хвале́ния.

Иере́й:       Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

Хор:       И со ду́хом твои́м.

 

Иере́й:       Горе́[5]  име́им сердца́.

Хор:       И́мамы ко Го́споду.

 

Иере́й:       Благодари́м Го́спода.

Хор:       Досто́йно и пра́ведно есть покланя́тися Отцу́ и Сы́ну, и Свято́му Ду́ху, Тро́ице единосу́щней и неразде́льней.

 

Иере́й:       Побе́дную песнь пою́ще, вопию́ще, взыва́юще и глаго́люще.

Хор:       Свят, свят, свят Госпо́дь Савао́ф, испо́лнь не́бо и земля́ сла́вы Твоея́; оса́нна в вы́шних, благослове́н Гряды́й во и́мя Госпо́дне, оса́нна в вы́шних.

 

Иере́й:       Даде́ святы́м Свои́м ученико́м и апо́столом, рек: приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.

Хор:       Ами́нь.

Иере́й:       Даде́ святы́м Свои́м ученико́м и апо́столом, рек: пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.

Хор:       Ами́нь.

 

Иере́й:       Твоя́ от Твои́х Тебе́ принося́ще, о всех и за вся.

Хор:       Тебе́ пое́м, Тебе́ благослови́м, Тебе́ благодари́м, Го́споди, и мо́лим Ти ся, Бо́же наш.

 

Иере́й:       Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

Вме́сто Досто́йно есть:

            О Тебе́ ра́дуется, Благода́тная вся́кая тварь,/ А́нгельский собор и челове́ческий род,/ освяще́нный хра́ме и раю́ слове́сный,/ девственная похвало́,/ из Нея́же Бог воплоти́ся,/ и Младе́нец бысть, пре́жде век Сый Бог наш:/ ложесна́ бо Твоя́ престо́л сотвори́/ и чре́во Твое́ простра́ннее Небе́с соде́ла.// О Тебе́ ра́дуется, Благода́тная, вся́кая тварь, сла́ва Тебе́.

Иере́й:       В пе́рвых помяни́, Го́споди, вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Руси́, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.

Хор:       И всех, и вся.

Иере́й:       И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:       Ами́нь.

Иере́й:       И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

Хор:       И со ду́хом твои́м.

Ектения́ проси́тельная:

Диа́кон:    Вся святы́я помяну́вше, па́ки и па́ки ми́ром Го́споду помо́лимся.

Хор:       Го́споди, поми́луй. (На каждое прошение)

Диа́кон:    О принесе́нных и освяще́нных Честны́х Даре́х, Го́споду помо́лимся.

                       Я́ко да человеколю́бец Бог наш, прие́м я́ во святы́й и пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам Боже́ственную благода́ть и дар Свята́го Ду́ха, помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Дне всего́ соверше́нна, свя́та, ми́рна и безгре́шна у Го́спода про́сим.

Хор:       Пода́й, Го́споди. (На каждое прошение)

Диа́кон:    А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                       Проще́ния и оставле́ния грехо́в и прегреше́ний на́ших у Го́спода про́сим.

                       До́брых и поле́зных душа́м на́шим и ми́ра ми́рови у Го́спода про́сим.

                       Про́чее вре́мя живота́ на́шего в ми́ре и покая́нии сконча́ти у Го́спода про́сим.

                       Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                       Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати:

 

Моли́тва Госпо́дня:

Лю́ди: О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иере́й:       Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:       Ами́нь.

Иере́й:       Мир всем.

Хор: И ду́хови твоему́.

 

Диа́кон:    Главы́ ва́ша Го́сподеви приклони́те.

Хор: Тебе́, Го́споди.

 

Иере́й:       Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Хор:       Ами́нь.

Диа́кон:    Во́нмем.

Иере́й:       Свята́я святы́м.

Хор: Еди́н свят,/ еди́н Госпо́дь,/ Иису́с Христо́с,/ во сла́ву Бо́га Отца́./ Ами́нь.

 

Прича́стны воскре́сный и прп. Мари́и:

                Хвали́те Го́спода с небе́с, хвали́те Его в вы́шних.

                В па́мять ве́чную бу́дет пра́ведник, от слу́ха зла не убои́тся Аллилу́ия. (Трижды)

 

Прича́стие:

Диа́кон:    Со стра́хом Бо́жиим и ве́рою приступи́те.

Хор: Благослове́н Гряды́й во и́мя Госпо́дне, Бог Госпо́дь и яви́ся нам.

 

Иере́й: Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.

                       Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.

                       Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.

                       Во время Причащения людей:

Хор: Те́ло Христо́во приими́те, Источника безсме́ртнаго вкусите.

 

                       После Причащения людей:

Хор:       Аллилу́ия, аллилу́ия, аллилу́ия.

 

Иере́й:       Спаси́, Бо́же, лю́ди Твоя́, и благослови́ достоя́ние Твое́.

Хор:       Ви́дехом свет и́стинный,/ прия́хом Ду́ха Небе́снаго,/ обрето́хом ве́ру и́стинную,/ неразде́льней Тро́ице покланя́емся,// Та бо нас спасла́ есть.

 

Иере́й:       Всегда́, ны́не и при́сно, и во ве́ки веко́в.

Хор: Ами́нь. Да испо́лнятся уста́ на́ша/ хвале́ния Твоего́ Го́споди,/ я́ко да пое́м сла́ву Твою́,/ я́ко сподо́бил еси́ нас причасти́тися/ Святы́м Твои́м, Боже́ственным, безсме́ртным и животворя́щим Та́йнам,/ соблюди́ нас во Твое́й святы́ни/ весь день поуча́тися пра́вде Твое́й.// Аллилу́иа, аллилу́иа, аллилу́иа.

 

Ектения́ заключи́тельная:

Диа́кон:    Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Хор: Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диа́кон:    День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Иере́й:       Я́ко Ты еси́ освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

 

Иере́й:       С ми́ром изы́дем.

Хор:       О и́мени Госпо́дни.

Диа́кон:    Го́споду помо́лимся.

Хор: Го́споди, поми́луй.

 

Заамво́нная моли́тва:

Иере́й:       Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты тех возпросла́ви Боже́ственною Твое́ю си́лою, и не оста́ви нас, упова́ющих на Тя. Мир мирови Твоему́ да́руй, це́рквам Твои́м, свяще́нником, во́инству и всем лю́дем Твои́м. Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь. Бу́ди И́мя Госпо́дне благослове́но от ны́не и до ве́ка. (Три́жды)

Псало́м 33:

Хор:       Благословлю́ Го́спода на вся́кое вре́мя,/ вы́ну хвала́ Его́ во усте́х мои́х./ О Го́споде похва́лится душа́ моя́,/ да услы́шат кро́тцыи, и возвеселя́тся./ Возвели́чите Го́спода со мно́ю,/ и вознесе́м И́мя Его́ вку́пе./ Взыска́х Го́спода, и услы́ша мя,/ и от все́х скорбе́й мои́х изба́ви мя./ Приступи́те к Нему́, и просвети́теся,/ и ли́ца ва́ша не постыдя́тся./ Сей ни́щий воззва́, и Госпо́дь услы́ша и,/ и от все́х скорбе́й его́ спасе́ и./ Ополчи́тся а́нгел Госпо́день о́крест боя́щихся Его́,/ и изба́вит их./ Вкуси́те и ви́дите, я́ко благ Госпо́дь:/ блаже́н муж, и́же упова́ет Нань./ Бо́йтеся Го́спода, вси́ святи́и Его́,/ я́ко несть лише́ния боя́щимся Его́./ Бога́тии обнища́ша и взалка́ша:/ взыска́ющии же Го́спода не лиша́тся вся́каго бла́га./ Прииди́те, ча́да, послу́шайте мене́,/ стра́ху Госпо́дню научу́ вас./ Кто́ есть челове́к хотя́й живо́т,/ любя́й дни ви́дети бла́ги?/ Удержи́ язы́к твой от зла,/ и устне́ твои́, е́же не глаго́лати льсти./ Уклони́ся от зла и сотвори́ бла́го./ Взыщи́ ми́ра, и пожени́ и́./ О́чи Госпо́дни на пра́ведныя,/ и у́ши Его́ в моли́тву их./ Лице́ же Госпо́дне на творя́щия зла́я,/ е́же потреби́ти от земли́ па́мять их./ Воззва́ша пра́веднии, и Госпо́дь услы́ша их,/ и от всех скорбе́й их изба́ви их./ Близ Госпо́дь сокруше́нных се́рдцем,/ и смире́нныя ду́хом спасе́т./ Мно́ги ско́рби пра́ведным,/ и от всех их изба́вит я́ Госпо́дь./ Храни́т Госпо́дь вся ко́сти их,/ ни еди́на от них сокруши́тся./ Смерть гре́шников люта́,/ и ненави́дящии пра́веднаго прегре́шат./ Изба́вит Госпо́дь ду́шы раб Свои́х,/ и не прегреша́т// вси, упова́ющии на Него́.

Иере́й:       Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в.

Хор:       Ами́нь.

Иере́й:       Сла́ва Тебе́, Христе́ Бо́же, упова́ние на́ше, сла́ва Тебе́.

Хор:       Сла́ва, и ны́не. Го́споди, поми́луй. (Три́жды) Благослови́.

Отпу́ст:

Иере́й:       Воскресы́й из ме́ртвых, Христо́с, и́стинный Бог наш, моли́твами пречи́стыя Своея́ Ма́тере, и́же во святы́х …

 

Многоле́тие:

Хор:       Вели́каго Господи́на и Отца́ на́шего Кири́лла,/ Святе́йшаго Патри́арха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ настоя́теля, бра́тию и прихо́жан свята́го хра́ма сего́/ и вся правосла́вныя христи́аны,// Го́споди, сохрани́ их на мно́гая ле́та.

 

Богоро́дичны воскре́сны от стихо́вных:

Приложение

Глас 1:

                Се испо́лнися Иса́иино прорече́ние,/ Де́ва бо родила́ еси́,/ и по Рождестве́ я́ко пре́жде Рождества́ пребыла́ еси́:/ Бог бо бе Рожде́йся,/ те́мже и естества́ новопресече́./ Но о Богома́ти!/ Моле́ния Твои́х рабо́в,/ в Твое́м хра́ме приноси́мая Тебе́ не пре́зри,/ но я́ко Благоутро́бнаго Твои́ма рука́ма нося́щи,/ на Твоя́ рабы́ умилосе́рдися,// и моли́ спасти́ся душа́м на́шим.

 

Глас 2:

                О чудесе́ но́ваго всех дре́вних чуде́с!/ Кто бо позна́ ма́терь без му́жа ро́ждшую,/ и на руку́ нося́щую, всю тварь Содержа́щаго?/ Бо́жие есть изволе́ние Ро́ждшееся./ Его́же, я́ко Младе́нца, Пречи́стая,/ Твои́ма рука́ма носи́вшая,/ и Ма́тернее дерзнове́ние к Нему́ иму́щая,/ не преста́й моля́щи о чту́щих Тя,// уще́дрити и спасти́ ду́ши на́ша.

 

Глас 3:

                Без се́мене от Боже́ственнаго Ду́ха,/ во́лею же О́тчею зачала́ еси́ Сы́на Бо́жия,/ от Отца́ без ма́тере пре́жде век су́ща:/ нас же ра́ди, из Тебе́ без отца́ бы́вша,/ пло́тию родила́ еси́,/ и Младе́нца млеко́м пита́ла еси́./ Те́мже не преста́й моли́ти,// изба́витися от бед душа́м на́шым.

 

Глас 4:

                При́зри на моле́ния Твои́х раб, Всенепоро́чная,/ утоля́ющи лю́тая на ны воста́ния,/ вся́кия ско́рби нас изменя́ющи./ Тя бо, Еди́ну, тве́рдое и изве́стное Утвержде́ние и́мамы,/ и Твое́ предста́тельство стяжа́хом./ Да не постыди́мся, Влады́чице, Тя призыва́ющии,/ потщи́ся на умоле́ние, Тебе́ ве́рно вопию́щих:/ ра́дуйся, Влады́чице, всех По́моще,// Ра́досте и Покро́ве, и Спасе́ние душ на́ших.

 

Глас 5:

                Храм и Дверь еси́,/ Пала́та и Престо́л Царе́в,/ Де́во Всечестна́я,/ Е́юже Изба́витель мой, Христо́с Госпо́дь,/ во тьме спя́щим яви́ся,/ Со́лнце Сый пра́вды,/ просвети́ти хотя́, я́же созда́ по о́бразу Своему́ руко́ю Свое́ю./ Те́мже, Всепе́тая,/ я́ко Ма́терне дерзнове́ние к Нему́ стяжа́вшая,/ непреста́нно моли́// спасти́ся душа́м на́шым.

Глас 6:

                Творе́ц и Изба́витель мой, Пречи́стая,/ Христо́с Госпо́дь из Твои́х ложе́сн проше́д,/ в мя Оболки́йся,/ пе́рвыя кля́твы Ада́ма свободи́./ Те́мже Ти, Всечи́стая,/ я́ко Бо́жии Ма́тери же и Де́ве,/ вои́стинну вопие́м немо́лчно:/ ра́дуйся А́нгельски, ра́дуйся, Влады́чице,/ Предста́тельство и Покро́ве,// и Спасе́ние душ на́ших.

 

Глас 7:

                Под кpов Твой Влады́чице,/ вси земноpо́днии пpибега́юще, вопие́м ти:/ Богоpо́дице упова́ние на́ше,/ изба́ви ны от безме́pных пpегpеше́ний,// и спаси́ ду́ши на́ша.

 

Глас 8:

                Безневе́стная Де́во,/ Я́же Бо́га неизрече́нно заче́нши пло́тию,/ Ма́ти Бо́га Вы́шняго,/ Твои́х рабо́в мольбы́ приими́, Всенепоро́чная,/ всем подаю́щи очище́ние прегреше́ний:/ ны́не на́ша моле́ния прие́млющи,// моли́ спасти́ся всем нам.

 

 

            

           [2] Часто поется в сокращении.

           [3] Может петься иначе: Слава: Хвали, душе, моя, Господа… И ныне: Единородный Сыне…

        [4] По служебнику (при иерейском служении) этот диалог произносится не во всеуслышание в алтаре во время пения Аллилуария, но также распространена практика произнесения этого диалога возгласно после Аллилуария.

[5] Горе́ = к Го́рнему, духо́вному, ввысь

---

Дата добавления: 2020-04-25; просмотров: 65; Мы поможем в написании вашей работы!

Поделиться с друзьями:

---

---

Мы поможем в написании ваших работ!