В Неделю ваий. Вход Господень в Иерусалим
Тропарь, глас 1
Общее воскресЕние… (см. выше).
Ин тропарь, глас 4
СпогрЕбшеся ТебЕ крещЕнием, ХристЕ БОже наш, безсмЕртныя жИзни сподОбихомся воскресЕнием ТвоИм, и воспевАюще зовЕм: осАнна в вЫшних, благословЕн ГрядЫй во Имя ГоспОдне.
Кондак, глас 6
На ПрестОле на НебесИ, на жребЯти на землИ носИмый, ХристЕ БОже, Ангелов хвалЕние и детЕй воспевАние приЯл есИ, зовУщих Ти: благословЕн есИ, ГрядЫй АдАма воззвАти.
Величание
ВеличАем Тя, ЖиводАвче ХристЕ, осАнна в вЫшних, и мы ТебЕ вопиЕм: благословЕн ГрядЫй во Имя ГоспОдне.
На Страстной седмице
В Великий Понедельник
Тропарь, глас 8
Се ЖенИх грядЕт в полУнощи, и блажЕн раб, егОже обрЯщет бдЯща; недостОин же пАки, егОже обрЯщет унывАюща. БлюдИ Убо, душЕ моЯ, не сном отяготИся, да не смЕрти преданА бУдеши, и ЦАрствия вне затворИшися; но воспрянИ, зовУщи: Свят, Свят, Свят есИ, БОже, БогорОдицею помИлуй нас.
Кондак, глас 8
ИАков рыдАше ИОсифова лишЕния, и дОблий седЯше на колеснИце, Яко царь почитАемь; егИптяныни бо тогдА сластЕм не порабОтав, возпрославлЯшеся от ВЕдущаго человЕческая сердцА, и ПосылАющаго венЕц нетлЕнный.
Ексапостиларий
ЧертОг Твой вИжду, СпАсе мой, украшЕнный, и одЕжды не Имам, да внИду в онь; просветИ одеЯние душИ моеЯ, СветодАвче, и спасИ мя.
В Великий Вторник
Тропарь, глас 8
Се ЖенИх грядЕт… (см. выше).
Кондак, глас 2
Час, душЕ, концА помЫсливши, и посечЕния смокОвницы убоЯвшися, дАнный тебЕ талАнт трудолЮбно дЕлай, окаЯнная, бОдрствующи и зовУщи: да не пребУдем вне чертОга ХристОва.
|
|
В Великую Среду
Тропарь, глас 8
Се ЖенИх грядЕт… (см. выше).
Кондак, глас 4
ПАче блуднИцы, БлАже, беззакОнновав, слез тУчи никАкоже ТебЕ принесОх; но молчАнием молЯся припАдаю Ти, любОвию облобызАя пречИстеи Твои нОзе, Яко да оставлЕние мне, яко ВладЫка, подАси долгОв, зовУщу Ти, СпАсе: от сквЕрных дел моИх избАви мя.
В Великий Четверток. Воспоминание Тайной Вечери
Тропарь, глас 8
ЕгдА слАвнии ученицЫ на умовЕнии вЕчери просвещАхуся, тогдА ИУда злочестИвый, сребролЮбием недУговав, омрачАшеся и беззакОнным судиЯм ТебЕ, ПрАведнаго СудиЮ, предаЕт. Виждь, имЕний рачИтелю, сих рАди удавлЕние употребИвша: бежИ несЫтыя душИ, УчИтелю таковАя дерзнУвшия. Иже о всех благИй ГОсподи, слАва ТебЕ.
Кондак, глас 2
Хлеб приЕм в рУце предАтель, сокровЕнно тЫя простирАет, и приЕмлет цЕну СоздАвшаго СвоИма рукАма человЕка, и неиспрАвлен пребЫсть ИУда раб и льстец.
В Великую Пятницу. Воспоминание Святых Страстей Господа нашего Иисуса Христа
Тропарь, глас 8
ЕгдА слАвнии ученицЫ… (см. выше).
|
|
Ин тропарь, глас 4
ИскупИл ны есИ от клЯтвы закОнныя честнОю ТвоЕю КрОвию, на КрестЕ пригвоздИвся и копиЕм пробОдься, безсмЕртие источИл есИ человЕком, СпАсе наш, слАва ТебЕ.
Кондак, глас 8
Нас рАди РаспЯтаго, приидИте, вси воспоИм: ТогО бо вИде МарИа на дрЕве и глагОлаше: Аще и распЯтие терпИши, Ты есИ Сын и Бог Мой.
В Великую Субботу
Тропари, глас 2
БлагообрАзный ИОсиф, с дрЕва снем пречИстое ТЕло ТвоЕ, плащанИцею чИстою обвИв и вонЯми, во грОбе нОве покрЫв, положИ.
ЕгдА снизшЕл есИ к смЕрти, ЖивотЕ БезсмЕртный, тогдА ад умертвИл есИ блистАнием БожествА. ЕгдА же и умЕршия от преиспОдних воскресИл есИ, вся СИлы НебЕсныя взывАху: ЖизнодАвче, ХристЕ БОже наш, слАва ТебЕ.
МиронОсицам женАм при грОбе предстАв, Ангел вопиЯше: мИра мЕртвым суть прилИчна, ХристОс же истлЕния явИся чуждь.
Кондак, глас 6
БЕздну заключИвый, мертв зрИтся, и смИрною и плащанИцею обвИвся, во грОбе полагАется Яко смЕртный БезсмЕртный; женЫ же приидОша помАзати ЕгО мИром, плАчущия гОрько и вопиЮщия: сиЯ суббОта есть преблагословЕнная, в нейже ХристОс уснУв, воскрЕснет триднЕвен.
На литургии вместо Херувимской песни
Тропарь, глас 8
Да молчИт всЯкая плоть человЕча, и да стоИт со стрАхом и трЕпетом, и ничтОже земнОе в себЕ да помышлЯет: Царь бо цАрствующих и ГоспОдь госпОдствующих прихОдит заклАтися и дАтися в снедь вЕрным. ПредхОдят же СемУ лИцы Ангельстии со всЯким НачАлом и ВлАстию, многоочИтии ХерувИми и шестокрилАтии СерафИми, лИца закрывАюще и вопиЮще песнь: аллилУиа, аллилУиа, аллилУиа.
|
|
Молитвословия из Триоди цветной
Пасхальный канон
Дата добавления: 2018-10-26; просмотров: 173; Мы поможем в написании вашей работы! |
Мы поможем в написании ваших работ!