КОДА ЦЁРАСЬ ДЫ КИСKАСЬ ПОНГОНЕСТЬ ПАДЕЖТНЭНЬ КУДОС.
Тамара патянь ёвксонзо коряс)
Эрясть-аштесть Цёра ды Киска. Вана весть сынь мольсть вирев ды ёмавтызь кудов кинть. Кувать якасть, вешнесть кинть, зярс эзть лисе вейке кудыне малас.
A те кудынесэнть эрясть 11 лелят - ялакст — 11 эрзянь падежтнэ. Кие содасынзе, кодат сынст лемест?
Братнэ шкастонть ульнесть кудосо ды тейнесть эсест тевест.Церась ды Кискась вачкодсть кенкшентень.
- Кие тoco? Мезе? — кевкстсь Именительной падежесь.
- Цёра ды Киска, - отвечасть сыцятне.
Родительной падежесь варштась кенкшенть лaзкска, никстизе коштонть ды кевкстсь:
- Кинь чинесь? Мезень? Ды сонсь отвечась: Цёрань. Кискань
- Панжодо седе курок! - капшавтсь Цёрась.
- Кинень? Мезнень? - кевкстсь Дательной падежесь.
- Цёранень. Кисканень.
Панжизь кенкшенть. Ютавтызь инжетнень икелев, симдизь-андызь. Отложительной падежесь ульнесь кардaзсо ды зярдо совась кудос, то поровт лангсто пижакадсь:
- Ёвтнеде куроксто, ёвтнеде!
- Киде? Мезде?
- Ды кода киде - мезде? Цёрадо. Кискадо
Местной падежесь кармась прянь шназь ёвтнеме:
- Ванта, леляй, кисэ ды мейсэ Пазось казимизь! — Цёрасо ды Кискасо. Вай, кодат сынь вадрят ды мазыйть!
Исходной падежесь a кемезь кортась:
- Вана вансынк, ялгат, монь вaлон улить видеть. Содaдо, кистэ ды мезестэ кодамояк лезэ миненек a ули! - Цёpacтo ды Кискасто.
Вносительной падежесь ялаксонзо мapтo кaштомо лангсо леднесть кснавсо нудеень пачк ды апак фатя кснавнест ливтясь инжетнень лангс.
- Вай, кис? мезес? мон понгинь кснавсо!? — рангстась Вносительной падежесь.
Переместительной падежесь валгсь кaштом лангсто ды кармась ёмaзь кснавненть вешнеме.
- Кива? мезева? сон вешнесь?
- Цёрава. Кискава. Киякска.
Кувать вешнесь. Окойники муизе ды максызе мекев лелянзо туртов каштлангс.
A мейле падежтнень кудосост кармасть теевеме тамашань тевть.
Превратительной падежесь лиссь цюлансто ды апак вано Кисканть велявтызе кикс? - Пелькинекс, a Цёранть мезекс? - Пандокс. Пандось кудос эль кельгсь.
Пелькинесь вишкине. Чийни кудованть, аварди, энялды: «Велявтомизь мекев, мезекс ульнинек!»
- Кикс? Мезекс? - Цёракс. Кискакс.
Стясь таркастонзо Сравнительной падежесь ды кевкстни:
- Кишка теемс пандонть? – Цёрашка.
- Мезешка теемс Пелькинень? - Кискашка.
Весе кецясть. Цёрась ды Кискась теевсть, кодат ульнесть. Сынь седе курок тусть падежтнэнь кудостонть. Именительной падежесь невтизе тенст кудов кинть.
Изъятельной падежесь укстась туемадост мейле ды нусманясто мерсь:
- Берянь, a весела инжетневтеме.
- Кивтеме? - Цёравтомо.
- Мезевтеме? - Кискавтомо.
Лият падежтне оймавтызь сонзэ:
- Иля мелявто, ялакске. Тердсынек мекев. Ней сынь кинть содасызь. Вана истя Цёрась ды Кискась понгонесть падежтнэнь кудос.
ВКС ПОДЛЕЖАЩЕЙ ИНЯЗОРДОНТЬ ДЫ СКАЗУЕМОЙ ИНЯЗОРАВАДОНТЬ.
Эрзянь келень Масторсо, Валрисьмень ёнкссо, эрясть-аштесть Подлежащей инязорось ды Сказуемой инязоравась.
Сынь эрясть инязоронь покш кудосо, конань лиятне лемдизь Валрисьме (Предложения). Эрясть сынь аволь ськамост.
Сынст ульнесть важост (слугаст). Подлежащей инязорось прянзо невтниль сеедьстэ существительнойкс ды местоимениякс, седе чуросто Прилагательнойкс.
Сказуемой инязоравась сеедьстэ ульнесь Глаголокс, чуросто Прилагательнойкс. Мезеяк a теят. Сынь ульнесть инязорт – главнойть, прявтт. Эрьванть ульнесть эсензэ важонзо. Вейсэ важотненень мерильть второстепенной члент. Содазь, сынст ульнесть эрьванть эсензэ лемезэ: Дополнения, Определения, Обстоятельства.
Подлежащей инязорось валрисьмесэнть невтиль ды свал отвечиль Кие? эли мезе? кевкстематнень лангс?
A Сказуемой инязоравась ёвтниль мезе теи? мезе тейсь? эли мезе карми тееме ?Подлежащей прявтось. Сон свал теде содыль ды бути кевкстят, свал отвечиль.
Определениятне – важотне панжильть кодамо? Кевкстеманть.
Дополнениятне маштыльть отвечамо весе падежтнень кевкстематнень лангс. Обстоятельстватне свал содыльть зярдо? косо? ды кода? ютыльть тевтне инязоронь кудосонть.
Ялгат, бути сатадо инязоронь кудонтень инжекс, васня муинк Подлежащей инязоронть ды Сказуемой инязораванть.Сынтемест Валрисьмесь (Предложениясь) аволь улеяк.
Дата добавления: 2019-02-22; просмотров: 184; Мы поможем в написании вашей работы! |
Мы поможем в написании ваших работ!