Сыктывдін районса история да культура музей.
1999 воын Сыктывдін район… 70 во тыригöн Выльгорт сикт… воссис история да культура музей. Районса музей… аслас традицияяс. Тані нуöдлöны челядь… да верстьöяс… экскурсияяс, лекцияяс, театрализованнöй петкöдчöмъяс, нималана йöз… аддзысьлöмъяс.
Музей… некымын зал. Выставка зал… петкöдлöны республикаса художникъяс да прикладнöй искусство мастеръяс… уджъяссö.
Этнография зал… позьö аддзыны важ коми йöз… паськöм, пöсуда, кыйсян–вуграсян да видз– му вöдитан кöлуй. Боевöй слава зал… висьтавсьö Сöветскöй Союзса Герой Николай Васильевич Оплеснин да война вылö ветлöм сиктса йöз йылысь. Тані позьö лыддьыны фронтовикъяслысь гортас мöдöдöм письмöяс, аддзыны кöм-паськöм, наградаяс.
Сöветскöй кадколаст зал… петкöдлöма, кыдзи районын сöвмис видз-му вöдитöм да промышленносьт. Тані позьö тöдмавны Нювчим завод, Зеленеч да Сыктывкарса чипан видзан фабрикаяс йылысь. Сідзжö позьö аддзыны удж вöчысь тöдчана йöзлысь фотояс, на йылысь пасйöдъяс.
Учёнöйяс зал… тöдмалан Сыктывдін… петöм тöлка, вежöра йöзлысь нимъяс. На пиын 40 сайö учёнöй, наукаса доктор, профессор. Тайö К.Ф.Жаков, В.П.Налимов, В.В.Налимов, А.С.Сидоров, С.И.Худяев да мукöд.
Культура да искусство зал… аддзам учёнöй-фольклорист П.И.Чисталёвöн чукöртöм уна музыкальнöй инструмент. Фотояс да пасйöдъяс серти унатор позьö тöдмавны балалайка лöсьöдысь мастер С.И. Налимов, СССР-са народнöй артистка Г.П.Сидорова да Россияса народнöй артистка И.П.Бобракова, РСФСР-са заслуженнöй артист – балалаечник В.К.Шеболкин да мукöдъяс йылысь.
|
|
|
Эм вöр-ва зал…
Висьтав, мый эськö петкöдлöма вöр-валы сиöм залын.
&
Аддзысьлöм – встреча
… удж. Видзöдлы фотографияяс да вочавидз юалöм вылö. Прöверит асьтö текст отсöгöн.
? Кутшöм экспозицияяс эмöсь Выльгорт школаса музейын?
… удж. Лыддьы, гöгöрво да инды лöсялана выставка нимъяс.
| «Менам ичöт чужанíн» «Легенда да преданиеса геройяс серпасасян искусствоын» «Миян сиктса нималана йöз» «Коми серъяс» «Коми йöзлöн вöралöм» «Аканьяс - посни челядьлы радлун» «Коми йöзлöн дозмукъяс да гортса кöлуй» «Сиктлöн история» «Вöрса лэбач-пемöсъяс» | «Выдающиеся земляки» «Животный мир» «Моя малая Родина» «История села» «Домашняя посуда и утварь» «Охотничий промысел у коми» «Коми орнамент» «Герои коми легенд и преданий в изобразительном искусстве» «Кукла мала - всем детям мила» |
|
|
|
…удж. Лыддьы да гöгöрво текстсö. Лöсьöд текст серти юалöмъяс. Сёрнит ёртыдкöд.
Выльгорт школаса музей
Сыктывдін районса мöд номера Выльгорт шöр школаын музей воссис 2005 вося ода-кора 6-öд лунö. Музейын эм вежласьтöм да вежласяна экспозицияяс. Вежласьтöм экспозицияяс: «Коми республикаса да Россияса государственнöй символъяс», «В.П. Налимов», «Образование история», «Сыктывдінса нималана йöз»; вежласянаясысь «Коми йöзлöн оласног», «Войнаса ветеранъяс да тылса уджалысьяс», «Сиктса христианскöй храм», «Кипом уджъяс», «Коми чача» да мукöд.
Школаса музейын уджалö 8 морт, тайö 8-11 класса велöдчысьяс. Найö нуöдöны экскурсияяс, участвуйтöны школа музей слётъясын, котыртöны корсьысян-тöдмалан удж, отсасьöны лöсьöдны выль стендъяс, альбомъяс.
Школаса музейын быд во нуöдöны В.П.Налимовлы сиöм лыддьысьöмъяс, «Менам чужанін – Сыктывдін» районса конференция, школаса музей активъяслысь чукöртчöм, Сыктывдін районысь петöм нималана учёнöйяскöд паныдасьлöмъяс, войнавывса и уджвывса ветеранъяскöд аддзысьлöмъяс.
|
|
|
Вежласьтöм – постоянный
Вежласяна – меняющийся
Воссьыны – открыться
Нуöдсьыны – проводиться
Тöдмасьны – ознакомиться
: … удж отсöгöн лöсьöд висьт асланыд школаса музей йылысь.
| Изобразительнöй кадакывъяс. Изобразительные глаголы Изобразительнöй кадакывъяс артмöны мунны, видзны, вартны, кывны, керны суффикспуяс отсöгöн да гижсьöны öтлаын. Пример вылö: жбырмунны – вспорхнуть, сярвидзны – казаться рассыпанным, пасьвартны – сокрушить, разбить, шаракывны – шуршать, тронькерны – зазвенеть. |
…удж. Лыддьы сёрникузяяссö, содты изобразительнöй кадакывъяссö I либö II колян кадын. Вуджöд роч кыв вылö.
1. Музейын зонка … важ патепон дорö да дыркодь кывзіс патепонысь юрган шысö.
2. Важ коми йöзлöн оласног жырйын … джодж дöра кыан станок.
3. Мастер киын … важ сигудöклöн юрган шыыс.
4. Музейын висьталісны, кыдзи миян салдатъяс … фашистъясöс Сталинград дорын.
5. Кок улын … косьмöм коръяс.
6. Кичышкöд вылын вышивайтöм лэбач быттьö … миянлы воча.
7. Гымалiгöн важ коз … да … туй бокö.
8. Нюрын … кисьмöм турипув.
Отсöг вылö: зымвидзны, шатовмунны, сувтовкерны, грыпмунны, сярвидзны, тринькывны, кышакывны, пасьвартны, жбырмунны.
|
|
|
&
Грыпмунны – грохнуться
Жбырмунны – вспорхнуть
Зымвидзны – стоять, выситься
Кышакывны – шуршать
Пасьвартны – сокрушить, разбить
Сувтовкерны – остановиться
Сярвидзны – казаться рассыпанным
Тринькывны – звенеть
Шатовмунны – пошатнуться
МЕНАМ АСКИА ЛУН
&
| Збыльмыны – осуществиться, сбыться Кужöмлун – умение Нуöдны – проводить | Пöртны олöмö – реализовать Разöдны, паськöдны – распространять |
GУськöд тöд вылад уджсикас петкöдлысь эмакывъяс артмöм.
| КАДАКЫВ + -ЫСЬ суффикс = уджсикас петкöдлысь ЭМАКЫВ Пример вылö: велöд + -ысь = велöдысь. |
… удж. Артмöд кадакывъясысь эмакывъяс, вуджöд роч кыв вылö.
| Артасьны Бурдöдны Веськöдлыны Ворсны Гижны | Йöктыны Пусьыны Серпасавны Сьывны Шырсьыны |
&
Шырсьыны – стричь
… удж. Роча-комиа кывкуд отсöгöн артмöд удж нимъяс. Дасьтысь ордйысьны класса ёртъясыдкöд «Кодлöн унджык?».
…удж. Лыддьы да гöгöрво, кутшöм профессия йылысь мунö сёрниыс текстын, подулав.
Выльгорт сиктын олö быдöнлы тöдса нималана морт – Эмилия Алексеевна Налимова. Культпросветучилище помалöм бöрын уджаліс …öн Выльгортса культура керкаын. Сылöн чайтöм серти, тайö абу нин сэтшöм тöдчана да ыджыд удж. Но век жö позьö зэв уна вöчны йöзыслысь культурасö кыпöдöм могысь.
Эмилия Алексеевна котыртліс небöглы сиöм рытъяс, гижысьяскöд аддзысьлöмъяс, лыддьысян ордйысьöмъяс, выль небöг выставкаяс.
1970 восянь Э.А.Налимова веськöдліс районса лыддьысянiнöн. Сійö йöз дорö сибалысь морт, бур да тöлка веськöдлысь. Быдöнкöд кужис панны сёрни. Сылö юрнуöдöм улын воссисны Сыктывдін районса ичöт сиктъясын небöг кудъяс.
Культураын уна вося кывкутана уджысь Эмилия Алексеевналы сетöма Коми республикаса заслуженнöй уджалысьлысь ним.
&
Веськöдлысь – руководитель
Воссьыны –открыться
Кывкутана –ответственный
Нуöдсьыны –проводиться
Юрнуöдöм улын – под руководством
… удж. Лыддьы ёрта сёрнисö. Сёрнит ёртыдкöд.
Урокъяс бöрын гортö мунігмоз варовитісны Шурик, Валерик да Володь.
- Öкмысöд класс помалöм бöрын кытчö кöсъянныд пырны велöдчыны?- юаліс Шурик ёртъясыслысь.
- Ме кöсъя пырны велöдчыны визд-му овмöс техникумö ветеринар отделениеö. Ичöтсянь зэв ёна радейта дöзьöритны-бурдöдны пемöсъясöс,- висьталіс Валерик.
- Ме бать-мам моз кöсъя лоны бурдöдысьöн. Бурдöдысьö велöдчыны медицинскöй институтö босьтöны сöмын дас öтикöд класс помалöм бöрын. Сы вöсна ме кута помавны шöр школа,- юксис аслас мöвпъясöн Володь.
- А тэ, Шурик, кодöн кöсъян лоны?
- Ме мöвпала помавны шöр школа да пырны университетö информатика отделениеö. Ыджыдджык вок моз кöсъя лоны информатикöн. Информатикöн лоны кöсйысьыс уна. Медым прöйдитны конкурс, колö бура велöдчыны да бура сдайтны экзаменъяс.
…удж. Лыддьы да комиöд текстсö.
В молодости я не думал о журналистике. Поступил учиться в Ленинградскую высшую парийную школу, попал на факультет журналистики.
Работал в Сыктывдинской районной газете «Наша жизнь» заместителем, затем главным редактором.
Работа журналиста очень интересная, ответственная и трудная. Он должен быть хорошим собеседником, уметь найти общий язык с любым человеком. Он должен быть грамотным, много читать, быть в курсе всех событий.
И мне как журналисту приходилось много ездить по району, знакомиться со многими людьми разных профессий, брать интервью у руководителей предприятий и учреждений.
Работа журналиста ещё и опасная. Многие журналисты бывают в горячих точках, пишут о событиях.
Ю. Рогов
&
Вникать -пырöдчыны
Горячая точка –тышкасянін
Заместитель-вежысь
Знакомиться - тöдмасьны
Молодость – томдыр
Руководитель – веськöлысь
Собеседник –вомъёрт
Событие -лоöмтор
… удж. Лыддьы шусьöгъяссö. Аддзы на пиысь роч кывйысь вуджöдöм шусьöг. Бöрйы шусьöг, кодi велöдö быд удж вöчны ас кадö.
1. Тулысын кö узян – арын шогö усян.
2. Дышлöн век кык мыш.
3. Öти кинас сетö, мöднас босьтö.
4. Битöг тшын оз овлы.
…удж.Лыддьы да гöгöрво кывбурсö. Вочавидз юалöм вылö.
Мый меысь петас?
| Сетісны меным кö Пила да чер, Муні ме вöрö Да пöрöді кер. Тракторöн вайи Да лэпті выль керка. Лöсьöді пон, Шуам, Лыско ли Серко. Юкмöс на кодйи Да тшупи на пывсян: Ваыс мед матын И кор колö пывсян. | Кодöскö гöтырöн Босьті тшöтш дінö. Сöмын оз сетны мен Киö дзик нинöм. Чер либö пурт – Ставсö дзебны мед эськö, Нинöм мед син улö Меным эз веськав. Немтор ог уджав, Куш сёя да ола. Мый меысь быдмас, Дерт, тадзитö полан. |
Г. Юшков
| Урчитанъяс артмöм. Образование наречий Урчитанъяс артмöны эмакывъясысь, кывбердъясысь, нимвежтасъясысь, лыдакывъясысь, урчитанъясысь суффиксъяс либö суффикс пыдди мунысь кывъяс отсöгöн. · Эмакыв + выв, быд, тыр, йыв кывъяс Пример вылö: дорвыв – подряд, арбыд – всю осень, лунтыр – весь день, дзирйыв – настежь · Кывберд, нимвежтас + -а суффикс Пример вылö: бура – хорошо, гажаа – весело, пöся – горячо, татшöма – так, кутшöма – как · Кывберд + пырысь суффикс пыдди мунысь кыв Пример вылö: радпырысь – радостно, с радостью, скöрпырысь – гневно · Кывберд, лыдакыв + -öн суффикс Пример вылö: важöн – давно, бурöн – по-хорошему, кыкöн – вдвоём, дасöн – десятером · Лыдакыв + -ысь суффикс Пример вылö: куимысь – трижды, три раза, сёысь – сто раз, многократно · Урчитан + сюрö, кö, не, кодь суффикс пыдди мунысь кывъяс Пример вылö: корсюрö – иногда, кöнкö – где-то, неылын – недалеко, некытчö – никуда, унакодь – многовато, сёркодь – поздновато |
..удж. Лыддьы да комиöд текстсö. Сет текстлы ним.
…
Недавно в наш класс пришёл новый ученик. Его посадили со мной за одну парту. На уроке я стала ему тихо рассказывать о себе.
- Я хорошо пою, учусь в музыкальной школе. Лучше всех девочек с нашего класса прыгаю через верёвочку. А ещё я быстро бегаю. Собираю наклейки и монеты.
Я рассказывала, рассказывала, а Юра всё молчал. Тогда я спросила:
- А что ты умеешь делать?
Юра сказал:
- Молчать и слушать учительницу.
&
Верёвочка – кöв
Монета – сьöмпас
Молчать – чöв овны
Недавно – неважöн
Посадить – пуксьöдны
Тихо – гусьöник
Тогда - сэки
…удж. Лыддьы, гöгöрво висьтсö. Дасьты план. Лöсьöдчы гижны изложение.
Велöдчыны пыри 1927-öд воын. Школаын сэки велöдiс Вениамин Тимофеевич Чисталёв. Сiйö вöлi мамлöн вокыс. Но школаö пыригöн примитiс тöдтöм детинкаöс моз, юасис ним-овöс, кымын арöс. Меным дивö кодь кажитчис – ачыс тöдö, а юасьö…
Вениамин Тимофеевич велöдiс кык класс – первойöс да нёльöдöс. Ми ёна радейтлiм кывзыны сылысь гажа да интереснöй висьталöмъяссö, комиöн лыддьысьöмсö да лöсьыда сьылöмсö. Сiйö велöдiс миянöс мичаа сьывны да серпасасьны.
Мöд классын велöдчигöн Вениамин Тимофеевич уна урок нуöдлiс ывла вылын, тöдмöдiс вöр-ваыскöд. Ветлывлiм экскурсияöн ю дорö, мельничаö, кузнечаö, пошта вылö. Велöдiс тöждысьны, видзны-дöзьöритны вöр-васö. Быд тулыс нуöдлiс и вöр праздник – вöр весалöм. Сылöн веськöдлöм улын лöсьöдiм школа сайын А.С.Пушкин нима парк.
Велöдыськöд миянлы пыр вöлi интереснö да гажа. Сійö вöлi миянлы ыджыд мортöн. (110 кыв)
Иона Игнатов серти
…удж. Лыддьы, гöгöрво текстсö да дасьты юалöмъяс. Висьтав аслад радейтана велöдысь йылысь.
Раиса Ивановна Вагнер – Коми республикаса заслуженнöй уджалысь, народнöй просвещениеса отличник, велöдысь-методист, «Ревнителю просвещения» медальöн пасйöм енбиа велöдысь, шань да тöлка морт. 45 во нин велöдö челядьöс.
Ичöтсяньыс нин Раиса Ивановна кöсйöма лоны велöдысьöн. Школа помалöм бöрын пырöма велöдчыны Сыктывкарса öтикöд номера педучилищеö. Педучилище помалöм бöрын нёль во велöдöма коми кыв да литература аслас чужан сиктас. Сэсся помалöма Коми государственнöй пединститутын коми отделение. Дас во велöдöма Сыктывкарса государственнöй университетын коми кыв, литература да фольклор. Студентъяс радейтöмаöсь да пыдди пуктöмаöсь Раиса Ивановнаöс кыдз стрöг, но быдтор гöгöрвоысь, вежöра, мывкыд велöдысьöс.
Уна во нин Раиса Ивановна велöдö республикаса Юралысь бердын искусствояс гимназияын коми кыв да литература. Сійö зільö велöдны челядьöс образнöя мöвпавны. Кыпöдö челядьлысь коми кыв дорö муслун.
Раиса Ивановналöн быдтасъясыс талун уджалöны и наукаын, и газет-журналын, и радио-телевидениеын. М. Ладанов серти
…удж. Лыддьы да гöгöрво кывбурсö. Кутшöм профессияяс йылысь кыпöдö сёрнисö поэт?
Кодöн лоны?
| Менам арлыд содö век – Лоö мем дас сизим. Кöні уджавны мем сэк, Вöчны мый и кыдзи? Колана работникъяс – Столяръяс да плöтникъяс! Мебель вöчны колö тöлк: Медводз вöчам керйысь пöв – пилиталам тьöсъяс, шыльыд мед да вöсни. Видзöд, мыйта выльöс вöчим пызан-улöс! Столярлы – лöсьыд, а инженерлы – бурджык. Мöда вöчны керка ме – велöдöй та уджö. Медводз чертита ме план, Тайö лоö сылöн бан – сійöс шуöны фасад. Тайö быдöн тöдны рад. Юрсö кöртöн вевттим тась – и вевтыс эм, и керка дась. Инженерлы лöсьыд кöть, а бурдöдчысьлы – бурджык. Челядь бурдöдны ме кужа – мый эм бурджык тайö уджысь? «Чолöм, бур пиян! Коді висьö тіян?» Бурдöдысьлы лöсьыд, А шоперлы – бурджык. | Мед жö шопер лоа ме – велöдöй та уджö. Машина тöв моз юковтö, Он вермы сійöс сувтöдны. Ме шопер бур, гортöдзныд нуöда – гур. Шоперöн лоны лöсьыд, а лётчикöн – бурджык. Лои эськö лётчик ме – велöдöй та уджö. «Качöд вай, мотор, да дыр, кыпыд горöн сьылігтыр, Ог шу уна кыв – вуджа гöра йыв, еджыд каля ногöн вуджа саридз вомöн». Лётчиклы лöсьыд, а матрослы – бурджык. Бур матросöн лоа ме – велöдöй та уджö. Менам шапка мышкын лента, сойын – мича якöр эм. Паськыд океанъяс веніг, ветлі таво гожöм ме. Небöг видлалан кор тэ, аслыд юрад кольöд: став удж бур и лöсьыд, дерт, бöрйы – кутшöм колö! В. Маяковский серти |
? Кодöн тэ кöсъян лоны?
Мый колö вöчны, медым кöсйöмыд збыльмис?
&
Збыльмыны – сбыться ,осущесвиться, исполниться
: …удж. Лыддьы да комиöд.
Фёдор Фёдорович Попов родился 30 мая 1912 года в деревне Онежье Яренского уезда. Учился в Серёговской семилетней школе, Сыктывкарском педтехникуме, Коми пединституте.
Работал преподавателем коми языка и литературы в Сторожевской средней школе, педагогическом, кооперативном, индустриальном техникумах, Коми пединститут, Институте усовершенствования учителей. Фёдор Фёдорович выступал на конференциях ,публиковал критические и литературоведческие статьи: «За дальнейший расцвет родной литературы», «О путях развития коми литературного языка», «Поговорим о детской художественной литературе», статьи о творчестве И.Куратова, В.Савина, В.Юхнина, И.Изъюрова. В.Мартынов
…удж. Лыддьы, гöгöрво текстсö. Сет ним. Лöсьöд юалöмъяс. Текст серти да юалöмъяс отсöгöн лöсьöд висьт ас уджын водзмöстчысь морт йылысь.
…
Денис Рожков чужлöма Москваын, школа помалöм бöрын пырöма велöдчыны МХАТ бердса театр-студияö Олег Табаковлöн мастерскöйö. Велöдчöмсö помалöм бöрын Денис заводитöма петкöдчыны том драматургъяс, режиссёръяс да актёръяс дорын. Удайтчöма ворсны Владимир Ленскийöс да Алёша Карамазовöс.
Том мортлы ковмöма уджавны телевидениеын корреспондентöн, монтажёрöн. Медводдзаысь киноын петкöдчöма 1990 воясö «Слепой» сериалын. «Глухарь» сериалын ворсöм бöрын Денис Рожков лоис паськыда нималана актёрöн. Та бöрын ворсіс «Моя прекрасная няня», «Взрослые игры» кинофильмъясын, «День хомячка, или Русское счастье» да «Чайная церемония» спектакльясын. Актёрлöн удж том мортлы зэв ёна кажитчö.
Денис öти местаын дыр пукавны оз вермы, зэв варов да сибыд морт. Радейтö лыддьысьны, торйöн нин А.С.Пушкинлысь, Ю.Лермонтовлысь, Н.Гогольлысь, М. Булгаковлысь, Ф. Достоевскийлысь да Д.Хармслысь гижöдъяс. Зэв ёна тöждысьö котыр вöснаыс.
Том актёр мöвпалö выль рольяс йылысь.
«Йöлöга» газетысь
… удж. Артмöд сетöм юалöмъяссьыс план. Сы серти лöсьöд «Менам радейтана удж (профессия)» гижöд.
Кöні велöдöны тайö уджас?
Мый вöчö тайö профессияа мортыс?
Кутшöм удж тэныд кажитчö?
Кутшöмöн колö лоны, медым уджавны …öн?
Мыйла воö сьöлöм вылад тайö уджыс?
Коді тіян котырысь уджалö …öн?
Кутшöм предметъяс колö бура велöдны школаын? Мыйла?
Кутшöм нималана йöзöс тайö профессияысь тэ тöдан?
… удж. Лыддьы да гöгöрво кывбурсö. Вочавидз юалöмъяс вылö. Аддзы кывбурысь шусьöгъяс.
Эн кодкö вылö надеяöн ов …
Вын-эбöс мортлысь ошкывлісны тан,
И мичлун вöлі зарни серти дона,
Но медся вылö пуктывлісны коми
Шань киподтуй да кужöмлун, да сям.
Мед кусыньтіг эз баръёвтчы додь сюв,
Эз тшынöд пачыд, туисыд эз вияв,
Мед дозмöр кыйны сьöла лэч эн сиав,
Мед чер пусьыд эз чурвидз дойдан ув.
Мый вöчин, мöдысь вöчны мед эз ков.
Эн кодкö вылö надеяöн ов –
Стрöг синмöн ассьыд киподтуйтö аддзин.
А.Ванеев
? Мый серти донъялöны мортöс коми йöз?
Кутшöм тöдчанлуныс кывбурö пыртöм шусьöгъяслöн?
…удж. Лыддьы да гöгöрво висьтсö.Сет ним. Дасьты юалöмъяс текст серти.
Ирина Александровна Степанова ичöтсяньыс зэв ёна радейтö понъясöс. Гортса Витта нима понйыскöд ветлöдлiсны Лесозавод посёлокса пон видзан клубö тренируйтчыны. Ныв велöдчис кинологö да кутіс уджавны Сыктывкарса аварийно-спасательнöй котырын. Тайö котырын йöзыс уджалöны корсьысян уджö велöдöм понъяскöд. Ирина велöдö понъяссö корсьны неминучаö сюрöм йöзöс, шуам, отсавны налы аддзыны туй вöрысь либö петны сотчысь керкаысь.
М.Ладанов серти
H ... удж. Тöдмав эмöсь-ö тэнад рöдвужын гежöд профессияа йöз.
…удж. Лыддьы да комиöд медводдза абзац, мöд либö коймöд ас бöрйöм серти. Содты, нöшта кутшöм чуймöдана да гежöда паныдасьлысь профессияяс йылысь тэ тöдан.
В современном мире более сорока тысяч профессий. Ежегодно появляется пятьсот новых, и столько же исчезает. А ведь есть такие профессии, о которых мы даже не знаем.
В Японской столице Токио проживают около 30 миллионов людей. Многие чувствуют себя одинокими. Им не хватает времени на разговоры даже с близкими людьми. Поэтому появилась необычная профессия – слушатель. На улицах Токио сидят люди, которые готовы внимательно выслушать каждого. Они не дают советы. За неделю к слушателям подходят более 1000 человек.
В Антарктике есть очень редкая, но добрая профессия – переворачиватель пингвинов. В Антарктике рядом с аэродромами пингвины сильно задирают голову и падают на спину, встать самостоятельно не могут. Для помощи любопытным птицам появился «переворачиватель пингвинов». После каждого взлёта или посадки вертолёта он ходит вокруг аэродрома и ставит бедных пингвинов на ноги.
&
Более сорока – нелямынысь унджык
Взлёт – лэбзьöм
Внимательно – сюся
Задрать голову – чатöртны юр
Исчезнуть – бырны
Любопытный – быдтор тöдны кöсйысь
Переворачивать – бергöдны
Посадка – пуксьöм
Появиться – чужны
Ставить – сувтöдны
Чувствуют себя одинокими – кылöны асьнысö öткаöн
П Дасьты да дорйы «Вöвлытöм удж» ичöт проект.
Проектлöн юкöнъяс:
I. Мöвпышт вöвлытöм удж.
II. Дасьты висьт план серти:
1. Кутшöм нимыс тайö уджыслöн?
2. Мый кутасны вöчны тайö удж вылас?
3. Кöні сійö ковмас?
4. Кутшöмöн колö лоны уджалысьыслы?
5. Мый бурыс и лёкыс тайö уджас?
6. Кутшöм тайö уджыс?
III. Лöсьöд вöзйöм (серпас, юöр, корöм).
IV. Дасьтысь дорйыны уджтö.
…удж. Лыддьы да гöгöрво висьтсö. Дасьты висьт аслад радейтана удж йылысь.
Танюк велöдчö öкмысöд классын. Сылöн медрадейтана удж – ас киöн вöчасьöм. Нывка велöдчöм бöрын вöчö гортса удж, отсасьö мамыслы пусьыны да пыр жö пуксьö кысьыны.
Кутшöм сöмын кыöмтор Танялöн абу: и серпаса кепысьяс, и уна рöмöн мичмöдöм носкияс, и кыöм шапкаяс. Но медся ёна нывка радейтö кыны ковтаяс.
Медводз Таня дасьтö кажитчана шöрт, сiйöс позьö ньöбны вузасянiнысь. Нывкалы медъёна кажитчöны небыд югыдлöз да пемыдгöрд рöмъяс. Сiдзжö колö бöрйыны лöсялана сер, лыддьыны, уна-ö ковмас шöртыс. Нёль-ö- вит рытöн нывка кыö водзсö, шойччан лунö кыö мышсö, некымын лунöн – сосъяссö. Медбöрын став юкöнъяссö öтлаöн вурö. Со и вöчöмтор дась, позьö новлыны.
H …удж Гиж текстсö колана кывъяс да суффиксъяс содталöмöн.
Видзöдöны аскиа лунö.
Локтан велöдчан восянь Сыктывкарса каналан университет (- ын, - сянь,- ысь) позяс босьтны (эз нин, оз нин, абу нин, ог нин) 20, а 22 специальность. Содöны «информационные системы в экономике и психологии» специальностьяс. Психологъясöс (пондасны, вермасны, кужасны, кутасны) велöдны гуманитарнöй факультетын, а экономистъясöс – математика факультетын. Кыкнан факультетас та (вылö, могысь, вöсна, ногöн) эм став позянлуныс. Университетын зэв (колана, лёк, ыджыд, бур) Öтуввеза компьютер шöрин, бур велöдысьяс, лöсьöдöмаöсь йитöдъяс мукöд наукаса шöринъяскöд.
Велöдчыны пыр(-тöдз, -игöн, -öмöн, -мöн) ковмас вайны математикаысь, роч кывйысь, литератураысь, биологияысь ЕГЭ донъялан пасъяса кабала. Ылöсас (артыштöмöн, лыддьöмöн, мöвпалöмöн, чайтöмöн) Миян Республикалы колö сюрс (дорö, гöгöр, сайö, мында) татшöм специалист.
ВЕРСТЯММАН КАД
&
| Бур сиöм – благословление Велöдöм – здесь наставление Вöрзьöдны – трогать | Лэдзны – отпустить, распустить Паськавны – распространиться Сибавны – пристать |
…удж. Лыддьы да гöгöрвоöд шусьöгъяссö. Висьтав, мый найöс öтувтö. Кутшöм шусьöг лöсялö тіян котырлы? Мыйла?
1. Мам-батьлысь кыв вуджны оз позь.
2. Бур ай-мамыдлöн челядьыс пыр уджалöны.
3. Бать-мам да бур йöз кö оз вермыны велöдны – шог-нужда велöдас.
4. Бать-мам дінад олігöн тöвсö ни зэрсö он тöдлы.
5. Бать-мам сойборд улад лöсьыд овны.
6. Челядь лоöны бать-мам кодьöсь бурлуннас и лёклуннас.
7. Челядьтö колö бурöн велöдны, лёкöн немтор он босьт.
… удж. ... уджысь гиж торйöдöм сёрникузяяссö. Висьтав, мыйöн найö торъялöны мукöдсьыс.
Кывйитöдтöм сложнöй сёрникузя. Бессоюзное сложное предложение
Кывйитöдтöм сложнöй сёрникузя артмö кык либö некымын прöстöй сёрникузяысь. Найö йитчöны öта-мöдыскöд вежöртаснас да шуанногнас. Гижигöн колö торйöдны чутiкöн, либö чута чутiкöн, либö кыкчутаöн, либö тиреöн.
Кывйитöдтöм сложнöй сёрникузяын гижан пасъяс
|
… удж. Лыддьы да гöгöрво шусьöгъяссö да кывйöзъяссö. Гиж кывйитöдтöм сложнöй сёрникузяяс, гöгöрвоöд бöрйöмтö.
1. Йöзлы гу эн кодйы, ачыд сэтчö усян.
2. Синмыд полö, киыд вöчö.
3. Олöм овны – абу ю вомöн вуджны.
4. Сетін кö кыв, мöд ног эн сьыв.
5. Ошкысь кö повны, нинöм и овны.
6. Эн тэрмась кывнад – тэрмась уджнад.
7. Юрыд кö оз уджав – кокыдлы сьöкыд.
8. Он кö уджав – эн и сёй.
9. Йöз муясын и ас ракалы рад.
:…удж. 3-4 шусьöглы аддзы вежöртас серти лöсялана коми шусьöгъяс.
1. Материнское благословение оберегает и на земле, и на воде.
2. Каково у матери наставление, таков и у детей порядок.
3. У детей всякое горе и радость трогает сердце матери.
4. Детей распустишь, так и сам заплачешь.
5. Добрых людей и отца с матерью не послушаешься – всю жизнь посередине реки будешь плыть, не приставая к берегу.
6. По родителям узнаешь детей.
…удж. Лыддьы да гöгöрво кывбурсö. Содтав колана пунктуация пасъяс. Дасьтысь мичаа лыддьыны кывбурсö.
Дона батьö
Дона батьö
Ме пыр кöсйи лоны
Тэ кодь бур кипдтуяöн
Тэ кодь кыпыд лолаöн
Тэ кодь йöз дорö сибалысьöн.
Муса мамö
Ме пыр кöсйи лоны
Тэ кодь авъяöн
Тэ кодь зiль – уджачöн
Тэ кодь вежöра – сьöлöмаöн.
Вашка юö
Ме пыр кöсйи лоны
Тэ кодь гажаöн
Тэ кодь джуджыдöн
Тэ кодь веськыдöн.
Эз тай быдтор тадзи артмы
Тыдалö абу весь шулöмаöсь
Мыйта пö сетöма
Сы мында и босьтан.
Г.Бутырева
… удж. Аддзы быд серпас дорö ним. Вочавидз юалöмъяс вылö.
| Рис. Представители молодёжных субкультур |
| Дж. Р. Р. Толкинлысь гижöд радейтысьяс (толкинистъяс) |
| Анимэ |
| Вöр-ва дöзьöритысьяс (экологистъяс) |
| Му пытштi ветлысьяс (диггеръяс) |
| Рис. граффитеры | Байкеръяс |
| Хип-хоп йöктысьяс |
| Карса стен вылö серпасалысьяс (граффиттеръяс) |
? Кутшöм юрним позьö сетны таблицалы?
Мый серти артмöмаöсь мöд столбикö сетöм нимъясыс?
Кодъяс йылысь тэ кывлiн либö тöдан?
Мый тэ тöдан на йылысь?
Кыдзи тэ найöс донъялан?
… удж. Лыддьы да гöгöрво текстсö. Лöсьöд юалöмъяс. Гиж текстысь кывйитöдтöм сложнöй сёрникузяяс.
Футбол радейтысьяс.
Футбол радейтысьясыс öнiя Роч муын вель уна. Тайö öтмунöмыс пансис 1930-öд воын нин. Сэтчö пырöны том да шöр арлыда йöз, ёнджыка зонъяс. Быдöнлöн эм аслас пас – командалöн рöма шарп. Шуам, «Спартак» команда радейтысьяслöн сiйö еджыда-гöрда; «Зенит» понда «висьысьяслöн» - еджыда-лöза. Мукöдыслöн шарпыс номера, татшöм шарпсö воштöмысь вермасны вöтлыны чукöрысь. Командалы отсöгысь футбол радейтысьяслы сетöны позянлун видзöдны матчсö джын донысь. Ворсöм водзын фанатъяс дасьтöны плакатъяс, дöрапасъяс, кывбура горзöмъяс, мавтöны чужöмсö командалöн рöмъясöн.
& Öтмунöм – движение
Позянлун – возможность
H Бöрйы öти субкультура да корсь сы йылысь юöр. Лöсьöд презентация либö буклет да висьтась ёртъяс водзын. Позьö нуöдны «Дебатъяс» нога ворсöм.
Отсöг вылö план:
1. Субкультура нимлöн вежöртас.
2. Чужанiн.
3. Торъялана пасъяс ортсыын, паськöмын.
4. Олан сям.
5. Тэнад видзöдлас.
…удж. Лыддьы текстсö да гöгöрво, дасьты текст серти юалöмъяс.
Скейтбордистъяслы аслыспöлöс паськöм лöсьöдіс сервис да связь Сыктывкарса колледжысь Алёна Вязникова. Джинсы гач-дöрöмын батик отсöгöн серпасалöма чериясöс, капюшон пыдди – ботан, а чувки-кепысьсö мичмöдöма коми серöн. Енбиа ныв шедöдöма медводдза места «Молодые исследователи Республики Коми» конференцияын. Тайö уджнас Алёна ветлöма и Москваö «Шаг в будущее» став Россияса конкурс вылö.
«Усть-Сысольскса скейтбордистъяс» паськöмсö лöсьöдöма том спортсменъяслы. Сійö лöсялö öнія модалы. Паськöмлысь быд юкöн позьö новлыны мукöд кöлуйкöд.
Е.Микушева серти
& Ботан – рыболовная сеть
JJ … удж. Лыддьы ёрта сёрнисö. Сёрнит ёртыдкöд.
Урокъяс бöрын варовитісны Вера да Лида нывъёртъяс.
- Вера, кытчö тэ быд шойччан лунö уджалан паськöмнас ветлан?
- Ме «вöр-ва дöзьöритысьяс» котырö ветла.
- Мый сэні вöчанныд?- юасис Лида.
- Ми нуöдам «сöстöм вöр-ва» акцияяс. Чукöртам паркъясысь, вадорысь ёг-шыбласъяс. Тöвнас вердам лэбачьясöс, тулыснас öшлам ябыр позъяс, мавтам пуяс. Öшлам öлöдана плакатъяс. Меным сьöлöм серти тайö уджыс, - висьталіс Вера.
- Тэ тöдан, миян классыс öткымын ныв-зон граффиттеръяс. Найö карса керкаяс вылö серпасасьöны,- юöртіс Лида.
- Меным тайö оз ёна кажитчы. Мисьтöм видзöднысö, кор аддзан серпасалöм керка стенъяс, автобус виччысянінъяс. А тэ мый вöчан прöст кадö?
- Меным кажитчö хип-хоп йöктöм. Ачым на ног йöктыны ог куж, но зэв ёна окота велöдчыны, - висьталіс Лида.
- Волы тайö шойччан лунö карса паркö. Ми кутам öшлыны лэбачьяслы сёянінъяс. Гашкö, тэныд кажитчас,- корис Вера.
- Бур. Сёрнитчим.
H … удж. Лöсьöд да гиж мöвпалана текст «Сьöкыд-ö лоны томуловöн?»
МЕНАМ КОТЫР
&
| Вой шöр кад – полночь Кывкутысь – ответственный Нимкодясьны – радоваться, любоваться Нырччысь – продвинутый Тшöкыда – часто Öтувтны – объединять |
… удж. Лыддьы да гöгöрво текстсö. Лöсьöд текст вылö мыджсьöмöн «Миян котыр» висьт.
Ме кöсъя висьтавны ас котыр йылысь. Ми витöн: мам, бать, ыджыд чой, ме да ичöт вок. Менсьым мамöс шуöны Марина Павловнаöн, батьöс – Владимир Дмитриевичöн, чойöс – Екатеринаöн, вокöс – Митрейöн. Миян дорö тшöкыда волöны пöч да ыджыд мам. Ыджыд мамöс шуöны Александра Ивановнаöн, а пöчöс – Александра Николаевнаöн.
Ми зэв ёртасьысь да кыпыд котыр, радейтам путешествуйтны, пырöдчам быд сикас енбиа уджö, тшöкыда ветлам гöститны. Миянлы öтлаын зэв гажа да лöсьыд. Нöшта миянöс öтувтö искусство радейтöм. Менам бать уджалö школаын черчение да серпасасян урок велöдысьöн. Мам уджалö шырсянiнын. Сылöн зэв интереснöй да творческöй удж, öд колö кужны мичмöдны аньясöс. Чой велöдчö МГУ-ын костюмъяслöн дизайн факультетын. Ме ветла серпасасян школаö. Митя ветлö «Зарава» йöктан котырö.
Ми радейтам да пыдди пуктам öта-мöдöс. Водзö вылö ме эськö кöсйи овны татшöм жö ыджыд да енбиа котырын. Эска, мый менам котырын лоасны муслун, пыдди пуктöм, отсöг, мöда-мöдöс гöгöрвоöм.
JJ … удж. Лыддьы ёрта сёрнисö. Сёрнит ёртыдкöд.
Школаö мунігöн туй вылын паныдсисны Ваньö да Шурик.
- Чолöм, Ваньö! Кытчö татшöм водзсö ветлін?
- Чолöм, Шурик! Ичöт чойöс садйö колльöді. Бать-мам водз удж вылас мунісны, а пöчö талун висьöдчö. А тэ мыйла ичöт воктö садъяс талун эн колльöд?
- Талун сійöс ыджыдджык чойöй институтас мунігмозыс нуöдіс.
- Кöні бать-мамыд ? - юаліс Ваньö.
- Батьö уджалö пöжар кусöдан частьын, талун войся сменаын. Мамöс больничаö водз корисны, сійö посни челядь бурдöдысь. А тэнад мам-батьыд кöні уджалöны?
- Менам мам-бать уджалöны чипан видзан фабрикаын. Пöчö оз уджав, горт олö,- висьталіс Ваньö. –А тэнад пöль-пöчыд эм?
- Менам пöль-пöч олöны мöд районын, оз нин уджавны, пенсия вылынöсь.
: «Миян котыр» висьт дорö лöсьöд презентация.
… удж. Лыддьы текст, лöсьöд сы серти план. План да текст отсöгöн висьтав аслад медматыс морт йылысь.
Менам медматыс морт
Менам медматыс морт – тайö чой. Сiйöс шуöны Екатеринаöн. Велöдчö МГУ-ын, олö Москваын.
Катя – статя тушаа, югыдруд кузь юрсиа, гöгрöс чужöма, чöдлач синма, веськыд ныра, алöй вом дора зэв мича ныв. Сiйö восьса, уджач, кывкутысь, повтöм да тöждысьысь. Катя зэв мичаа серпасасьö. Аслас уджъясöн сійö петкöдчис уна конкурсын, выставка вылын. Менам чой енбиа.
Катя – менам медся матыс морт, сы вöсна мый сiйö менам чой, миян уна öтув гаж-тöжд, олöм вылö öткодь видзöдлас. Ме сiйöс зэв ёна радейта!
²Лыддьы да гöгöрво кывбуръяссö. Лöсьöд тема да шöр мöвп. Бöрйы öти кывбур да велöд.
Чойлы
Кор сьöкыд лолö сьöлöм вылын,
И чайтсьö, воис меным пом.
Ме тэнсьыд гöлöс бара кыла,
И бöр ме долыдма да том.
Кор ылi туйысь гортö вои
И аддзи тэнсьыд чужöмбан.
И сöмын сэки гöгöрвои –
Ме абу öтка, тэ кö тан.
Александра Мишарина
Бать
Муса батьöй, дона радейтана мортöй,
Кыпыд, гажа пыр мед лоö чужан гортын!
Сьöлöмыд мед шудлун кылас.
Тiпкас, сьылас!
Шогсьöм, висьöм медым тувсов руöн сылас.
Быд кадö тэ, батьöй, колана пыр лоан,
Дырджык на мед эськö кыпыд лолöн олан!
Вежа сёрниногыд пыр мед юргö-кылö,
Медся дона мортöй, миян радлун вылö.
Надежда Павлова
… удж. Гиж текстöн. Юклы сёрникузяяссö кывъяс вылö.
Шойччан лун миян котырын
Мекöсъявисьтавныöтилунйылысь.
Тайöвöлiгожöмын.
Мидумыштiмветлынысаридздорö.
РытнаспуксимсёрнитныдабöрйимАнапакар.
Мимунiммашинаöн.
Шойччиммизэвбура.
МедсяёнаменымкажитчисАнапаын аквапарк.
Танiми гажöдчимвавизувтысьчойясвылын.
Мибураколлялiмкад.
Локтан гожöмнасмöвпаламветлынысуйöрсайö.
… удж. Лыддьы да гöгöрво текстсö. Лöсьöд план. Дасьтысь гижны изложение.
Ме кöсъя висьтавны, кыдзи ми котырöн пасъям Выль во.
Быд во мамöй пöчкöд дасьтöны ыджыдысь-ыджыд гажлунся пызан, ми ичöтджык чойкöд мичмöдам патеранымöс лым чиръясöн, мишураöн, югыда öзъялысь биясöн, батьöй сувтöдö коз.
22 час матыстчигкежлö виччысям рöдвужöс. Налöн локтöм бöрын ми пыр жö козьналам öта-мöдлы козинъяс. Пуксям пызан сайö, öзталам сисьяс да чöсмасям. Ме пыр медводдзаöн ставсö видла! Сэсся ми гажöдчам, йöктам, сьылам, вильшасям.
Кор часi вылын лоö вой шöр кад, ми кыпыда чолöмалам öта-мöдöс Выль воöн. Петам ывлаö да лэдзам салют, а пöчöй видзöдö öшиньöд да нимкодясьö.
Тадзи овлö быд во, та вöсна ме лыддя Выль во пасйöм – радейтана котырпытшса традицияöн.
Зонкалöн висьтысь
: Юксьӧй куим морта чукӧръяс вылӧ, босьтӧй рольяс: ӧти морт – бать, мӧд – мам, коймӧд – ныв либӧ пи. Быд чукӧр бӧрйӧй вӧзйӧм ситуацияысь ӧтиӧс. 10-15 минутӧн чукӧрныдлы колӧ лӧсьӧдны неыджыд петкӧдчӧм да вӧзйыны класса ёртъясыдлы. Петкӧдчӧм бӧрын сёрнитӧй, кыдзи позис эськӧ артавны бать-мам да челядь костын артмӧм мытшӧдсӧ.
1. Ме кöсъя лоны эстраднöй сьылысьöн. Менам бать-мамлöн чайтöм серти, тайö абу прамöй удж.
2. 9-ӧд класс помалӧм бӧрын ме кöсъя пырны велöдчыны техникумӧ. Бать-мам сувтісны паныд, тшӧктӧны помавны 11 класс, а сэсся босьтны вылыс тшупöда образование.
3. Менам радейтана том мортöй (нылӧй) ортсынас да паськöмнас торъялö мукöдсьыс. Тайö оз кажитчы менам бать-мамлы.
4. Ме лёка помалi во джын. Бать-мам ёна видісны менӧ, оз лэдзны гуляйтны, звӧнитны да волысьны ёртъяскӧд, пырны Интернетӧ. Ми огö сёрнитöй öта-мöдкöд.
5. Ме радейта гажöдчыны да йöктыны, тшöкыда ветла том йӧзлы рытъяс вылö. Бать-мамлы тайö оз кажитчы, öд ме таво помала школа.
… удж. Лыддьы öти текст дорö лöсялана нимъяс. На серти видлы висьтавны, котырпытшса кутшöм традиция йылысь мунö сёрниыс … уджын сетöм текстын.
Текст нимъяс:
1. Зарни туйöд.
2. Шуда олöм пас.
3. Радейтчöмлöн пас.
4. Важ традиция.
5. Кор дзоридзалö вишня.
… удж. Лыддьы да гöгöрво текстсö. Дасьтысь гижны öлöдана диктант.
Менам бать-мам Коми муö локтiсны лунвылысь. Миян котырын эм зэв важ традиция. Тайö традициясö лöсьöдöма менам пöльлöн пöльыс на, кор гöтрасьöма. Сiйö кöсйöма петкöдлыны нылыслы, кутшöма радейтö сiйöс. Кöлысь лунö сiйö пыртöма том гöтырсö гортас вишня дзоридзъясысь вочöм туйöд.
И сэксянь тайö лоис миян котырын радейтчöмлöн пасöн. Быд ныв, кодi петö верöс сайö, мунö татшöм туйöд. Став кöлысьыс мунö ода-кора тöлысь помын, кор дзоридзалö вишня. Миянлы вишня – шуда олöм пас.
Нывкалöн висьтысь
П Лöсьöд юöр котырпытшса традиция йылысь. Дасьтысь висьтавны öти класса велöдчысьяслы. Уджтö верман вöчны презентация ногöн, пыртны ас фотографияяс.
… удж. Комиöд текстсö лöсялана кывъяс содталöмöн.
Моя семья.
Через 10 лет мне будет … . К этому времени я закончу учиться в …, буду работать … . Я буду … работником. Надеюсь, меня будут уважать коллеги.
Я думаю, у меня уже будет своя семья: … . Мы будем жить в … городе, возможно, в … . У нас будет собственное жильё. Хочется, чтобы это был дом в пригороде. Вокруг дома будет небольшой сад и … .
В выходные мы будем … . Во время отпуска всей семьёй будем ездить к морю, к родителям в …, путешествовать по разным странам, ходить в туристические походы, … .
G КУТНЫ + инфинитив (кута овны, кута уджавны)
БЫТЬ
ЛОНЫ + эмакыв, кывберд, лыдакыв (лоа вузасьысьöн, тöлкаöн, мöдöн)
П Дасьтöй проект «Менам котыр» арт-технология отсöгöн.
I. Вочавидз юалöмъяс вылö:
1. Ыджыд-ö лоас тэнад котырыд?
2. Кöнi тi кутанныд овны? (регион, кар, керка)
3. Кöнi тi кутанныд уджавны?
4. Кöнi да кыдзи тi кутанныд шойччыны?
5. Мый кутас тiянöс öтувтны?
II. Аддзы серпасъяс артмöм висьт дорö либö серпасав ачыд.
III. Клеит серпасъяссö ыджыд кабала вылö.
IV. Быд серпас дорö гиж уна рöмъясöн сюрöса кывъяс да кывтэчасъяс.
V. Петкöдлы уджтö да висьтав сы йылысь ёртъясыдлы классын.
ВОГÖГÖРСЯ КАД.
…удж. Вуджöд висьтсö. Вочавидз юалöмъяс вылö. Озырмöд вочакывтö сложнöй сёрникузяясöн.
Ытва дырйи
Быдöн аслысногöн гöгöрвоöны тулыслысь мичлунсö. Водз тулыснас медся мича овлывлö ытва дырйи. Юясысь ваыс петö видзьяс вылö да вöрö. Паськöдчас пом ни дор. Видзьяс, бадьяс – ставыс ваын. Ва матыстчö парма дорö. Ваö келöмаöсь кыдзьяс да пипуяс, быттьö челядь, кодъяслы и купайтчыны окота, и кöдзыд ваысь полöны. Тувсов серпассö гажöдöны локтöм лэбачьяс. Найö корсьысьöны лöсьыдджык местаяс пияннысö быдтöм вылö.
Г.Фёдоров серти
?
Кутшöм вогöгöрся кад йылысь мунö сёрниыс?
Кор овлö ытваыс Коми муын?
&
Аслысногöн – по-своему
Кевны – брести
Пом ни дор – ни конца, ни края
Ытва – половодье
…удж. Артмöд кывтэчасъяс, а сэсся сёрникузяяс гожöм йылысь.
Пример вылö: … войяс – кöка войяс – Гожöмнас войвылын овлöны кöка войяс.
| … пуяс … сикт … ордым … поводдя … вотöс … шонді … öшкамöшка … тöвру … челядь … йöз | … дзоридзьяс …чери … видз … ю … саридз … гым-чард … пыж … юркытш … серам … шойччöм |
:
…удж. Лöсьöд асшöр удж «Кöка войяс » тема вылö.
Отсöг вылö план:
1.Кöні овлöны кöка войяс?
2.Мыйла тадзи шусьöны найö?
3. Кор найö овлöны?
4.Кутшöмöсь тайö войясыс?
5.Кыдзи йöзыс нимкодясьöны кöка войясöн?
6.Кутшöм гажлунъяс овлöны Коми муын тайö кадö?
… удж. Гиж эмакывъяссö колананогöн. Прöверит асьтö «Коми орфография кывкуд» отсöгöн (А.Н.Карманова, Р.И.Коснырева, Т.В.Кренделева)
Юк(ва), пув(ва), нюр(ва), син(ва), лыс(ва), чуж(ва), лöз(йöв)(ва), лым(ва), Эж(ва) ю, Лым(ва) сикт, Ем(ва) кар.
ﯕ Кутшöм коми да роч иннимъясын паныдасьлö ва кыв?
Кор сикт-грездлы сетöны ва юкöна ним?
Тöдмав, кыдзи юргö мукöд кывъясын ва кывйыс. Кутшöм кывкöртöд позьö вöчны?
Тöдмав, мыйла Москва да Нева иннимъясын паныдасьлö ва кыв?
… удж. Гиж висьтсő колана шыпасъяс содталőмőн.
Тőв.
Во.с тöв. Ывлаын кöдздöд.с. Войнас муыс вевтт.ыс.őма еджыд .шкынőн. Р.гыд туй.яс пöлöн быдмасны джуджыд тола.яс. Пу.яс кушőс. на, но войся кöдзыд.яс пас.тöдасны найöс еджыд плат.ő.ясö.
Тöвлы мед.ёна радöс. челяд. . Найö лунтыр.ясöн гажö.чöны: ислас.őны дад..őн, лыз.őн, кон.киőн, т.чöны лым морт.ясőс, шыблас.öны лым мач.ясöн. Та кындз. челяд. вőчőны л.бач.яслы сёян.н.яс. С..чő пуктőны шыдőс, нян. тор.яс, кőйдыс.яс, кос.тöм вотöс.яс.
: … удж. Тöдмав, кутшöм коми гижысьяс радейтöны гижны тöв йылысь?
… удж. Содты текстö колана кывъяс. Аддзы мöд кывсикасъясысь артмöм эмакывъяс, гöгöрвоöд артмöмсö.
Арын лэбачьяс чукöртчöны … да лэбöны … . Медводз эновтöны чужан мусö кöкъяс. … бöрын мöдöдчасны туйö чикышъяс. На бöрся лэбасны ябыръяс да сьöд ракаяс. Оз эновтны … катшаяс да ракаяс. … миянö воны гöрд морöса жоньяс, тэрыб пыстаяс, збой пышкайяс.
Отсöг вылö кывъяс: кöдздöдöм, кельöбъясö, войвылысь, чужанiнсö, лунвылö.
..удж. Бöрйы да гиж колана кывбöръяс.
1. Пуяс (вылын – вылысь) гылалöны коръяс.
2. Кушмöм муяс (весьтын – весьтöд) лэбöны дзодзöгъяс.
3. Кыдз пу (улын – улысь) быдмöма еджыд гоб.
4. Пожöмъяс (костöд – костын) вералö чераньвез.
5. Коз (йылысь – йылын) китшкö катша.
6. Серафим Попов гижис вель уна кывбур чужанін (йылысь – йылын).
7. Югыд шонді дзебсис кымöръяс (сайö – сайын).
8. Арнас посни лэбачьяс локтöны тöвйыны йöз (дорын – дорö).
…удж. Лыддьы да гöгöрво текстсö. Содтав колана суффиксъяс. Текстысь инды ногакывъяс.
Талун поводдяыс мича. Ывла вылын оз зэр. Ми Анна… варовитігмоз мöдöдчим вöр… вотчыны. Вöр… ми бöрйöмöн чукöртім пув да чöд. Чöдй… ыджыд мам пуас варенньö, а пув… кöтöдас.
Вöр… ветлігöн ми аддзим дона гобъяс, гöрд гобъяс, выя гобъяс. А Аня… сюрисны весиг ельдöгъяс. Вöр… ми петім сьылігтырйи да котöртім горт… ошйысьны.
: … удж. …уджысь аддзöм ногакывъясöн лöсьöд сёрникузяяс.
…удж. Лöсьöд тöв йылысь висьт, вöдитчы кывъясöн да кывтэчасъясöн. Сет висьтыдлы ним.
…
Лым, лым чир, лым тола, лымъя, лымъявны, бергавны сынöдын.
Вой тöв, войвыв, войвывса.
Кöдзыд, кöдздöдны, кöдзавны.
Бушков, турöб, турöбавны, турöба вой, пöльтны.
Шебрас, лымъя эшкын, шебрасьны, вевттьысьны, тупкысьны.
Йи, йиа, йизьыны, кын, кынмыны, кынтыны.
Лым морт, лым мач, дадь, лыммачасьны, иславны, тэчны.
Выль во, гажлун, козин, козьнавны, чолöмавны, сины, гажöдчыны, йöктыны, сьывны, ворсны, чöсмасьны, ветлыны, öта-мöдöс, öта-мöдлы, нимкодь, долыд.
…удж. Лыддьы да гöгöрво текстсö. Гиж текстсö колана кывбöръяс содталöмöн, кадакывъяссö колана кадын, мортын, лыдын сувтöдöмöн.
Тулыс воöм
«Пинь-пинь…пинь-пинь!.. – кытöнкö коз (вылын, йылын, улын) коль гылöдíгтырйи (пинясьны) кöдзыдкöд пинькай. Сэзь, лöнь. Шондí югыда нин (мыччасьны), сöмын ньöти на (шонтыны).
«Крав-ав!.. Крав-ав!..» - асывъясын рака горзöм шыö долыда (садьмыны). Лым (топавны), туйяс (сьöдöдны), войтва вевт (вылысь, бокысь, дорысь) (тёпкыны).
«Туррр…куррр» – шондí петан вежöсын ылíсынь (кывны) таръяслöн койтöм… Асывъясын чарöма.
«Чи-чи, чи,чи… - чи-чи-чи-и-и…» – матíник пуясын (кывны) медводдза сьылысь кайяс. Зэв небыда, нора, жугыльпырысь (сьывны), быттьö (шогсьыны): гöгöр на пö лым да…
«Чик-чирик…чик-чирик!..» - сырчик (воны). (Пукавны) йи (бокын, дорын, вылын), (чегъявны) йи. Ва (воссьыны). Дзодзöгъяс енэжын (горзыны): «Гок-гок…гог-гогок!..» Быдсяма пöткаыс саридз (сайын, сайö, сайысь) (локны). (Бузгыны) шоръяс. Видзьяс гöгöр (ойдны).
В.Чисталёв серти
&
| Гылöдігтырйи – роняя Жугыльпырысь – грустно, печально Койтöм – токование Нора – жалобно | Ньöти – нисколько Пинькай – зяблик Пинясьны – ругаться Топавны – сжаться,уплотниться Чарöмавны – покрыться насто |
…удж. Мичаа лыддьы кывбурсö, содтав колана пасъяс.
Май
| Шондí лымсö Кушöдз зыртíс Мича тулыс Сиктö пыртíс Ытва босьтö Кыркöтшин Дзоридз восьтö Мелí син | Локтíс кымöр Первой гымöн Кöдзыд лымчир Эз нин вай Чолöм тулыс Гажа тулыс Видза олан Май Е.Потапов |
… удж. Гиж радейтана вогöгöрся кад йылысь ас гижöд.
План:
1. Менам радейтана вогöгöрся кад.
2. Ывлаын да вöр-ваын вежсьöмъяс.
3. Вöрса пемöсъяслöн да лэбач-пöткалöн олöм.
4. Йöзлöн тöждъяс.
5. Менам видзöдлас тайö кад вылас.
… удж. Лыддьы кывйöзъяссö да приметаяссö. Корсь роч кывйысь лöсялана вежöртаса кывйöзъяс да приметаяс либö комиöд.
1. Визувтöм ватö он бергöд.
3. Виччысигад кадыд дыр кыссьö.
5. Шонді петігöн турияс ёна горзöны – пужъявны вермас.
6. Бордсялöм пöткаöс позйын он кут.
7.Дзодзöгъяс арнас муніганыс кö выліті лэбöны, лымйыс джуджыд лоö.
JJ… удж. Лыддьы да бӧрйы 6-7 юалӧм. Сёрнит ёртыдкӧд.
1. Кутшӧм вогӧгӧрся кад тэныд кажитчӧ?
2. Кутшӧм поводдяыс ывлаын?
3. Кыдзи вежсьӧ вӧр-ваыс тайӧ каднас (тӧвнас, тулыснас, гожӧмнас, арнас)?
4. Мыйӧн озыр вӧрыс?
5. Кытчӧ ветлан … (тӧвнас, тулыснас, гожӧмнас, арнас)?
6. Мый тэ радейтан вӧчны сэки?
7. Кыдзи коллялан прӧст кадтӧ?
8. Кутшӧм ас кылӧмыд тайӧ каднас?
9. Кажитчӧ-ӧ тэнад матысса йӧзлы тайӧ кадыс?
10. Тӧдан-ӧ кутшӧмкӧ коми шусьӧгъяс да кывйӧзъяс радейтана вогӧгӧрся кад йывсьыд?
11. Кодъяс коми да роч гижысьясысь сиисны ассьыныс кывбуръяс да висьтъяс тайӧ кадыслы?
12. Кутшӧм серпас тэныд казьтылӧ радейтана вогӧгӧрся кадтӧ? Коді сійӧс серпасалӧма?
13. Кутшӧм нималана йӧз чужӧмаӧсь тайӧ каднас?
14. Кутшӧм кывъясӧн эськӧ донъялін ассьыд радейтана кадтӧ?
ПЕРЫМСА СТЕПАН – КОМИ ГИЖÖДЛЫ ПОДУВ ПУКТЫСЬ
&
| Анбур – азбука, алфавит Буркыв – молитва Вежа – святой, священный Ен – Бог Ен небöг – Библия öбраз - икона | Исус Кристосö эскöм – христианская вера Казьтывны - упоминать Пас – метка, знак, отметина Эскöм - вера Эскыны - верить |
…удж. Лыддьы да гöгöрво текстсö. Сет ним. Юк абзацъяс вылö. Лöсьöд план да дасьтысь висьтавны сы серти Перымса Степан йылысь.
…
Перымса Степан чужис 1330-öд воын Устюг карын. Батьыс вöлі вичкоын служитысь роч морт. Мария мамыс вöлöма коми аньöн. Бать-мамыс эскисны Енлы, вöліны рам да вежавидзысь йöзöн. Сэтшöмöн жö лоис и Степан пиныс. Сійö ичöтсяньыс тöдіс коми кыв, водз велаліс грамотаö, сьыліс вичкоын молитва. Томсянь шуис ассьыс став олöмсö сины Енлы. Муніс Ростовö, лоис манакöн Вежа Георгий Богослов манастырын. Манастырын Степан ёна лыддьысис. Велöдіс греческöй кыв. 1372 воын Степан лöсьöдіс коми анбур. Подулас босьтіс греческöй да славянскöй шыпасъяс, мыджсис тшöтш коми пасъяс вылö. Анбурас вöлі 24 шыпас. Тайö анбур отсöгöн коми кыв вылö вöлі вуджöдöма Ен небöгъяс: Часослов, Давидлысь сьыланкывъяс, Важ да Выль заветъяс. Степан дасьтысис пыртны пермянаöс Кристос эскöмö. Москваса князь Дмитрий Донскöй сетіс сылы охраннöй грамота, могмöдіс öбразъясöн, пернаясöн да жыннянъясöн, мед нуöдны служба да обрядъяс. Степан аскöдыс босьтіс уна Ен небöг. 1379-öд воын воис Котласö. Коми муын сійö пыртіс пермянаöс кристос вераö, кыпöдіс некымын вичко, восьтіс школаяс, велöдіс коми йöзöс гижны да лыддьысьны. Вичкоын службасö нуöдіс коми кывйöн. Но унаöн эз кöсйыны пырны выль эскöмö. Найö сувтісны Степанлы паныд, весиг кöсйисны вины. Степан кераліс да сотіс комияслысь енколаяс. Перым муын язычникъяслöн юрнуöдысь Пам босьтчыліс венны да вöтлыны Степанöс, но сылы эз удайтчы. Памкöд унаöн пышйисны Вашка да Пинега юяс вожö. Дас куим во Перымса Степан епископаліс Коми муын.1396-öд воын Митрополит Киприан корис сійöс Москваö вичко сёрниясöн. Тайö вöлі Степан олöмын медбöръя воöн.
В.Попов (Висер Вась) серти
&
| Вежавидзысь – скромный, вежливый Вины - убить Енкола – молельня Жыннян – колокол Мыджсьыны - опираться | Сины – посвятить Перна – крест Подув – основа Пыртны - ввести |
² Лыддьы да гöгöрво кывбурсö. Вочавидз юалöмъяс вылö.
Вежа Степан
Ылі роч муысь да Мöскуа карысь
Волöма Комиö Вежа Степан.
Абу тай повзьöма тöлысь ни арысь –
Йöзöс выль вераö пыртны мед тан.
Ыджыд крест юр весьтас лэптöмöн сійö
Збодера кытшовтіс став Коми му,
Важся бöлбанъяслы лöсьöдіс сійö
Ыпъялысь бипур да сьöд, пемыд гу.
Сьöрсьыс тшöтш вайöма выль пöлöс анбур,
Восьтöма школаяс, вичкояс тан.
Сійöс эз повзьöд Кöрт Айкалöн кабыр,
Татшöмöн вöлöма Вежа Степан.
Бырöдны зілис пыр Вежа Степаныс
Яг-Мортöс, Вакульöс да пемыдлун,
Сы вöсна нимыс да олöмыс тані
Тайö бур мортыслöн некор оз вун.
А. Ельцова
? Коді сійö Вежа Степаныс?
Кутшöм мортöн сійö вöлöма?
Кутшöм могöн Коми муö воöма Вежа Степан?
Кыдзи тэ чайтан, мый бурсö вöчöма коми йöзлы?
Кыдзи донъялö авторыс тайö мортсö?
JJ
… удж Лöсьöд ёрта сёрни Перымса Степан йылысь … уджын сетöм юалöмъяс отсöгöн. Содты ассьыд юалöмъяс.
… удж. Лыддьы да гöгöрво легендасö. Сувтöд кадакывъяссö II колян кадö.
Ошлапей.
Туглимсянь неылын олiс Ошлапей тун. Сiйö вöлi кöчлöн кодь порота вом дора, киясыс вöлiны ош лапаяс кодьöсь. Кор Туглимса олысьяс эскисны на асланыс енлы, Ошлапей некодöс эз вöрзьöдлы. Сiйö вöралic да кыйсис, олic йöзысь бокын.
Но Кристос вера примитöм бöрын туглимсаяслы лои зэв сьöкыд. Пыр жö и кутic Ошлапей вöчны налы лёктор. Сiйö гусявлiс налысь гортса пемöсъяссö, некутшöм помкатöг усьласис йöз вылö.
Туглимса олысьяс шыöдчисны Перымса Степан дорö да корисны отсöг, медым мездiс рöзбойник-тунысь. Степан веськöдчис тунлöн олан местаö.
Эжва юыс вöлi лöнь, но друг гызис. Перымса Степан пыр жö и гöгöрвоис, мый тайö дурö Ошлапей. Лыддис колана буркыв, и юыс кутic лöньны, гыяс бырисны.
Та бöрын Ошлапей пöрис сирö да босьтчис ёсь нырнас зутшйöдлыны пыжсö. Степан вачкис пелыснас сирлы. Чериыс сэсся эз нин мыччысьлы.
Кор Степан сувтiс берегö, Ошлапей пöрис ыджыд ошкö. Сiйö горзöмöн уськöдчис Степан вылö. Степанлöн ньöвъяс да шыяс бöр чеччалicны тун вылысь, эз сатшны.
Степан тшöктic отсасьысьясыслы лэдзны ньöвсö кок вож костöдыс. Тадзи и вöчисны. Ош равöстiс, усис му вылö, лои мортöн. Степан тшöктic орöдны сылысь гач вöньсö. Сöмын та бöрын кулiс Ошлапейыд Сiйö местаас öнi сулалö Ошлапье сикт.
&
| Буркыв – молитва, исповедь Вачкыны - ударить Вöрзьöдны - тронуть Гусявны – украсть Гы - волна Гызьыны – взволноваться (о реке) | Зутшйöдлыны - втыкать Ньыв – стрела Пелыс – весло Порота(вом дор) - … Тун – колдун шы - копьё |
… удж. Сьöрсьöн-бöрсьöн тэч серпасъяссö. Серпасъяс отсöгöн дженьыда висьтав «Ошлапей» легендасö.
1 
2 
3
4 
5 
6
7 
8 
9
: Корсь Перымса Степан йылысь легендаяс. Висьтав öтиöс класса велöдчысьяслы.
| Ыстысьöм. Цитата Ыстысьöм – кодлöнкö висьталöмöн либö гижöдысь юкöнöн вежлавтöг вöдитчöм. Кор ыстысьöмыс быдса сёрникузя, сэки сувтöдсьöны веськыд сёрни дырйи гижан пасъяс. Пример вылö: Иван Изъюров аслас казьтылöмъясын пасйö: «Шензьöдö пыр менö Илля Вась наукаын, коми кыв велöдöмын, поэзияын мудзлытöм уджöн». |
… удж. Текстысь инды ыстысьöмъяс. Мый могысь найöс пыртöма сэтчö?
Перымса Степан – коми гижöдлы подув пуктысь. Коми шыпасъяслы подулас босьтöма «… абу греческöй алфавит, а коми вöралысьяслысь пасъяс». Видзöдлыны кö тайö шыпасъяс вылас, «позьö казявны финикияса анбуркöд öткодьлун, коді вöлöма греческöй да европаса алфавитъяслы подулöн». Но öд финикияса анбурсö аддзöмаöсь сё воöн сёрöнджык. Кыдз тайö вермис артмыны? «Ен отсöгöн!» - индö Г.П.Федотов.
Ыстысьöмъяссö босьтöма Г.П.Федотовлöн уджъясысь.
&
Гижöд - письменность
Подув пуктысь – основоположник
Шыпас - буква
… удж. Бöрйы 3-4 тшöктöм (заповедь). Найöс текстö пыртöмöн лöсьöд неыджыд висьт.
Тшöктöмъяс
1. Ме тэнад Ен, ме тэнö мезді увтыртöмысь, эскы меным.
2. Эн лöсьöд аслыд кумирöс, эн копрась мувывса да муувсаяслы.
3. Эн шыöдчы ме дінö прöстö сідзи либö шмонитöмöн.
4. Квайт лун уджав, а сизимöд лунö (субöтаö) ветлы вичкоö, казьтывлы менö.
5. Пыдди пукты ассьыд бать-мамтö.
6. Эн ви некодöс.
7. Эн радейтчы унакöд.
8. Эн гусясь.
9. Эн висьтав некор нинöм абусö йöз йылысь да вылö эн пукты асьтö.
10. Некор некодлы эн завидьты.
&
| Вины – убить Гусясьны - воровать Казьтывны - поминать Копрасьны – кланяться, поклоняться Лöсьöдны – здесь создавать Мездыны – освободить, спасти | Мувывса – земной, наземный Муувса - подземный Тшöктöм – заповедь Увтыртöм – унижение Шмонитöмöн - шутя |
… удж. Комиöд текстсö ас кывйöн.
«Зырянская Троица» — икона Святой Троицы. Согласно легенде, написана в конце XIV века (после 1379 года) Стефаном Пермским. На иконе имеется надпись на коми-зырянском языке, сделанная древнепермским письмом. Эта надпись древнейшая из дошедших до наших дней.
Авторство Стефана Пермского достоверно не установлено. В Житии святого иеродиакон Епифаний Премудрый не упоминает, что Стефан писал иконы. Но есть сведения о том, что Стефан Пермский написал несколько икон и крестов с зырянскими надписями.
: Öткодяв кык öбразсö план серти.
План:
1. Кор серпасалöма тайö öбразъяссö?
2. Мый серпасалöма на вылын? Мый вежöртöны серпасалöм образъясыс?
3. Кутшöм рöмъясöн вöдитчöмаöсь öбразъяс серпасалігöн? Мыйла?
4. Кутшöм сьöлöм кылöмъяс чужтöны тайö öбразъясыс?
| Перымса Степанлöн «Зырянскöй Троица» öбраз | Андрей Рублёвлöн «Троица» öбраз |
… удж. Кывъяс да кывтэчасъяс, роч текстъяс вылö мыджсьöмöн лöсьöд Важ Перым гижöд йылысь юöр. Позьö содтöд шыöдчыны Öтуввезö.
Важ Перым гижöд.
1. Коми анбур, коми-зыряна, лöсьöдöма, подулас пуктöма, 1372-öд воын, Емва ю дорын, Емдін сиктын, вöдитчöмаöсь, бырöма XVII нэмын, гуся гижöд, гöгрвоöма, вежлалöм шыпасъяс, буркыв, вермöм.
2. Древнепермская письменность (абур, анбур, пермская / зырянская азбука; коми Важ Перым гижöд) — письменность, использовавшаяся коми-зырянами, коми-пермяками, русскими и некоторыми другими народами на северо-востоке Европейской России. Создана Стефаном Пермским в 1372 году в районе бассейна р. Вымь, притока Вычегды на основе кириллицы, греческого алфавита и древнепермских рунических символов (пасов). Вышла из употребления в XVII веке, вытесненная кириллицей. Иногда использовалась как тайнопись для русского языка.
3. Чтобы пользоваться Священным Писанием, Стефан изучил греческий язык; но он скоро понял, что успех проповеди среди зырян не будет обеспечен, если он не будет знать зырянского языка. Скоро он овладел этим языком настолько, что приступил к переводу на него богослужения православной церкви. Для составления зырянской азбуки Стефан воспользовался видоизменёнными буквами греческого и славянского алфавитов.
| Фото. Площадь С.Пермского, Собор, вершина Приполярного Урала, Стефановские чтения (приглашение), Крестный ход. 21 декабря 2009 года безымянной горной вершине Приполярного Урала, расположенной в Республике Коми, присвоено наименование «гора Святителя Стефана Пермского» (информация для художника) |
… удж. Фотографияяс серти висьтав, кыдзи нэм кежлö нимöдісны Коми муын Перымса Степанöс.
…удж. Аддзы да содты колана вочакыв сёрникузяясö.
Перымса Степан
1. Перымса Степан оліс… (13,14,15) нэмын.
2. Сійö чужис …(Перым муын, Югдінын, Пырасын).
3. Батьсö да мамсö шуисны …(Иван да Марьяöн, эз вöв батьыс, Симеонöн да Марияöн).
4. Батьыс вöлі…(вичкоса служитысьöн, велöдысьöн, крестьянинöн).
5. Медводз Степан велöдчис…(гортас, манастырын, Москваын).
6. Сэсся сійö муніс…(Перым муö, Ростов карö, Пырасö).
7. Манастырын сійö лöсьöдіс…(азбука, анбур, буквар).
8. Анбурын вöлі …(23, 24, 25 шыпас).
9. Нöшта сійö велöдіс…(коми, роч, греческöй) кыв.
10.Сійö велöдчис…(12, 13, 14) во.
11.Велöдчöм бöрын Степан медводз локтіс…(Югдінö, Емдінö Пырасö).
12.Овмöдчис сійö …(Пырасö, Емдінö, Югдінö).
13.Перымса Степан пыртіс язычникъясöс …(вичкоö, керкаö, Кристос эскöмö).
14. Куліс сійö …(Емдінын, Югдінын, Москваын).
15.Перымса Степан йылысь гижис…(Епифаний Премудрый, Сергий Радонежский, Серафим Саровский).
...удж. Текстысь комиöд медводдза юкöнсö, рочöд мöд юкöнсö, коймöд юкöн дорö сувтöд куим юалöм, нёльöд юкöнысь кадакывъяссö сувтöд мöд колян кадö.
Родился Стефан в 14 веке в Великом Устюге. Родителей звали Мария и Симеон. Мама была коми женщиной, отец – русским. Симеон был служителем церкви.
Медводз Степан велöдчис ас карса вичкобердса школаын, сэсся мунíс Ростовö да пырис велöдчыны Григорий Богослов нима манастырö. Сэнí сíйö уна лыддьысис, велöдíс кывъяс да лöсьöдíс зыряналы азбука– анбур(1372 воын), комиöдíс ен небöгъяс. Сíйö лöсьöдчис пыртны зырянаöс Иисус Кристос эскöмö.
Медводз сíйö воис Пырасö (Котлас). Сэнí сíйö сувтöдíс часовня. Сэсся мунíс Емдíнö, кöнí вежа кыдз местаö кыпöдíс вичко.
Язычникъясöс Иисус Кристос эскöмö пыртöм кындзи Степан дорйис зырянаöс вöрöгъясысь,тшыг воясö отсалíс няньöн.
Определительнöй кывйитöда сложнöй сёрникузя.
Сложное предложение с определительным придаточным.
Определительнöй йитöда сложнöй сёрникузя артмö кык либö некымын прöстöй сёрникузяысь. Öти сёрникузяыс сюрöс, мöдыс зависитысь. Зависитысь сёрникузяыс вочавидзö кутшöм? юалöм вылö. Найö йитчöны öта-мöдыскöд союзнöй кывъяс отсöгöн. Гижигöн колö торйöдны чутiкöн.
|
…удж. Лыддьы, торйöд медшöр юöрсö, комиöд. Дасьты юалöмъяс.
У предков коми существовал не один, а два вида письменности. Первый вид – пасы. Ими зыряне помечали свои вещи, охотничьи угодья, составляли календари. Пасы дошли до наших дней на прялках, вышитых и вязаных узорах. Второй вид – буквенное письмо, заимствованное у южных соседей. Даже слово «буква» по-коми не «пас», а «шыпас».
Откуда пошла коми письменность? А пошла она из Ирана. Много веков назад иранские купцы приезжали на север торговать. Везли свои товары, а с ними и свои слова, которые вошли в коми язык: «зарни» («золото»), «нянь» («хлеб»), «öксы» («господин»), «пурт» («нож»), «сур» («пиво»), «небöг» («книга») и т.д.. Так считали финский лингвист Гюнтер Стила и коми учёный Адольф Туркин.
С VII века нашей эры один из языков иранской группы взял для своей письменности разновидность древнего письма брахми – родоначальника всех индийских письменностей. Впоследствии иранские купцы занесли письменность брахми на север, и предки коми народа и булгары стали использовать её для переписки и создания своих книг. Сходство букв древнеиндийской и стефановской азбук поразительное.
Первым на «индийский след» коми анбура вышел Каллистрат Жаков. Об этом он написал в своей книге «На Север, в поисках за Памом Бур – Мортом».
А.Артеев серти
Рис. Коми анбур и алфавит брахми 
|
КОМИ ЙÖЗЛÖН ГАЖЛУНЪЯС
&
| Бипур – костёр Ветлыны кытшöн – водить хоровод Öзтыны – разжечь | Стöч кадпас – точная дата Тэчны – складывать Юрбитны – молиться Юркытш – венок |
… удж. Серпас отсöгöн вочавидз юалöмъяс вылö.
|
? Кор коми войтырлöн заводитчыліс тöв, тулыс, гожöм, ар?
Мый серти коми войтыр арталісны вогöгöрся кад заводитчöмсö?
Кутшöм вогöгöрся кад медся дженьыд, а кутшöм медся кузь?
…удж. Лыддьы да гöгöрво текстсö. Дасьты юалöмъяс. Тöдмав, мыйла Иван лунсö шуöмаöсь тадзи. Аддзы да гиж текстысь казялöмторъяс.
Иван лун
Сора сизимöд лунö коми йöз пасйöны Иван лун. Тайö лунö пывсьöны выль корöсьöн. Иван лунöдз пö оз позь чегъявны выль корöсь, кыдз пу эз на босьт колана бурдöдчан вынсö. Выль корöсьö содтöны купальнича либö лютик да пелысь вож. Найö пö сетöны мортлы дзоньвидзалун да мич. Выль корöсьöн пывсигöн шуалöны нимкыв: «Ло кыдз пу кодь ёнöн, купальнича кодь мичаöн, пелысь кодь сöстöмöн».Быд морт пывсьö аслас корöсьöн, чукöртöм корöсь коръяссö пöжöны пöсь ваын да юöны кызöмысь. Пывсьöм бöрын корöсьсö шыбитöны пывсян вевт вылö. Корöсьыс кö вижöдас – висьны кутан.
Иван лунö йöзыс ветлöны вöрö корсьны паперек турун, кöзяйкаяс вöрöдöны лук, нывъяс гадайтчöны. Иван лун бöрын петöны турун пуктыны.
Важ коми йöз сёрниысь
: … удж Öтуввез отсöгöн тöдмав, мыйла йöзыс Иван лунö ветлöны вöрö корсьны паперек турун, кöзяйкаяс вöрöдöны лук.
&
Корöсь – веник
Корöсьöн пывсигöн – паряясь веником
Паперек турун - папоротник
… удж. Аддзы казялöмторъяслысь помсö.
| Иван лунö кö ном виан, | кык вежон зэрас. |
| Иван лунö ваыс пыдöстöм, | |
| пож синтыр содö номйыс. | |
| Илля лунö кö мича, | шöр Спас дырйи вöрыс вуджöртöм. |
| Чирк пондö чиркны – | арбыд мича лоö. |
| Лымъя тöв – | туруныс воöма нин, позьö ытшкыны. |
Казялöмтор - примета
… удж. Бöрйы серпасъяс дорö лöсялана кывъяс. Серпасъяс да план отсöгöн, текст тöд вылын кутöмöн висьтав Иван лун йылысь.
1. 
2. 
3. 
4. 
План:
1. Иван лун – вичко гажлун.
2. Выль корöсь перъян кад.
3. Том йöзлöн гажöдчöм.
4. Коми войтырлöн эскöмъяс.
: … удж серти дасьты гажлун йылысь юöр. Бöрйы серпасъяс, кывкуд, лöсьöд план. Юксьы тöдöмлунъяснад ёртъясыдкöд. Уджсö позьö вöчны презентация ногöн.
Пример вылö:
G Тайö уджсö отсалас вöчны «Мифология коми» небöг либö сылöн электронöй версия http://www.sati.archaeology.nsc.ru/mifolog/myth/324.htm
…удж. Лыддьы, гöгöрво да вочавидз юалöмъяс вылö.
Петыр лун.
Сора 12-öд лунö коми йöз пасйöны Петыр лун, коді сиöма Петыр да Павел апостолъяслы. Тайö лунö эз тшöктыны уджавны. Помасьö Петыр видз. Йöзыс ветлöны вичкоö, юрбитöны, чолöмалöны öта-мöдсö.
Петыр лунсянь заводитчö турун пуктан да чери кыян кад. Чери кыйысьяс шыасьöны Петыр-Павел дорö, корöны унджык чери. Кыйöм чериысь пуöны юква да корöны тöдсаяссö видлыны сійöс.
Видз вылын чукöртчöм том йöз ветлöдлöны кытшöн, сьылöны-ворсöны, ыдждöдлöны быдмысь турунöс, кыöны турунысь кузь кöса. Вöччöм мужичöйяс да нывбабаяс ветлöдлöны öта-мöд дорö гöститны.
Петыр лунö том йöз чукöртчöны войпукны кодкö ордö, сьöрсьыс вайöны пöжас, сур, шыдöс да нöк. Пуöны рок. Гажöдчöны 4-5 час асылöдз.
? Кутшöм обычайяс вöліны важöн коми йöзлöн Петыр лунö?
Мый тэныд медъёна кажитчис? Мыйла?
…удж. Лыддьы да гöгöрвоöд важ коми шусьöгъяс да кывйöзъяс.
1. Томлуныд абу Петыр лун, мöдысь оз ло.
2.Чериыд ассьыс на няньсö сёйö.
3. И йöрш аслас местаын чери.
4. Дыш Иванлöн быд лун Иван лун.
5.Мынöм чериыд век ыджыд.
6. Эн ошйысь, ва пыдöсын на чериыд.
JJ
… удж. Лыддьы ёрта сёрнисö. Сёрнит ёртыдкöд ас районса (сиктса) гажöдчöм йылысь.
-Чолöм, Василей. Кытчö мöдöдчин?
-Чолöм, Юрик. Гарьяö баб ордö гöститны ветла. Аски сэні Речкöй лун.
- Мыйся праздник Речкöй луныс?
-Речкöй – тадзи шуöны Николай Великорецкийлы сиöм лун, кодöс пасйöны Ыджыд лунсянь дасöд шойччан лунöдз. Тайö луннас лэччöны ю дорö вежöдöны васö. Том йöз войбыд гажöдчöны пос вылын. Тайö лун бöрас петöны турун пуктыны. Тіян оз пасйыны Речкöй лунсö?
-Миян Сыктыв вожын Речкöй луныс абу, но турун пуктан лунöдз пасйöны Тикöн лун. Лöсьöдöны сёян тыра пызан да гажöдчöны. Тайö луннас оз позь купайтчыны. Тикöн лун бöрын позис нин выль корöсь вундавны. Бур туй сідзкö тэныд.
- Со öд кыдзи, а ме эг и тöдлы та йылысь. Аттьö висьталöмсьыд! Аддзысьлытöдз!
… удж. Инды Коми Республикаын гажлун нуöданінсö.
| Кöр видзысьлöн лун | Еремей сикт |
| Чилимдiнса горка | Изьва сикт |
| Вöралысьяслöн гаж | Сыктыв район |
| Луд | Воркута кар |
| Коми книга | Чилимдiн сикт |
| Гажа валяй | Инта кар |
| Тэрыб кöр | Удора район |
… удж. Серпасъяс серти вочавидз юалöмъяс вылö:
1. Мый петкöдлöма серпасъяс вылын?
2. Кутшöм паськöма йöзöс сэнi петкöдлöма? Мый найö вöчöны?
3. Кöнi мунö гажыс?
4. Кутшöм тайö гажлун?
…удж. Лыддьы да гöгöрво текстсö, эмакыв дорö бöрйы лöсялана кывбöр. Юк текстсö абзацъяс вылö.
Изьватаслöн лудвывса ворсöмъяс
Иван лун (бöрын, водзын, дырйи) сора тöлысьö изьвасаяс чукöртчöны гажöдчыны луд (вылö, сайö, дорö). Гаж (вылын, вылö, дырйи) локтöны и мукöд муясын олысь изьватас: Ненеч да Югра кытшысь, Мурманск обласьтысь. Луд (вылас, шöрас, помас) мунöны «Вöрöтаöн», «Кык рад», «Орччöн сулалöм», «Кругöн ворсöм», «Куимöн» йöктан ворсöмъяс. «Вöрöтаöн» ворсiгöн ворсысьяс сувталöны гозйöн öта-мöд (сайö, бöрся, бокö), кутчысьöны кинаныс да лэптöны вылö, медыи ки (увтіыс, вывтіыс, боктіыс) вермисны мунны помас сулалысьясыс. Сьылігтырйи тадзи надзöникöн матыстчöны луд (вылö, дорö, сайö). Татшöм ворсöмъясыс воöны сьöлöм вылас и челядьлы, и верстьö йöзлы.
Алексей Рассыхаев серти
… удж. Комиöд текстсö.
Издавна ижемцы в одну из белых летних ночей выходили «лудын войлыны» («гулять на лугах»). В начале XX века праздник начинался с того, что на острове собирались молодые всадники, которые гоняли лошадей, вытаптывали площадку для гуляния. В настоящее время это спортивные конные скачки по лугу. Здесь участвуют всадники со всего района, скачки проходят в 5 забегов.
Забег – котöртöм
Конные скачки- вöвъясöн ордйысьöм
ﯕ Тöдмав, мый нöшта нуöдöны Луд гажлун дырйи.
Отсöг вылö: http://www.izhma.ru/culture/
JJ Лыддьы да гöгöрво юалöмъяссö. Ас кöсйöм серти содты юалöмъяс. Тэч найöс сьöрсьöн-бöрсьöн. Юалöмъяс отсöгöн сёрнит класса ёртыдкöд коми войтырлöн гажлунъяс йылысь.
- Кутшöм гажлун тэныд медъёна кажитчö?
- Пасйö-ö тiян котыр тайö гажлунсö?
- Мый тöдан тайö гажлун йылысь?
- Кутшöм гажлунъяс пасйöны коми йöз гожöмнас?
- Мыйöн кажитчö тэныд тайö гажлуныс?
- Мый вöчлǐсны тайö лунö коми йöз?
- Мый вöчанныд тайö лунö тi?
- Кыдзи тi дасьтысянныд тайö гажлун кежлö?
- Кодöс чолöмалан тайö гажлунöн да мый сиан?
П «Коми йöзкостса гажлунъяс».
Проектлöн юкöнъяс:
1. Гажлунлöн историяысь:
А) Мыйла пасйöны?
Б) Кодлöн нимкöд сійö йитчöма?
В) Кор пасйöны?
Г) Эмöсь-ö тайö лунлöн торъя пасъяс?
2. Кыдзи пасйöны тайö гажлунсö коми войтыр:
А) Мый вöчöны?
Б) Кытчö ветлöны?
В) Кутшöм вöлöга дасьтöны?
Г) Мыйысь ворсöны?
3. Тайö гажлункöд йитчöм казялöмъяс, шусьöгъяс, кывйöзъяс, нимкывъяс.
4. Юржугöд.
5. Öшмöс.
G Уджсö позьö вöчны презентация либö буклет ногöн. Презентация верман вöчны компьютерöн «Power Point» уджтас отсöгöн, буклет – «Publisher» уджтас отсöгöн.
СОДТÖД УДЖЪЯС
Дата добавления: 2020-11-23; просмотров: 188; Мы поможем в написании вашей работы! |
Мы поможем в написании ваших работ!