Кыче писательлэн биографиысьтыз та чуръёс. 5 балл
Удмурт литературая школьной олимпиадалы юанъёс но ужъёс
Класс.
Верано произведенилэсь нимзэ, авторзэ, жанрзэ (5 балл).
А. Куазь чилектэм кадь, матын тыл адӟиськиз,
Куазь гудыртэм кадь, пыӵал куара кылӥськиз.
Огкыл но вазьытэк, чик куара поттытэк,
Егит пи пограз ошмеслэн йыр азяз.
Б. Та югыт дуннеын, зарезьлэн ярдураз,
Улӥллям-вылӥллям кык кузя пересьёс:
Байметэн Пельгаен.
В. Та вӧсяськон кырын одӥг гинэ сирпу сылэ. Нокин вераны уз быгаты, дыр, кыӵе дауре, кыӵе аръёсы со татчы потӥз. Пересь ни со сирпу.
Г. «Я, ӟеч лу, Паня! Мон тодӥсько, сюлэмыд тынад туж умой», - ӧс доры дугдыса, Максим огшап ӝегатскиз, мар ке вераны турттэ на вал, лэся, ӧз ни вера, киыныз шоналтӥз.
Д. Мон кыӵесын. Вылам дӥсямын тӧдьы дэрем но пӧсь куазен нуллон тӧдьы штан. Юг-юг, чылкыт мед луозы шуыса, мон соосты быректыса-быректыса кӧня ке пол миськи…
Шедьтэ куззэ (5 балл).
| Кылэз чеберман амалъёс | Валэктонъёс |
| 1. Метафора 2. Олицетворение 3. Ӵошатон 4. Гипербола 5. Аллегория | а) Кыӵе ке предметэз яке явлениез мукетыныз ӵошатыса возьматӥсь чебер веран. Пуштросэзъя матын луэ метафоралы , но кутӥське кадь, выллем, сямен, мактал, музэн, укша но со выллем кылъёсын. б) Лултэм арбериез луло карыса суредан. в) Будосъёс но пудо-животъёс пыр, озьы ик инкуазьысь мукет макеос пыр адямиослэсь сямъёссэс но выросъёссэс возьматыса гожтон амал. г) Одӥг макелэсь тодметъёссэ мукет маке вылэ выжтыса веран. д) Тодмо мае ке мултэс бадӟыматыса веран. |
|
|
|
Котькуд валэктонысь шедьтэ янгышсэ но тупатэ ( 5 балл)
Житие – вашкала литератураысь сьолыко адямилэн улэм-вылэмез сярысь пыр-поч мадён.
Ода – кыӵе ке адямиез яке исторической учырез данъяса гожтэм верос
Очерк – улонысь зэмос учыръёс но адямиос сярысь лирической произведение.
Ассонанс – одӥг яке кӧня ке согласной куараосты трос пол кутыса текстэз чеберман амал.
Миф – вашкалаослэн инкуазь сярысь кырзанъёссы.
Шедьтэ мултэссэ, валэктэ. 5 балл
1.Ямб, амфибрахий, дактиль, анапест
2.Верос, очерк, кылбур, роман
3.Эпитет, метафора, кульминация, ӵошатон
4.Эпос, лирика, комедия, драма
5. Чипчирган, Калган, Дыдык, Чачабей
5. Тодады вае, кыӵе писательлэн биографиысьтыз та чуръёс (5 балл)
А. Сарапулысь реальной училищеез йылпумъяса, ог 30 ар пӧртэм школаосын тыршиз. Мултан уж дыръя удмуртъёс пала дурбасьтӥз. 1895 – тӥ арын священник луиз. Кыкез тодос ужъёсыз Ӟуч Географической обществолэн азвесь медальёсыныз пусъемын.
|
|
|
Б. Вордскиз Башкириын. Пединститутэз горд дипломен йылпумъяз. Солы аспирантурае мыныны дэмлазы вал, но со чеберлыко произведениос гожтон удысэз бырйиз. Грах ёросысь школаын дышетӥсь но директор луыса ужаз.
В. Вордскиз Вавож ёросын. Дышетскиз Кукаркаысь семинариын, Брюсов нимо Литературно-художественной институтын, аспирантураын. Калык тушмон карыса быдтэмын вал.
Г. Пичи дырысеныз секыт улонэз адӟиз. Кылбуръёс ӟуч кылын гожъяны кутскиз. Анай кылзэ ас кожаз дышетӥз. Тросэз кылбуръёсыз кырӟан луэмын. Ашальчи Оки нимо премилэн лауреатэз.
Д.Дышетскиз Казаньысь дышетӥсьёсты дасясь инородческой семинариын, но сое йылпумъяны ӧз кылды. Граждан ож дыръя Сибирьын ожмаськиз. Нырысетӥ удмурт романлэн, повестьлэн но трагедилэн авторзы луэ.
Яратоно писательдылэсь интервью басьтэ. Юанъёссэ но валэктонъёссэ асьтэос гожтэ (5 балл)
Валэктонъёс но соосты дунъяны юрттэт
Ваньмыз 30 балл. Котькуд шонер валэктон понна 1 балл. Авторез ке верамын овол, яке валэктонэз тырмыт овол – 0,5 балл
Верано произведенилэсь нимзэ, авторзэ, жанрзэ (5 балл).
А. М.Можгин «Беглой» баллада
Б. Г.Верещагин «Зарни чорыг» поэма-выжыкыл
|
|
|
В. Р.Валишин «Тол гурезь» роман
Г. Г.Красильников «Пыртос» верос
Д. О.Четкарёв «Кычес» повесть
Шедьтэ куззэ (5 балл). 1-г, 2-б, 3-а, 4-д, 5-в
Котькуд валэктонысь шедьтэ янгышсэ но тупатэ ( 5 балл)
Житие – вашкала литератураысь святой адямилэн улэм-вылэмез сярысь пыр-поч мадён.
Ода – кыче ке адямиез яке исторической учырез данъяса гожтэм кылбур
Очерк – улонысь зэмос учыръёс но адямиос сярысь эпической произведение.
Ассонанс – одиг яке коня ке гласной куараосты трос пол кутыса текстэз чеберман амал.
Миф – вашкалаослэн инкуазь сярысь валанъёссы, валэктонъёссы.
Шедьтэ мултэссэ, валэктэ. 5 балл
1.Ямб, кылбурлэн кык слогъем, мукетъёсыз куинь слогъем размерез луо
2. кылбур, лирической жанр, мукетъёсыз эпической луо
3. кульминация, сюжетлэн тужгес зырдыт интыез, мукетъёсыз кыл чеберман амалъёс луо
4. комедия, драмалэн одигез жанрез, мукетъёсыз литреатуралэн динъёсыз луо
5.Дыдык, «Секыт зибет» романысь, мукетъёсыз «Гаян» романысь геройёс луо
Кыче писательлэн биографиысьтыз та чуръёс. 5 балл
А. Г.Верещагин
Б. Роман Валишин
В. Кузебай Герд
Г. Алла Кузнецова
Д. Кедра Митрей
7. Интервью 5 юанлэсь ӧжыт медаз лу
Дата добавления: 2019-02-22; просмотров: 726; Мы поможем в написании вашей работы! |
Мы поможем в написании ваших работ!