Молитва св. Андрею Христа ради юродивому
Святый угодниче Божий Андрей Христа ради юродивый! Подвигом добрым подвязався на земли, восприял еси на небесех венец правды, его же уготовал есть Господь всем любящым Его. Тем же взирающе на святый твой образ, радуемся о преславнем скончании жительства твоего и чтим святую память твою. Ты же, предстоя престолу Божию, прийми моления наши и ко всемилостивому Богу принеси, о еже простите нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков.
Об исцелении от немоты
Молитва преп. Иоанну Рыльскому
О священная главо, преподобие отче, преблаженне авво Иоанне! Не забуде убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуде посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя. Поминай нас недостойных у престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребывавши. Не отступай от нас духом, сохраняя нас от стрел вражьих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя во истину и по смерти жива суща, тебе припадаем и тебе молимся: молися о нас Всесильному Богу о пользе душ наших и испроси нам время на покаяние, да не возбрано прейдем от земли на небо, от мытарств же горьких, бесов воздушных князей и от вечныя муки да избавимся, и небеснаго царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков.
|
|
|
От бессонницы
Молятся преподобному Александру Свирскому (см. «От недуга расслабления», с. 633).
При поражении молнией
Молятся святителю Никите (см. «Об исцелении болезни очныя», с. 629).
|
|
|
При потере аппетита
Молятся преподобному Александру Свирскому (см. «От недуга расслабления», с. 633).
Об исцелении болезни горла
Молитва святому священномученику Власию, епископу Севастийскому
Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающым твое святое имя пособствовати и во всяких прошениих услышанным быти обещавый! Се ныне к тебе, угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанным, подвигнися на всемощныя твоя к Богу молитвы и помолися о нас грешных: тя бо, недостойнии, призывати на заступление дерзаем, и желаем от всех грехов наших тобою свобождение получити. О святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших. Тя, яко сосуд в честь избранных и исполненный благодати Божия, молим: сподоби нас грешных от исполнения твоего желаемое прияти, и исцели нашa душевныя и телесныя язвы, грехом же нашим прощение и душевному и телесному нашему здравию и спасению полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков.
|
|
|
Об исцелении от водянки
Молитва преп. Ипатию, игумену Руфианскому
О священная главо, преподобие отче, преблаженне авво Ипатие! Не забуде убогих твоих до конца, но поминай нас всегда во святых твоих и благопрятных молитвах к Богу. Помяни стадо твое, еже сам упасл еси, и не забуде посещати чад твоих. Моли за ны, отче священный, за дети твоя духовныя, яко имели дерзновение к Небесному Царю: не премолчи за ны ко Господу, и не презри нас, верою и любовию чтущих тя. Поминай нас недостойных у престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребывавши. Не отсутпай от нас духом, сохраняя нас от стрел вражьих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя в истину и по смерти жива суща, тебе припадаем и тебе молимся: молися о нас всесильному Богу, о пользе душ наших, и испроси нам время на покаяние, да не возбрано прейдем от земли на небо, от мытарств же горьких, бесов воздушных князей и от вечныя муки да избавимся, и небеснаго царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем и с Пресвятым и Благим и Животворящим Его духом, ныне и присно и во веки веков.
|
|
|
О врачевании животных
Молятся святому священномученику Власию, епископу Севастийскому (см. «Об исцелении болезни горла», с. 661), а также святым мученикам Флору и Лавру, святителю Модесту Иерусалимскому.
Дата добавления: 2018-11-24; просмотров: 264; Мы поможем в написании вашей работы! |
Мы поможем в написании ваших работ!