И ныне и присно и во веки веков. Аминь.
Конда́к Богоявле́ния, глас 4:
Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет Непристу́пный.
Проки́мен воскре́сный, глaс 2:
Кре́пость моя́ и пе́ние мое́ Госпо́дь,/ и бысть мне во Спасе́ние.
Стих: Наказу́я наказа́ мя Госпо́дь, сме́рти же не предаде́ мя.
Проки́мен Богоявле́ния, глaс 4:
Благослове́н гряды́й во И́мя Госпо́дне,/ Бог Госпо́дь и яви́ся нам.
Апо́стольское чте́ние дня:
Кол., зач.258 (гл.3, ст.12-16)
Бра́тие, облецы́теся у́бо, я́коже избра́ннии Бо́жии, свя́ти и возлю́бленни, во утро́бы щедро́т, бла́гость, смиреному́дрие, кро́тость и долготерпе́ние, прие́млюще друг дру́га и проща́юще себе́, а́ще кто на кого́ и́мать порече́ние, я́коже и Христо́с прости́л есть вам, та́ко и вы. Над все́ми же си́ми стяжи́те любо́вь, я́же есть соу́з соверше́нства. И мир Бо́жий да водворя́ется в сердца́х ва́ших, во́ньже и зва́ни бы́сте во еди́ном те́ле, и благода́рни быва́йте. Сло́во Христо́во да вселя́ется в вас бога́тно, во вся́кой прему́дрости, уча́ще и вразумля́юще себе́ саме́х во псалме́х и пе́ниих и пе́снех духо́вных, во благода́ти пою́ще в сердца́х ва́ших Го́сподеви.
|
|
|
Аллилуа́рий пра́здника, глас 4:
Стих: Принеси́те Го́сподеви сы́нове Бо́жии, принеси́те Го́сподеви сы́ны о́вни.
Аллилуа́рий воскре́сный, глас 2:
Стих: Услы́шит тя Госпо́дь в день печа́ли, защи́тит тя И́мя Бо́га Иа́ковля.
Ева́нгельское чте́ние дня:
Лк., зач.91 (гл.18 , стт.18-27)
Во вре́мя о́но, челове́к не́кий приступи́ ко Иису́су, искуша́я Его́, и глаго́ля: Учи́телю благи́й, что сотвори́в, живо́т ве́чный насле́дствую? Рече́ же ему́ Иису́с: что Мя глаго́леши бла́га? Никто́же благ, то́кмо еди́н Бог. За́поведи ве́си, не прелюбы́ твори́, не уби́й, не укра́ди, не лжесвиде́тельствуй, чти отца́ твоего́ и ма́терь твою́. Он же рече́: вся сия́ сохрани́х от ю́ности моея́. Слы́шав же сия́ Иису́с рече́ ему́: еще́ еди́наго не доконча́л еси́, вся, ели́ка и́маши, прода́ждь и разда́й ни́щым, и име́ти и́маши сокро́вище на небеси́, и гряди́ во след Мене́. Он же слы́шав сие́, приско́рбен бысть, бе бо бога́т зело́. Ви́дев же его́ Иису́с приско́рбна бы́вша, рече́: ка́ко не удо́бь иму́щии бога́тство в Ца́рствие Бо́жие вни́дут. Удо́бее бо есть вельбу́ду сквозе́ иглине́ у́ши проити́, не́же бога́ту в Ца́рствие Бо́жие вни́ти. Ре́ша же слы́шавшии: то кто мо́жет спасе́н бы́ти? Он же рече́: невозмо́жная от челове́к возмо́жна суть от Бо́га.
|
|
|
Задосто́йник (Вме́сто «Досто́йно…»):
Хор:
Припе́в: В елича́й, душе́ моя́,// Честне́йшую го́рних во́инств, Де́ву Пречи́стую Богоро́дицу.
И ирмо́с, глас 2:
Недоуме́ет всяк язы́к благохвали́ти по достоя́нию,/ изумева́ет же ум и преми́рный пе́ти Тя, Богоро́дице,/ оба́че, Блага́я су́щи, ве́ру приими́,/ и́бо любо́вь ве́си Боже́ственную на́шу:// Ты бо христиа́н еси́ Предста́тельница, Тя велича́ем.
Прича́стен Богоявле́ния:
Яви́ся благода́ть Бо́жия спаси́тельная всем челове́ком.
Прича́стен воскре́сный:
Хвали́те Го́спода с небе́с, хвали́те Его в вы́шних. Аллилу́ия, аллилу́ия, аллилу́ия.
[1] По уставу положено пение Непорочных (118-й псалом (17-я кафизма) на 5-й глас, независимо от недельного гласа, и сразу после него тропари «Ангельский собор...».)
В приходской практике вместо Непорочных на воскресных всенощных бдениях обычно поется полиелей.
[2] одержа́ше
Дата добавления: 2019-02-26; просмотров: 144; Мы поможем в написании вашей работы! |
Мы поможем в написании ваших работ!