II. Праверка дамашняга задання.
Урок 1
Тэма. Паўтарэнне:склад слова;аднастайнае напісанне кораня ў аднакаранёвых словах
Мэты: Актуалізаваць веды навучэнцаў пра склад слова, аднакаранёвыя словы, пра змены галосных і зычных гукаў у каранях слоў, пра прамое і пераноснае значэнне слоў; адпрацоўваць уменне знаходзіць аднакаранёвыя словы ў кантэксце, выдзяляць у іх корань, падбіраць аднакаранёвыя словы да прапанаваных, перадаваць на пісьме змены гукаў у каранях слоў; развіваць арфаграфічную пільнасць, узбагачаць слоўнікавы запас навучэнцаў прыказкамі пра навуку, вучэнне; выхоўваць цікавасць да вучобы, жаданне вучыцца.
Ход урока
I.Арганізацыйны момант. Псіхалагічнлн падрыхгоўка да ўрока.
Першы восеньскі дзянёк
У вокнах залаціцца.
Кліча ў школу нас зва нок:
— Усе хутчзй вучыццаі
(А. Збароўская)
¾ Дарагія дзеці, я віншую вас з пачаткам навучальнага года! Жадаю вам поспехаў у вучобе і цудоўнага настрою на ўвесь год. Вы ўжо вучні 4-га класа і таму павінны не толькі вучыцца новаму, але і памятаць пра тое, што было вывучана раней.
II.Актывізацыя слоўнікавага запасу па тэме «Вучэбныя рэчы».
¾ Давайце ўспомнім, якія вучэбныя р э чы н а м патрэбны на ўроку. Для таго каб не памыліцца, нам неабходнй адг а даць загадкі і запоўніць крыжаванку.
1 | с | ш | ы | т | а | к |
| ||||||
2 | г | у | м | к | а |
| |||||||
3 | а | л | о | в | а | к |
| ||||||
4 | л | і | н | е | й | к | а | ||||||
5 | п | а | д | р | у | ч | н | і | к | ||||
1. Можна ў ім рашаць, пісаць.
Вам я прызнаюся,
Што ён можа расказаць,
І як я вучуся. (Сшытак)
2. Што напісана алоўкам,
Яна сцірае вельмі лоўка. (Гумка)
3. Дом без вокан, без дзвярэй —
Поўна ў доме тым людзей.
Там ляжаць браты радочкам,
На іх розныя сарочкі. (Алоўкі.)
4. Хоць сціплая работніца,
Дапамагчы ахвотніца:
Чарціць чарцёж ці план там нейкі
Ніхто не можа без... (лінейкі).
5. Дзве блакітныя палавіны,
Там цікавыя навіны.
Ты ўважліва чытай
I вучыцца пачынай. (Падручнік.)
(Пасля таго, як дзеці адгадаюць загадкі і запоўняць крыжаванку, настаўнік прапануе прачытаць слова, якое атрымалася ў вылучаным вертыкальным слупку, а затым з ім і са словамі-адгадкамі вусна скласці сказы.)
III. Знаёмства з падручнікам, умоўнымі абазначэннямі ў ім.
Настаўнік знаёміць дзяцей са структурай падручніка, звяртае ўвагу дзяцей на ўмоўныя абазначэнні, нагадвае ім, як імі карыстацца. Затым прапануе работу з наступным чатырохрадкоўем:
|
|
Каб белы свет не здаўся вузкім,
Каб годна жыць паміж людзей,
Любіце мову беларускую,
Любіце з кожным днём мацней!
— Дзеці, выразна прачытайце верш і выканайце наступныя заданні:
• Колькі галосных і зычных гукаў у словах другога радка? Колькі ў іх складоў?
· Растлумачце напісанне падкрэсленых літар.
· Знайдзіце літары, якіх няма ў рускай мове. (I, ў.)
Поспехаў у новым навучальным годзе.
IV. Паўтарэнне вывучанага ў з-м класе.
1. Запісаць загадку і адгадаць яе:
Сетку в(я, е)за(у, ў), здабычу чака(у, ў).
Хто (у, ў)сетку папа(д, дз)е — з г(а, о)л(а, о)вою прапа(д, дзе).
(Павук.)
2. Успомніць правілы, якія трэба выкарыстаць, каб расглумачыць правапіс прапушчаных літар.
3. Вызначыць, колькі складоў у словах.
V. Работа па падручніку.
Вылучэнне гукавога, літарнага, складовага, марфемнага складу слова з апорай на схему (с. 3).
Чытанне тэксту. Гутарка па змесце. Знаходжанне ў тэксце аднакаранёвых слоў, вылучэнне ў іх кораня. Частковы фанетычны разбор слова дзень (практ. 1, с. 3).
Тлумачэнне сэнсу прыказкі. Пісьмо з каменціраваннем. Знаходжанне ў сказе аднакаранёвых слоў, выдзяленне ў іх кораня, вылучэнне гістарычных змен зычных у корані аднакаранёвых слоў (практ. 2, с. 4).
|
|
Фізкультхвілінка.
VI. Развіццё вуснага маўлення
¾ Дзеці, давайце пагутарым з вамі па тэму «Лес». Я папрашу вас даць поўныя адказы на наступныя пытанні:
1. Ці ёсць каля вашага горада лес?
2. Якія дрэвы растуць у гэтым лесе?
3. Якія звяры сустракаюцца?
4. Які лес бывае летам? Зімой?
5. Што вы збіраеце ў лесе летам?
6. Што збіраеце ўвосень?
7. Якую карысць дае лес?
8. Ці пасадзіў хто-небудзь з вас якія-небудзь дрэвы? Дзе?
9. Як зберагчы лес?
VII. Работа па падручніку
Вылучэнне прамога і пераноснага значэння слова з апорай на схему (с. 4). Чытанне верша. Гутарка па змесце. Знаходжанне ў ім слоў, ужытых у пераносным значэнні. Выбарачнае спісванне з каменціраваннем. Падбор аднакаранё вых слоў, выдзяленне ў іх кораня, вылучэнне пазіцыйных змен зычных і галосных у корані аднакаранёвых слоў (практ. 3, с. 4—5).
Работа па групах.
■ 1-я група — першы радок да слова звонкi.
■ 2-я група — другi радок да слова ходзяць.
Адпрацоўка хуткага і правільнага вымаўлення скорагаворкі. Пісьмо па памяці. Падбор аднакаранёвых слоў, вылучэнне ў іх кораня (практ. 4, с. 5)
VIII . Вынікі ўрока. Рэфлексія.
§Я ўспомніў...
§Мне спадабалася...
I Х. Дамашняе заданне.
|
|
Практыкаванне № 5.
Урок 2
Тэма: Паўтарэнне: правапіс прыставак, якія заканчваюцца на -б, -д, -з, -с
Мэты: Актуалізаваць веды навучэнцаў пра прыстаўку як значымую частку слова, пра правапіс прыставак, якія заканчваюцца на -б, -д, -з, -с; адпрацоўваць уменне вылучаць прыстаўкі ў словах, пісаць нязменна прыстаўкі аб-, ад-, пад-, над-, прад-, перад-, ажыццяўляць выбар патрэбнага зычнага ў прыстаўках, якія заканчваюцца на -з, -с; выпрацоўваць вымаўленчыя навыкі, арфаграфічную пільнасць, узбагачаць слоўнікавы запас навучэнцаў антонімамі; развіваць лагічнае мысленне, кемлівасць; выхоўваць цікавасць да чытання і разгадвання загадак на беларускай мове.
I. Арганізацыйны момант.
Пажаданне вучням поспехаў, плённай і сумленнай працы, добрага настрою.
II. Праверка дамашняга задання.
Практыкаванне 5 с.6
— Растлумачце, якія літары вы ўставілі.
— Якія словы аднакарэнныя вы знайшлі? Які корань абазначылі у выдзеленых словах?
III. Хвілінка чыстапісання.
Бб Бо Бм Бз Бе Бг Бу
Багдан Барысаў Беларусь
Бацькоў слухаць – гора не знаць
- Растлумачце сэнс прыказкі.
IV. Паўтарэнне вывучанага ў 3-м класе.
Прыгадванне правіла правапісу прыставак, якія пішуцца нязменна, з выкарыстаннем апорнай схемы (с. 6).
V. Работа па падручніку.
ü Чытанне верша. Гутарка па змесце. Вылучэнне колькасці сказаў у вершы, вызначэнне тыпаў сказаў па мэце выказвання. Спісванне з правільным афармленнем сказаў на пісьме. Знаходжанне ў вершы слоў з прыстаўкамі. Выдзяленне прыставак (практ. 6, с. 6—7).
ü Падбор аднакаранёвых антонімаў да прапанаваных слоў. Выдзяленне антанімічных прыставак у словах (практ. 7, с. 7).
ü Прыгадванне правіла правапісу прыставак, якія заканчваюцца на -з, -с, з выкарыстаннем апорнай схемы (с. 7).
ü Падбор аднакаранёвых слоў з прыстаўкамі без-/бяз-, бес-/бяс- (практ. 8, с. 7).
Фізкультхвілінка
ü Чытанне і разгадванне загадкі. Спісванне з устаўкай прапушчаных літар і каменціраваннем. Абазначэнне прыставак у выдзеленых словах, вылучэнне ўмоў выбару арфаграмы (практ. 9, с. 8).
ü Чытанне тэксту. Гутарка па змесце. Выбарачнае спісванне з устаўкай патрэбных літар і каменціраваннем. Абазначэнне прыставак у запісаных словах. Прыгадванне вучнямі беларускіх загадак, загадванне іх аднакласнікам (практ. 10, с. 8)
6) Работа па варыянтах.
I варыянт — выдзеліць корань і прыстаўку ў словах
скасіў падлесак рассыпаў
паднесці злавіць разганяць
падхапіў паглядзець размачыў
II варыянт — у прыведзеных словах абазначыць прыстаўкі.
падбегчы змесці падклеіць
адбіўся бязвоблачны заспявалі
падступаць падскочыць абтрэсці
VI. Вынікі ўрока. Рэфлексія.
Гульня-тэст «Так ці не?».
1. Корань — гэта...
а) Агульная частка роднасных слоў;
б) зменная частка роднасных слоў;
в) частка слова, без якой слова можа існаваць;
г) частка слова, без якой слова не можа існаваць;
д) частка слова, якая выражае асноўнае лексічнае значэнне слова?
2. Канчатак — гэта...
а) Апошні гук слова;
б) апошнія два гукі слова;
в) зменная частка слова, якая знаходзіцца ў канцы слова.
3.Прыстаўка — гэта...
а) Зменная частка слова;
б) пастаянная частка слова, якая стаіць перад коранем.
4.Суфікс — гэта...
а) Частка слова, якая стаіць пасля кораня;
б) частка слова, якая можа стаяць перад коранем або пасля яго.
— ГІакажыце, з якім настроем вы закончылі ўрок. (Вучні паказваюць маскі настрою.)
— Што спадабалася вам наўроку?
— Што выклікала цяжкасці?
VII. Дамашняе заданне.
Практыкаванне 11
Урок 3. Паўтарэнне: правапіс падвоеных літар на стыку прыстаўкі і кораня,
Кораня і суфікса
Мэты: актуалізаваць веды навучэнцаў пра правапіс падвоеных літар на стыку прыстаўкі і кораня, кораня і суфікса; адпрацоўваць уменне вылучаць марфемы ў слове, выпрацоўваць вымаўленчыя навыкі, арфаграфічную пільнасць, узбагачаць слоўнікавы запас навучэнцаў сінонімамі, развіваць вуснае звязнае маўленне; выхоўваць арганізаванасць, акуратнасць.
Абсталяванне: заданні на дошцы, карткі са словамі зіма, чалавек, мора, кіт, знікненне, рашэнне.
Ход урока
Арганізацыйны момант.
Праверка дамашняга задання.
- Прачытайце верш, які вы запісалі. Якія літары вы ўставілі ў словы? Растлумачце іх правапіс. (адзін з навучэнцаў называе словы, у якія ўстаўлялі літары, і тлумачыць правапіс прыставак.) Якія яшчэ словы з прыстаўкамі ёсць у вершы? (зашумеў, пасадзіць.) Якія прыстаўкі вы выдзелілі ў іх? (другі навучэнец называе словы з прыстаўкамі і вылучае ў іх патрэбныя часткі.)
3. Паўтарэнне вывучанага.
Работа па заданні на дошцы.
- Прачытайце словы, запісаныя на дошцы рассмяшыць, калоссе. Што іх аб’ядноўвае? (выслухаўваюцца меркаванні вучняў.) Чаму ў гэтых словах пішуцца побач дзве аднолькавыя літары?
Праца з падручнікам.
- Разгледзьце ўважліва схему на с. 9. Ці ўсе выпадкі напісання ў слове дзвюх аднолькавых літар побач мы назвалі? (называюцца непрыгаданыя выпадкі.) З апорай на схему пералічыце ўсе выпадкі падваення літар у словах.
Практыкаванне 12.
- Утварыце словы на ўзор. Выдзеліце ў іх корань і суфікс. (адзін вучань працуе каля дошкі, астатнія запісваюцца пары слоў у сшыткі.) Якія з запісаных слоў з’яўляюцца назоўнікамі? Словы якой часціцы мовы вы ўтварылі ад назоўнікаў пры дапамозе суфікса -н-?
Практыкаванне 13.
- Прачытайце праказкі. У якой з іх ухваляюцца добрыя, надзейныя людзі? У якой сітуацыі можна выкарыстаць другую прыказку? Якія літары трэба ўставіць у выдзеленыя словы? Чаму? Запішыце гэтыя словы і разбярыце із па саставе. (запіс з каменціраваннем) Запомніце адну з прыказак на выбар. Запішыце яе па памяці. (пасля выканання задання праводзіцца ўзаемаправерка напісанага)
Практыкаванне 14.
- Прачытайце тэкст. (чытанне вучнямі па частках) Раскажыце, як хлопчык збіраецца ў школу. Чаму трэба правільна планаваць свій дзень? (выслухоўваюцца меркаванна некалькіх вучняў) На што ўказвае назва тэксту: на тэму ці на асноўную думку? (на тэму) Знайдзіце і прачытайце сказ, у якім заключаецца асноўная думка тэксту. (прывычка – добрая справа) Растлумачце значэнне апошняга слова ў гэтым сказе. (тут: рэч, з’ява). Прачытайце сказ, запісаны на дошцы: Справа ад дарогі стаяў вялікі дом. Якое значэнне мае ў ім слова справа? (з правага боку)
Выпішыце з тэксту выдзеленыя словы, раскрываючы дужкі. Выдзеліце ў іх прыстаўкі. (адзін вучань працуе каля дошкі, астатнія – у сшытках) Знайдзіце ў тэксце слова з падоўжаным зычным гукам і запішыце яго. (адзенне)
Развіццё маўлення.
- Раскажыце пра свій рэжым дня. (заслухоўваюцца выказванні некалькіх вучняў)
Практыкаванне 15.
- Прачытайце словы. Якое со слоў лішняе? (час) Чаму? (астатнія словы – сінонімы) Для чаго людзі выкарыстоўваюць гадзіннік, будзільнік, ходзікі? (каб вызначаць час) Перакладзіце слова ЧАС на рускую мову. (время) Якое яшчэ значэнне сое слова час у рускай мове? (60 мінут) Як па-беларуску называюць адзінку вымярэння часу, якая складаецца з 60 мінут? (гадзіна)
Дапоўніце сказы словамі-сінонімамі. Запішыце сказы, раскрываючы дужкі. (адзін вучань працуе каля дошкі, астатнія у сшытку)
Развіццё маўлення.
- Якія яшчэ гадзіннікі вы ведаеце? (пясочныя, сонечныя, вадзяныя, кветкавыя) Як па іх можна вызначыць час? (заслухоўваюцца адказы некалькіх вучняў) Вы бачыце, што адразу даць поўны і дакладны адказ на гэтыя пытанні складана. Вучні, якіх зацікавіла пытанне вызначэння часу людзьмі, могуць выканаць заданне для эрудытаў і падрыхтаваць да наступнага ўрока адпаведнае паведамленне з выкарыстаннем інфармацыі з дзіцячай энцыклапедыі або інтэнэта.
Практыкаванне 16.
- Запішыце словы, раскрываючы дужкі, абазначце ў іх корань і прыстаўку, растлумачце правапіс прыставак. (запіс с каменціраваннем. Звяртаецца ўвага на правапіс галосных і апошняга зычнага ў прыстаўках, на падваенне зычных на стыку прыстаўкі і кораня) Назавіце сярод запісаных слоў прыметнікі. Я пакажу вам карткі з назоўнікамі (зіма, чалавек, мора, кіт, знікненне, рашэнне) Падбярыце да гэтых слоў прыметнікі, якія падыходзяць па сэнсе.
4. Вынікі ўрока.
- Калі ў словах пішуцца дзве аднолькавыя літары? Прывядзіце прыклады слоў з падвоенымі літарамі.
Урок 4 Беларуская мова __________
Тэма: Паўтарэнне: часціны мовы
Мэты: актуалізаваць веды навучэнцаў пра падзел слоў на часціны мовы, іх змяненне, ролю ў сказе; адпрацоўваць уменне знаходзіць у тэкстах назоўнікі, прыметнікі, дзеясловы, прыназоўнікі, вызначаць род, лік назоўнікаў, прыметні каў, час і лік дзеясловаў; узбагачаць слоўнікавы запас навучэнцаў прыказкамі пра з’явы прыроды, развіваць граматычны лад маўлення, назіральнасць; выхоўваць любоў да прыроды.
Ход урока
1.Арганізацыйны этап
2. Этап праверкі дамашняга задання
3. Этап паўтарэння вывучанага
· Прыгадванне вучнямі з апорай на табліцу назваў вывучаных часцін мовы, іх граматычных катэгорый, сінтаксічных функцый (с. 13).
· Чытанне верша. Гутарка па змесце. Тлумачэнне розных значэнняў мнагазначнага слова лістапад. Спісванне. Вызначэнне, якой часцінай мовы з’яўляецца кожнае слова ў вершы. Вызначэнне формы роду і ліку прыметнікаў у вершы (практ. 19, с. 13).
· Вызначэнне меж сказаў у тэксце. Запіс тэксту з правільным афармленнем сказаў на пісьме і каменціраваннем. Падбор аднакаранёвых слоў да прапанаванага. Вызначэнне прыналежнасці аднакаранёвых слоў да пэўнай часціны мовы. Знаходжанне ў тэксце сказа, які адпавядае прапанаванай схеме (практ. 20, с. 14).
· Фізкультмінутка
· Выключэнне лішняга слова з кожнай групы слоў. Вылучэнне прыметы, па якой словы аб’яднаны ў групы. Складанне і запіс сказа з выкарыстаннем слоў кожнай групы. Знаходжанне ў запісаным сказе назоўнікаў, вызначэнне іх роду (практ. 21, с. 14).
· Чытанне прыказкі з апорай на схему. Тлумачэнне сэнсу прыказкі. Запіс з каменціраваннем. Вызначэнне прыналеж насці кожнага слова ў сказе да пэўнай часціны мовы. Вызначэнне формы часу і ліку дзеяслова (практ. 22, с. 15)
4. Этап падвядзення вынікаў урока
5. Дамашняе заданне Пр. 23
Урок 5 Беларуская мова __________
Тэма: Сувязь сказаў у тэксце
Мэты: паўтарыць веды навучэнцаў пра тэкст, яго тэму, асноўную думку, пазнаёміць са сродкамі сувязі сказаў у тэксце; узбагачаць слоўнікавы запас навучэнцаў прыказкамі пра працу, развіваць звязнае пісьмовае маўленне; вы хоўваць працавітасць
Ход урока
1.Арганізацыйны этап
2. Этап праверкі дамашняга задання
3. Чыстапісанне
В вв ввв восень верасень кастрычнік лістапад
Заданні да напісаных слоў:
- Растлумачыць назвы месяцаў. (У верасні — цвіце верас; у кастрычніку — лісце яркае, як касцёр; кастрыца — пацёртыя часткі сцябла льну або канапель, аддзеленыя ад валакна пры апрацоўцы; у лістападзе — ападае апошняе лісце.)
Гука-літарны аналіз слова «восень».
4. Этап паўтарэння вывучанага
· Прыгадванне вучнямі асноўных прымет тэксту з апорай на схему (с. 16).
· Чытанне і аналіз тэксту. Суаднясенне загалоўка з тэмай тэксту. Знаходжанне ў тэксце лексічных паўтораў, займеннікаў, слоў з блізкім і супрацьлеглым значэннем. Вызначэнне часу дзеясловаў (практ. 24, с. 16—17).
· Знаёмства са сродкамі сувязі сказаў у тэксце ў працэсе азнаямлення з інфармацыяй рубрыкі «Завяжы вузялок!» (с. 17).
· Фізкультмінутка
· Чытанне тэксту, гутарка па змесце. Вылучэнне сродкаў сувязі сказаў у тэксце. Падзел тэксту на часткі. Аднаўленне дэфармаванага плана. Выбарачнае спісванне (практ. 25, с. 17—18).
· Тлумачэнне сэнсу прыказак. Суаднясенне іх са зместам тэкстаў з папярэдніх практыкаванняў. Выбарачнае спісванне з каменціраваннем (практ. 26, с. 19).
· Рэдагаванне тэксту (практ. 27, с. 19). Знаёмства з правапісам слоўнікавага слова ахвотна, гука-літарны аналіз яго, складанне са словам сказа
5. Этап падвядзення вынікаў урок. Рэфлексія
- Пра што даведаліся на ўроку?
- Што паўтарылі?
- Якія былі цяжкасці?
6. Дамашняе заданне Пр. 28
Дата добавления: 2019-11-16; просмотров: 468; Мы поможем в написании вашей работы! |
Мы поможем в написании ваших работ!