Евангелие от Луки (1, 26-38):

⇐ ПредыдущаяСтр 2 из 6Следующая ⇒

«В месяц же шестый послан бысть Ангел Гавриил от Бога во град Галилейский, емуже имя Назарет, к Деве, обрученней мужеви, емуже имя Иосиф, от дому Давидова: и имя Деве Мариам. И вшед к Ней Ангел рече: «Радуйся, Благодатная, Господь с Тобою: Благословенна Ты в женах». Она же видевши, смутися о словеси его и помышляше, каково будет целование сие. И рече Ангел Ей: «Не бойся, Мариам: обрела бо еси благодать у Бога: и се, зачнеши во чреве и родиши Сына и наречеши имя Ему Иисус: Сей будет велий и Сын Вышняго наречется: и даст Ему Господь Бог престол Давида, отца Его: и воцарится в дому Иаковли во веки, и Царствию Его не будет конца». Рече же Мариам ко Ангелу: «Како будет сие, идеже мужа не знаю?» И отвещав, Ангел рече Ей: «Дух Святый найдет на Тя, и сила Вышняго осенит Тя: темже и Раждаемое Свято наречется Сын Божий: и се, Елисавет, южика* Твоя, и та зачат сына в старости своей; и сей месяц шестый есть ей, нарицаемей неплоды: яко не изнеможет у Бога всяк глагол». Рече же Мариам: «Се, раба Господня: буди Мне по глаголу твоему». И отыде от Нея Ангел».

_____________

*Родственница

Тропарь, глас 4

Днесь спасения нашего главизна и еже от века таинства явление, Сын Божий Сын Девы бывает и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою!

Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианскаго.

О, Пресвятая Владычице Богородице! Утоли наша скорби и посли утешение скорбящим и болящим рабом Твоим (имена).

Й ДЕСЯТОК

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси, и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Яко Твое есть Царство, и сила, и слава. Отца и Сына и Святаго Духа, ныне и присно и во веки веком. Аминь.

Богородице Дево, радуйся, Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших (читается 10 раз).

После 4-го десятка молитвы « Богородице Дево, радуйся…» вспоминаем встречу Пресвятой Богородицы с праведной Елисаветой.

Молимся о соединении разлучённых, у кого близкие или дети в разлуке или пропали без вести.

Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Седален, глас 4

Из службы пророка Захарии и праведной Елисавете, память 5 сентября.

Воплотившуся уже Мессии первую тя благовестницу слышим, егда к целовавшей тя Богоизбранней Отроковице со ужасом глаголала еси: «Откуда мне сие, да приидет Мати Господа моего ко мне?» Восхваляюще убо тя вопием: «Радуйся, зерцало, Тайны Божия нам являющая».

О, Пресвятая Владычице Богородице, соедини в разлуке находящихся рабов Твоих (имена).

Й ДЕСЯТОК

После 5-го десятка молитвы « Богородице Дево, радуйся…» вспоминаем Рождество Христово. Молимся о возрождении душ, о новой жизни во Христе.

Тропарь, глас 4

Рождество Твое, Христе Боже наш, возсия мирови свет разума; в Нем бо звездам служащии звездою учахуся Тебе кланятися, Солнцу Правды, и Тебе ведети с высоты Востока: Господи, слава Тебе!

О, Пресвятая Владычице Богородице! Даруй мне, во Христа крестившемуся, во Христа облещися.

Й ДЕСЯТОК

После 6-го десятка молитвы « Богородице Дево, радуйся…» вспоминается Сретение Господне и прореченное праведным Симеоном слово: «И Тебе Самой оружие пройдет душу» (Лк. 2,35).

Дата добавления: 2019-11-16; просмотров: 97; Мы поможем в написании вашей работы!

Поделиться с друзьями:

⇐ Предыдущая 123 4 5 6 Следующая ⇒

Мы поможем в написании ваших работ!