Слава Отцу и Сыну и Святому Духу:
Дерзновенно,/ Святе Григорие, /исповедал еси Господа пред клевретами диавола:/ с нами Бог, взывающе,/ разумейте и покаряйтеся,/ страха вашего не убоимся, /ниже смутимся,/ яко с нами Бог.
И ныне, и присно, и во веки веков, аминь:
Богородичен: Недвижимое утверждение Веры/ и спасение душ наших,/ Богородицу песньми величаим, Вернии:/ радуйся, Православия Ограждение,/ радуйся, Земли Русския Покрове,/ радуйся, Невесто Неневестная.
ЕКТЕНИЯ: Священник: Паки и паки…
Катавасия: Прежде век от Отца Рожденному нетленно Сыну,/ и в последняя от Девы/ Воплощенному безсеменно,/Христу Богу возопим/ вознесый рог наш/ Свят Еси, Господи.
Седален , глас 3:
Гонения велия, лишения различная,/ скорби многия и клевету мужественне претерпел еси от ненавидящих Господа,/ Страдальче Григорие,/ и ничтоже возможе разлучити тя от Любве Христовы и от Царя,/ Их же ради и мучения приял еси./ Мы же тя, яко теплаго предстателя к Нему стяжавше,/ достодолжно прославляем.
Слава, и ныне, Богородичен:
О, Царице Многопетая!/ О, Владычице Державная!/ Не остави нас Милостию Твоею,/ с Царственномученики и Новомученики Русскими Тя величающих.
Песнь 4
Ирмос: Божественное Твое разумев истощание/ прозорливо Аввакум, Христе, со трепетом вопияше Тебе:/ во спасение людей Твоих/ спасти Помазанныя Твоя пришел еси .
Святый Пророче и Мучениче Григорие, моли Бога о нас:
Имеяй силу утешения в скорбех преизобильну,/ разумеваяй на нища и нага, /присный печальниче о всех,/яко никтоже от приходящих к тебе с верою не отошел еси неутешен,/ Старче Григорие/, не остави молитв твоих о нас,/ чадех твоих.
|
|
Святый Пророче и Мучениче Григорие, моли Бога о нас :
Богоблаженный Старче,/ иудеов, мир и диавола победивый/, пред обидящими тя имевый вид глуха и нема/, яко искусный воин во бранех духовных,/ собрал врагом Божиим горящия уголия на день гнева,/ помози и нам,/от мира, диавола и плоти беды терпящим.
Слава Отцу и Сыну и Святому Духу:
Яко исповедник Царевы тайны, явился еси,/ Блаженне Григорие,/ на опричное служение Царскому Роду от Бога поставленный,/ тяготы и скорби Царския Волею на себе приявый;/ был яко един,/ их же весь мир не бе достоин,/ помяни и нас, тя поминающих, у Престола Славы.
И ныне, и присно, и во веки веков, аминь:
Богородичен: Дивно и неизреченно Рождество Твое, Богородице,/ Имже спасла еси род человеческий,/ темже молим Тя:/ Светом Незаходимым нас просвети,/ да, в радости ликующе, прославим Свет нам Показавшаго.
Катавасия: Жезл из корене Иессеова/ и цвет от него, Христе,/ от Девы прозябл еси,/ из Горы Хвальный/ приосененныя чащи/ пришел еси, воплощься/ от Неискусомужныя,/ Невещественный и Боже./ Слава Силе Твоей, Господи
|
|
Песнь 5
Ирмос: Одеяйся Светом, яко ризою,/ к Тебе утренюю,/ и Тебе зову:/ душу мою просвети, омраченную, Христе,/ яко Един Благоутробен.
Святый Пророче и Мучениче Григорие, моли Бога о нас:
Яко доблий воин Христов,/ на Небо душею твоею возшел еси,/ Страдальче Григорие/ и Землю Русскую кровию твоею оросил еси./ Сего ради Небо и земля ныне тя совокупно величают.
Святый Пророче и Мучениче Григорие, моли Бога о нас:
От сокровищ русскаго духа, /всяцем благочестием и святынею напитал Царственных Другов твоих,/ яко Цари Русскии чада твоя духовная быша;/ души Их Божественней Благодатию осоливый,/ помози и нам поприще лютых времен прейти благочестно.
Слава Отцу и Сыну и Святому Духу:
Бремена Царева на вые твоей носивый,/ народу показуя Царя/, ублажавый в Нем простоту и милостыню,/ такожде и предстательствовав пред Царем за Народ,/ тем же ходатайствуй и о нас в Обителях Горних.
И ныне, и присно, и во веки веков, аминь:
Богородичен: Покров, Заступление и Утешение в напастех и злых обстояниих Ты еси, Богородице./ Сего ради благодарственно Тя величаем.
Катавасия: Бог сый мира, Отец щедрот,/ Великаго Совета Твоего Ангела,/ мир подавающа, послал еси нам./ Тем Богоразумия к Свету наставльшеся,/ от нощи утренююще, /славословим Тя, /Человеколюбче.
|
|
Песнь 6
Ирмос: Неистовствующееся бурею душетленною, Владыко Христе,/ страстей море укроти,/ и от тли возведи мя,/ яко Благоутробен .
Святый Пророче и Мучениче Григорие, моли Бога о нас:
Разум древних отцев имея,/ Григорие мудре,/ ревнителю старорусских преданий был еси,/ Древлеправославныя Веры восстановления рачитель,/ Святынею Царственных Другов твоих напитал еси.
Святый Пророче и Мучениче Григорие, моли Бога о нас:
Прияв Крест вернаго Слуги Царева,/ в трудех твоих не пецыйся о награде земней;/ имя твое яко зло христоубийственное отродие пронесло,/ Помазанника Божия ради,/ мы же,/ отраслию благородною быти взыскуя,/ Веы, Благочестия и Правды желая,/, воспеваем тя, /Святе Григорие.
Слава Отцу и Сыну и Святому Духу:
Славу во испытаниих Единому Богу воздал еси,/ Мучениче Христов, Григорие, приснопамятне,/ сего ради и Той тя/ в лике Новомученик и Исповедник Русских прослави.
И ныне, и присно, и во веки веков, аминь:
Богородичен: Дева Пречистая, Христа, Младенца рождши,/ во Египте изгнание Иродово претерпе,/ темже, страдания испытавши,/ может и нам, бедствующым, помощи.
|
|
ЕКТЕНИЯ: Священник: Паки и паки…
Катавасия:Из утробы Иону младенца изблева морский зверь,/ якова прият:/ в Деву же всельшееся Слово, /и Плоть приемшее пройде сохраншее нетленну:/ Егоже бо не пострада истления, /Рождшую сохрани неврежденну.
Кондак, глас 5:
Верный сын Земли Русския явился еси,/ Новомучениче и Пророче Божий Григорие,/ Христа, Солнце Правды, возвещая/ и безбожия тьму отгоняя./ Ныне же, сродники твоя в Православней Вере утверждая,/ молися о душах наших.
Икос:
Что тя наречем,/ доблий Мучениче Григорие:/ изгнанника/, яко дома и сродников лишился еси?/ Друга Божия,/ яко ближним во страданиих помогал еси?/ Друга Царева,/ яко ограждение душ Царственных тебе от Бога вручено бысть?/ Исповедника,/ яко веру твердую явил еси?/ Страдальца,/ яко муки испытал еси?/ Ныне же, Престолу Божию предстоя,/ сродники твоя в Православней Вере утверждай/ и молися о душах наших.
Песнь 7
Ирмос: Превозносимый отцев Господь,/ пламень угаси,/ отроки ороси,/ согласно поющыя:/ Боже, благословен еси.
Святый Пророче и Мучениче Григорие, моли Бога о нас:
Общаго безумия и умов шатания чужд явился еси, /Славный Мучениче Григорие,/ обаче любовию ко Христу распалаем,/ твоим страданием обличил еси безбожие на Руси возраставшее.
Святый Пророче и Мучениче Григорие, моли Бога о нас:
Егда же за оскудение любве многих/ и измену Князей Русских Царю своему,/ Бог тя от среды отъят,/Святе Григорие, /тогда пророчества твоя сбышася,/ яко недолзе Трону Царскому стояти/ и Царскою Кровию грех измены Народа омыт должен бысть.
Слава Отцу и Сыну и Святому Духу:
Злобу и ругательства мучителей претерпевая, Блаженне Григорие,/ утвердил еси стопы твоя, яко на камени,/ имея в сердце Глагол Христов:/ буди верен до смерти и дам ти венец живота.
И ныне, и присно, и во веки веков, аминь:
Богородичен: Стена Непобедимая людем православным еси,/ Богородице Дево, / к Тебе бо притекающе, невредими пребываем,/ и паки согрешающе, имамы Тя Молитвенницу./ Тем, благодаряще, вопием Ти:/ Радуйся, Благодатная,Господь с Тобою.
Катавасия: Отроцы благочестию совоспитани/, злочестиваго веления небрегше,/ огненнаго прещения не убояшася, /но посреде пламене стояще пояху: /отцев Боже, /благословен еси.
Песнь 8
Ирмос: Т ебе Вседетелю,/ в пещи отроцы всемирный лик сплетше, пояху:/ дела всякая, Господа пойте,/ и превозносите во вся веки.
Святый Пророче и Мучениче Григорие, моли Бога о нас:
Стену непроходимую лжи и клеветы, сборище Богопротивное на тя возведе,/ яко никтоже, /якоже ты /в жизни сей оклеветан был еси,/обаче и по смерти твоей чтущии тя подпадают клеветам и наветом./ Ты же, /Григорие/, образ христианскаго благородства являя,/ мечем духовным вся козни посекал еси,/ веруя, яко всякая слеза от всякаго лица отмстится.
Святый Пророче и Мучениче Григорие, моли Бога о нас:
Слагая в сердце твоем Глагол Христов,/ еже не боятися убивающих тело, души же не могущих убити,/ мужественне на подвиг страдания потекл еси,/ Святе Григорие,/ взывая:/ благословен еси, Боже, отец наших.
Благословим Отца, и Сына, и Святаго Духа Господа:
Аще и предашася поруганию и биению, Страдальче Гргорие,/ обаче не изнемогл еси душею/ и тверд в Вере пребыл еси, Григорие, взывая:/ в чем обвиняете – неповинен есьм – встретимся на Страшном Суде Господнем.
И ныне, и присно, и во веки веков, аминь:
Богородичен: Зрящи Сына Твоего, /Пречистая,/ в Земли нашей поругаема безбожники,/ Церковь Русскую не оставила еси ходатайством Твоим,/ достойно взывающе:/ радуйся,/ Благодатная, /Господь с Тобою.
Хвалим, благословим, покланяемся Господеви, поюще и превозносящее во вся веки
Диакон: Богородицу и Матерь Света в песнех возвеличим.
Хор: Величит душа Моя Господа…
Катавасия:Чуда преестественнаго/ росодательная изобрази пещь образ:/ не бо яже прият палит юныя/, яко ниже огнь Божества - Девы,/ в Нюже вниде, утробу/. Тем воспевающе воспоем:/ да благословит тварь вся Господа/ и превозносит во вся веки.
Песнь 9
Ирмос: Исаие, ликуй,/ Дева име во чреве,/ и роди Сына Еммануила,/ Бога же и Человека,/ Восток Имя Ему:/ Егоже, величающе, Деву ублажаем .
Святый Пророче и Мучениче Григорие, моли Бога о нас:
Благодать почивающую на Русских Царех, /твоими молитвами приумножися,/ Великомучениче и Пророче Божий Григорие./ Славу Единому Богу воздал еси,/ Иже славящыя Его прославляет,/ темже роди Русстии тя ублажают,/ Чудотворче Славне приснопамятне.
Святый Пророче и Мучениче Григорие, моли Бога о нас:
Страдания твоя мученическия за Христа, за Царя и за Русь, Блаженне,/ свидетельствоваху любовь твою ко Христу, Сыну Божию./ Темже, ныне Жизни Вечныя наслаждаяся,/ молися о нас, любовию тя прославляющих.
Слава Отцу и Сыну и Святому Духу:
Победным венцем увенча тя Христос Бог,/ Егоже возлюбил еси и Егоже ради кровь твою пролиял еси./ Емуже ныне прилежно молися,/ Православию в земли нашей утвердитися и Престолу Самодержавного Государя/ и душам нашым спасение улучити.
И ныне, и присно, и во веки веков, аминь:
Богородичен: О, Царице Многопетая!/ О, Владычице Державная!/ Не остави нас Милостию Твоею,/ с Царственномученики и Исповедники Русскими Тя величающих.
Катавасия: Таинство странное вижу/ и преславное:/ небо вертеп,/ Престол Херувимский Деву,/ ясли вместилище,/ в нихже возлеже Невместимый - Христос Бог, / Егоже воспевающе /величаем .
Светилен : гл.8-й:
Приидите, мучениколюбцы,/ приидите, составим лик,/ торжествующе и Бога прославляюще/ память творя Славному Григорию,/ Пророку, Чудотворцу, и Великомученику, и Безмезднику,/ сей бо не уклонишася скорби,/ и многовидными муками умерщвляем был,/ яко Агнец незлобивый, мучения приял./ И ныне в радости Святых/ молит Триединаго Бога/ о Земнем Отечестве своем Руси Святей.
Славаи ныне, глас тойже:
Владычице, приими молитвы раб Твоих/ и избави нас от всякия нужды и печали
На хвалитех стихиры, глас 5.
Радуйся, Пророче, Чудотворче и Великомучениче прехвальне, Григорие,/ истинный сыне Святыя Церкве,/ во всеоружие Христово облеченный/ и Веры ради до крове подвизавыйся./ Ты, гонители благословляя, глаголал еси:/в чем обвиняете неповинен есьм,/ встретимся на Страшнем Суде Христовом/, аще и тело мое убиете,/ душу же не возможете разлучити от Любве Божия,/ яже о Христе Исусе./ Егоже моли спасти и просветити душы наша.
Радуйся, Страдальче изрядный, Григорие,/ истинный Христов подобниче,/ Крест Господень на рамо приемый,/ и в годину гонений лютых на Царство Самодержавное и Церковь Русскую пострадавый./ Ты бо поношений не убоявся,/ лишения, узы и работы горькия нивочтоже вменил еси/ и смерть яко приобретение Жизни Вечныя со Христом/ достойно и радостно сретил еси./ Егоже моли спасти и просветити душы наша.
Радуйся, Великомучениче достохвальне, Григорие,/ кровьми страдальческими обагренный,/ присный о нас предстателю/ и теплый к Богу молитвенниче./ Ты, ныне Престолу Божию предстоя,/ с Лики Царственных Мученик и Исповедник Русских/ о Земнем Отечестве Руси Святей ходатайствуеши/ и Христу песнь благодарственную приносиши./ Егоже моли спасти и просветити душы наша.
Оружием благоволения венча тя Господь,/ Великомучениче всечестне Григорие,/ и даде тебе силу на безбожныя гонители./ Темже и ныне, яко добр воин,/ споборствуй Церкви Русстей на враги многия.
Слава, глас 8:
Славою и честию нетленною/ венча Господь многострадальную твою главу,/ яко посреде безбожных гонений лютых,/ дал еси славу хвале Его,/ Мучениче Добропобедне Григорие,/ Церкве Русския удобрение.
И ныне, Богородичен, глас тойже:
Срадуются с нами умная вся Чиноначалия,/ лик духовный совокупльше,/ видяще Царицу и Владычицу всех,/ многоименне верными славиму,/ радуются же и дуси праведных,/ сущии зрителие видения,/ на воздусе Свои Руце молебно Простирающу,/ Просящу умирения миру/ и спасения душам нашым.
Славословие Великое и отпуст:
Тропарь, гл. 4-й:
Друже Царей и Державныя брани Поборниче,/ Русскаго Царства и Царскаго Рода Хранителю,/ миру явися и мир тя в юродстве Креста не позна,/ всякий недуг свой и злобу, и клятву на тя возложив,/ яко невинная Жертва Христу за Царя предложен,/ Святый Пророче и Чудотворче Григорие,/ сам пострадав, темже можеши нам помощи,/ изведи от жидовския клятвы молящия тя,/ и введи я во Царския Други
На Литургии
Блаженна от Канона, песни 3-я и 6-я.
Прокимен, глас 4: Аще пойду посреде сени смертныя, не убоюся зла, яко Ты со мною еси.
Стих: Господь пасет мя и ничтоже мя лишит.
Апостол к Тимофею, зачало 292 (2 Тим. 2, 1-10).
Аллилуиа, глас 6:
Живый в помощи Вышняго, в крове Бога Небеснаго водворится.
Стих: Речет Господеви: Заступник мой еси и Прибежище мое, Бог мой и уповаю на Него
Дата добавления: 2019-02-22; просмотров: 121; Мы поможем в написании вашей работы! |
Мы поможем в написании ваших работ!